Srirag mein kaann‍hh murali bajaavai | sapt sur-bhed avadhar taana

श्रीराग में कान्‍्ह मुरली बजावै | सप्त सुर-भेद अवधर तान विकट सो गति मधुर धरि मनस्तिज-मोद उपजावै ॥| बजत नूपुर धरत चरन अबनी, चतुर ताल चर्चरी सों ममनसि मन लावे | छीत-स्वामी' नवल लाल गिरिवरधरन गोप-बालक-संग बन तें आबै ॥

Murali

Part1-293

Shri

Yaatein maaee bhawan chhaad bunn jaiye ..| aankharas kanras batras

यातें माई भवन छाॉड़ बन जैये ॥| आँखरस कानरस बातरस सबरस नँदनंदन पै पैये ॥१॥ कल पल्‍लवब कर कंध बाहु धर संग मिले गुन गैयै ॥ रास बिलास बिनोद अनूपम माधौके मन भैयै ॥२॥ यह सुख सखीरी कहत नहिं आबै देखें दुख बिसरैये ॥ परमानंद स्वामीको संगम भाग्य बड़े तें पैये ॥३॥

Murali

Part1-293

Hameer

Maaee aaj tere saanbarenen bansi bajaai haye.. dhakit jamunakau

माई आज तेरे साँबरेनें बंसी बजाई है।। धकित जमुनाकौ नीर बछरा न पीवें क्षीर धीर मृग मीन अचल चलाई है ॥१॥ थकित उड्डगण पति पवन की मंदगति यही गति जादों पति जैजैवंती गायहीं ॥ सूरके प्रभुकी बंसी बाजी अति नीकी सुनि ताकौ लाग्यौं बान सोई तन जानहीं ॥२॥

Murali

Part1-293

Jejvanti

Bansi naan kaahooke buss bansine keene ree buss banseekon bajaay

बंसी न काहूके बस बंसीने कीने री बस बंसीकों बजाय जानें बंसी जाके बस है ॥ अधर रस प्रेम माती छिनहू न होत हॉती कानपरी प्राण लेत वे चसके रस है ॥१॥ नये नये नेह बाढ़े मोहनलाल नचाय छाँड़े ललित त्रिभंगी कान्ह मोहन सौं अस है।। हित हरिवंस परस्पर प्रीतम राश्ना बृषभान नंदनी सो रस है ॥२॥।

Murali

Part1-293

Malhar

Murali sunat bhaee mati bauri .. grih grihaten kaaraj taja apane

मुरली सुनत भई मति बौरी ॥ गृह गृहतें कारज तज अपने निकस चली मगु दौरी ॥१॥ नेन सिंदूर माँग अंजन दै श्रवन बिजौरा साजे॥ सीस तरौना माल गुही कच झूमक नाक बिराजे ॥२॥ एक छाँड़ि पथ पान करावत अपुने सुतहिं चली ॥ निरख निरख प्रफुल्लित ब्रजचंदर्हिं ज्यों वर कुमुद कली ॥३॥

Murali

Part1-293

Hameer

Murali tou naan maun dharey | harikar kamal yugalpar podhi

मुरली तोउ न मौन धरे | हरिकर कमल युगलपर पोढी कर गेंदुवा अधरें ॥९॥ कोलमकर अंगुरिन चांपत चरणन हरि हहें हरें ॥ शंका अतुल रहत उर अंतरमतियह जागपरें ॥२॥ स्वेद सहित सीतल अलकन हरि मंद वियार करें ॥ ब्रजपति अधरसुधा रसमातीपै नेंकन सुध विसरें ॥२॥

Murali

Part1-294

Kalyan

Bansiri bunn kaanh bajaabat .. aana sunau shravanan madhure swar

बंसीरी बन कान्ह बजाबत ॥ आन सुनौ श्रवणन मधुरे स्वर नादमध्य ले नाम बुलाबत ॥१॥ स्वर अति तान बँधान मूर्छना अमित अनागत लावत ॥ जुरयुग भुजशिर शैल शेष मथ बदन पयोधि अमृत उपजावत ॥२॥ मानों मोहनी भेष धरकें मनमोहन पान करावत ।। खगमृग मीन वश भये नादरस मृतक हुतो मदनैंजु जगावत ॥३॥ और कहाँ लगि कहों सूर थिर चर मोहे कोई

Murali

Part1-294

Kedaro

Bundaban saghankunj madhuri lataan tarr jamuna pulin mein

बूंदाबन सघनकुंज माधुरी लतान तर जमुना पुलिन में मधुरी बाजै बॉसुरी ॥ जबतें धुनि सुनी कान मानों लागे मैंन बान प्रानन की कासों कहूँ पीर होत होत पाँसुरी ॥१॥ ब्याप्यौ जु अनंग तातें अंग सुधि भूल गई कोऊ बंदौ कोऊ निंदौ करो उपहाँसुरी ॥ ऐसे ब्रजईशजू सो प्रीति नई रीति बाढ़ी जाके उर गढ़ब रही प्रेंम पुंज गाँसुरी ॥२॥

Murali

Part1-294

Kalyan

Aaj bunn bennu bajawat shyam .. yeh kaha chakrat bhaee vraj

आज बन बेंनु बजावत श्याम ॥ यह कह चक्रत भई ब्रज गोपी सुनत मधुर स्वर ग्राम ॥१॥ कोऊ ज्यौंनार करत कोऊ बैठी कोउ ठाढ़ी है धाम ॥ कोऊ जेंबत कोड पतिहिं जिमावत कोउ शुंगार में बाम ॥२।। मानों चित्रकीसी लिख काढ़ी सुनत परस्पर नाम ॥ सूर सुनत मुरली भई बौरी मदन कियौ तन ताम ॥३॥

Murali

Part1-294

Kedaro

Bansuri bajaai aachhe rangason murari .. suni kai dhuni chhooti gaee

बांसुरी बजाई आछे रंगसों मुरारी ॥ सुनि कै धुनि छूटि गई संकरकी तारी ॥१॥ वेद पढ़न भूलि गये ब्रह्मा ब्रह्मचारी ॥ रसना गुन कहि न सके लगी है कटारी ॥२॥ रंभा सब ताल चुकी भूली नृत्यकारी ॥ यमुनाजल उलटी वहै सुधि ना संभारी ॥३॥ श्री वूंदावन बंसी बजी तीन लोक प्यारी ॥ ग्वालबाल मगन भये व्रज़की सब नारी ॥४॥ श्याम सुंदर मोहनि मूरति नटवर वपु धारी ॥ सूर' किशोर मदनमोहन चरनन बलिहारी ॥५॥

Murali

Part1-294

Gouri

Murali mohan adhar dharee .. aaraj path bisarachau atur

मुरली मोहन अधर धरी ॥ आरज पथ बिसरच्ौ आतुर है तनहुँकी सुधि न परी ॥१॥ पदरिपुपट अटक्यौ न सम्हारत उलटि न पलटखरी ॥| कबहुँक शिवसुत बाहन भख मिल्यौ मनहु कि बुद्ध हरी ॥२॥ दुरि गये कीर कपोत मधुपष पिक सारँग सुधि न करी ॥ उद्डपति विद्यम बिंब लजानौ दामिनि अधिक डरी ॥३॥ मिलिहौं श्यामहि हंस सुतातट आनँद उमँगभरी ॥ सुर श्यामकौं मिली परस्पर प्रेम प्रवाह भरी ॥४॥

Murali

Part1-295

Kedaro

Suniye hoe dhara dhyaan sudharas murali baajai .. shyam adhar

सुनिये हो धर ध्यान सुधारस मुरली बाजै ॥ श्याम अधर पर बैठ बिराजत सप्तस्वरन साजै ॥|१॥ बिसरी सुधि बुध गति सबहिनकी सुनि वेणु मधुर कल तान ॥ मनगति पंगु भई ब्रजयुवती गंधर्व मोहे गान ॥२॥ खगमृग थके फलन तृण तजिकें बछरा न पीवत क्षीर ॥ सिद्ध समाधि थके चतुरानन लोचन बहै सब नीर ॥३॥ महादेंवकी तारी छूटी अतिह्नै रहे सचेत ॥। ध्यान टरथ धुनिहीं मन लाग्यौ सुरासुर भये अचेत ॥४॥ यमुना उलट बही अति व्याकुल मीन भये बलहीन ॥ पशुपक्षी सब थकित भये हैं रहे इकटक लवलीन ॥५॥ इंद्रादिक सनकादिक नारद शारद सुनि आवेश ॥ घोष तरुणी आतुर ह्वै धाईं तजि पति पुत्र अँदेश ॥६॥ श्रीबृंदावन कुंज कुंज प्रति अति विशाल आनंद ॥ अनुरागी पियप्यारी रसबस अचेत भये सानंद ॥७॥ तीन भुवन भरनाद प्रकाश्यौ गगन धरणि पाताल ॥ थकित भये तारागण सुनिर्कैचंद भयौ बेहाल ॥८॥। नटवर वेष धरें नैंदनंदन निरख विवश भयौ काम ॥ उर नव चरण भुज पंकज नील जलद तन श्याम ॥९॥ जटित जराव मुकुट कुंडल छबि पीत बसन शोभाय ॥ बूंदावनरसरासमाधुरी निरख सूर बलि जाय ॥

Murali

Part1-295

Kedaro