Bansi banraj aaj aaee ranjeet .. mentatahai apane bal

बंसी बनराज आज आई रणजीत ॥ मेंटतहै अपने बल सबहिनकी रीतें ॥१॥ बिडरे गज यूथ शैल सैन तुरत भाजी ॥ घूँघट पट कवच टूट छूट सब लाजी ॥२॥ काहू पतिगेह तजे काहू तन प्रान ॥ काहू सुख सरन लयौ सुनत सुयश गान ॥३॥ कोऊ पद परस गये अपने मनदेश ॥ कोऊ रसरंग भरे ते भये नरेश ॥।४॥| देत सबन मारुत मिल दसहूँ दिश दुहाई ॥ सूरज गोपाललाल बंसी वश माई ॥॥५॥

Murali

Part1-295

Kedaro

Radhika raman kii muralika shravan suni bhawan grih kaaj

राधिका रमन की मुरलिका श्रवण सुनि भवन गृह काज तज गमन कीयौ भामिनी ॥ नाद रस बिवश भईं आन गति छूट गईं बिपिन आतुर चलीं रूप अभिरामिनी ॥९॥| निकट पियके गई रसिक कर गहि लई गिरिधरन श्यामघन जुबती सौदामिनी ।। करैं वासर केलि कंठ पर भुज मेलि चतुर संग चत्रभुजदासकी स्वामिनी ॥२॥।

Murali

Part1-296

Kedaro

Ketik bhaar hari yaa muraleemen yai tau naan dekhayau vaa mahagirivarmein..

केतिक भार हरी या मुरलीमें यै तौ न देखयौ वा महागिरिवरमें॥ बायें कर उठाय राख्यो सप्त रातद्योस वह झुकी रहत यह दाहिनें करमें ॥॥१॥ जब कबहुँ उठाय लेत हुहूँ करनमें क्यों हूँ क्यों अवार आय लगत अधरनमें ॥ ऐतौ सुहाग भाग दीयौ गदाधर प्रभु राख्यो अधिमान इन थिरमें न चरमें ॥२॥

Murali

Part1-296

Kedaro

Madhur mohan mukhahin murali baajau . sunahi kinn kaana daiy

मधुर मोहन मुखहिं मुरली बाजौ । सुनहि किन कान दै सुघर ब्रज-नागरी राग केदारौ, चर्चरी ताल साजैं॥ सप्त सुर-भेद वधान तुअ नांउ लै करत गुन-गान मिलि, तुअ हित काजै | छीत-स्वामी' नवल लाल गिरिधरन को वेगि मिलि भेटि, मन्मथ-दाह दाजै ॥

Murali

Part1-296

Kedaro

Muraliya merrie daiy priya tohi vrishbhan babaa kii aana hoe

मुरलिया मेरी दै प्रिया तोहि वृषभान बबा की आन हो तोहि रानी कीरतिजू की सौंह हो ॥ अहो पिया मुरली सुंदर बाँस की हो सीखी में जतन अनेक ।। मो बिन छिन जीजै नहीं और यह मुरलीकी टेक ॥१९॥ अहो पिया मुरली छिनम छाँडौ नहीं और जहीं जहीं हों जाऊँ ॥| कै कटि कै करमें रहै कै अधरनपै ठाऊँ ॥|२॥ बंसकुलन मुरली भई हो बसीकरनके हेत ॥ तुमकौं आन मिलावही हो निज मंदिर संकेत ॥।३॥ मुरली मेरी मोहनी हो मोहे इन सब गाम ॥ गूढ़ मंत्र यामें रहै हो श्रीराधा राधा नाम ।।४॥ अहो प्रिया मुरली के गुणगान घनेरे देहु कृपा अनुराग || तन मन धन वारौ सब्ै हो यह मेरौ बड़भाग ॥५॥ रीझ् प्रिया मुरली दई और कंठकौ हार ॥ ब्रजभूषन हित लाडिली मिल बिलसे बिपिनबिहार ॥६॥

Murali

Part1-296

Kedaro

Paradesani naari akeli .. binn raghunath aur naheen kouu maat

परदेसनि नारि अकेली ॥ बिन रघुनाथ और नहीं कोऊ मात पिता न सहेली ॥१॥ रावण रूप धरतच्नौं तपसीकौ कितमें भिक्षा मेली ॥। आज्ञा नहीं हीन मति मेरी रामरेख पद पेली ॥२॥ विरह ताप तन अधिक जरावत जैसें द्रम बन बेली ॥ सूरदास प्रभु बेगि न मिलिहें प्राण जात हैं खेली ॥॥३॥

Shri Ramchandraji ke Karkha

Part1-297

Maru

Jopai raam rajaa houn paauun || naan karon shank lunk madh kii kachhu

जोपै राम रजा हों पाऊँ || न करों शंक लंक मढ़ की कछु सायर खोद बहाऊँ ॥।१॥ बढ़ूँ शरीर पैठ परमित कर सकल कटक पहोचाऊँ। कहौ तौ रावण कुल समेत सब बाँध चरण तर लाऊँ ॥।२॥ हौं सेवक हरि ऐसौ कहौ तौ रावण कुल समेत सब बाँध चरण तर लाऊँ ॥२॥ हों सेवक हरि ऐसौ तुम्हारा कहा एक मुख गाऊँ ॥ सुर और असुर सबै जुर आयें तो रण नहिं पीठ दिखाऊँ ।।३॥ रावण मारि सिया घर लाऊँ तौ तुमरों दास कहाऊँ ॥ सूरदास प्रभु बिन कीयें कारज मुख नहीं आन दिखाऊँ ॥४॥।

Shri Ramchandraji ke Karkha

Part1-297

Maru

Hoe lakshman seetaa kaunein hari .. yeh joo madhee barrin bhaee humm kaun

हो लक्ष्मण सीता कौनें हरी ॥ यह जु मढी बैरिन भई हम कौं कंचन मुग जो छरी ॥९१॥ जो पै सीता होय मढ़ी में झाँकत द्वार खरी ॥ सूनी मढ़ी देखि रघुनंदन आवत नयन भरी ॥२॥ एक दुख हतो पिता दशरथकौ दूजौ सीय करी ॥ सूरदास प्रभु कहत भ्रातसौ बनमें बिपति परी ॥३॥।

Shri Ramchandraji ke Karkha

Part1-297

Maru

Mundariya merrie dey lalaa tohi baabaa nandmaharki aanaho ...

मुंदरिया मेरी दे लला तोहि बाबा नंदमहरकी आनहो ॥। तोहि ब्रजरानीजू की सौंहहो ॥| अहो लाल झगरौ कछुअन कीजिये हो एक गामकौ बास ॥ जतीया चारें को बड़े को ठाकुर को दास ॥१॥ अहो लाल इतने ते इतनी भई हो संगही खेलत खात ॥ अब चितबत लज्जा भई हो सिथिल होत सब गात ॥२॥ अहो लाल भूषन होय दुराइये मोपें करन दुरायो जाय ॥ जब ग्रह गमनहों करौं हो देखि मेरी माय रिसाय ॥३॥ अहो लाल इतनी बात न जानीयै हो मुंदरी रतन अमोल ॥ जतन जतनकर राखियौ तेरी सब गैयनकौ मोल ॥|४॥ अहो पिया मुँदरीतौ बनमें गई हो चलौ हम तुम देखन जाँय ।। ढूँढठन मिस तहाँ तें चले दोऊ कंठ भुजा उर लाय ॥५॥। मिस ही मिस वहाँ तें चले दोऊँ कुंजमहल में आय ॥ प्रभु मुक्कुंद राधा मिली देखत माधौं जन सचुपाय ॥६॥

Murali

Part1-297

Kedaro

Murali sunat bhaee pati bauri .. grihagrihate kaaraj taja apane

मुरली सुनत भई पति बौरी ॥ गृहगृहते कारज तज अपने निकस चली मगदौरी ॥।|९॥ नयन सिंदूरमंग अंजत श्रवण बिजोरा साजें ॥ सीस तरोना मालगुहीं कचझुमक नाक बिराजें ॥२॥ एक छांड पयपान कराबत अपने सुतहि चली ॥ निरखनिरख प्रफुल्लित ब्रजचंदही ज्यों वर कुमुदकली ।।३।।

Murali

Part1-297

Kalyan

Kapi chalal‍you seeya sudhikaun puni paanyan tunn lataki kai ..

कपि चलल्‍यो सीय सुधिकौं पुनि पाँयन तन लटकि कै ॥ रिपुकौ कटक विकट ताकौ चौथौ अंस पटकि कै ॥९॥ रथसौं रथ भटनसों भट चट पटीसी चटक के ॥ जारि कै गढ़ लंक विकट रावण मुकुट झटक कै ॥२॥ कितेक छैल तंदुल से छरे लै लै मूशल मटक के ॥ गिरिसौं गज गेंदसी गहि डारओ भूमि भटक कै ॥३॥ सुरपुर आनंद उमग उरसौं ऑट अटककें ॥ नंददास बहुरद्यौ नट ज्यों उलटि पाछौ समुद्र सटकक ॥॥४॥

Shri Ramchandraji ke Karkha

Part1-298

Maru

Yahi bidhi paar pohonchyaun pawan poot doot shree raghunathkau .. chhootyou

यहि बिधि पार पोहोंच्यौं पवन पूत दूत श्री रघुनाथकौ ॥ छूटयोौ जानौ धनुषतें सर परम सुभट हाथ कौ ॥९॥ थरथर जहाँ करत मीच ऐसी राजधानी ॥ पैठत तिहिं लंक बंक कपि न शंकमानी ॥२॥ पुर मंदिर गिरि कंदर सुंदर मणिराई ॥ रावण रणवास ढूंढ्यौं कहूँ न सीय पाई ॥३॥ तब कह यह जेतिक नगरी सगरी उचक लीजै ।। उहाँई लै जाय रामहिं जानकी ढूँढ़ दीजे ॥४॥ कैधों दशकंध अंध इहाँई लै मारौं ॥ कैधौं रघुवीर आगें बाँधि रिपुहिं डारों ॥५॥। यह बिधि बल अपनौ कपि सोचत जिय माँही ॥ नंददास प्रभुकी मोहि ऐसी आज्ञा नाहीं ॥६॥।

Shri Ramchandraji ke Karkha

Part1-298

Maru