Jaba kudyau hanuman udadhi jaanaki sudhi laine kaun .. dekhanakon

जब कुद्यौ हनुमान उदधि जानकी सुधि लैन कौं ॥ देखनकों दशमाथ अपने नाथकोौं सुख देनकौं ॥९॥ जा गिरि पर चढ़ि कुलाँच लीनी उचकैयाँ ॥ सो गिरि दशा योजन धँसि गयौ धरनी महियाँ ॥२॥ धरनी धँस गई पाताल भार परें जाग्यौ ॥ शेषहूकौ शीश जाय कमल पीठ लाग्यौ ॥३॥। अरुण बदन श्वेत दशन बड़ी पीन गात है ॥ उत्तरतें दक्षिण मानों मेरु उड़चौ जात है ॥४॥ जा प्रभुकौ नाम लेत भव जल तर जात है॥ शत योजन सिंधु कूद्यौ तौ केतिक यह बात है ॥५॥ रामचंद्र पद प्रताप जगतमें यश जाकौ॥ नंददास सुरनर मुनि कौतुक भूले ताकौ ॥६॥

Shri Ramchandraji ke Karkha

Part1-298

Maru

Tumein pahenchaanat naahinn veer .. inn nainanmein kabahun naan dekhe

तुमें पहेंचानत नाहिंन वीर ॥ इन नैननमें कबहुँ न देखे रामचंद्र के तीर ॥१॥ मुँदरी डार दई जब करतें तब मन उपजी धीर ॥ सूरदास प्रभु लंका घेरी बाँध्यो सायर नीर ॥२॥।

Shri Ramchandraji ke Karkha

Part1-299

Maru

Jaanaki houn raghupati kau cheraun .. beera dey raghunath pathaayau

जानकी हों रघुपति कौ चेरौं ॥ बीरा दे रघुनाथ पठायौ शोध करनकों तेरी ॥१॥| दस और आठ पद्म बनचर ले चाहत हैं गढ़ घेरो ॥ तिहारे कारन श्याम मनोहर निकट दियौ है डेरौ ॥२॥॥ अब जिन शोच करो मेरी जननी जनम हों चेरौ ॥ सूरदास प्रभु तिहारे मिलनकों शारद रंक कित फेरौ ॥३॥

Shri Ramchandraji ke Karkha

Part1-299

Maru

Jaaraun gadh lunk aaj jaisen raavan bhaya maanein ... sitapati

जारौं गढ़ लंक आज जैसें रावण भय मानें ॥। सीतापति सेवक मोहि आयौ को जाने ॥१॥ एक एक रोम पर हने लक्ष बाना ॥ त्यों त्यों कपि फेरत है रामचंद्र आना ॥२॥ एक भेंट उनकी लै उनही को दीजै।। ज्यों ज्यों लंगूर उठे त्यों त्यों कपि धीजे ॥३॥ रामचन्द्र बिपद हरन कितहूँ नहीं भूले ॥ सीता दुख परम कठिन ब्यापत उर शूले ॥॥४॥ इन सुखन कनक भवन तजि निधि हारे ॥ ते अब मंदिर पवन पूत विषम ज्वाल जारे ॥५॥ बीच बीच धूम धार बिच बिच झंकारे ॥ बिच बिच देखिये सूरश्याम बरन कारे ॥।६॥

Shri Ramchandraji ke Karkha

Part1-299

Maru

Banchar kaun desh tein aayou .. kahaan hain raam kahaan hain lakshman

बनचर कौन देश तें आयौ ॥ कहाँ हैं राम कहाँ हैं लक्ष्मण कहाँ ते मुद्रिका लायौ ॥१॥ हों हनुमान रामजूकौ सेवक तुम सुधि लैन पठायौ ॥ रावण मार लै जाऊँ तुमकों राम रजा नहिं पायौ ॥२॥ तुम जिन जिय डरपौ मेरी माता जोर राम दल धायौ ॥ सूरदास रावण कुल खोयौ सोवत सिंघ जगायौ ॥३॥।

Shri Ramchandraji ke Karkha

Part1-299

Maru

Lunk prati raam angad pathaavo .. jaao baali bali biir suta

लंक प्रति राम अंगद पठावो ॥ जाओ बाली बली बीर सुत बालिका बिबिध वाणी कहैं मुखहिं भाव ॥|९॥ बचन अंगद कहैं कहाँ पठवत मोहि बात इतनी कहौ नाथ मेरे ॥ कहौ तौ प्राकार और द्वार तोरन सहित लंककों लै धरों अग्र तेरे ॥ _.॥ सकल बनचरनकों लै धरों लंकमें कहौ तौ गिरिशिलनसों सिंधु पूरूँ !। सूर सुनि बोल अंगद कहत रामसों प्रबल बल कहौ तौ अरिवंश चूरूँ ॥३॥

Shri Ramchandraji ke Karkha

Part1-300

Maru

Aaj raghuveerkau biir aayou ...| jaari lankaa sakal maari

आज रघुवीरकौ बीर आयौ ।॥| जारि लंका सकल मारि राक्षस बहुत सीय सुधि लै कुशल फिर सिधायोौ ॥१॥ कहत मंदोदरी सुनहु दशकंध पिय बड़ौ अपमान करि गयौ तेरी ॥ अजहूँ मन समुझिकें मूढ़ मिल रामसों सूर मतिमंद कहा मान मेरौ ॥२॥

Shri Ramchandraji ke Karkha

Part1-300

Maru

Shree raam avesh angad chalal‍yau lankakon prabhu jaba dodd curran

श्री राम आवेश अंगद चलल्‍्यौ लंककों प्रभु जब दोड करन फीठ थापी ॥ धरणि धैँसि सिंधु गई सभा उलटी भई इनहिमें कौन रावण प्रतापी ॥॥१॥ श्रीरामकों शत्रु कर आप शिर छत्र धर रहि न पावेै कहूँ ऐसो पापी ॥ ठौरहि ठौर बहु रूप रावण भये सबहि अंगद प्रति बचन बोले ॥२॥ सूर अंगद कहै मा हुती सूकरी बहुत रावण जने पेट खोले ।।३॥

Shri Ramchandraji ke Karkha

Part1-300

Maru

Jey veer sahajamen hoy tou bal naan keeje .. raat mahapurush kii

जे वीर सहजमें होय तो बल न कीजे ॥ रात महापुरुष की आदि ते अंत लों जानिकें काहूकों दुख न दीजै ॥१॥ जाय अंगद कहौ आपुनी साधुता यह बचन कहत कछु दोष नाहीं॥ लाभ अति होयगौ शत्रु करि मित्रता दीनता भाखिये जाय ताहीं ॥२॥ साधु के पास जगदीश कोऊ कहै बोलिये साधुता टेक छोरी ॥ बालिनंदन प्रति राम ऐसें कहें सबनकी सूर प्रभु हाथ डोरी ॥३॥

Shri Ramchandraji ke Karkha

Part1-300

Maru

Aau raghuveeraki sharan angad kahai maani ray moodhgati bachan merau...

आउ रघुवीरकी शरण अंगद कहै मानि रे मूढ़गति बचन मेरौ।॥ जाओ रे ज़ाऔ जब कोपि लंकेश कहे भुजन मेरी बस्यौ काल तेरौ ॥१॥ सुर असुर नाग बलि जेते हैं जगत में इंद्र ब्रह्मा सबहि मैं नबाये ॥ बात अद्भुत सबे और पाछें रही रीछ कपि लैन गढ़ लंक आये ॥२॥ वाम करकी यह अल्प सी अंगुरी लंक गढ़ बंक छिनमें ढहाऊँ ।| कहा करूँ नेंक मोहि शंक रघुबीरकी रंक तोहि मार अबही उड़ाऊँ ।।३॥ होहि ऐसौ बली काहे न मुग्ध बल बालिसे बापकौ बैर लीनौ ॥ तातके भ्रातकी मात पत्नी करी शन्रुकी शरण जाय मूँड़ दीनौ ॥४॥ हुते मम तातके राबरे से लक्षण धर्मकी मेंड जिन तोर डारी ॥ परिरहें अब धूर ततकाल तेरे बदन राम अवतार खल दंडधारी ॥॥५।। सुनतही बचन मानों फनग कौ फन चफ्यौ सिंघकी पूँछ सोबत मरोरच्यौ ॥| ज्वलित पावक सदृश बीश लोचन विकल पटक भुज उठत मंत्री निहोरद्ौ।।६॥ जौ लों आये ऐंड अभिमान मद धरत ग्रीवमें बंक दै दृष्टि डीठी ॥ सुर सुरी बंकुरी भुजा रघुबीरकी जौ लौं मतिमंद तें नाहीं दीठी ॥७।। चपल बनचरकी जात अति बोलनी कहा राजानसों बोल जानें ॥| छत्रकी छाँह इंद्रादि थर थर करें बंक यह ढीट नहिं शंक माने ॥८॥ करूँ जिय शंक जो अधिक तोकों गिनूँ जो कछु अपनपौ घट बिचारूँ ॥ भुजनसों पलटि दिगषाल सब दल मलूँ धरनि नभछत्र जो फार डारूँ ॥।९॥ रहि रे सुभट समसेर अधसेरतू अपनकौ बल जिय नहिं बिचारै | कहत परधान महाराज रावण बली अवबनि रहि आभसों बाथ मारे ॥१०।॥ परच्नौ बलि द्वार परिहार वामन गदा किंकिरी कोर है दै जिवायौ ॥ तात मम पालने आनि बाँध्यौ जबै रैपटन मार कैड़बार खायौ ॥११॥ मरमकौ बचन सुन खेद हियमें भयौ चटपटी लाय भृकुटी चढ़ावै ॥ है कोऊ सूर सामंत मेरी सभा मार लैहौं मंद नहिं जान पावे ॥१२॥ एक रैपट दियें मुकुट उड़ि जायँगे सभा सब चरणसों चाँपि डारूँ।। बालिकौ पूत ह्लै शोच जियमें करूँ सिंघ द्वै में्क्न कहा मारूँ॥१३॥| करत अपराध उत्पात छोटेनकूँ बड़ेनकूँ क्षमा भूषण कहावै ॥ जान देहु दूत अबलों न मारथौ कहूँ पशुनसों लरत जिय लाज आबै ॥१४॥ सूर किशोर जब बालिनंदन कहां शीश अब कौन तो सौं पचावै ॥ नेक धर धीर रणधीर रघुबीर भट देख तरबार कैसी चलावै ॥१५॥

Shri Ramchandraji ke Karkha

Part1-301

Maru

Aaj raghupati chadhe lunk gadh lainakon .. avani chanchal bhaee shesh

आज रघुपति चढ़े लंक गढ़ लैनकों ॥ अवनि चंचल भई शेष सुधि बुधि गईं कमठकी पीठ फट मिल गई रैनकों ॥१॥ होत अंदोल सागर सप्त दिगपाल भये भयभीत अति उड़ि चले गैनकों ॥ कहत मंदोदरी सुनहूँ दशकंध पिय लै मिलौ सीय राजीवदलनैनकों ॥२॥ वे तौ जगदीश को ईशकौ बल कहा एक बनचर आय जारि गयौ ऐनकों ॥ हरिनारायन श्यामदास के प्रभुसों बैर कर कंथ पावै न सुख चैनकों ॥३॥

Shri Ramchandraji ke Karkha

Part1-302

Maru

Jai badau baali nandan bali bikat banchar mahadwar raghivurkau biir

जै बड़ौ बालि नंदन बली बिकट बनचर महाद्वार रघीवुरकौ बीर आयोौ ॥ पौरितें दौरि दरबान दशशीशसों जाय शिरनाय यौं कहि सुनायौ ॥१॥ सुन श्रवन दशबदन सदन अभिमानकौ नयनकी सैंन अंगद बुलायौ ॥ विविध आयुध धरें सुभट सबही खरे छत्रकी छाँय निर्भय जनायौ ।।२॥ देख हरि वेष लंकेश हरहर हँस्‍्यौ सुनहुँ भट कटककौ पार पायौ ॥ देव दानव महाराज रावण सभा कहनकों मंत्र तहाँ कपि पठायौ ॥३॥ अरे रंक रावण कहा तंक तेरी इती दुहुँ कर जोर बिनती बितारों ॥ परम गंभीर रघुबीर तन राम पर बीस भुज शीश दश बारि डारों ॥|४॥ झटकि हाटक मुकुट पटक पट भूमिसों झार तरबार तुव शिर सिंघारों ॥ जानकीनाथके हाथ तेरा मरन कहा मतिमंद तोहि मध्य मारो ॥५॥ पाक पावक करे वारि सुरपति भरै पवन पावन करे द्वार मेरें॥ गान नारद करै वार सुर गुरु कहै वेद ब्रह्मा पढ़े पौर टेरें ॥६॥ यक्ष बासुकी प्रभृति नाग गंधर्व मुनि सकल विश्वजीत मैं किये चेरे | अरे सुन शठ दशर्कंधकों कौन भय राम तपसी आय किये डेरे ॥७॥ अरे तप बली सत्य तापेश्वरी तप बिना कौन पाषाण तारे ॥ कौन ऐसौ सुभट जगत जननी जन्यौ एकही बाण तक बालि मारे ॥।८॥ परम गंभीर रघुबीर दशरथ तनय शरन गये कोटि अवगुण बिसारे ॥ जाहि मिल अंध दशकंध गहि दंत तृण तो भलें मृत्यु मुख ते उबारे ॥९॥ कोप करबाल गहिकाल लंकाधिपति मूढ़ रिपु रामकों शीश नाऊँ ॥| शंभुकी शपथ सब कुप्थ कायर कृपण श्वास आकाश बनचर उड़ाऊँ ॥१०॥ परहिं भैराय भभकंत रिपु धाय सो कर कदन रुधिर भेरों अघाऊँ ॥ सुभट साजे सबै देव दुंदुभी अभे एकतें एक रणकर दिखाऊँ ॥|१९१॥ चढ़च रावण सुन्यौ शीश तब शिव धुन्यौ उमग रणरंग रघुवीर आयौ ॥। रामशर लागि जनु आगि मभिरि प्रज्वलित छाँड़ि छिनु सीस नभ भातु छायौ ॥१२॥ रुंड भुकरुंड धुक परत छर धरनि पर रुधिर सरिता समर पार पायौ ॥ मार दशकंध नृप बँधुकृत सूर प्रभु जानकीनाथ गृह सीय लायौ ॥१३॥

Shri Ramchandraji ke Karkha

Part1-302

Maru