Chadhe hari kanak puri parr aaj .. kanpee dharani thurr harchou umber

चढ़े हरि कनक पुरी पर आज ॥ कँपी धरणि थर हरचौ अंबर देख दलनकौ साज ॥१॥ असुर सबै पंछी ज्यों भाजे लक्ष्मण छूटे बाज ॥। सूरदास प्रभु लंका आये दैन बिभीषण राज ॥२॥

Shri Ramchandraji ke Karkha

Part1-303

Maru

Dekhi hoe kanth raghunath aayee || chhipyau shashi sur atee chaah

देखि हो कंथ रघुनाथ आयी || छिप्यौ शशि सुर अति चाह चकृत भयौ धूरसों पूर आकाश छायौ ।।१॥ तब न मान्यौ कहो आपने मद रह्ौ देहके गर्व अभिमान बाढ़चौ ॥ सुनव हो कंध अब कठिन भयौ छूटवौ गहे भुज बीस करबाल गाढ़ौ ॥२॥ सिंधु गंभीर दल छांड़ि दै मुग्धबल तें न कीनी कहूँ टेक गाढ़ी ॥ बचें क्‍यों डूबते माँझ लाग्यौं धका लंकसी नाव है टूक फाड़ी ॥ ३॥ कहत सुन सूर तू गिन्‍यौ पंछीनमें आन अचरज पर आज खेले ॥ भजे क्‍यों उबरि हे बाज हनुमानपैं मूढ़ जब जानकीनाथ मेले ॥४॥

Shri Ramchandraji ke Karkha

Part1-303

Maru

Piya merey lankaa banchar aayou .. curr prapanch hari tey seetaa

पिय मेरे लंका बनचर आयौ ॥ कर प्रपंच हरी ते सीता लंका कोट ढहायौ ।।१॥ तबहीं मूढ़ मरम नहीं जान्यौ जबही मैं समुझायौ ॥ अब किन मिल अपराध क्षमा वे रामचंद्र चढ़ि आयौ ॥।२॥। ऊँची ध्वजा देख रथ ऊपर लक्ष्मण धनुष चढ़ायौ॥ गहि पद सूरदास भामिनि कहै राज बिभीषण पायौ ॥३॥

Shri Ramchandraji ke Karkha

Part1-303

Maru

Maan dashkandh matimand merrie kahou jaanaki daiy mill sanga keejai..

मान दशकंध मतिमंद मेरी कह्ौ जानकी दै मिल संग कीजै॥ कोपि कर चढ़च रनधीर कौशल कुमर चरण गहि दान पिय माँग लीजे ॥श॥। जाके ऋक्ष बानर सुभट अटक मानै नहीं कौन सन्मुख होय उनहिं बारे ॥ मेरो कह्ौौ मान जिय जाँन साँची कहूँ शीश दस बीस भुज काट डारे ॥२॥ पवन पावक अटल देव दानव सकल चरण गहि शरण मम नित्य आबै ॥ सुनौ रे नार करतार थर थर करै रंक रघुबीरकी को चलाबै ॥३॥ उठे जो कुंभ जिन शंभु सेव्यौ सदा सकल बनचर चरें भूख भागें ॥ मेरौ कह्लौ मान जिय जान साँची कहूँ दीपक पतंग ज्यों मृत्यु आगें ॥४॥ एक हनुमान अभिमान तेरौ हन्यों कुँवर सँहार सब लंक जारी ॥ अजहुँ रे समझ हित हेतकी बात सब अंत आयौ कंत कहत नारी ॥५॥ शरण सुधीर रघुवीर अशरण शरण ताहिसों क्यों पिया बाद कीजै ॥ मेरी कहाौ मान अज्ञान तज दुष्टता छाँड़ि पीयूष विष काहे कूँ पीजै ॥६॥ मेरौ नाम रावण त्रैलोक कंटक कहै शीश दस बीस भुज चरण नाऊँ॥ खड़ग जो कर धरों मरणते कहा डरों दीनता भाख कहा कुल लजाऊँ ॥७॥ मनोहर दास कैलाश जीत्यौ सकल अब देख बैकुंठ पर बाथ बाऊँ॥ धन्य मम मात अरु धन्य मम तातकों मृत्यु रघुनाथके हाथ पारऊँ ॥।८॥

Shri Ramchandraji ke Karkha

Part1-303

Maru

Raghupati munn sandeh naan keejai .. moe dekhat lakshman kyon marihen

रघुपति मन संदेह न कीजै ॥ मो देखत लक्ष्मण क्यों मरिहें मोकों आज्ञा दीजै ॥९॥ कहौ तौ सुरज उगन न दैहौं नहीं दिश ऊगै ताम ॥ कहौ तौ गन समेत ग्रसि खाऊँ यमपुर जाय न राम ॥२॥ कहौ तौ काले टूक टूक कर खंड खंड कर डारौ ॥ कहौ तौ मीच मारि जारिकें गहि पाताले गारों॥३॥ कहौ तो चंदा लै आकाश तें लक्ष्मण मुखहिं निचोरों ॥ कहौ तो सिंधु सुता कौ सागर तुम समीप लै घोरों ॥४॥ मोसौ जन सेवक है जाकौ ताहि कहा सकराई ॥ सूरदास मिथ्या नहीं भाखों मोय रघुबीर दुहाई ॥५॥

Shri Ramchandraji ke Karkha

Part1-304

Maru

Nirakh mukh raghon dharat naan dheer .. karunawant vishal kamaldal

निरख मुख राघों धरत न धीर ॥ करुणावंत विशाल कमलदल लोचन मोचत नीर ॥१॥ बोलत कैसें न रहे मौन छ्वे विपति कटावन बीर ॥ बारह बरस नींद बन त्यागी मेरे प्रानन पीर ॥२॥ सीता हरन मरन दशरथकौ रण बैरिन की भीर ॥ अब तो सूर सुमित्रा सुत बिन कौन लगाबै तीर ॥३॥

Shri Ramchandraji ke Karkha

Part1-304

Maru

Kahau kapi raghaukau sandesh .. kushal kshema lakshman baidehi

कहौ कपि राघौकौ संदेश ॥ कुशल क्षेम॒ लक्ष्मण बैदेही श्रीपति सकल नरेश ॥१॥ जिन पूँछी कुशलात नाथकी अहो भरत बलवीर ॥ बिमल देह दुख भरहिं रहत है या जलनिधी के तीर ॥२॥ गहबर बसत निशाचर छल कियौ हरी सिया मो मात ॥ ता कारण लक्ष्मण शिर दीनौ भये राम बिन भ्रात ॥३॥ इतनी श्रवन सुनत शिर ढारग्ौ निरख भूमि परञ्नौ सोई ॥ हाय हाय कर पुत्र पुत्र कहि लोट सुमित्रा रोई ॥४॥ धन्य सो पूत पिता पन राखे धन्य सो कुल जिहिं लाजै ॥ धन्य सो सेवक अंत के अवसर आवै प्रभु के काजै ॥५॥ ता कारन रघुनाथ पठायौ हों जु लैन गिरि आयौ ॥ है अति दूर निशा सब बीती को लक्ष्मणहिं जिवायो ॥६॥ लै पर्वत शर बैठ पवन सुत् हों प्रभुषँ पहोंचाऊँ ॥ सूरदास पॉवखित मेरे तब लगि भरत कहाऊँ ॥७॥

Shri Ramchandraji ke Karkha

Part1-304

Maru

Antaryami hoe raghubir .. karunasindhu akaam kalpataru jaanat

अंतरयामी हो रघुबीर ॥ करुणासिंधु अकाम कल्पतरु जानत जनकी पीर ॥१॥ बाली त्रास बनबास विषमबृत व्यापत सकल शरीर ॥ सो सुग्रीव कियौ कपि कुलपति मेंटि महा रिपुभीर ॥२॥ वेद पुरानन महा पुनिन कृत यश गावत मुनि कीर ॥ बहोरि यों कर थाप्यौ सूर प्रभु रामचंद्र रणधीर ॥३॥

Shri Ramchandraji ke Karkha

Part1-305

Maru

Sunau kapi kaushalya kii baat .. yeh purr jinn aau munn

सुनौ कपि कौशल्या की बात ॥ यह पुर जिन आऔ मन वॉछित बिन लक्ष्मण लघु भ्रात ॥१॥ छाँड़ि राज काज माता हित तुम चरणन चितलाय ॥ ताहि विमुख जीवन धीक रघुपति कहियो कपषि समुझाव ॥२॥ जो तुम कुशल क्षेम वैदेही तौ आन राजपुर कीजो ॥ नॉतर सूर सुमित्रा सुतपर वारि अपनपौ दीजो ॥३॥

Shri Ramchandraji ke Karkha

Part1-305

Maru

Poyto poonji chaley raghunath . hanuman aadi lai badare yodha leaney

पॉयतो पूँजि चले रघुनाथ । हनुमान आदि लै बड़रे योधा लीने साथ ॥१॥ सेत बॉँधिके लंका जूटी रावण के काटे माथ ॥ कृष्णदास सीता घर लाये विभीषण कियो सनाथ ॥२॥

Shri Ramchandraji ke Karkha

Part1-305

Maru

Raghupati apano bachan pratiparyatho .. tori lunk bunk gadh gadhapati

रघुपति अपनो बचन प्रतिपार्यथो ॥ तोरी लंक बंक गढ़ गढ़पति घर घर को कर डास्यौ ॥१॥ कहुँ शिर कहुँ भुज कहूँ धड़ लोटत मानों मद मतवारी ॥ रहौ माँसको पिंड प्रान लै गयौ बाण अनियारी ॥२॥ जाके डर बरुन इंद्र कुबेर यम डरत सुभट रण भारी ॥ सो रावण रघुनाथ छिनकमें कियौ गीधकौ चारो ॥३॥ छाँड़ि रमसकल सुखसागर बाँध्यो जल अति खारी )| हल युनि सब सुयश बखानत दुष्ट दशानन मास्यो ॥४॥ रावण मार लंक गढ़ गे कियौ सबकी निस्तारी | दियौ बिभीषण राज सूर प्रभु कर सुर लोक ञ्जा ॥५॥

Shri Ramchandraji ke Karkha

Part1-305

Maru

Dwiteeya bilas kiau shyamaju khel samasya keaney .. taaki

द्वितीय बिलास कियौ श्यामाजू खेल समस्या कीनी ॥ ताकी मुख्य सखी ललिताजू आनंद महारस भीनी ॥१॥ चली संकेत बिहार करन बलि पूजा साजि संपूरन ॥ बहु उपहार भोग पायसलै बाँह हलावत मूर ॥२॥ मंदिर देवी गान करत यश आय मिले गिरिधारी ॥ मनकौ भायौ भयौ सबनकौ काम वेदना टारी ॥३॥ श्यामा कौ शृंगार श्याम कौ ललिता नीवी खोली ॥ लीला निरखत दास रसिकजन श्रीमुख श्यामाबोली ॥४॥

Nav Vilas

Part1-306

Malav