Poojan chalau hoe kadam bandevi aao hamaare kouu sanga ..

पूजन चलौ हो कदम बनदेवी आओ हमारे कोऊ संग ॥ पुजव॒त सकल घोखकी कामना वलन काहूकी कछुलेवी ॥१॥ भाव भक्ति सबहिनकी मानत शीतल सुखद सरस सुरसेवी ॥ गोविंद प्रभुसों कहत वृषभान नंदिनी सुनाय सुनाय कछुक बात औरेंवी ॥२॥

Devi Pujan

Part1-313

Iman

Gor main yamuna devi pooji . mein manmein nishwai yeye keeno aisee

गोर मैं यमुना देवी पूजी । में मनमें निश्वै ये कीनो ऐसी और नही दूजी ॥१॥ भाग्य सोहाग सबै फलदाता चरण अलज्यो द्रुजी । श्यामसुंदर वर याहीते पाये सव कोऊ कहत है बहुजी ॥२॥ करत कृपा वाहेन पै ऐसी जिन श्री वल्लभपद सुजी । “श्री विट्टल गिरिधरन लाल' प्रिय मनकी आशा पूजी ॥३॥

Devi Pujan

Part1-313

Noor Sarang

Devike devaalayaten nirus devi dulhiniju aaj pann.daakon mug

देवीके देवालयतें निरूस देवी दुलहिनिजु आज पं।दाकों मग अरबरात मनमें ॥ कहाँ दुरे गोविंद गरुड़ध्वज महाभुज ऐसें झहत चहल नैननमें प्रान हरितनमें ॥१॥ जबहिं ट्रष्टि परे तरून तन श्रीवल्लभ तारिनमें चंद्र जैसें नृपतिनके गनमें ॥ नंददास प्रभु संग धाय आय रथ वैठी विछुरी बिजुरी मानों आय मिली घनमें ॥२॥

Devi Pujan

Part1-313

Todi

Shauriradhe kaun gaur tein pooji .. vrindaavan gokul galiyanmein sub

शऔरीराधे कौन गौर तें पूजी ॥ वृन्दावन गोकुल गलियनमें सब कोऊ कहत बहूजी ॥१॥| मदनमोहन पियकौमन हरलीनौ कौन बुद्धि ताहि सूझी ॥ परमानंददासकौ ठाकुर तो सम तिया न दूजी ॥२॥

Devi Pujan

Part1-313

Iman

Aaj dashahara shubh dinn neeko ponyatau juji hoe gopal ..

आज दशहरा शुभ दिन नीको पॉँयतौ जूजी हो गोपाल ॥ ब्रजरानी ब्रजराज कुँवरकौ करो सिंगार परम रसाल ॥१॥ तब व्रजराज अश्व सिंगारे तापर चढ़े श्रीगिरिधरनलाल रसिक प्रीतम पिय चले कुदावत जहाँ बैठी वृषभान की बाल ॥२॥

Dashera

Part1-314

Bilawal

Parav dasahara jaani jasomati laal ubati nhavaavahi .. seth

परव दसहरा जानि जसोमति लाल उबटि न्हवावही ॥ सेत वागो लाल सूथन सेत कुलही बनावही ॥१॥ आभूखन पहेराये हितसों काजर : नैन लगावही ॥ नंदराय बुलाव लिये अयैयां तें आवही ॥२॥ अश्वको सिंगार लाये विप्र वेद पठावही ॥ तिलक सिर धरन जवारा यह बात घर घर जावही॥३॥ बारी तिबारी चोगनी भीतर देख हँस मुसक्यावही ॥ अश्व चढ हरे प्रेरि लाये हरखि मंगल गावही ॥४॥ आये लिवाये वधाय लीने नंद हँसि लपटावही आरती कर माई जसोमती द्वारकेस बल जावही ॥५॥

Dashera

Part1-314

Purvi

Ulato jhagaa ulati haye soothan kahat banyo nikori maiya .

उलटो झगा उलटी है सूथन कहत बन्यो नीकोरी मैया । पांय पनैया नंदबाबा की सीस पाग पहली बांध बूझत बलि मो मे को सुंदर है भैया ॥१॥ कटि फेटा और बडी कटारी थकि ढरकि ठोडी तर आय कहूं लपटानो पैया । 'क्रष्णजीवन” हरि प्रभु कल्यान की ये छबि निरखत नंदजसोदा भये फिरत गाडी कैसे पैंया ॥२॥

Dashera

Part1-314

Bilawal

Vijay dashahara parav bado haye aaj .. vrajbanita sub mangal

विजय दशहरा परव बड़ो हे आज ॥ ब्रजबनिता सब मंगल गावत बाजन रह्यो ब्रज गाज ॥१॥ भरि बहुत अंगना तीबारी महेल अटारी छाज ॥ बड़े परवकों यह बडो सुख देखनकी नहि लाज ॥२॥ दशविध भक्त भोग ले आई गोपन आनंद काज ॥ द्वारकेश प्रभु बोलके बीरा देत समाज॥३॥

Dashera

Part1-314

Saarang

Vijay dashmi param suhai .. godhan aguwa diyau pathaai

विजय दशमी परम सुहाई ॥ गोधन अगुवा दियौ पठाई ॥१॥ गोप सकल बैठे हैं अथाई ॥ कुशल मनावी शुभदिन माई ॥२॥ ब्रजरानी व्रजराज कुँवरकों कीरति ललिता न्‍्योंत बुलाई ॥ आज हमारें बड़ी पर्व है तुम सब जेंवन आवौ धाई ॥३॥ करत सिंगार गिरिधरनलालकौ चंबेली तेल सरस सुखदाई ॥ सुधन पीत श्वतवागौ खुल्यौ लाल पाग शिर पर पहराई ॥४॥ काजर ऑजि भौंह बिंदुका दै तृणतोरत और लेतबलाई ॥ रसिक प्रीतम प्रभु विजय कियौ वृषभान कुँवरि मन भाई ॥५॥

Dashera

Part1-315

Saarang

Dharat jawara shree govind .. ashwin maas subhag dashmi shukl

धरत जवारा श्री गोविंद ॥ आश्विन मास सुभग दशमी शुक्ल पक्ष घड़ी शुभकंद ॥१॥ केसर सोंधौ घोर यशोदा प्रथम न्हवाये कान्‍्ह गोबिंद॥ नाना विध शृंगार पाग बनी जरकसी बागौ पहरन छंद ॥२॥ कहत यशोदा सुनौ मेरे लाला जोई जोई भावे तिहारे मन || सोई सोई भोजन करो दोऊ भैया गावत गुण तहाँ परमानंद ॥३॥

Dashera

Part1-315

Saarang

Aaj dashahara shubh dinn neekau .. giridharlal jaware bondhat

आज दशहरा शुभ दिन नीकौ ॥ गिरिधरलाल जवारे बॉँधत बन्यौ है भाल कुंकुमकौ टीकौ ॥१॥ आरती करत देत नौछावर चिरजीयौ लाल भामतोौ जीकौ ॥ आसकरन प्रभु मोहन नागर त्रिभुवनकौ सुख लागत फीकौ ॥२॥

Dashera

Part1-315

Saarang

Aaj dashahara shubhdin neekau poyto pooji hoe gopal ..

आज दशहरा शुभदिन नीकौ पॉयतो पूजी हो गोपाल ॥ ब्रजरानी व्रजराज कुँवरकौ करो सिंगार परम रसाल ॥१॥ तब ब्रजराज अश्व सिंगारे तापर चढ़े श्रीगिरिधरलाल || रसिक प्रीतम पिय चले कुदाबत जहाँ बैठी वृषभान की बाल ॥२॥

Dashera

Part1-315

Saarang