Subhag mahurat vijayadashmikau pratham samagam piya hulas ..

सुभग महूरत विजयदशमीकौ प्रथम समागम पिय हुलास ॥ दूति विनती करत प्यारीसों बेग पधारो पियके पास ॥१॥ मंजन कर आभूषण धासे कनक अंग पटचीर सुबास ॥ धीर धरौ वृषभान नंदिनी पूरन करौ प्रीतम की आस ॥२॥ नवनागर संगम नवनागरि नवसंगम बरनत हरिदास ॥ श्रीवललभ पदरज कृपाकों नित्यही नवल हृदय प्रकाश ॥३॥

Dashera Maan

Part1-318

Saarang

Begg chali saaji dall chatur chandrawati | kasab kanchuki bund raakhi

बेग चलि साजि दल चतुर चंद्रावती | कसब कंचुकी बंद राखि आनन्‍्दकन्द नंदनंदनकुंदर मिलन को दावरी ॥१॥ नैन पंकज लोल मधुर मोहन बोल राजत भोंह. कपोल उदधि को भावरी । चंद्रावली करत केलि मानो मन्मथ पेलि सुरत सागर झेल सहज चढ़ि रावरी ॥२॥ चले गयंद गति नूपुर किंकिनी बजति देख गजवर लजित चलन को भावरी । “दास मुरारी” प्रभु कर कमल मेलि उर जीत गिरिधरन अब प्रेम लडबावरी ॥३॥

Dashera Maan

Part1-318

Kedaro

Aliri teree latkanmein atakyau peeyakau munn nainku naan ita uta

आलीरी तेरी लटकनमें अटक्यौ पीयकौ मन नैंकु न इत उत अटक्यौ ॥१॥ देख रूप ठगी तबतें मन अनत न गोंहन हटक्यौ ॥ एते पर तू मान करत है क्‍यों हु न मानत विधु रथ उत्त अटक्यौ ॥ रसिक प्रीतम प्रीय दूत्तीके बचन सुनि मान तुरत ही सटक्यों ॥२॥

Dashera Maan

Part1-318

Saarang

Aalee ree manini mangarh curr leeyen rahat taaki oat .. nain

आली री मानिनी मानगढ़ कर लीयें रहत ताकी ओट ॥ नैन बंदूक तामें सकुच दारू भरें बोल गोला चलाबत झक झोट ॥१॥ भौंह धनुष तामें अंजन पनछ दीने बरूनी मारें बान तिरछी हैं चोट ॥ संधि लागि धाये नंददास प्रभु छूल्यौ हठ तूल्यों है री कामकोट ॥२॥

Dashera Maan

Part1-318

Saarang

Aabhushan angang teuu anuchar sanga roop bhoop leeyen raajat shobha

आभूषन अंगअंग तेऊ अनुचर संग रूप भूप लीयें राजत शोभा पाय ॥ नवयौवन छत्र धरें सौभगता चमर ढरें गर्व सिंहासन बैठी आय ॥१॥ मानों नयना तुरंग कवच कंचुकी कस अंग कीयौ मुकाम अनंग मैत्री मिलाबन सुहाय ॥ अंचल ढाल ढरकत गज उर पर सूरदास मदनमोहन परे हैं राधा बस रीझ दान दीजै घूदु मुसक्याय ॥२॥

Dashera Maan

Part1-318

Saarang

Maan lagyau girivar gaavai .. tata thei tatt thei tata tathei thei

मान लाग्यौ गिरिवर गावै ॥ तत थेई तत्त थेई तत ताथेई थेई भैरों राग मिल मुरली बजाबै ॥१॥ नाचत नव वृषभान दुलारी अब घर गतिमें गति उपजावै ॥ गिरिधर पियप्यारी की पद रज कृष्णदास ले शीश चढ़ावै ॥२॥ # राग भैरव # प्यारी भुज ग्रीवा मेलि निर्तत पिया सुजान ॥ मुदित परस्पर लेत गति में गति गुणरास राधे गिरिधरन गुण निधान ॥१॥ सरस मुरली धुनि मिले मधुर स्वर रास रंगभीने गावै अब घर तान बंधान ॥ चतुर्भुज प्रभु श्यामाश्यामकी नटन देख मोहे खग मृग वन थकित व्योंम विमान ॥२॥|

Raas

Part1-319

Bhairav

Naachat vrishbhan kunwari hansasuta pulin madhya huns hansani mayur

नाचत वृषभान कुँवरि हंससुता पुलिन मध्य हंस हंसनी मयूर मंडली बनी ॥ नाचत गोपाल लाल मिलबत झपताल चाल गुंजत अति मत्त मधुप कामिनी अनी ॥१॥ पदक लाल कंठमाल त्रुणि तिलक झलक भाल अवनि फूल बर दुकूल नासिका मनी ॥ नील कंचुकी सुदेस चंपकली गलित केश मुकुलित मणि बन दाम कंटि सु काछनी ॥२॥ मरकत मणि वलयराव मुखर नूपुर ध्वनि सुभाव यावक युत चरणन नख चंद्रिका घनी ॥ मंदहास भ्रुव बिलास रास लास सुख निवास अलग लाग लेत निपुण राधिका गुनी ॥३॥ कामसिंधु कृतव विंदु रीझ् रहे चरण गहे साधु साधु कहत फिरत राधिका धनी ॥ भेंटत गहि बाँह मूल उरज परस भई फूल व्यास बचन सानुकूल रसिक जीवनी ॥४॥

Raas

Part1-319

Bhairav

Nartat gopal sanga gopika millie .. adbhut nutt bhekh dekh

नर्तत गोपाल संग गोपिका मिली ॥ अद्भुत नट भेख देख कोटि काम अति विशेष मुरली अधर मधुर सप्रस्वरन सों रली ॥१॥ गावत पिक कंठ सरस परम रीझ भींझ तान भामिनी सुजान श्रीवृषभानकी लली ॥ बलय नूपुर किकिणी कटि झनकत तत थेई थेई उघटत मुख शब्दावलि ग्रीव भुज “पिली ॥२॥ बाजत मधुरे मृदंग तताधिलाँग गति सुगंध संग लेत देत ताल रास मंडली ॥| कोलाहल करत हंस मोर सोर चहूँ ओर भोर भये फूली मानों कंज की कली ॥३॥ श्रीवृंदावन नवनिकुंज प्रेम पुंज भये हरख निरख तरणि त्नया तीर चांदनी भली ॥ श्रीबल्लभ चरणारविंद पंकज मकरंद सरस करत दान मानदास मोहना अली ॥४॥ -

Raas

Part1-319

Bhairav

Chova mein chahal rahey hau laalan kahaan kahaan gaye raat dashahara

चोवा में चहल रहे हौ लालन कहाँ कहाँ गये रात दशहरा मनावन ॥ एकतें एक सुघर घोष नारी तुमतौ छैल गिरिधारी सबहिन के मन भावन ॥१॥ कर माँझ कर लीनौ हँसि एक बीरा दीनौ ले लै-नाम लागे भोही पै गिनावन ॥ धोंधीके प्रभु बिनु सुभट ईत्त जनावत बातन बतरावत जात सखी आई समुझावन ॥२॥

Dashera ke Doosre

Part1-319

Bibhas

Navanikunj nayana rati rung range .. priya premavali russ raas rasamse

नवनिकुंज नयना रति रंग रंगे ॥ प्रिय प्रेमावली रस रास रसमसे आलसवर माधुरी अंग अंगे ॥१॥ रूप जोबन गुण चपलता आगरी मधुप खंजन मीन मानभंगे ॥ कहें कृष्णदास कामिनि उरसि प्रति गति सुखद गिरिधरन प्रतिविंब संगे ॥२॥

Raas

Part1-320

Bhairav

Madan mohan kamal nayan nartat raas range .. ttathei tatthei

मदन मोहन कमल नयन नर्तत रास रंगे ॥ त्तथेई ततथेई थेईथेई गति अनेक लेत मान गान करत रूप सहज सरस अति सुधंगे ॥१॥ विलुलित बनमाल उरसि मोरमुकुट रुचिर सरस युवतिन मनहरन अरूण द्वग तरंगे॥ कानन कुंडल झलमलात पीत बसन फरहरात रुनन झुनन धरत चरण भूकृटी भाव भंगे ॥२॥ मोही सुर ललना भामिनी सिद्ध सकल सुनत श्रवण मुरली नाद ग्राम जात अधर कल उपंगे ॥ गोविंद प्रभु ललितादिक सहचरी मिलि यूथ सहित वार फेर मदन कोटि देत अंग अंगे ॥४॥

Raas

Part1-320

Bhairav

Haahaa hoe hari nritya karau .. jaisen curr main tumahi rijhaaun tyon merrie

हाहा हो हरि नृत्य करौ ॥ जैसें कर मैं तुमहि रिझ्ाऊँ त्यों मेरी मन तुमहुँ हरी ॥१॥ तुम जैसें श्रम बाहु करत हो तैसें में हूँ इुलाऊँगी ॥ मैं श्रम देख तिहारे उरकों भुजभर कंठ लगाऊँगी ॥२॥ मैं हारी त्योंही तुम हारे चरन चाँपि श्रम मेंटोंगी ॥ सुरश्याम ज्यों उछँँग लेहु मोहि त्योंही तुम हारे मैं भेटोंगी ॥३॥

Raas

Part1-320

Bhairav