Raas vilas rachyo naagar nutt .. juri mandal nirtat vraj banita

रास विलास रच्यो नागर नट ॥ जुरि मंडल निर्तत व्रज बनिता नवल निकुंज सुभग यमुनातट ॥१॥ उपजत तान बंधान सप्त स्वर बाजत ताल मृदंग बीन रट ॥ सन्मुख है नाचत पियप्यारी लेत सुधंग चाल गति अटपट॥२॥ रसिक बिहार निरख शशि हास्बौ शरदनिशा भूल्यो अपनी अट ॥ क्ृष्णदास गिरिधर श्रीराधा राजत मेघ मानों दामिनी घट ॥३॥

Raas

Part1-326

Khat

Aaj kamaneey navkunj vrindabipin madanmohan sukhad rasmondal

आज कमनीय नवकुंज वृंदाबिपिन मदनमोहन सुखद रासमंडल रच्यो ॥ उदित उडुराज लख मुदित व्रजराजमुत प्रान प्यारी सहित विविध गति मति जच्यौ ॥१॥ मुकुटकी लटक कुंडलकी चटक भूकुटीनकी मटक पगपटक बरनी न परत ॥ हार उर रुरित कंकण ललित किंकिणी मुखर मंजीर ध्वनि सुनत जनमन हरत ॥२॥ एक तें एक ब्रज सुंदरि अधिक गुणरूप रसभत्त गिरिधरन संग स्वर भरत ॥ सबै जोबन भरी उरप पुनि तिरप संगीत गति अलग मति तत्त थेई थेई करत ॥!३॥ श्रवण सुन सुरबंधू मुरलिका काकली यद्यपि पति निकट तौऊ नॉँहि धीरज धरत ॥ रसिकमणि मुकुट नंदलालकी केलि यह गदाधर मिश्रके नेंक न मनतें टरत ॥४॥

Raas

Part1-326

Khat

Khelat raas rasik nandlal .. yamuna pulin sharad nishi shobhit

खेलत रास रसिक नंदलाल ॥ यमुना पुलिन शरद निशि शोभित रचि मंडल ठाढ़ी व्रजबाल ॥१॥ तत थेई थेई तत थेई शब्द उघटत बाजत झाँझ पखावज ताल ॥ जम्यौ सरसही राग परस्पर गुंजत कोमल वेणु रसाल ॥२॥ सन्मुख लेत हैं उरप तिर॒प दोऊ राधा रसिकनि मदनगोपाल ॥ मानों जलद दामिनी स्सपूरण कनक लता मानों श्यामतमाल ॥३॥ सुरपुर नारि निहार परम रस और रतिपति मनमें भयौ बेहाल ॥ थकित चंद गति मंद भयौ अति चूके मुनि ध्यान धरत तिहिं काल ॥४॥ परम बिलास रच्यौ नटनागर विलुलित उरसि मनों अलिमाल ॥ क्रृष्णदास लालगिरिधर गति पावत नाहिंन हस्ती मराल ॥५)॥

Raas

Part1-326

Khat

Mohan raas rachyau vrindaban bhanusuta key koolen juu .. sharad chand

मोहन रास रच्यौ वृंदाबन भानुसुता के कूलें जू ॥ शरद चंद विकसत मनोहर कुंज लता द्रुम फूलें जू ॥१॥ ठौर ठौर कुसुमन के गुच्छा छबि पावत अति झूलें जू ॥ बाजत ताल मृदंग चंग वर बंसीवट के मूलें जू ॥२॥ नाचत गावत मंडल कीयें सखियन मध्य अति दूलें जू ॥ सुनि धुनि अति मन मनोहर शिव विरंचि सुधि भूलें जू ॥३॥| जय जय जय यदुराय मनोहर सुर मुनि बरखत फूलें जू ॥ बूंदावन प्रभुकौ सुख निरखत मिटत सकल तन शूलें जू॥४॥

Raas

Part1-326

Khat

Aaj vrajrajkau lalan thaadho sakhee lalit sanket butt nikat

आज ब्रजराजकौ ललन ठाढ़ो सखी ललित संकेत बट निकट सोहै ॥ देखरी देख अनिमेष या भेखकों मुकुटकी लटक त्रिभुवनहिं मोहै ॥१॥ स्वेदकन झलक कछु झुकीसी पल्रक प्रेमकी ललक रस रास कीये ॥| धन्य बड़भाग वृषभान नृप नंदिनी राधिका अंस पर बाहु दीये ॥२॥ मनि जटित भूमि पर रही नवलता झूमि कुंज छबि पुंज बरनी न जाई ॥ नंदनंदन चरन परसि हित जानकें मुनिन के मनन मिलि पाँति लाई ॥३॥ महा अद्भुत रूप सकल रस भूप यह नंदनंदन बिना कछु न भावै ॥ धन्य हरिभक्त जिनकी कृपातें सदा कृष्णणुन गदाधर मिश्र गावै ॥४॥

Raas

Part1-327

Khat

Chalchal jahaan srigovardhadhar bahubidhi shobha raajain ree ..

चलचल जहाँ श्रीगोवर्द्धधर बहुबिधि शोभा राजैं री ॥ नंदकिशोर यशोदानंदन कोटिमदन छबि लाजैं री ॥१॥ मोर मुकुट पीतांबर सोहै मुख मुरली कलबाजें री ॥ श्रीमदृबल्लभ यह अवसर रसिकन शिर नित्य गाजै री ॥३॥

Raas

Part1-327

Khat

Banyau raas mandal aho yuvatin youth madhya naayak naayen gaaven ..

बन्यौ रास मंडल अहो युवतिं यूथ मध्य नायक नायैं गावें ॥ उघटत शब्द तत थेई ता थेई गतमें गत उपजावें ॥१॥ बनी श्रीराधाबल्लभ जोरी उपमाकों दीजै कोरी लटकत हैं बाँह जोरी रीझरिश्ञावें ॥ सुर नर मुनि मोहे जहाँ तहाँ थकित भये मीठी मीठी त्ञानन लालन वेणु बजावें ॥२॥ अंग अंग चित्र कयें मोरचंदा माथें दियें काछनी काछें पीतांबर शोभा पावें ॥ चतुरबिहारी प्यारी प्यारे ऊपर वार डारी तन मन धन यह सुख कहत न आवें ॥३॥

Raas

Part1-327

Saarang

Yeh gati naachat naach naee .. voondaavan main raas bilas sukh

यह गति नाचत नाच नई ॥ वूंदावन मैं रास बिलास सुख बाढ़ृत सई ॥१॥ भाँति भाँति राग गावत अलाप कैई ॥ उरप तिरप मान लेत तत थेई ॥२॥ स्याम सुंदर करत क्रीड़ा प्रेम घटा छई ॥ कुंभनदास प्रभु गिरिधर छिनु छिनु प्रीति नई ॥३॥

Raas

Part1-327

Shri

Raas mein naachat lalbihari nachwat hain sub vrajaki naari .. taa

रास में नाचत लालबिहारी नचवत हैं सब व्रजकी नारी ॥ ता थेई ता थेई तत ता थेई थेई थुंगनिथै-गनि तटकित तारी ॥१॥ श्रीराधा एक तरजत मिलबत लेत अलाप सप्त स्वर भारी ॥ कृष्णदास नट नाट्य रसिकवर कुशल केलि श्रीगोवर्द्धधघारी ॥२॥

Raas

Part1-328

Saarang

Tarani tanyaatir laal girivardharan radhika sanga nrityat subhag

तरणि तनयातीर लाल गिरिवरधरन राधिका संग नृत्यत सुभग रास में ॥ तत थेई तत थेई करत गति भेद सों पिय अंग अंग मिलत सुंदरी ता समें ॥१॥ नंदनंदन निरख सुरसहित सुरनारि वेणु कलनाद सुनि मोहे काश ॥ थक्‍यौ घन चंद तारिका थकि रहीं. तान स्वर गान व्रजपति करत जा समें ॥२॥

Raas

Part1-328

Saarang

Nagri nagarason milli gawat raasmein sarang raag jamyau .. taana

नागरी नागरसों मिलि गावत रासमें सारंग राग जम्यौ ॥ तान बंधान तीन मूर्छना देखत बैभव काम कम्यौ॥ अद्भुत अबधि कहाँ लगि बरनों मोहन मूरति बदन रम्यौ ॥ भजि क्ृष्णदास थकित नभ उडुपति गिरिधर कौतुक दर्ष दम्यी ॥२॥

Raas

Part1-328

Saarang

Natvargati nrityat hain bhaktan urr parsat hain pulkit tunn harkhat

नटवरगति नृत्यत हैं भक्तन उर परसत हैं पुलकित तन हरखत हैं रासमें लालबिहारी ॥ बाजत ताल मृदंग उपंग बाँसुरी बिना स्वर तरंग ग्रग्नता ग्रज्ञता थुंग थुंग लेत छंद भारी ॥१॥ कटी काछिनि पीत सुरंग मोर मुकुट अति सुधंग राख्यौ अर्धभाल ललित शीश पेच सवारी ॥ आरती वारति यशोदा माय लेत कंठ उर लगाय देखत सुरनर भुनि और रामदास बलिहारी ॥२॥

Raas

Part1-328

Saarang