Tarani tanaya teer laal gawat baney adhar curr muralika ratna

तरणि तनया तीर लाल गावत बने अधर कर मुरलिका रत्न हाटक खची ॥ तेरे हित रसिक शिर मौर गिरिवरधरन सुनहुँ चरचरी ताल राग सारंग सची ॥१॥ और अद्भुत देख लेत अब घर तान आन आन गति भई भृगभू हैं नची ॥ स्वर सु मिलवत यूथ मधुप मधुपनि मिले तुव मान उघट कित रहत सुंदरि बची ॥२॥ सखी बचनामृत श्रवण पुट पानकर चली नवरंग वर रूप मन्‍्मथ मची ॥ क्रृष्णदास निनादकौ जु वैभव निरख गगन सुरपति सहित सुभग लज्जित सची ॥३॥

Raas

Part1-328

Saarang

Sakal kalaa guna praveen arrie aeye doondaavan rung .. saa ree gumm

सकल कला गुन प्रवीन एरी ए दूंदावन रंग ॥ सा री गम प ध नी अलाप करत सरस उपजत अवधर तान तरंग ॥१॥ सीस टिपारों कटि लाल काछनी वनजु धात विचित्र सोहे सुभग अंग ॥ गोविंद प्रभु के अंग अंग परवारों कोटि अनंग ॥२॥

Raas

Part1-329

Saarang

Karat hari nritya navrang radha sanga lait navgati bhed charchari

करत हरि नृत्य नवरंग राधा संग लेत नवगति भेद चरचरी तालके ॥ परस्पर दरस रसमत्त भये तत्त थेई थेई गति लेत संगीत सुरसालके ॥१॥ फरहरत बर्हिवर थरहरत उपहार भरहरत भ्रमर वर विमल वनमालके ॥ खसित सित कुसुम शिर हँसत कुंतल मानों लसत कल झलमलत स्वेद कण भालके २) अंग अंगन लटक मटक भृंगन भ्रोंह पटक पटताल कोमल चरण चालके ।| चमक चल कुंडलन दमक दशनावली बिबिध विद्युत भाव लोचन विशालके ॥३॥ बजत अनुसार द्विम द्विम मृदंग निनाद झमक झंकार कटि किंकिणी जालके ॥ तरल ताटक तड़ित नील नव जलद में यों विराजत प्रिया पास गोपालके ॥४॥ युवति जन यूथ अगणित बदन चंद्रमा चंद्र भयौ मंद उद्योत तिहिं कालके ॥ मुदित अनुराग वश राग रागिणी तान गान गत गर्द रंभादि सुर बालके ॥५॥ गगनचर सघन रास मगन बरषत फूल बार डारत रत्न जतन भर थालके ॥ एक रसना गदाधर न वर्णत बने चरित्र अद्रभुत कुँवर गिरिधरन लालके. ॥६॥

Raas

Part1-329

Saarang

Aapun naachai aapun gaavai . aisee bahut ghosh jubtinus tum

आपुन नाचै आपुन गावै । ऐसी बहुत घोष जुबतिनसों तुम कौन नाच गाय छिपावै ॥१॥ केलिकला कौतूहल नागर कुनित मुरलिका गति उपजावै । चलत वसन कटिं मुखर मेखला तान तरंग अनंग बढावै ॥२॥ ब्रिजग मोह किये त्रिलोकी देवनागरि किन्नर मन भावै। गिरिधर पद पराग रस वासु “कृष्णदास” नोछावर पावे ॥३॥

Raas

Part1-329

Saarang

Sangeet ruscushal nirt aaves vas lasati radha rasmondal

संगीत रसकुशल निर्त आवेस वस लसति राधा रासमंडल बिहारिनी । दिव्यगति चरण चंचल चक्रवर्तिनी कुंवरी श्याम मनोहर मनोहारिनी ॥१॥ लोचन विशाल मृदुहास मन उल्लास नंदनंदन मनसिज मोद विस्तारनी। मूदुल पदविन्यास चलित वलयावलि किकिनी रुनझुनतकार झंकारिनी ॥२॥ रूप निरुपम कांति भांति वरनी न जाती पहरि आभरन रवि षोडस सिंगारनी । मृदंग बीना ताल सुर संच संचार चारुता चातुरी सार अनुसारिनी ॥३॥ उघट मुख शब्द पियूष बरखत मनो सींची पिय श्रवन तन पुलक कुलकारिनी । कही “गदाधर” जू गिरिराजधरतें अधिक विदित रसग्रन्थ अद्भुत कलाधारिनी ॥४॥

Raas

Part1-329

Saarang

Nagri nutt narayan gaayau .. taana maan bandhan sapt swarrag

नागरी नट नारायण गायौ ॥ तान मान बंधान सप्त स्वरराग सों राग मिलायौ ॥१॥ चरण घुंघरू जंत्र भुनन पर नीकौ झमक जमायौ ॥ तत थेई तत थेई लेत गति में गति पति ब्रजराज रिञ्ञायी ॥३॥ सकल त्रियन में सहज चातुरी अंग सुधंग दिखायौ ॥ व्यास स्वामिनी धन्य धन्य राधा रास में रैंग मचायौ ॥३॥

Raas

Part1-330

Saarang

Arujhi kundal lutt besari soun peet putt banmala beach aana

अरुझी कुंडल लट बेसरि सों पीत पट बनमाला बीच आन असुझे हैं दोऊ जन ॥ नयनन सों नयना प्राणन सों प्राण अरुझि रहे चटकीली छबि देख लटपटात श्यामघन ॥१॥ होड़ा होड़ी नृत्य करें रीझरीझ आकों भरें तत थेई तत थेई रटत मगन मन !। सूरदास मदनमोहन रास मंडल में प्यारीकौ अंचल लै लै पोंछत हैं श्रमकन ॥२॥

Raas

Part1-330

Saarang

Balihari raas biharin kii | markat manee kajwan-manimala

बलिहारी रास बिहारिन की | मरकत मनि कज्वन-मनिमाला ग्रथन नन्दकुमार की ॥१॥ सारंग राग अलापत गावत बिच मिलवतयतति ताल की नाचत गावत बेन बजावत लेत उदार उगाल की ॥२॥ यमुना सरस मल्लिका मुकुलित त्रिविध समीर सुढ़ार की । 'क्ृष्णदास” बलि गिरिधर नवरंग सुरतनाथ सुकुमारा की ॥३॥

Raas

Part1-330

Saarang

Nirtat mohan raas bilas . yun gaavati vrishabhaanu-nandini

निर्तत मोहन रास बिलास । युन गावति वृषभानु-नन्दिनी उधरत सब्द ताथेई तास ॥ कस्तल ताल मिलत मुरली-सेंग बिच-बिच मोहन-मुख-मृदु-हास । जै-जै करत कुसुम सुर बरषत गुन गावत “परमानँददास”॥

Raas

Part1-330

Saarang

Sapt suran teen graam yekais bhurchhana taana unchaas mille mandal

सप्त सुरन तीन ग्राम येकईस भूर्छना तान उनचास मिले मंडल मधि गावै । चारु करन हस्तक सुर नैन भेद भांति भांति उपजति गति निर्त कर नचावै ॥१॥ धिधि किट थुंग थुंग कुकुझे कुकुझे झिनिकट घिमिकिट धिमिकिट धिमिकिट मृदंग बजावै। “रसिक' प्रीतम छबि निरखत देवजुबति मोहत मन उमगि विविध कुसुम बरखत सुख पावै ॥२॥

Raas

Part1-330

Saarang

Mohan nandrai kumar .. pragath brahm nikunj naayak bhakt hita

मोहन नंदराय कुमार ॥ प्रगठ ब्रह्म निकुंज नायक भक्त हित अवतार ॥१॥ प्रथम चरण सरोज बंदी श्याम घन गोपाल ॥ ललित कुंडल गंड मंडित चारु नयन विशाल ॥२॥ बलराम सहित विनोद लीला शेष शंकर हेत ॥ दास परमानंदप्रभु हरि निगम गावत नेत ॥३॥

Raas

Part1-331

Purvi

Aaj bunn neekau raas banaayau || pulin pavinn subhag yamuna

आज बन नीकौ रास बनायौ || पुलिन पविन्न सुभग यमुना तट मोहन वेणु बजायौ ॥१॥ करकंकण किंकिणी ध्वनि नूपुर सुन खगमृग सचुपायौ ॥ युवती मंडल मध्य श्याम घन नट नारायण गायो ॥२॥ ताल मृदंग उपंग मुरज डफ मिल रस सिंधु बढ़ायौ | विविध विशद वृषभान नंदिनी अंग सुधंग दिखायौ ॥३॥ अभिनय निपुण लटक लट लोचन भूकुटी अनंग लजायौ ॥ तत थेई तत थेई लेत नौतनगति पति ब्रजराज रिझ्ायो ॥४॥ परम उदार रसिक चूड़ामणि सुखवारिद बरखायौ ॥ परिरंंभण चुंबन आलिंगन उचित युवती जन पायौ |५॥ बरखत कुसुम मुदित नभनायक इंद्र निशान बजायौ || हित हरिवंश रसिक राधापति यश वितान जग छायौ ॥६॥

Raas

Part1-331

Saarang