Rasmondal mein baney giridharan laal .. subhag yamunapulin prafulit

रासमंडल में बने गिरिधरन लाल ॥ सुभग यमुनापुलिन प्रफुलित कदंब बन शरदरैन शशि देख थकित ब्रजबाल ॥१॥ भूषण बसन अंग अंग नौतन सखी कंठटधर बॉँह करें अधर मधुर मधुपान ॥ बनी गौर श्याम छबि शोभा कहा कहै कवि कोटि काम मोहै कुंभनदास जीय जान ॥२॥

Raas

Part1-331

Purvi

Aaju rasrang rahauju .. hari radha khelat raasmein prenm sindhu

आजु रासरंग रहौजु ॥ हरि राधा खेलत रासमें प्रेंम सिंधु बह्मौजु ॥१॥ नैन चपल कर नवल चरन चल आछे ॥ पिय के सिर मुकुट लटकि बैनी प्यारी पाछे ॥२॥ किकिनी कटि चारु हार नूपुर रव सोहे ॥ मुरली धुनि श्रवण सुनि सो को है जो न मोहै ॥३॥ पीय धरे तिरप तान सुनि सरिता थक्‍यौ ॥ चंद थक्‍्योौ गगन मध्य नेंकु न रथ हँक्यो ॥४॥ निर्त भयौ दूगन रंग कापै जात कह्मौ ॥ हित दामोदर ललिता सुख सरिता ज्यों बह्मौ॥५॥

Raas

Part1-331

Purvi

Sakal kalaa praveen arrie ehaan vrindavan rung .. sarigampathani

सकल कला प्रवीन एरी एहाँ वृंदावन रंग ॥ सारीगमपथनी अलाप करत रस उपजत तान त्तरंग ॥१॥ निर्तत गत जत लेत ग्रग्रततत किटधिमकधिलांग थोंग बाजत मृदंग ॥ गोविंदप्रभुके जु अंग अंग पर वारों कोटि अनंग. ॥२॥

Raas

Part1-331

Saarang

Nirtat gopallal tarani tanaya teere .. yuvati jan sanga diyein

निर्तत गोपाललाल तरणि तनया तीरे ॥ युवती जन संग दियें मन्मथ मन करख लियें अंग अंग सुखद कियें राजत बलवीरे ॥१॥ लावण्यनिधि गुणआगर कोककला ग्रुण सागर त्रिविध ताप हरत शीतल समीरे ॥ आसकरन प्रभु मोहननागर गुणनिधान संगीतसार रिझवत व्रजवधू नागरि फरकत पट पीरे ॥२॥

Raas

Part1-331

Saarang

Tata thei rasmondal mein bunn naachat piyake sanga preetampyari ..

तत थेई रासमंडल में बन नाचत पियके संग प्रीतमप्यारी ॥ गावत सरस सुजात मिलावत चपल कुटिल भ्रू अनियारी ॥१॥ मालव राग अलापत भामिनी लेत उरप नागरनारी ॥ प्यारी के संग वेणु बजावत सुघरराय गिरिवरधारी ॥२॥ क्रृष्णदासप्रभु सौभग सीमा सब युवतिनमें सुकुमारी ॥ जोरी अद्भुत प्रगटित भूतल केलिकला रस मनुहारी ॥३॥

Raas

Part1-332

Malav

Naachat raasmein gopal sanga mudit ghoshnari .. taru tamaal

नाचत रासमें गोपाल संग मुदित घोषनारी ॥ तरु तमाल श्यामलाल कनकवेलि प्यारी ॥१॥ चल नितंब किंकिणी कटि लोल बंक ग्रीवा ॥ राग तान मान सहित वेणु गान सीवा ॥२॥ श्रमजलकण सुभर भरे रंग रेंनु सोहै ॥ क्ृष्णदासप्रभु गिरिधर ब्रजजन मन मोहै ॥

Raas

Part1-332

Malav

Alag laagan urap tirap gati nachbat vrajalalana raase ..

अलाग लागन उरप तिरप गति नचबत व्रजललना रासे ॥ उघटत शब्द तत थेई तत थेई मृगनयनी ईषद हासे ॥१॥ चाल चंद लजावत गावत बाँधत मदन श्रोंह पाशे ॥ चलत उरज कटि किंकिणी कुंडल श्रमजणल कण शोभित आशे ॥२॥ नूपुर रुनित क्वणित कटिमेखला कटितट काछें नीलन वासे ॥ अवधर तान मान बंधाने मोहत विश्व चरणन्यासे ॥३॥ मोहनलाल गोवर्धनधारी रिश्नबत छैल सुधर लासे ॥| अपने कंठ की पिय श्रमदल की माला देत कृष्णदासे ॥४॥

Raas

Part1-332

Malav

Raas bilas gahein karpalalav aeka aeka bhuj grievameli .. dey

रास बिलास गहें करपललव एक एक भुज ग्रीवामेली ॥ दे दै गोपी बिच बिच माधौ निर्तत संग सहेली ॥१॥ टुट परी मोंतिनकी माला ढूँढ़त फिरत सकल ग्वारी ॥ विगलित कुसुम माल कच विलुलित निरख हँसे गिरिवरधारी ॥२)॥ शरद विमल नभ चंद बिराजे निर्तत नंदकिशोरा ॥ . परमानंदप्रभु बदन सुधानिधि गोपी नयन चकोरा ॥३॥

Raas

Part1-333

Malav

Madan gopal rasmondalmein malav raag rasabhasbau gaavai.. avghar

मदन गोपाल रासमंडलमें मालव राग रसभस्बौ गावै॥ अवघर तानबंधान सप्तस्वर मधुर भधुर मुरलिका बजाबै ॥१॥ निर्तत सुलपलेत नौतनगति बहुविध हस्तक भेद दिखावै ॥ उघटत शब्द तत थेई तत थेई युवतिबूंद मनमोद बढ़ावै ॥२॥ थक्‍्यौ चंद मोहे खग नग भूृग प्रतिक्षण अमित अनागति लावै ॥ च॒तुर्भुज प्रभु गिरिधर नटनागर सुरनर मुनि गति मति बिसरावै ॥३॥ # राग मालव & कमलनयन प्यारी अवधर तान जाने ॥ अलाग लाग सुराग रागिणी बहुत अनागत आने ॥१॥ रसिकराय शिर मौर गुणिनमें गुण तुमही पा ॥ कुंभनदास प्रभु गोवर्धनधर हरत लाल सबकौ मन जबही करत हो गा ॥२॥

Raas

Part1-333

Malav

Boondaavan adrabhut nutt dekhiyat biharat kanhar pyaari ..

बूंदावन अद्रभुत नट देखियत बिहरत कान्हर प्यारी ॥ . गोवर्धनधर श्याम चंद्रमा युवतिन लोचनतारौ ॥१॥| सुखद किरण रोमावलि वैभव उर नव मणिगण हारा ॥ ललन युवति पर भेख बिराजत पान करत मधुधारा ॥२॥ ब्रजजन नवल चकोर अति लोचन अ्रवत अमृत अनुसारा ॥ भज कृष्णदास सुरत सुख जलनिधि हुलसतत बारंबारा ॥३॥

Raas

Part1-333

Malav

Chaliyaiju nenku kautuk dekhan rachyau haye rasmondal raadhe heen aaee

चलियैजू नेंकु कौतुक देखन रच्यौ है रासमंडल राधे हीं आई तुम्हें लेन ॥ मृगमद घसि अंग लगाये मुकुट काछनी बनाये मुरली पीतांबर विराजत यह छबि मोपे कही न परै बैन ॥१॥ सब सखी मिलि नायें गावें ताल मृदंग मिलि बजावें नृत्य करें मध्य मूरति मैन ॥ सूरदास मदनमोहन हँसत कहा हो जु पाएँ धारिये जो पै सुख दीयो चाहों नेन ॥२)॥

Raas

Part1-333

Malav

Saajen natwar bhesh gopal .. madhur venu sushabd ughatat tata

साजें नटवर भेष गोपाल ॥ मधुर वेणु सुशब्द उघटत तत थेई थेई ताल ॥१॥ तरणि त्नयातीर भरकत श्याम घन गोपाल ॥ ब्रज की नारि समूह मंडल बनी कंचनमाल ॥२॥ रास रसगति निरख उड्पति तजी पश्चिम चाल ॥ चतुर्भुज प्रभु देव गण मन हस्यौ गिरिधरलाल ॥३॥

Raas

Part1-333

Malav