Saaree gumm padhani sapt swar alankrit srirag gawat vraj bhamini..

सारी गम पधनी सप्त स्वर अलंकृत श्रीराग गावत ब्रज भामिनी॥ कोकिल कलरव वर सुंदर सकल मानिनी मैं वर कामिनी ॥१॥ रिझिवत तत थेई तानबंधान शरद विमल शशि राका यामिनी ॥ कृष्णदास प्रभु गोवर्द्धन धारी लाल रिश्यो चाहत संग स्वामिनी ॥२॥

Raas

Part1-336

Shri

Piyako bean sikhawat pyaari | kunj mahalmein baithi shree radha

पियको बीन सिखावत प्यारी | कुंज महलमें बैठी श्री राधा संग लिये ललिता री ॥१॥ पियकी अंगुरी ले अपने कर धरत त्तार पै प्राणआधारी । मध्यम पंचम सुर हि भरावत लाल लकुट कर धारी ॥२॥ रीस करत मनमें मुसुकावतत पलका पे सुंदर सुकुमारी । सखी बूंद खंभ छिप ठाडी जाली कोऊ चढी अटारी ॥३॥ जलकी फूही परत जल भीतर मेघघटा निर्तत नटकारी। मोर चकोर कोकिला गावत तेसीय सावन की अंधियारी ॥४॥ मेरी नई बीन है मोहन बंसी निदुर नाही हितकारी । ताहि ते तुमको यह सिखावत बातें करत विचार विचारी ॥५॥ सुनि प्रिया वचन स्याम जू बोले सुनि हो श्री वृषभान डुलारी । तुमारी क्रपा बिन हम बंसी धरी सो अब ही विसारी ॥६॥ सुनि पिय वचन हरखि के प्यारी सिखवत रिझवत देकर तारी । भक्त सदा करे आस दरसकी तट सोभित है भानसुता री ॥७॥

Raas

Part1-336

Sorat

Rasnayak kunwar sanga lait atisudhange .. kaachhani cutty shir

रासनायक कुँवर संग लेत अतिसुधंगे ॥ काछनी कटि शिर टिपारी नई नई गति रंगे ॥१॥ जोरी अति सौभग सीमा समर मान भंगे ॥ कृष्णदास प्रभु विलसत युवति यूथ संगे ॥२॥

Raas

Part1-337

Gouri

Khelat raas dulhani dulhu .. sunn‌hoo naan sakhee sahit lalitaadik

खेलत रास दुलहनि दूलहु ॥ सुन्‌हु न सखी सहित ललितादिक निरख निरख नयनन किन फूलहु ॥१॥ अतिकल मधुर महामोहन ध्वनि उपजत हँंसमुत्ता के कूलहु ॥ थेई थेई बचन मिथुन मुख निरसत सुरमुनि देह दशा किन भूलहु ॥२।॥ भूदु पदन्‍्यास उठत कुंकुमरज अदभुत बहत समीर दुकूलहु ॥ कबहुँ श्यामश्यामा दोऊ नृत्यत्त कच कुचहार छुवत भूजमूलहु ॥३॥ भूकुटी बिलास हास रसबरखत हित हरीवंश प्रेमरस झूलहु ॥ अति लावण्य रूप अभिनय गुण नॉहिन कोटि काम समतूलहु ॥४॥

Raas

Part1-337

Gouri

Nritya maan preetam sanga neeken kargan sulap urap tirap bund badan

नृत्य मान प्रीतम संग नीकें करगान सुलप उरप तिरप बंद बदन जोति थकित चंद गिडग्रिडता गिडगिडता थेईथेईथेई मिलईतान ॥१॥ दंंदंदं ननन मृदंग धिधिकटतारावली खरजादिक सुधर विमल स्वरजात बंधान ॥ कृष्णदास प्रभु नवरंग रसिकन चुड़ामणि इषदहास भुवबिलास रिश्यौं गिरिधर सुजान ॥२॥

Raas

Part1-337

Gouri

Naachat gopal sange prem sahit rasarange tatthei tatthei karate

नाचत गोपाल संगे प्रेम सहित रासरंगे ततथेई ततथेई करते घोषनागरी ॥ रूपरास अंग अंगे तततान वर सुधंगे लास्य भेद निपुण कोकरस उजागरी ॥१॥ लेत सुलप उरप तिरप अवनि उरज बदन फिरत मुखरिति मणि दाम मिले अलग लागरी ॥ क्ृष्णदास प्रभु गिरिधर मोह लीये सुवश कीये तरणि तनया तीर बधू गुणन आगरी ॥२॥

Raas

Part1-337

Gouri

Kaanh kamini sanga raas mandal madhya yuvati naachat tarani

कान्ह कामिनि संग रास मंडल मध्य युवती नाचत तरणि तनयाकूले ॥ उदित मन्‍्मथ भाव सरस रंजित बदन देख मुख युवति जल कमल फूले ॥१॥. क्वणित मधुर मुरलिका धकित मृगलोचनी शिधिल कटितट नीवी वर दुकूले ॥ कनक बेलि मानों नव तमाल बिलसत रही लपटाय आनंद मूले ॥२॥ कोटि कंदर्प लावण्य प्रकटित रूप संगीत सुरत हिंडोल झूले ॥ कृष्णदासनिनाथ लालगिरिधवरन निरख नभ सघन उड्डराज भूले ॥३॥

Raas

Part1-337

Gouri

Hoe bal nirtat mohan jati .. aisee sugandh praveen gra gra tata thei

हो बल निर्तत मोहन जति ॥ ऐसी सुगंध प्रवीन ग्र ग्र तत थेई थेई लेत गति ॥१॥ पीत काछनी कटि लाल टिपारों छव सोहत अति ॥ गोविंद प्रभु त्रेलोक विमोहित कुंवर दोउ व्रजपति ॥२॥

Raas

Part1-338

Gouri

Gopbadhu mandal madhya naayak gopallal ruchiranan bimbadhar

गोपबधू मंडल मध्य नायक गोपाललाल रुचिरानन बिंबाधर मुरलिका धरे ॥ अद्भुत नटवर विचित्र भेष टेक अति सुदेश कनक कपिश काछ शिखी शिखंड शिखरे ॥१॥ कुकुझों कुकुओआँ झनकत थोंगथोंग थोंगतकिट धिकिट धिर्धीकिट तकथेई उघटत रास रसभरे ॥ जयजय गिरिराजधरन कोटि मदन मूरति पर हरिजीवन बलबल ब्रजपुरंदरे ॥२॥

Raas

Part1-338

Gouri

Krishna tarani tanaya teer rasmondallerchyou adhar curr madhur swar venu

कृष्ण तरणि तनया तीर रासमंडलरच्यौ अधर कर मधुर स्वर वेणु बाजै .॥ युवतती जन यूथ संग नृत्यत अनेक गति निरख अभिमान त्यज कामलाजै ॥१॥ स्याम तनपीत कोशेय पद नख रुचिर चंद्रिकां सकल भुव तिमिर भ्राजै ॥ ललित अवतंस भुव धनुष लोचन चपल चितवनि मानो मदन बाण साजै ॥२॥ मुखर मंजीर कंटि किंकिणी क्वणित रव बचन गंभीर मानों मेघ गाजें ॥ दास कुंभननाथ हरिदास वर्य धर नखशिख स्वरूप अद्भुत बिराजें ॥३॥

Raas

Part1-338

Gouri

Yeh gati naach nachaav naee .. vrindaavanmein rasbillas sukh baadhati

यह गति नाच नचाव नई ॥ वृंदावनमें रासबिलास सुख बाढति सई ॥१॥ भॉंतिभाँति राग गाबत स्वर अलापत केई ॥ उरप तिरप मान लेत तत ताथेई ॥२।॥ श्याम सुंदर करत क्रीड़ा प्रेमघटा छई ॥ कुंभनदास प्रभु गिरिधर छिनि छिन प्रतिनई ॥३॥

Raas

Part1-338

Gouri

Tatthei tatthei tattathei thei .... naachat gaabat gopi naana

ततथेई ततथेई ततताथेई थेई ॥॥ नाचत गाबत गोपी नाना नई ॥१॥ मृदंग धीधीकटि दट्ुमद्रम दई ॥ त्रिवट ताल गति लेत नई नई ॥२॥ गोवर्द्धधारी लाल रीझे अति सई ॥ कृष्णदास प्रभु प्यारी आकों भरि लई ॥३॥

Raas

Part1-338

Gouri