Saras gaabat laalan tribhangi .. raag kalyan mill churchery

सरस गाबत लालन त्रिभंगी ॥ राग कल्यान मिल चर्चरी तालसों मधुर कर मुरलिका मोहन गुनंगी ॥१॥ रासमंडल मध्य सुबिध नाचत वे अलाग लागन लाग जुबती जन संगी ॥ कोक संगीत सुखसिंधु सावल रत्न नंदनंदन केलि मनन्‍्मथ तरंगी ॥२॥ सप्तस्वर भेद अवघर तान मानसों मंद चाल सुरति श्रीधर्म भंगी ॥ क्ृष्णदासनिनाथ लालगिरिधरनसों चल क्‍यों न मिलत लोचन कुरंगी ॥३।

Raas

Part1-339

Hameer

Rasmondal madhya baney douu ree .. nirtat bheene nagri naagar

रासमंडल मध्य बने दोऊ री ॥ निर्तत भीने नागरी नागर रूप उजागर चंद कोटि कोटि बारने कीने री ॥१॥ कुंडल लोलनि बोलनि मुख थेई थेई अरस परस अंसन भुज दीने री ॥ आसकरन कोउ ताल बजावत कोउ मुदंग कोउ मधुरे गावत सुर झीने री ॥२॥

Raas

Part1-339

Nayaki

Giridharan laal tere kaaranen ruchikar talp sawari .. baithe akele :

गिरिधरन लाल तेरे कारनें रुचिकर तल्प सवारी ॥ बैठे अकेले : कुंजमें नेंक चलौ हा हारी ॥१॥ कालिंदिके कूलपै फूलन महेल बनाय ॥ जल बरखत द्रूमकी लता सुरत पवन सुहाय ॥२॥ चली पिया पै भामनी बैठे नंदकिशोर ॥ अली गुंजत सघन बन बोलत कोकिल दादुर मोर ॥३॥ निरमल निशि शशी शरदकौ है वर्षाकौ अंत ॥ बहोरबौ रास मंडल रच्यौ सखि तिहारे कंथ ॥४)| जोबन रूप कुसुमकौ ताहि कौन पतीजै ॥| पछितायबेकौ मन रहे . सुखबिलास रस लीजै ॥५॥ दूति के बचन सुन राधिका मनमें अति रुचि बाढ़ी ॥| तन जो भूषण साजही भई तत्क्षण ठाढ़ी ॥६॥ निरबारत चली कुंज में जब मोहन सुधि पाय ॥ प्रभु मुकुंद माधो मिले रहसि कंठ लप्टाय ॥१॥

Raas

Part1-339

Rayaso

Raas mein russ bharee radhika aavai .. baahu piya uns dhari huns

रास में रस भरी राधिका आवै ॥ बाहु पिय अंस धरि हंस गति लटकती कुच कनकघट रसिक मन सुहावै ॥१॥ तिरप तांडव लास्य उरप सुलपनि भेद निर्तत पीय संग मधुर कल गावै || लोल कटि देश मूरति रत्न मेखला नूपुर क्वणित हस्तक दिखाबै ॥ चपल मोहे नैन रुचिर मुसिक्यावनी रूप गुन रासि प्रानपति रिझ्ञावै ॥ वृषभान नंदिनी गिरिधरन नंदसुत चरन रेणु नित तहाँ कृष्णदास पावै ॥३॥

Raas

Part1-339

Hameer

Raasmein nrityat madan mohan neeke sulap sanchagati bhed dwimidrim

रासमें नृत्यत मदन मोहन नीके सुलप संचगति भेद द्विमिद्रिम झननननन मृदंग बजाई री ॥ धिधिकट तितिकट ताल झाँझ उघटत थुंगधुंग सप्तसुर सोहाई री ॥१॥ उरपमें तिरप लेत तिरपमें उरप माँ नखमणि शोभा बरनी न जाई ॥ क्रृष्णदास प्रभु गिरिधर ये राधिका गुण आगरी सब सुखदाई ॥२॥

Raas

Part1-340

Kalyan

Brindavan bansi rutt bansibat yamunake tata raasmein rasik pyaari

बृंदावन बंसी रट बंसीबट यमुनाके तट रासमें रसिक प्यारी खेल रच्यौ बनमें ॥ राधा माधी कर जोरें रविशशि होतभोरें मंडलमें नृत्यत दोऊ सरस सघनमें ॥१॥ मधुर मृदंग बाजै मुरली की ध्वनि गाजै सुधि न रही री कछू सुरमुनि जनमें || नंददास प्रभु प्यारी रूपउजियारी कृष्ण क्रीड़ा देख थकित सब जन मनमें ॥२॥

Raas

Part1-340

Jejvanti

Mohanlal key sanga lalana sohai jaisen taroo tamalke dhing phul

मोहनलाल के संग ललना सोहै जैसें तरू तमालके ढिंग फुल सोनजरदकौ ॥ बदनक्रांति अनुप भाँति नहिं समात नीलांबर गगनमें जैसें प्रगस्यौ शशि पूरन शरदकौ ॥१॥ मुक्ता आभूषण युति बिंबित अंग अंग चूने मिले रंग दूनौ होत जेसें हरदकौ ॥ सूरदास मदन मोहन गौहन की छबि बाढ़ी मेंटल दुख निरखि नैेन मैंन दरदकी ॥२॥

Raas

Part1-340

Kalyan

Nandlal sanga naachat navalkishori !. kharaj rikhabh gandhar

नंदलाल संग नाचत नवलकिशोरी !। खरज रिखभ गंधार सप्तस्वर मध्य तार लेत ग्रग्गम ततततहोरी ॥१॥ जहांरसिक गिरिधर शब्द उघटत ग्रग्न धुंग थुंगन होरी ॥ गोविंदप्रभु बनी नवनागरी गिरिधर रस जोरी ॥२॥

Raas

Part1-340

Kalyan

Piya sanmukh gavanat gaj gamini .. saaj singar pahar putt

पिय सन्मुख गवनत गज गामिनी ॥ साज सिंगार पहर पट भूषण नखसिख अंग अंग अभिरामिनी ॥ यमुना पुलिन सुभग वृंदावन तैसीय सुभग शरद की जामिनी ॥ कुंजकुंज प्रफुलित द्वमवेली देखत प्रेम मगनभर भामिनी ॥२॥ अति उदार गिरिधरन रसिक पिय भुजभर भेंटत वह कामिनी॥ चत्रभुज प्रभु गिरिधर ऐसे शोभित मानों नवधन में दामिनी ॥३॥

Raas

Part1-340

Rayaso

Rasrang kanhsang nrityat vrajbhamini .. megh chakr madhya bunny

रासरंग कान्हसंग नृत्यत व्रजभामिनी ॥ मेघ चक्र मध्य बनी मानों सौदामिनी ॥ अवघर गति उरप तिरप लेत चपल भ्रोंह भामिनी ॥ हुलसत मानों मदन केलि शरद विमल यामिनी ॥१॥ गोवर्द्धधरनलाल रिझवत वर कामिनी ॥ थकित निरखि उड़ुपति सुख कृष्णदास स्वामिनी ॥२॥

Raas

Part1-340

Iman

Nrityamaan bhamini gopal sanga subhag raas .. tarani tanaya

नृत्यमान भामिनी गोपाल संग सुभग रास ॥ तरणि तनया पुलिन बिमल बिगसत्त जाती सुवास ॥१॥ लेत सुलप उरप तिरप दरसत बर ईषद हास ॥ बदनजोति स्वच्छ कृत मोहे उड़पति आकाश ॥२॥ नीलपट कसि कंचुकी उतंग नव बिलास ॥ गोवर्द्धधरनलाल रििवत प्रभु कृष्णदास ॥३॥

Raas

Part1-341

Iman

Mohani madan gopallalki baansuri .. madhure shravan putt sunat

मोहनी मदन गोपाललालकी बाँसुरी ॥ मधुरे श्रवण पुट सुनत स्वर राधिके करत रतिराज के तापकौ नास री ॥१॥ शरद राका रजनी विपिन वुंदा सुखद अनिल तन मंद अति शीतल सुवास री ॥ सुभग पावन पुलिन भृंग सेवत नलिन कल्पतरु रुचिर बलवीर कृत रास री ॥२॥ सकल मंडल भली जहाँ हरिसों मिली बनिता बर बनी उपमा कहीं कासु री ॥ कूंज कंचन तनी लालमरकतमनी उभे कलहंस हरिवंश बलिदास री ॥श)।

Raas

Part1-341

Iman