Laal sanga rasrang lait maan rasikavan gragrata gragrata tatatat

लाल संग रासरंग लेत मान रसिकवन ग्रग्रता ग्रग्रता तततत ततयेईथेई गति लीने ॥| सारीगमपधनी ध्वनि सुन व्रजराज कुँवर गावत री अति जति संगति निषुण तननननननन आन आन गति चीने ॥१॥ उदित मुदित शरद चंद बंद टूटे कंचुकी के वैभव निरखि निरखि कोटिमदन हीने ॥ बिहरत बन रास बिलास दंपति मन ईषद हास छीत स्वामी गिरिवरधर रसवश तब कीने ॥२॥

Raas

Part1-341

Iman

Gragrathung thung tita kitt thringan aeka charan karason bharein juu bhalein mridang

ग्रग्रथुंग थुृंग तित किट थृंगन एक चरण करसों भरें जू भलें मृदंग बजाबवै ॥ दूसरे कर चरणसों कठताल झंझंझ झपतालमें अब घर गरि उपजावै ॥१।| कंठ सरस सुरहे गावै मोहन मधुरतान लाबै सकल कला पूरण वृषभाननंदिनी पिय मनभावै ॥ गोविंदप्रभु पिय रिि रहे मुरझाई दशन दशन धरकें रहसि उरसि लपटावै ॥२॥

Raas

Part1-341

Iman

Shyam sajani sharad rajani pulin madhya nrityanat taantrigata taantrigata

श्याम सजनी शरद रजनी पुलिन मध्य नृत्यनाट तांतृगता तांतृगता तिरप बंद करत कामिनी ॥ गिड़िगिडां गिडिगिडां गिडगिडगिडगिडगिडां थिधी किटता लागदई झांझांझां झनननननन सुरउपंगनी ॥१॥ श्यामाकों यह नाद भावे तांत्रगता तांत्रगता गतिहिं लावे तततततत शब्द लेत कोटिकामिनी ॥ कृष्णदास यशहिं गावै कर ताथेई थेई नचावै काकृति काकृति काकृति काकृति करे मृदंगगी. ॥२॥

Raas

Part1-342

Iman

Banyau haye rasmondal maaee kamalanayan madhur cull venuswar gaaven ...

बन्यौ है रासमंडल माई कमलनयन मधुर कल वेणुस्वर गावें ॥. हस्तक भेद दिखावें गोपिन प्रेम बढ़ावैं ॥ मानों भूषति रतिरण जीते आवें ॥१॥ युवतिवृंद संग नाचत अपने रंग तानतरंग अनागति उपजावैं ॥ थकित सघन चंद रथ न पश्चिम धावैं ॥ इंद्र मुदित मन नभ निशान बजावैं ॥२॥ गोवर्द्धन धारी लाल मदन ताप नसावैं ॥ चारुचरण रज क्रृष्णदास पावैं ॥३॥

Raas

Part1-342

Iman

Bikat bikat nikat nikat bhedan mridang bajaigau .. giridharlal

बिकट बिकट निकट निकट भेदन मृदंग बाजैगौ ॥ गिरिधरलाल बजावत गावत सप्र स्वर्न मिलि ताधिलां ताधिलां धिलांता गिडम्रिडगिड गाजैगौ ॥१॥ उघटत शब्द तत्त ताथेईवेई यहि विधि ब्रजबनिता नाचत नवसत सिंगार साजैगौ ॥ चंचल शशि प्रभु रिझवत कर बुझबत सैन दे दे रतियुत रतिपति लाजैगो. ॥२॥

Raas

Part1-342

Iman

Gidgiutantantan dhitaadhitaan mandilaga baajai .. tandhila

गिडगिउतांतांतां धिताधितां मंदिलगा बाजै ॥ तांधिला घिलांधिलां धिधिकट धिधिकट धननननथुंग ग्रिडगिडथुं गिडिगिडथुं घन प्रचंड गाजै ॥१॥ थुंगधुंगथुंगभुंगथरथरतनननननन थेई थेई शब्द उघटत नटवर नट राजै ॥ कृष्णदास प्रभु गिरिधर प्यारी संग नृत्य करै अंग-अंग कोटि सुलक्षण मन्मथ मन लाजै ॥२॥

Raas

Part1-342

Iman

Shyam naval naval badhu kunjan madhya naval keli chand naval raas

श्याम नवल नवल बधू कुंजन मध्य नवल केलि चंद नवल रास रचित शरद शर्वरी ॥ ताल धरनि एक मृदंगनि एक रवाब बजावै उपंगन मध्य नायक नॉचत गावत जोरी कर्वरी ॥१॥ तट तरंगन निकट तरुणी कटितट मृदु चंपक बरणी बाम दक्षिण प्रीति भाव करत गर्व री ॥ गिरिवरधर भदनमोहन भूलि रहौ सकल गगन मगन कृष्णदास कहत बहुत प्रेम पर्व री ॥

Raas

Part1-342

Iman

Aaj shyama bunny shyam sange .. pahari tunn kanchuki nilsari

आज श्यामा बनी श्याम संगे ॥ पहरि तन कंचुकी नीलसारी बनी बिबिध मोतिन गुही सुभग मंगे ॥१॥ मंद मुसिक्यान मूदु चणल मृगलोचनी लटकि लपटात हरि मूदुल अंग ॥ भेंट तन ताप हीयें भेंट भर भुजनसों करत मधुपान पीय लै उछंगे ॥२॥ किंकिनी कुनित कटि पेंजनी झनक पग निर्तत सुलप लेत थेई थुंगे | सकल सुख करन श्रीलालगिरिवरधरन दास कुंभन विपिन रास रंगे ॥३॥

Raas

Part1-343

Iman

Mund mund murali dhuni baajai nirtat kumar kanhaiya .. jaisiya

मंद मंद मुरली धुनि बाजै निर्तत कुमर कन्हैया ॥ जैसीय निरमल शरद चाँदनी तैसीय बनी उुल्हैया ॥१॥ चंदन की खोर करैं बनमाला कंठ धरें कंचन की बेली मानों सरस ऊल्हैया ॥ कृष्ण जीवन लछीराम के प्रभु प्यारे दोऊ कर लेत बलैया ॥२॥

Raas

Part1-343

Iman

Sughar radhika praveen bansibat raas rachyau shyama sanga varr sudhang

सुघर राधिका प्रवीन बंसीबट रास रच्यौ श्यामा संग वर सुधंग तरनि तनया तीरे ॥ आनंद कंद वृंदावन सरद चंद पवनमंद कुसुमपुंज ताप दवन धुनित अलिकुटीरे ॥१॥ रुनित किकिनी सुचारु नूपुर मणि बलयहार अंगवर सुधंग तार तिर॒प तरल चीरे ॥ गावत अति रंग रहौ व्यास रस प्रवाह बह्मो निरख नैनमीन करत प्रेमसिंधु सीरे ॥२॥

Raas

Part1-343

Iman

Gawat giridharan sanga param mudit raas rung oorap tirap lait taana

गावत गिरिधरन संग परम मुदित रास रंग ऊरप तिरप लेत तान नागर नागरी ॥ सारीगमपधनी ऊघटत गति सप्त सुरन लेत लाग डाट सुलप अति उजागरी ॥१॥ चर्बित तांबूल देत ध्रुवताल गतिहीं लेत गिडगिडता थुंगथुंग अलाग लोग री ॥ सुरति केलि रति बिलास बलि बलि बलि कुंभनदास आनंद नंदन राधावर सुहाग री ॥२॥

Raas

Part1-343

Iman

Taisaui trivat mukh ughatat poyne lait taisaui mridang baaje

तैसौई त्रिवट मुख उघटत पॉयन लेत तैसौई मृदंग बाजे धाधिलांग ॥ जहीं जहीं हस्तक तहीं तहीं दृष्टि मन तहीं भाव गति बिलास ग्रीव टक भ्रकुटी भंग ॥१॥ ऊरप तिरप हुर्मईस लाग डाट कर सुदेश लेत अनाघात फरकत सब अंग ॥ सूरदास मदन मोहन रीझे हाथ धर माथ बाँह जोरी कीयें डोलत प्यारी के संग ॥२॥

Raas

Part1-343

Iman