Raajat rangbhini bhamini saanvare preetam sange .. nirtat chanchal gati kahee naan parat duti lahlahan seekhi navghan jahaan damini ..1). juvati

राजत रंगभिनी भामिनी साँवरे प्रीतम संगे ॥ निर्तत चंचल गति कही न परत दुति लहलहान सीखी नवघन जहाँ दामिनी ॥१)। जुवति मंडल में मध्य रूप गुनकी अवधि तातें कहावै संगीतकी स्वामिनी ॥ राग रंग की रानी ततथेई की कलबानी कछुक सीखी कोकिला की कामिनी ॥ नंददास रीझे तहाँ अपने पौ बास्बौ जहाँ रन रंभा अभिरामिनी ॥२॥

Raas

Part1-344

Bihaag

Theit theit geedi geedi taka taka thong thong .. tatthei thei

थेईत थेईत गीडी गीडी तक तक थोंग थोंग ॥ ततथेई थेई नृत करत नट नागर अवघर गति आन आन || तकधिलांग तकधिलांग धुमकिट धुमकिट मधुर मधुर बाजे मृदंग ॥ अलग लाग उरप तिरप सरत सूरन मिली तान ॥१॥ बीन कीन्‍्नरी पिनांग महुवर कर कठताल लाल लाडली गुण निधान ॥ परम विचित्र अति सुजान ॥ क्रृष्णदास प्रभु गोपाल मोही सब ब्रज की बाल ॥ बांकी श्रोंह बांके नेन मारत मानो सर कमान ॥२॥

Raas

Part1-344

Iman

Rasikan russ bharey hoe sulap sanch

रसिकन रस भरे हो सुलप संच गति लेतहें ग्रग्रताता थेई थेई बाजत मृदंग ॥१॥ ताल जंत्र किन्नरी कतर भेद तेसीय मिलिहें सरस उपंग ॥ गोविंद प्रभु के भू मदमाती युवती युथ ग्रथित कुसुम सिर मोतिन मंग ॥२॥

Raas

Part1-344

Iman

Gopi gopal laal raas mandal maanhi .. thei thei thei tathilang

गोपी गोपाल लाल रास मंडल मांही ॥ थेई थेई थेई ताथिलांग निर्तत गल बांही ॥ द्ुम द्रम द्रुम द्रुम मृदंग झननननन रूप रंग ग्रग्रत ग्रग्रत ताधिलांग उघटित रसनारी ॥१॥ बीच बाल बीचलाल प्रति प्रति प्रति युति रसाल ओघट अति गति उताल निरख द्रग सिराई ॥ श्री राधा मुख शरद चंद पोंछत श्रम जल आनंद नंद नंदन लटक लटक करत मुकुट छांई ॥२॥ तततत थेई सुधर द्योत शशिय रथ क्‍यों मध्यनि ठाठ उरप तिरप लाग डाट दंपति अति सांधे ॥ गावत रस भरे रंग तान ताल सुर उमंग आनंद उपजत अनंग रीझत हरि राधे ॥३॥ ठाड़े व्योमन विमान देखत सुर शक भान देव अंगना निधान रीझ आ्राण वारे || चकित थकित जमुना नीर खग मृग डग मग शरीर जे जे बलवीर सूर बल सखा तिहारे ॥४॥

Raas

Part1-344

Iman

Aliri mandmand muralidhuni baajat nrityat kunwar kanhaiya .| muralidhuni baajat nrityat kunwar kanhaiya ..

आलीरी मंदमंद मुरलीधुनि बाजत नृत्यत कुंवर कन्हैया ।| मुरलीधुनि बाजत नृत्यत कुंवर कन्हैया ॥ तैसीये सरदकी चांदनी निरमल तैसी बनी दुल्हैया !१॥| चंदनकी खौरकिये और वनमाल हिये कंचनकी बेली मानों बनी दुल्हैया ॥ कृष्णनीवन लछीरामके प्रभु प्यरे दोऊ कर लेत बलैया ॥२॥

Raas

Part1-344

Iman

Banyau morr mukut natavarabapu shyamsunder kamal nayan bonki

बन्यौ मोर मुकुट नटवरब॒पु श्यामसुंदर कमल नयन बॉँकी श्रोंह ललित भाल घुँघरवारी अलके ॥ पीतबसन मोतीमाल हियें पदक कंठलाल हँसन बोलनि गावन गंडन श्रवण कुंडल झलकें ॥१॥ करपद भूषण अनूप कोटि मदन मोहनरूप अद्भुत बदनचंद देख गोपी भूली पलके !| कहि भगवान हितरामरायप्रभु ठाढ़े रासमंडलमें राधासों बाँह जोटी कियें हियैं प्रेमललकें ॥२॥

Raas

Part1-345

Kanharo

Nrityamaan rasrang kaanh sanga ghoshnar gidgidtatheithei

नृत्यमान रासरंग कान्ह संग घोषनार गिडगिडततथेईथेई नवबिलासनी ॥ बदनजोति मोहत नभ सघन चंद रूपरस बामबाहु नाथ अँस ईषद हासनी ॥१॥ बीच बीच सुरतकेलि जानों तमाल कनकबेलि अरुझ रही अंगअंग बिगतबासनी ॥ कृष्णदास प्रभु गिरिधर अधरामृत रंगराची भुवि बिलास मत्त मदन गर्वनासिनी ॥२॥

Raas

Part1-345

Kanharo

Patihaaye naina kahein deit rawre kaisen chori durey .. tum mukrat

पतिहाये नैना कहें देत रावरे कैसें चोरी दुरे ॥ तुम मुकरत हो ये आनन चंढ़ि गरजत गाजि बादर करत कैसेंधीं मुख मुरे ॥१॥ सोचे न झूठे करत इन बातन साह भयो चहत असि विधि तुमहीकों फुरै ॥ चतुरबिहारी गिरिधारी जानि पहचाने जू तूमसों झगरौ कौन करे ॥२॥

Raas

Part1-345

Bihaag

Laal saanvaren hoe saisiye bihaarani gori .. taa chhinuki bali

लाल साँवरें हो सैसीये बिहारनि गोरी ॥ ता छीनुकी बलि जाऊँ सखीरी जा कर करत निहोरी ॥१॥ कंकण मणि मर्कत मणि प्रगटि बरसांनौ नंदगाँउ रे ॥ दिधना रचित न होय श्रीभट राधा मोहन नाउरे ॥२॥

Raas

Part1-345

Bihaag

Sommel moodul manohar moorati nand suvan yuvatin sanga gawat|..

सॉमल मूदुल मनोहर मूरति नंद सुवन युवतिन संग गावत|॥ सगरंग रसरसिक रसिकनी राधामोहन प्रेम बढ़ावत ॥१॥ नूपुर रुनत क्वणित कटि किकिणी सुरवरसों मिलि वेणु बजावत ॥ तानमान बंधान अनागत अवघरतान भेद उपजावत ||२॥ कौतुक रासविलास सुधानिधि कमल नयन मनसिज शर लावत ॥ नृत्यमान प्यारी प्रीतम पदरज कृष्णदास नौछावर पावत ॥३॥

Raas

Part1-345

Kanharo

Sikhwat harikon murali bajaavan .. saptarandhr parr dharat angureedal

सिखवत हरिकों मुरली बजावन ॥ सप्तरंध्र पर धरत अँगुरीदल कंध बाहु धर मधुरे गावन ॥१॥ सरसभेद जति राग कान्हरो गति बिलास वर नयन नचावन ॥ कृष्णास बल बल वैभवकी गिरिधर पियप्यारी मनभावन ॥२॥

Raas

Part1-346

Kanharo

Nrityat rasranga rasikaras bharey hoe .. sulap sanchagati lait

नृत्यत रासरंगा रसिकरस भरे हो ॥ सुलप संचगति लेत ग्रग्रततततथेईथेई बाजत मुदंगा ॥१॥ ताल झाँझ किच्नरि कतर भेद तैसीये मिली सरस सुर उपंगा ॥ गोविंदप्रभुके रस माते युवती यूथ मधि खसित कुसुम शिर मोतीनमंगा ॥२॥

Raas

Part1-346

Kanharo