Chatkilau putt laptaanau cutty bansibat jamunaake tata thaadhi naagar

चटकीलौ पट लपटानौ कटि बंसीबट जमुनाके तट ठाढी नागर नट ॥ मुकुट लटक और कुंडल चटक भ्रुकुटी बिकट तामेँ अटक्यौरी मदनभट ॥१॥ चरण लपेट आछे कनक लकुट चटकीली बनमाल कर टेकें द्रुम डाल ठेढ़े ठाढ़े नंदलाल छबि छाई घटघट ॥ नंददास प्रभु प्यारी बिन देखें गोपीग्वाल टारी न टरत यातैं निपट निकट आवै सौंधेकी लपट ॥२॥

Raas

Part1-348

Adano

Poorat madhure venu rasal .. chaaru dhwani way sunat shravanan bimohi

पूरत मधुरे वेणु रसाल ॥ चारु ध्वनि वे सुनत श्रवणन बिमोही व्रजबाल ॥१॥ राजऋतु गिरि गोवर्द्धन तट रच्यो रास गोपाल ॥ निरख कौतुक चंद भूल्यो तजी पश्चिम चाल ॥॥२॥ सुनि थके सुरनर पवन पशु खग सुधि न रही तिहिं काल ॥ दास कुंभनप्रभु हर्यौ मन गोवर्द्धधधर लाल ॥३॥

Raas

Part1-349

Kedaro

Govind karat murali gaan . adhar kardhar syaam sunder saptaswar

गोविंद करत मुरली गान । अधर करधर स्याम सुंदर सप्तस्वर बंधान ॥9५॥ बिमोही व्रजनारि पशु खग सुनत धर रहे ध्यान ॥ चल अचल सबकी भई यह गति अनूपम आन ॥२॥ सुनत तजी समाधि मुनिजन थके व्योम विमान ॥ कुंभनदास सुजान गिरिधर रची अद्भुत तान ॥३॥

Raas

Part1-349

Kedaro

Raasmein rasik mohan baney bhamini .. subhag paavan pulin

रासमें रसिक मोहन बने भामिनी ॥ सुभग पावन पुलिन सरस सौरभनलिन मत्त मधुकर निरक शरदकी यामिनी ॥१॥ त्रिबिध रोचक पवन ताप दिनमणि दवन तहाँ ठाढ़े रवन संग शत कामिनी ॥ ताल बीणा मृदंग सरस नाथत सुधंग एकतें एक संगीतकी स्वामिनी ॥२॥ रागरागिन जमी विषिन बरखत अमी अधरबिंवन रमी मुरली अभिरामिनी | लाग डाप उरप सप्तस्वरनसों सुलप लेत सुंदर सुभग राधिका नामिनी ॥३॥ ततथेईथेई करत गतिब नूतन धस्त पगन डगमग धरत मत्त गजगामिनी ॥ धाय नवरँग धरी उरसि राजत खरी उभय कलहंस हरिवंश घनदामिनी ॥४॥

Raas

Part1-349

Kedaro

Raine reejhi hoe pyaare harikau raas dekh yaahi tein adhik badh gaee

रेन रीझी हो प्यारे हरिकौ रास देख याही तें अधिक बढ गई री गैन ॥ चल न सकत हरि रूप बिमोही रही एकटक आए नक्षत्र नैन )१॥ छबिसों छूटत मानों बिचबिच तारे हीरा के आभूषण पर बार डारों जग ऐन ॥ चंदाहू थकित भयौ देखबेके लालच रह्यौ भयौ देखकें परम चैन ॥२॥ जौ लों इच्छा भई तौलों नाँचें हैं गोपी गोपाल अद्भुत गति मौ पै कही न परत बैन ॥ नंददासप्रभु को बिलास रास देखबेकुँ मन्ममथहूकौ मन मधथ्यौरी मन ॥३॥

Raas

Part1-349

Kedaro

Raas rachyau bunn kunwar kishori .. mandal bimal subhag boondaavan

रास रच्यौ बन कुँवर किशोरी ॥ मंडल बिमल सुभग बूंदावन यमुनापुलिन श्यामघन गोरी ॥१॥ बाजत वेणु रबाब किन्नरी कंकण नूपुर किंकिणी सोरी ॥ ततथेई ततथेई शब्द उघटत पीय भले बिहारी विहारिन जोरी ॥२॥ बरहा मुकुट भ्रकुटी तट आबत धरें भुजन में भामिन भोरी ॥ आलिंगन चुंबन परिरंभण परमानंद डारत तृणतोरी ॥३॥

Raas

Part1-349

Kedaro

Suna dhwani murali bunn baajai hari raas rachyau .. kunjkunj drumveli

सुन ध्वनि मुरली बन बाजै हरि रास रच्यौ ॥ कुंजकुंज द्रुमवेलि प्रफुल्लित मंडल कंचन मणिन खच्यौ ॥१॥ नृत्यत युगल किशोर युवतिजन मन मिल राग केदारो सच्यो ॥ हरिदास के स्वामी स्यामा कुंजबिहारी नीकें आज गोपाल नच्यी ॥२॥

Raas

Part1-349

Kedaro

Puripuri puranmasi purbau pooryau sharadkau chandaa | pooryau haye

पूरीपूरी पूरणमासी पूर्बौ पूरयौ शरदकौ चंदा | पूरयौ है मुरली स्वर केदारों कृष्ण कला संपूरण भामिनी रास रच्यौ सुख कंदा ॥१॥ तान मान यति मोहन मोहे कहियत औरही मन मोहंदा || नृत्य करत श्रीराधा प्यारी नचवत आप बिहारी उघटत थेईथेई थुगन छंदा ॥३॥ मन आकर्षि लियो व्रजसुंदरि जयजय रुचिर रुचिर गति मंदा ॥ सखी असीस देत हरिवंशी तैसेंई बिहरत श्रीवृंदावन कुँवरिकुवर नंदनंदा ॥३॥

Raas

Part1-350

Kedaro

Raakhat rung girivardharan .. rasrang saras rachyau nritya gati

राखत रंग गिरिवरधरन ॥ रासरंग सरस रच्यौ नृत्य गति मनहरन ॥१॥ शरद उड्डपति किरण रंजित बिपिन नाना बरण ॥ तरणि तनया पुलिन में सुख रासि प्रकटित करण ॥२॥ सुभग युवति कदंब संगीत सुरत सागर तरण ॥ भर्तू काव्य सुधा सरोवर राज बिहरन ॥३॥ तत थेई तत थेई थेई शब्द गति उच्चारण ॥ कृष्णदासनिनाथ निज भुज त्रिया उर विस्तरण ॥४॥

Raas

Part1-350

Kedaro

Aaj mohan rachee rasrus mandali .. udit pooran nisha naath

आज मोहन रची रासरस मंडली ॥ उदित पूरण निशा नाथ निरमल दिशा देख दिनकर सुता सुभग पुलिन स्थली ॥१॥ बीच हरि बीच हिरणाक्ष माला रची तरुलता पिच्छ मानों कनक कदली रली || पवन वश चपल द्रुम डुलनसी देखियत चारु हस्तक भेद भाँत भारी भली ॥२॥ चरण विन्यास कर्पूर कुंकुम धूरि पूरि रही दिश विदिश कुंजनबनकी गली ॥ कुंद मंदार अरविंद मकरंद मिलि कुंज पुंजन मिले मंजु गुंजत अली ॥३॥ गान रस तनक बाण बेध्यो विषपान अभिमान मुनि ध्यान जिय दलमली ॥ अधर गिरिधरनके लाग अनुराग मिल जगत विजई भई मुरलिका काकली ॥४॥ रसभरे मध्य मंडल बिराजत खरे नंदनंदन वृषभानजूकी लली ॥ देख अनमेष लोचन गदाधर युगल लेख जिय आपने भाग्य महिमा फल्ली ॥५॥

Raas

Part1-350

Kedaro

Shyam sanga radhika rasmondal bunny .. beach nandlaal vrajbal

श्याम संग राधिका रासमंडल बनी ॥ बीच नँदलाल ब्रजबाल चंपक बरण जनु घन त़तड़ित बिच कनक मरकत्त मणी ॥१॥ लेत गति मान तत थेई हस्तक भेद सारीगमपधनी ए सप्नस्वर मंदनी ॥ नृत्य रस पहिर पट नील प्रकटित छबि बदन जनु जलद में हिमकिरन की चाँदनी ॥२॥| रागरागणी तानमान संगीत मध्य थकित राकेश नभ शरदकी यामिनी ॥ मिलत हरिवंश प्रभु हंस कटि केहरी दूर कर मदन मत्त गजगामिनी ॥३॥

Raas

Part1-351

Kedaro

Nrityat raas mein rangarahmau ..| bhaye mohit chalachal hari jabahi

नृत्यत रास में रंगरह्मौ ॥| भये मोहित चलअचल हरि जबही वेणु गह्मौ ॥१॥ बिपिन बूंदा सच्यौ जो सुख परत नॉहि कह्मौ ॥ प्रेम प्रभु संग रंग रसकौ उमंग वारिधि बह्लो ॥२॥

Raas

Part1-351

Kedaro