Aliri rasmondal madhya nritya karat madan mohan adhik sohan

आलीरी रासमंडल मध्य नृत्य करत मदन मोहन अधिक सोहन लाड़िली रूप निधान ॥ चलन चारु हस्तभेद मिलवत आछी भाँत-भाँत मंदहास भ्रुव बिलास लेत नयन नहीं में मान ॥१॥ दोऊ मिल राग केदारों अलापत होड़ाहोड़ी उघटत बिकट तान ॥ परमानंद निरख गोपीजन बारत हैं निज प्राण ॥२॥

Raas

Part1-351

Kedaro

Rishshayi sakhiri tein sauvery sujanrai || taana bandhan anoopam

रिश्षयी सखीरी तें सॉवरी सुजानराय || तान बंधान अनूपम गतिसों मधुर ताल स्वर सुधर गाय ॥१॥ राखे प्रेम प्रमोद प्राणपति ग्रूढ़भाव सैंनन जनाय ॥ उघटत शब्दसंगीत स्वामिनी नृत्यत पग नूपुर बजाय ॥२॥ हरिसंग रासरंग राख्यों मिलिके अंगअंग गुण बहुत भाव ॥ चब्रभुज गिरिगोवर्द्धनघारीलाल लेत रहसि हँसकंठ लाय ॥३॥

Raas

Part1-351

Kedaro

Sharad suhai hoe yamini bhamini raas rachyau .. bansibat

शरद सुहाई हो यामिनी भामिनी रास रच्यौ ॥ बंसीबट यमुनातट शीतल मंद सुगंध समीर सच्यौ ॥१॥ बाजत ताल मृदंग राधा संग मोहन सरस सुधंग नच्यौ ॥ उरप तिरप गति लेत सुलप अति बिथकित लज्ित मदन लच्यौ ॥२॥ कोक कला संगीत गीत रस रूप मधुरता गुणन बच्यों ॥ भूकुटी बिलास हास रस बरखत ब्यास परम सुख नयन जच्यौ ॥३॥

Raas

Part1-351

Kedaro

Adbhut natbhekh dharain yamunatat shyamsunder gunanidhaan girivardhar

अद्भुत नटभेख धरैं यमुनातट श्यामसुंदर गुणनिधान गिरिवरधर रास रंग नायें ॥ युवतीयूथ संग लियें गावत केदारों राग अब घर बर वेणु मधुर मधुर सप्त स्वरन साचें ॥१॥ उरप तिरप लागडाट तततत तत थेई थेई उघटत शब्दावली यति भेद कोऊ न बाँचैं | चत्रभुजप्रभु बनबिलास मोहे सब सुर अकाश * निरखथक्यो चंदकों रथ पश्चिम नहीं खाँचें ॥२॥

Raas

Part1-352

Kedaro

Shrivrishbhan nandini naachat laalan giridharan sanga laag daat urap

श्रीवृषभान नंदिनी नाचत लालन गिरिधरन संग लाग डाट उरप तिरप रासरंग राख्यो ॥ झपताल मिल्यो राग केदारों सप्तस्वरन अवधर वर सुघर तान गान रंग राख्यो ॥१॥ पाई सुख सुरति सिद्धि भरत काम बिबिध रिद्धि अभिदल नवसत सुहाग हुलास रंगराख्यौ || बनिता शतयूथके पीय निरख थकक्‍्यौ सघन चंद बलिए'री क्ृष्णदास सुयश रंग राख्यो ॥२॥

Raas

Part1-352

Kedaro

Aaj nandanand mukhchand bunn raajain .. jatit mani mukut aur

आज नंदनंद मुखचंद बन राजैं ॥ जटित मणि मुकुट और सुभग कुंडल चटक बसन पट पीत भ्रुव मठक छाजें ॥१॥ रासमें रसिक वर . ललित संगीत स्वर मधुर मुरली मृदंग ताल बाजैं ॥ श्रीविइलगिरिधरन क्वणित नुपुर चरण सुनत भई घोष त्रिय थकित आजैं ॥२॥

Raas

Part1-352

Kedaro

Rasrang nrityamaan adbhut gati lait taana yamunapulin param

रासरंग नृत्यमान अद्भुत गति लेत तान यमुनापुलिन परम रवनिगिरिवरधर राजैं ॥ बनिता शतयुथ मंडल गंडन पर झलकें कुंडल गावत केदारो राग सप्तस्वरन साजैं ॥१॥ दोऊ श्यामा मध्य मोहन रचित मरकतमणि कंचनखचित शिधिल बसन कटितटतें अपुने हाथ समाजैं ॥ कुंभनदास नवरंग सकल कला गुण निधान खरजादिक लेत तान अंगही अंग बिराजैं ॥२॥

Raas

Part1-352

Kedaro

Gawat giridharan sanga param mudit raas rung urap tirap lait

गावत गिरिधरन संग परम मुदित रास रंग उरप तिरप लेत तान नागर नागरी ॥ सारीगम पथ निगमप धनी उघटत गति सप्तसुरन लेत लाग डाट सुलप अति उजागरी ॥१॥ चर्बित तांबूल देत धुब॒ताल गतिहीं लेत गिडिगिडिगिडि थुंगधुंग अलाग लागरी ॥ सुरतिकेल रतिबिलास बलि बलि बलि कुंभनदास श्रीराधानंदनंदन बर सुहागरी ॥२॥

Raas

Part1-353

Kedaro

Aaj sakhee shyama sanga sriradha navalkunwari karat hain

आज सखी श्यामा संग श्रीराधा नवलकुँवरि करत हैं बिहार दोऊ यमुना जलकेलि ॥ हावभाव ग्रीव लटक नयनसैन भ्रौंह मटक हासरंग प्रेम उमग ग्रीवा भुज मेलि ॥१॥ अंतरंग सखी ठाढ़ी देखत अति तृषा बाढ़ी बारबार कहत आज नीकौ बन्यौ खेल ॥ चत्रभुज प्रभु बन बिलास उपजत है अति हुलास श्रीगिरिधर गजराज बाहु युवती दलपेल ॥२॥

Raas

Part1-353

Kedaro

Raas rachyaun mohanlal shobhit sanga vrajaki baal voondaavan

रास रच्यौं मोहनलाल शोभित सँग व्रजकी बाल वूंदावन यमुनातट रसिक रसिकनी ॥| चरण गति अनेक भाँत कटि की लचक मध्य चमकत श्रुति भेद ग्रीवा लटक भ्रूह मटकनी ॥१॥ नयन कटाक्ष हावभाव उपजत अति रंग चाव सकल क़ला निपुण सरस कामरंगिनी ॥ गान करत कुंभनदास गिरिधर मुख मंद हास थकित भये युवती यूथ प्रेमफंदिनी ॥२॥।

Raas

Part1-353

Kedaro

Aaj gopal rachyau raas dekhat hott jiya hulas naachat

आज गोपाल रच्यौ रास देखत होत जिय हुलास नाचत बृषभान सुता संग रंग भीने ॥ गिडगिड तक थुंगधुंग तततततत थेई थेई थेई गावत केदारो राग सरस तान लीने ॥१॥ फुले बहुभाँत फूले सुभग पुलिन यमुना कूल मलय पवन बहत गगन उड्ुपति गति छीने ॥ गोविंदप्रभु करत केलि भामिनी रससिंधु झे जयजय सुर शब्द कहत आनंद रसभीने ॥२॥

Raas

Part1-353

Kedaro

Bhushan saje saamal anga .. laadili vrishbhanjuki liye hain

भूषण सजे सामल अंग ॥ लाड़िली वृषभानजूकी लिये हैं हरि संग ॥१॥ रच्यौ रास बिलास कानन रसिक वर नवरंग।॥। कला नटवर धरत जब कछु देख लज्जित अनंग ॥२॥ बेणु ध्वनि सुनि थकित मुनिगण गति लेत थेई थेईथुंग ॥ श्रीविद्धलगिरिधरनकी बलि जाऊँ ललित त्रिभंग ॥३॥

Raas

Part1-353

Kedaro