Naachat laadili laalan raas mein suno hoe saheli rung raho ..

नाचत लाड़िली लालन रास में सुनो हो सहेली रंग रहो ॥ ताही समय रसरास सहायक सुखद मलयसौ पवन बह्यौ ॥१॥ उड्डपति किरण सुरंजित कानन नवकुसुमाबलि तिमिर दह्मौ ॥ युवती मंडल मध्य श्याम घन राग वारि निधि वेणु गह्मौ ॥२॥ बोलत तोहि सुरत मिलबनकौं उठ चल मान किन मेरौ कह्नौ ॥ कृष्णदास प्रभु गिरिधर नागर तेरौ बिलंब नहीं जात सहौ ॥३।॥।

Raas

Part1-353

Kedaro

Chalau navnagari roop guna aagari raas thaanyau laal subhag

चलौ नवनागरी रूप गुन आगरी रास ठान्यौ लाल सुभग जमुना तीर ॥ साज भूषन सकल मुदित करि मुख कमल बिबिध सौरभ मिलयी पहरि दक्षिण चीर ॥१॥ अधर मुरली लसे प्रान तो में बसे नहिं भावै कछु बढ़ी अति समर पीर ॥ जाय मिलि बिमल मति ठाठ सब अगम गति ज्यों जीय सुख लेहु मीन पाबै नीर ॥२॥ कटि जटित पीतपट सीस लटकत मुकुट क्वणित नूपुर मधुप हंस कोकिल कीर ॥ दास कुंभनप्रभु सप्तसुरसों मिले गावत केदारो राग गिरिवरधरन धीर ॥३॥।

Raas

Part1-354

Kedaro

Pyaritu mohanlal rijhaavat .. madhur madhur taanan gawat

प्यारीतू मोहनलाल रिझावत ॥ मधुर मधुर तानन गावत सुख समुह बढ़ावत ॥१॥ तेरे गुनरूप की सम नाँहि कोउ आवबे री उपमा कौं तुहि अंत न पावत ॥ जब तू भ्रुकुटी भंग करत कोटिक काम लजाबत ॥२॥। कोक कला संगीत निपुन उघटत त्रिबट गति तत थे ततथै थे थे मुदंग बजावत॥ सूरदास मदनमोहन रिज्ि दीयौ है अपने यौं बन वूंदा की रानी कहावत ॥३॥

Raas

Part1-354

Kedaro

Raajat nirtat peeya sanga sunder jaee .. mandal key beach beach

राजत निर्तत पीय संग सुंदर जई ॥ मंडल के बीच बीच भेख धरत तई ॥ ब्रज बिलास दृग बिलास भेद करत कई ।। निरखि यमुना चंद थक्‍यौ अनिलपद दई ॥२॥ गिरिधर संगीत निपुन भेद काछ कछई ॥॥ उरप तिरप लेत सुलप संचन सुरसई ॥३॥ धोधीके प्रभु नट नागर अद्भुत गति लई ॥ सूर सुरपति व्योंम थाके सुखद बेलि बई ॥॥४॥

Raas

Part1-354

Kedaro

Aeye douu nirtat laalan giridhari pyaari || jory bhalee bunny

ए दोऊ निर्तत लालन गिरिधारी प्यारी || जोरी भली बनी एक सारी उपजत छबि न्यारी न्यारी ॥ किंकिनी नूपुर बाजें झनकक झनकारी प्यारी ॥१॥ ताल भेद जात तारी उरप तिरप गति न्यारी गावत केदारो राग सब सुधि बिसारी ।। प्यारी रीझ़् भरत अँकवारी चिततें न टरत टारी जुगल रसिक पर कृष्णदास बलिहारी ॥२॥

Raas

Part1-354

Kedaro

Nandanandan sugharrai mohan bansi bajaai sarigam padhani sapt

नंदनंदन सुघरराय मोहन बंसी बजाई सारीगम पधनी सप्त सुरन मिलि गाबै ॥ अति अनाधाति संगीत सरस सुर नीके अवघर तान मिलाबै ॥१॥ सुर ध्याय ताल ध्याय नृत्य ध्याय निपुन लघु गुरु तरजति पुलक भेद मृदंग बजाबै ॥| सूरदार मदन मोहन सकल कलागुन प्रवीन आपुन रिझरिझावै ॥२॥

Raas

Part1-354

Kedaro

Radhika rasik gopal kii bhaanbati .. gahe curr tala kamal

राधिका रसिक गोपाल की भाँबती ॥ गहे कर तल कमल केलि लीला सहित सेज सुख रति रंग लटकती आबती ॥१॥ सघन वृंदाबिपिन तरुन तनिया तीर सरदको चंद्रमा सरस प्रफुलामती ॥ पहरि आभरन चीर सरस सुकुमार तन सौरभ रुचिर पाईन लगावती ॥२॥ भ्रौंह नृत्यत मदनरूप जोबन सिखर सिंधु गोवरधनधरन मन उपजावती ॥ कहै कृष्णदास प्रभु चतुर तें चतुर अति संग मिलि सुरति पीय मधुर कल गावती ॥३॥

Raas

Part1-355

Kedaro

Sharad ujiyari cassie neeki laagai nicus kunjaten thaadhe ...

शरद उजियारी कैसी नीकी लागै निकस कुंजतें ठाढ़े ॥। बरन बरन फूल फूलनके आभूषण सोधे भीजे बागे ॥।१॥ गावत राग रागिनिसों मिलि मन मिल्यौ जति केदारो रागे ॥ हरिदास के स्वामी श्यामा कुंजबिहारी क्रछुक रजनी जागे ॥२॥

Raas

Part1-355

Kedaro

Keli karein pyaari piya paudhe lakhi chaandani mein nehlau lugg

केलि करें प्यारी पिय पौढ़े लखि चाँदनी में नेहलौ लग गये जोबन के जोस में ।| अँगिया दरक गई मानों प्रात देखबेकौं चौंच काढ़ि चक्रवाक कामतर रोस में ॥१९॥ आरससों मोरी बाँह दोऊ कुच गहे पिय रतिके खिलौना मानों ढाँपि दीये ओसमें ॥ रूपके सरोबरमें नंददास देखे आली चकईके छौनाँ बैठे कंचन के कोस में ।॥२॥

Raas

Part1-355

Kedaro

Aaj tunn bahaare aurahi chatak .. shobha deit saras sunder yeh

आज तन बहारे औरही चटक ॥ शोभा देत सरस सुंदर यह चलन हंस गति लटक ॥।१॥ स्याम सरोज नैंन तेरे खटपद पीयरौ रंग टक ॥ बत्रखित भये अंग अंग फूली गई बिरह की खटक ॥२॥ कुंजभवनमें चली निडर तज लोक लाज की अटक ॥ चत्रभुज प्रभु गिरिधर नागरसों मिलवन रति रन कटक ॥३॥

Raas

Part1-355

Kedaro

Ghosh sundari neeke cull gaavai .. baam baahu dhari rasik kunwar

घोष सुंदरी नीके कल गावै ॥ बाम बाहु धरि रसिक कुँवर के मुरली बजाबवै नवतान सुनावै ॥१॥ हरि मूरति पद सुरस चाखत चल अंगुलीदल गति उपजाबै ॥ गौर श्याम जोरी मनमोहन रूप कांति रतिपति ही लजाबै ॥२॥ कमलसमैंन मृगनैंनी अंचल तरल मानबस प्रेम बढ़ावै ॥ गिरिधर पीय प्यारी की पदरज कृष्णदास न्यौछावर पावै ॥३॥

Raas

Part1-355

Kedaro

Raas rachyau bansibat key tata .. nrityat prem bharey piya pyaari

रास रच्यौ बंसीबट के तट ॥ नृत्यत प्रेम भरे पिय प्यारी चंद बदन पर छूट रही लट ॥१॥ सुंदरश्याम सुभग कर मुरली अधर धर उघटत थेई थेई रट ॥ मोर मुकुट कुंडल की डोलन मुरकि परचौ लखि मेन महाभट ॥२॥ ब्रजबनिता छबि देख बिमोहीं बार देत आभूषण औरे पट ॥ लीलाललित महामुनि मोहे श्रीविद्डलगिरिधर नागर नट ॥३॥।

Raas

Part1-356

Bihagaro