Naachat vrishbhan kumri girivardhar laal sanga jamuna pulin

नाचत वृषभान कुमरि गिरिवरधर लाल संग जमुना पुलिन सरद रैन रास रंग रेई ॥ उरप तिर॒प तानमान परम मुदित करत गान गिडगिडता गिडिगिडि तक थुंग थुंग थेई ॥१॥ दां दां दननन मृदंग तितीकट तारावलि तनन तनन नननन आन आन लेईं ॥ धिकतां धिकतां धिधीकट धीकीटतक थुृंग गावत केदारो राग अद्भुत सुरसेई ॥२॥ ब्रह्मादिक शिव सुजान मोहे सब सुर बिमान निरख थक्‍यौ सघन चंद उडुगण पग देई ॥ धौंधीके प्रभु नट नागर राधिका के कंठ बाहु कोक कला निपुन नागरि गिरिधर सुख देई ॥॥३॥

Raas

Part1-356

Kedaro

Banamen raas rachyaun banbari .. yamunapulin mallika

बनमें रास रच्यौं बनबारी ॥ यमुनापुलिन मल्लिका फूली शरदरैन उजियारी ॥१॥ मंडल बीच एयामघन सुंदर राजत गोप कुमारी ॥ प्रकटत कला अनेक रूप तिहिं अवसर लाल बिहारी ॥२॥ शीश मुकुट कुंडल की झलकन अलक बनी घुँघरारी ॥ कंबु कंठ ग्रीवा की डोलन छीन लंक लैहै कारी ॥३॥ धायधाय झपटत उर लपटत उरप तिरप गति न्यारी ॥ नृत्यत हँसत मयूर मंडली लागत शोभा भारी ॥४॥ बेणुनाद ध्वनि सुन सुरनर मुनि तनकी दशा बिसारी॥ श्रीविद्डललगिरिधरनलाल की बानिक पर बलिहारी ॥५॥

Raas

Part1-356

Bihagaro

Nirtat gopal laal adbhut nutt bhesh dharein gaan karat

निर्तत गोपाल लाल अद्भुत नट भेष धरें गान करत ब्रजसुंदरि रास रंगिनी ॥ अति कोमल बन्यौ कूल बहुभाँति फूलेफूल जल स्थिर रहत तहाँ तट तरंगिनी ॥१॥| सरद सर्वरी छिटकत मधुप जूथ सुर मिलाबत बिहँसत पीय संग चपल दृष्टि कुरंगिनी ॥ गिडगिडता गिडगिडता तांतां कटि तकिट तारावली झंझंझननननन बाजे मृदंगिनी ॥२॥ ततथेई ततथेई उच्चारत उरप तिरप टूटे हारि बिलसत पीय बाम भाग कुचउतंगिनी ॥ कृष्णदास स्वामिनी मनोज भेष राधिका रसिक कंठ लाय लई सुख देत अंगिनी ॥।३॥

Raas

Part1-356

Kedaro

Nrityat raas mein piya pyaari .. yamuna pulin subhag brindaban

नृत्यत रास में पिय प्यारी ॥ यमुना पुलिन सुभग बृंदाबन शरदरैन उजियारी ॥९॥ बाजत ताल मृदंग झाँझ और सप्तस्वरन गति न्यारी॥ उरप तिरप गति लेत सुलप अति लाड़िली लाल बिहारी ॥|२॥ जयजय कहि बरखत कुसुमावलि सुरन सहित सुरनारी ॥ श्रीविद्ठनगिरिधरनलाल पर सर्वसु डारत बारी ॥३॥

Raas

Part1-356

Bihagaro

Navkishore navkishori bunny haye bichitra jory shobha sindhu

नवकिशोर नवकिशोरी बनी है बिचित्र जोरी शोभा सिंधु प्रदनमोहन रूपरास भामिनी ॥ राजत तन गौर एयाम प्यारी पिय भाग बाम नवघन गिरिधरन अंगअंग मानों दामिनी ॥१॥ पेहैरें पट पीयरो भूषण भूषित मनोहर अंग गजवर गोपाल नागर नागरी गजगामिनी ॥ दास चत्रभुज दंपति उपमाकों नाहि कोउ काम मूरति कमल लोचन मृगनयनी कामिनी ॥२॥

Raas

Part1-357

Bihagaro

Piyakon nachban sikhwat pyaari .. bundavan mein raas rachyo

पियकों नचबन सिखवत प्यारी ॥ बुंदावन में रास रच्यो है शरदरैन' उजियारी ॥१॥ तालमृदंग उपंग बजाबत अति प्रबीन ललिता री ॥ रूपभरी गुण हाथ छरी लियें डरपत लालबिहारी ॥२॥ बीणा बेणु नूपुर ध्वनि बाजत खग मृग बुद्धि बिसारी ॥ ब्यास स्वामिनी की छबि निरखत रीझ देत करतारी ॥३॥

Raas

Part1-357

Bihagaro

Khelat raas rasik rasnagar .. mandit nava nagri nicker

खेलत रास रसिक रसनागर ॥ मंडित नव नागरी निकर वर रूपकौ आगर ॥१॥ बिकसत बन बनिता राजत जानों शरद अमल ॥ राका सुभग सरोवर मानों फूले हैं कमल ॥२॥ नबल किशोर सुंदर सांबल अंग कंचन तन ब्रजबाला ॥ मानों कंचनमणि मर्कतमणि बुंदाबन पैहेरी माला ॥३॥ या छबिकी उपमा कहिबे को ऐसोौ कौन पढ़चऔ है ॥ नंददास प्रभुकौ कौतुक लखि कामकों काम बढदयो है ॥॥४॥

Raas

Part1-357

Bihagaro

Aou maanon maaee ghanghan antar damini ..| ghana damini

अऔ मानों माई घनघन अंतर दामिनी ॥| घन दामिनी दामिनीघन अंतर शोभित हरि व्रज़भामिनी ॥१॥ यमुना पुलिन मल्लिका मुकुलित शरद सुहाई यामिनी ॥ सुंदर शशि गुण रूप राशि निधि आनैँद मन विश्रामिनी ॥२॥ रच्यौ रास मिल रसिकराय सौं मुदित भई व्रजभामिनी ॥ रूपनिधान श्यामघन सुंदर अंग अंग अभिरामिनी ॥३॥ खंजन मीन मयूर हंस पिक भई भेद गज गामिनी ॥ कौतुक घने सूर नागर सँग काम विमोह्यो कामिनी ॥४॥

Raas

Part1-357

Bihagaro

Shyama syathaam raas madhi naayak vraj jubati jooth sahaayak |

श्यामा स्यथाम रास मधि नायक ब्रज जुबती जूथ सहायक | एक है क्रम बाँह जोरी रच्यौ रास मंडल निर्तत मधि अड्डत सुंदर सुखदायक ॥।१॥ जैसी बिधि कहियत ग्रंथन की संगीत मध्य तातें गति अधिक लेत बीना बैंन सहायक ॥ प्रभु कल्याण गिरिधर श्रीराधा निरख निरख त्रैताप दूर करत मनसा बाचा कायक ॥२॥

Raas

Part1-358

Bihagaro

Milahin naagar nabal giridhar sujaankaun .. sundari kanak

मिलहिं नागर नबल गिरिधर सुजानकौं ॥ सुंदरी कनक तन साजि भूषन बसन कुंज के महल चल बेग तज मान कौ ।॥१॥ तरनि तनया तीर परम रमनीय बन बिहर संग करहिं बस सब गुन निधानकों ।। राग केदार सुन श्रवण बड़भागिनी निरख नटवर रसिक मुरली कल गानकौं ॥२॥ चत्रभुज दास प्रभु चतुर चूड़ामणि करत अभिलाष तुव अधर मधु पानकौं ॥ अर्पि सरबस कुसुम सेज सखी बैठ तू भेंट सुंदर सुभग अंगअंग सुठानकों ॥३॥

Raas

Part1-358

Kedaro

Tuu gopal bollie chala begg mrugalochani nutber girirajdharan

तू गोपाल बोली चल बेग मृुगलोचनी नटबर गिरिराजधरन मुदित रासरंगे ॥ सप्तस्वरन बेणुनाद अद्भुत झपताल मिल्यौ गावत केदारो राग युवति यूथ संगे ॥१॥ सुरत दैनकौं कुमारि नागरी बिचित्र नारि और नॉही त्रिभुवनमें मोहनी सुधंगे ॥ माचत पिय मुरजादिक लेत तान तत थेई नाहिंन रस सच्यौ जात बीना उपंगे ॥२॥ उरप तिरप लेत मान निरख थके सुर विमान सघन चंद बिथकित भयौ रूप भान भंगे ।। कृष्णदास स्वामिनी मनोज भेख राधिका रसिक कंठ लाय लई सुखद अंगअंगे ॥२॥

Raas

Part1-358

Kedaro

Uddapati khasit paschim dess .. maan timir naan ghata terau

उड्डपति खसित पश्चिम देस ॥ मान तिमिर न घट तेरौ कुटिल काम.बिसेस ॥१॥ लाल गिरिधर लता ग्रह स्थित मदन मोहन बेस ॥ आकुलता तुव संग कारन समन मनमथ सेस ॥२॥ कुनित पद मंजीर धुनि सुनि जीत लै सुरतेज ॥ कृष्णदास निनाथ भजि तजि बक्रता लबलेस ॥३॥।

Raas

Part1-358

Kedaro