Douu milli karat bhaamati batiyaan .. madangopal kunbari

दोऊ मिलि करत भामती बतियाँ ॥ मदनगोपाल कुँबरि राध्ेकें नखमनि अंक लिखत उर छतियाँ ॥१॥ तैसीय छिटक रही उजियारी पून्यौ चंद शरद की रतियाँ ॥ केलि रूपिनी यमुना श्रीभट वृंदावन फूल्यौ बहु भत्तियाँ ॥२॥

Raas

Part1-359

Kedaro

Jhuk rahee neend shyamke nainan .. chibuk uthaay piyaa mukh

झुक रही नींद श्यामके नैंनन ॥ चिबुक उठाय पिया मुख निरखत शोभा कही न जाय कछु बैनन ॥१॥ आरसभरी अकुलाय अंक भर हियौ सिंचबत चैनन ॥ सूर स्वामिनी चंद उजियारे सुख समुद्र बढ़चौ मैनन ॥२॥

Raas

Part1-359

Kedaro

Paudhe rung mahal govind .. sriradhika sanga sarad rajani udit

पौढ़े रंग महल गोविंद ॥ श्रीराधिका संग सरद रजनी उदित पून्यौ चंद ॥१॥ बिबिध चित्र बिचित्र चित्रित कोटि कोटिक बंद ॥ निरख निरख बिलास बिलसत दंपती रसछंद ॥२॥ मलय चंदन अंग लेपन परस्पर आनंद ॥ कुसुम बीजना प्यार ढोरत सजनी परमानंद ॥२।॥।

Raas

Part1-359

Kedaro

Sharad key doosare dinn manglamein sagabage seey alag praat raas

शरद के दूसरे दिन मंगलामें सगबगे से अलग प्रात रास वलित ललित गति लटकत ब्रजराज आवें मुकुट डोलनी ॥ घूमत नैंन सरसजाति अरुन रगमगे अरसात मुख जूंभात श्रमजल कण रस झकोलनी ॥|१॥ उरसि चित्र नखहिं घात जात मदन किरन भाँत डगमगात चरन मुक्त माल लोलनी ॥ काछनी कछनी रसाल उपरैना फरहरात बल बल बल केृष्णदास मूदुहास बोलनी

Raas

Part1-359

Bibhas

Arrie yahaan shree vrindavanrang .. saa ree gaga maam pa dha nii alaap karat

एरी यहाँ श्री वृंदावनरंग ।। सा री ग म प ध नि अलाप करत उपजत अबधर तानतरंग ॥१॥ निर्तत अतजत लेत ग्रग्रतततत धिकट घिलांग द्रुम बाजत मृदंग ॥ गोविंदप्रभुकेजु अंगअंगपर वारफेर डारों कोटि अनंग ॥२॥

Raas

Part1-359

Bibhas

Yashoda madangopale bulaave..

यशोदा मदनगोपाले बुलावे॥ धनतेरस आवो मेरे प्यारे ले उछंग हुलरावे ॥१ ॥ हरीजरी बागा बहु भूषण रुचिसों बहुत धरावे ॥ ब्रजपतिकी मुख शोभा निरखत रोमरोम सुख पावे ॥२ ॥

Dhanteras

Part2-036

Devgandhar

Pyaari apano dhana joe sambhaare..

प्यारी अपनो धन जो संभारे॥ वारंवार देख नयननसों लेजु हृदयमें धारे ॥१ ॥ रुचिसों सरस संभारत पियकों आभुषण बहु सोहे। आगम निरख दिवारीको मन द्वारकेशको मोहे ॥२ !!

Dhanteras

Part2-036

Devgandhar

Doodhso snan karo munn mohan chhoti diwari kaal manaaye ..

दूधसो स्नान करो मन मोहन छोटी दिवारी काल मनाये ॥ करो सिंगार लाल तन वागो कुल्हे जरकसी सीस धराये ॥१॥ जेसो श्याम पीतरंग प्यारी मिली तेसेही दम्पति परम सुख पाये।। आज समागम हे प्यारीको ज्यों निरधनके धन पाये ॥२॥ वह छब्रि देखदेख ब्रजजनही देत असीस अपुनी मन भाई॥ चिरजीयो दुलहनि दूलेहदोऊ परमानंददास बल जाई ॥३ ॥

Dhanteras

Part2-036

Bilawal

Dhanteras raani dhana dhovati.

धनतेरस रानी धन धोवति। गर्ग बुलाई बेद-विधि पूजति ठौर-ठौर घृत -दीप सँजोवति। (अप दीप नैवेद्य भोग धरि स्थामसुन्दर इकटक मुख जोवति। “परमानँद” त्यौहार मनावति सब ब्रज पुष्टि-मारग-धन बोबति |

Dhanteras

Part2-036

Bilawal

Dhanteras dinn atee sukhdai...

धनतेरस दिन अति सुखदाई।॥ राधा मन अतिमोद बढ्यो हे मनमोहन घनपाई ॥१ ॥ राखत प्रीति सहित हृदयमें भा लाज वहाई॥ द्वारकेश प्रभु रस्तिक लाडिली निरख निरख मन भाई ॥२॥

Dhanteras

Part2-036

Devgandhar

Aaj maaee dhana dhowat nandrani..

आज माई धन धोवत नंदरानी॥ कार्तिक वदि तेरस दिन उत्तम गावत मधुरी बानी ॥१॥ नवसत साज सिंगार अनूपम करत आप मन मानी॥ कुंभनदास लालगिरिधर कों देखत हियो सिरानी ॥२॥

Dhanteras

Part2-036

Devgandhar

Nhaat balkunwar kunwar giridhari..

न्हात बलकुंवर कुंवर गिरिधारी॥ जसुमति तिलक करत मुख चुंबत आरती नवल उतारी ॥१ ॥ आनंद राय सहित गोप स्व नंदरानी द्जनारी॥ जलसों घोर केसर कस्तुरी सुभग सीसतें ढारी ॥२ ॥ बहोर करत श्रृंगार सबे मिल सब मिल रहत निहारी चंद्रावलि ब्रजमंगल रसभर श्रीवृषभान दुलारी ॥३ ॥ मनभाये पकवान जिमावत जात सबें बलहारी॥ श्रीविद्दलगिरिधरन सकल ब्रज सुख मानत छोटी दिवारी ॥४ ॥

Roop Chaturdashi

Part2-038

Devgandhar