Aaj nahaao merey kunwar kanhaiya maani kaal diwari..

आज नहाओ मेरे कुँवर कन्हैया मानी काल दिवारी॥ अति सुगंध केसर उबटनों नये वबसन सुखकारी ॥१॥ कछु खाओ पकवान मिठाई हों तुम ऊपरवारी॥ कर श्रृंगार चले दोउभैया तृणतोरत मेहतारी ॥२ ॥ गोधन गीत गावत ब्रजपुरमें घरघर मंगलचारी ।। कृष्णदास प्रभुकी यह लीला गिरिगोवर्द्धनधारी ॥३ ॥

Roop Chaturdashi

Part2-038

Devgandhar

Rivaabat sutakon nandrani..

ऋवाबत सुतकों नंदरानी॥ मानत पर्व रूपचोदसको तिलक उवटनो कर हरखानी ॥१ ॥ वस्न लालजरी आभण घण पहरावत रुचिसों मनमानी ॥ मेवा ले चले गाय सिंगारन द्रजजन देखदेख विहंसानी ॥२ ॥

Roop Chaturdashi

Part2-038

Devgandhar

Nahaat baladaau kunwar kanhai ..

नहात बलदाऊ कुंवर कन्हाई ॥ अति सुगंध केसर वस्तु री जलमें घोर मिलाई ॥१॥ रत्नजटित आभूषण वस्तर ब्रजरानी पहेराये ॥ अति आनंद निहारत फिर फिर आछो भांत बनाये ॥२॥ यह दिन दीपमालिकाको सुख मानतहें नंदलाल ॥ फूले गोप ग्वाल सब मानत और सकल ब्रजबाल ॥३ ॥ अपने संग सखा सब लीने खिरिक खिलावत गाय॥ राजतहें गिरिधर श्रीविद्डुल सब मन हुलस बढाय ॥४ ॥

Roop Chaturdashi

Part2-038

Devgandhar

Balanhaaye taisen laalan nahaiyen..

बलन्हाये तैसें लालन नहैयें॥ उबटे अंग कित फिरतहो धाये कमल नयन बलजेैयें॥१॥ नन्‍हाओन तातोपानी सीयरो समोय कनक कुंडी भरि सिरैयें॥ कर श्रृंगार नवल बानिक बन जोईभावे सोई खेयें॥२॥ वबारने गई महतारी कुंवर पर गाय खिलाबन बाबा संगजैयें ॥ मानदास कुलदेवता मनावत फूली महेरि आनंद न समैयें ॥३ ॥

Roop Chaturdashi

Part2-038

Devgandhar

Aaj diwari mangal chaar..

आज दिवारी मंगल चार॥ ब्रजयुव॒ति मिल मंगल गावत चोक पुरावत आंगन द्वार ॥१ ॥ मधु मेवा पकवान मिठाई भरि भरिलीने कंचन थार॥ परमानंददासको ठाकुर पहेरे आभूषण सिंगार ॥२॥

Diwali

Part2-039

Bilawal

Aaj diwari bado parab ghar..

आज दिवारी बडो परब घर॥ कहत जसोदा सुनहु लालतुम लेलकुटी खेलो अपने कर ॥१ ॥ प्रथम न्‍्हाओ आछे सोधे सों गुहि बेनी अंजन देउ नटबर ॥ सूथनलाल तासकी झंगुली धरो चंद्रिका सुभग शिस पर॥२॥ पाछे विविध आभूषण मुरलीले मेरे मुरलीधर। देऊँ भाल मृगमदको जो कोउ दृष्टी न लगे तेरे पर ॥३ ॥ खेलो तुम मेरे आंगन दोउ शेख अपने आनन पर ॥ पान फूल मेवा मिश्रीसों झोरी भर ग्वालन देऊें सुन्दर॥४॥ सुभगस्वरूप नंदलालको मोहित होत देरित्र सब सुरनर ॥ यह विध कहत नंदजुकी रानी सुन सुन वारत सर्वस्व गिरिधर ॥५ ॥

Diwali

Part2-039

Bilawal

Laltum aachhe lehukhilona..

लालतुम आछे लेहुखिलोना॥ यह मिस ठानि नहवावन बेठी रोवो जिनमेरे छोना ॥१ ॥ अंगफुलेल उबटनो चुपर्यो तिलक दियो अक्षतधरिं भाल।॥ बीरा द्वे धरि वारि आरति चमकत सुंदर गाल ॥२ ॥ फिरन्हवाय कर केसर लेपत तत्क्षण उष्णोदकले ठारि ॥ रानी एक अंगोछा लाइ जलले डारि ओवारि॥३ ॥ अंग अंगोछ ढांपि चरन करन सिंगार बेठाये लाल॥ वागो तास लाल चीरा पहरावत भूषनलाल ॥४ ॥ ब्रजरानी गोपीसों बोलति कार्तिक चौदश कृष्ण अनूप ॥ द्वारकेश प्रभु नीके न्हवाये यहमिस बाढे रूप ।॥५ ॥

Roop Chaturdashi

Part2-039

Ramkali

Gharee aeka chhando taat vihaar ..

घरी एक छांडो तात विहार ॥ रामकृष्ण तुम दोऊ भैया आवो बैठों करो शृंगार ॥१ ॥ यशोमति कहतहे आज अमावस दीपमालिका मंगलनाम॥ घरघर बालक सबे शूंगारे सुनो श्यामधन राम ॥२ ॥ खेलेंगी गाय गुवाल नाचें सब गोपी गावें गीत ॥ परमानंद दास यह मंगल वेद पुराण पुनीत ॥३ ॥

Diwali

Part2-041

Bilawal

Bado parv tyauhar deewaari ..

बड़ो पर्व त्यौहार दीवारी ॥ विविध शृंगार कियो लरिकन को रोरी तिलक सोहत रनी भारी ॥१॥ कंचन थाल साज ब्रज बनीता नंदराय घर आयी॥ पुलके दिप समीप सोंज भर गावत गीत सुहाई॥ श्रीविट्टल गिरिधरन लाल छबि संग-अंग अधिकाई ॥ यह शोभा कछु कहीन परत है देखत रही मुसकाई ॥

Diwali

Part2-041

Bilawal

Madan gopal poojat..

मदन गोपाल पूृजत॥ बाजत ताल मृदंग शंखध्वनि मधुर मधुर मुरली कल कूजत॥९१ ॥ कुंकुम तिलक लिलाट दियें नव वसन साज आईं गोपीजन॥ आसपास सुन्दरी कनक तन मध्य गोपाल बने मरकत मन ॥२ ॥ आनंद मगन ग्वाल सब डोलत हीही धूमरि धौरी बुलावत॥ राते पीरे बने टिपारे मोहन अपनी धेनु खिलावत ॥३ ॥ छिरकत हरद दूध दधि अक्षत देत असीस सकल लागत पग ॥ कुंभनदास प्रभु गोवर्धन धर गोकुल करो पिय राज अखिल युग ॥४॥

Diwali

Part2-041

Sarang

Gunja pooaa suhari.. godhan poojat vrajki naari ..1 ..

गुंजा पूआ सुहारी॥ गोधन पूजत ब्रजकी नारी ॥१ ॥ घरघर प्रतिमा धारी॥ बाजत रुचिर परक्रावज थारी ॥२॥ गोदलियें मंगल गुण गावत॥ कमल नयनकों पांय लगावत ॥३ ॥ हरद दही टीके ॥ यह ब्रज सुरपुर लागत फीके ॥४ ॥ राती पीरी गाय शुंगारी ॥ बोलत ग्वाल देदे करतारी ॥५ ॥ हरिदास गोवर्धनधारी ॥ ऋतु मानत सुख बरस दीवारी ॥६ ॥

Diwali

Part2-041

Sarang

Yeh deewaari varas deewaari tumakon nitya nitya aavabo..

यह दीवारी वरस दीवारी तुमकों नित्य नित्य आवबो॥ नंदराय नंदरानी यह ढोटा पूजें अति सुख पावो॥१॥ पुजवो मनोरथ सब ब्रजजनके देव पितर पुजावों॥ श्री विद्ुल गिरिधरन संगले गोधन पूजन आबो ॥२ ॥

Diwali

Part2-041

Sarang