Badey khirakmein dhoomari khelat ..

बड़े खिरकमें धूमरि खेलत ॥ मोहनलाल खिलावत रंगभर गगन गरज घंटा ध्वनि पेलत ॥१ ॥ उसर जात ब्रजराज लाडिले थेनु डाढ़ जबमेलत॥ नंददासप्रभु मुदित नंदरानी हीहीरस सागर में झेलत ॥२ ॥

Gaay Khilaybe ke pad (Bhog Arti)

Part2-042

Sarang

Terter bolat nandanandan gaang bulaai dhoomari dhori..

टेरटेर बोलत नंदनंदन गांग बुलाई धूमरि धोरी॥ वछरा छोर दिये खरिकनतें हूंकहूंक आवत सब दौरी ॥१ ॥ मारत कूंक सुबल श्रीदामा भाजत ग्वाल लालके साथ॥ विलसत हँसत देत करतारी तुम लालन जानत सब घात ॥२ ॥ माथें मुकुट काछ पीतांबर ओर राजत उरपर वनमाल॥ शोभित लकुट बजत पग नूपुर झलकत कपोलन नयन विशाल ॥३ ॥ खेली गाय लाल गिरिधरकी व्रजजन सब मनमांझ सिहात ॥ श्रीविद्नगिरिधरन देखिकें हुलसत नंद यशोदामात ॥४ ॥

Diwali

Part2-042

Sarang

Gaikhilayo chaahat girivardhar barjatahen nandrai ..

गायखिलायो चाहत गिरिवरधर बरजतहें नंदराई ॥ धेनु बहुत बाढ़ी हें मोहन देखहूंकी क्‍यों धाई ॥१॥ राखेंहे रखबारे चहुंदिश ब्रजराजे न पत्याई॥ जसुमतिरानी ओर रोहिणी यह सिख सबन सिखाई ॥२ ॥ बिना लाल खेलत नहिं धूमर जब एसी सुधि पाई॥ हूंकहूंकके ऊपर धावत ले लकुटी अहोटाई ॥३ ॥ हस मुसिकाय श्यामघन सु पुरती रली मधुर बजाई ॥ तबतहाँ दास चत्रभुज सब मिल इकटक भले खिलाई ॥४ ॥

Gaay Khilaybe ke pad (Bhog Arti)

Part2-042

Sarang

Gaay khilabat shyam sujan..

गाय खिलाबत श्याम सुजान॥ कूकें ग्वाल टेरदे हीही बाजत बेणु विषाण ॥|१ ॥ कियोहे शूंगार धेनु सगरिनकों को करि सके वख्ान॥ फिरफिर फिरत पूंछ उन्नत ह्वै करकर सुधे कान ॥२॥ पायपेंजनी मेंदी राजत पींठ पुरटके पान॥ कुंभनदास गिरिधरपैं जिहीं विधि उठी ऊठान ॥३ ॥

Gaay Khilaybe ke pad (Bhog Arti)

Part2-042

Sarang

Kilak hasein giridhar trajarai ..

किलक हसें गिरिधर त्रजराई ॥ भाज्यो सुबल लियें गोद बछरा पाछें धोरीधाई॥१॥ मधुमंगल ;ंगल ले मोर पखोवा दोर आय अहोटाई ॥ तोक ताक तक मोहनके ढिग भली विधि थेनु खिलाई ॥२ ॥ खोल भवन भूषण पहरें सब परवी भली मनाई | लियो लपेट लालगेहनेमें सब ब्रज देखन आई ॥३ ॥ श्याम जलद गंभीर गरजसों मोहन टेर सुनाई ॥ वह वापर वह बापर गैया शोभा कही न जाई ॥४॥ सोनेसींग घंटा अरु कठुला पीठ पत्र समुदाई॥ परमानंद आनंद भर खेलत मुरली तबहि बजाई ॥५ ॥

Gaay Khilaybe ke pad (Bhog Arti)

Part2-044

Sarang

Gaay khilawat shobha bhaari..

गाय खिलावत शोभा भारी॥ गौरज रंजित बदन कमल पर अलक झलक घुंघरारी ॥१॥ नखशिख प्रति बहु मोलिक भुषण पेहेरत सदांदिवारी॥ फैलरहीहे खिरक सभापर नगन रंग उजियारी ॥२ ॥ श्रमकण राजे भाल गंड भ्रुव यह छबिपर बलहारी॥ श्रवतहेरि अंचल चंचल सब चढतहें अटन अटारी ॥३ ॥ भीर बहुत अति जातकी भई मड॒हन पर ब्रजनारी॥ सेंननमें समझावत सगरी धनधन निरखन हारी ॥४ ॥ रहे खिलाय धुमरी धोरी गुनन काजर कारी ॥ नंददास प्रभु चलेसदन जब एकबार हुंकारी ॥५ ॥

Gaay Khilaybe ke pad (Bhog Arti)

Part2-044

Sarang

Bnajpur baajat sabahinake ghar dhol damamabheri..

ब्नजपुर बाजत सबहिनके घर ढोल दमामाभेरी॥ श्रीगोवर्द्गनकी पूजाकों कहत सबनसों टेरी ॥१॥ अन्नकूट बहु भांत बनावत रच पकवानन ढेरी॥ नंदराय पूजत परवतकों लाओ गायनघेरी ॥२ ॥ धूमर गांग बुलाई ऊपर लालन उपरेनी फेरी॥ सुबल सुबाहु कूकदे दोरे नाहि लगाओ बेरी ॥३॥ डाढ़मेल घूमरकी बछोयां लावो पूंछ छंछेरी ॥| देखत परमानंद सबनकों गायनलियोहे झंझेरी ॥४ ॥

Gaay Khilaybe ke pad (Bhog Arti)

Part2-044

Sarang

Tumare kharik bataiho vrishbhan hamari gaiya ..

तुमारे खरिक बताईहो वृषभान हमारी गैया ॥ चक्रत नयम चहुंधां चितवत संकर्षणकों भैया ॥१ ॥ संध्या समय वबागतें विछरी अर्धिरात्र सुधिपेया॥ वा विन मोपे रह्मो न परतहे यों कहे कुंवर कन्हैया ॥२ ॥ सुन प्रिययचन किशोरी अटाचढ़ जालरंध्नव्हे झांको ॥ परमानंद प्रभु करषि लियोचित चंद्रवदन भ्रुववांकी ॥३ ॥

Gaay Khilaybe ke pad (Bhog Arti)

Part2-044

Sarang

Babake sanga gaikhilabat baladaau laalan giridhari..

बाबाके संग गायखिलाबत बलदाऊ लालन गिरिधारी॥ हीही गोरी भोरी टोरी सुरमी सुरंग हे र मृदुलारी ॥१ ॥ आगें आवत जात पिछोरी ठुरक ठुरक लेत हूंकारी ॥ देत अचानक कूंक निकटब्हे भाजत चोंक झुकी बछरारी ॥२ ॥ इहदिश राजाभान खिलावत उतही खिलाबत गोपगुबाल॥ बीच खिलावत कुंवरलाडिलो अतिही दुलारेहें नंदलाल ।!३ ॥ जानत गाय खिलाय लडेंते जसुमति बवांटत नवल बधाई ॥ श्रीविद्दलगिरिधर पहेलेंहीं अपनी प्यारी गाय खिलाई ॥४ ॥

Gaay Khilaybe ke pad (Bhog Arti)

Part2-046

Sarang

Kendet deit jaat kananpar ooncheeteran naam sunawat ..

केंदेत देत जात काननपर ऊँचीटेरन नाम सुनावत ॥ सुन्दर पीत पिछरी लेले मुख पर फेर सबन विज्ुकावत ॥१ ॥ काहूको बछरा काहूको ले लै आगें आन दिखावत ॥ पूंछ उठाय सुथी व्है भाजत आप हँसत ओर सबन हँसावत ॥२॥ फिर चुचुकार सूधी कर भाजत बछरन अपने हाथ मिलावत।॥। श्रीविद्डुलगिरिधर बलदाऊ इहि विधि अपनी गाय खिलावत ॥३ ॥

Gaay Khilaybe ke pad (Bhog Arti)

Part2-046

Sarang

Gaay khilaay aaye nandanadan shobhit taal mridang bajaaye ..

गाय खिलाय आये नंदनदन शोभित ताल मृदंग बजाये ॥ हँसहँस ग्वाल देत करतारी आछे आछे मंगल गाये ॥१ ॥ अति आनंद नंदजुकीरानी गजमोतिनके चोक पुराये | वारवार नोंछावर वारत जबही लाल घर भीतर आये ॥२॥ आछे चीर बहुत भांतनके गोपी ग्वाल सब पेहेराये॥ श्रीवि्ुलगिरिधरनलाल को मुख चुंबत ओर लेत बलाये ॥३ ॥

Gaay Khilaybe ke pad (Bhog Arti)

Part2-046

Sarang

Neeki kheli gopalki gaiya..

नीकी खेली गोपालकी गैया॥ कूंकें देत ग्वाल सब ठाडे यह दिवारी नीकी भैया ॥१॥ नंदादिक देखतहें ठाडे यहजु पाहुनीनीकी पेया॥ वरसद्योसलों कुशलकुलाहल नाचो गावो करो बधेया ॥२ ॥ धोरी धेनु सिंगारी मोहन बडरे वृषभ सिंगारे ॥ परमानंद प्रभु राय दामोदर गोधनके रखवारे ॥३ ॥

Gaay Khilaybe ke pad (Bhog Arti)

Part2-046

Sarang