Shyam khirikke dwaar karawat gayanakon singar |

श्याम खिरिकके द्वार करावत गायनकों सिंगार | नानाभांत सींग मंडित किये ग्रीवा भेलेहार ॥१ ॥ घंटा कंठ मोरनकी पटियाँ पीठिनकों आछे ओछार ॥ किंकिणी नूपुर चरण बिराजत बाजत चलत सुढार ॥२ ॥ यह विधि सब ब्रज गाय सिंगारी शोभा बढ़ी अपार ॥ परमानंदप्रभु धेनु खिलावत पेहेरावत सब ग्वार ॥३ ॥

Gaay Khilaybe ke pad (Bhog Arti)

Part2-048

Sarang

Gaay khilawan kharik chaleri...

गाय खिलावन खरिक चलेरी।॥ गिरिधरलाल ललित लरिकासंग बाबानंद बलदाऊ भलेरी ॥१॥ अश्रीदामा आदि सुबल अर्जुन सब भोजविशाल बनेरी॥ नाचत गावत करत कोलाहल करो सिंगार आज हेबेरी ॥२॥ सुन निजनाम नेंचुकी निकसी गांग बुलाई काजर पीरी ॥ कानलाग कहे कुरुर कुरुर डाढ मेल आतुरव्है दौरी ॥३ ॥ नंदकुमार निवेर झार मुख वछरा छोर दियेरी ॥ हँसहँस कहत सुनोरे भैया हों खेलत खेल नयेरी ।४॥ गोधन पूज ग्वाल पेहेराये काहूकों पगा काहकों पिछोरी ॥ व्रजभामिनी मिल मंगल गाबत रसिक प्रभु जुग जुग राजकरोरी ॥५ ॥

Gaay Khilaybe ke pad (Bhog Arti)

Part2-048

Sarang

Khelnakon dhauri akulani..

खेलनकों धौरी अकुलानी॥ डाढमेल सन्मुख आतुर ह्लै नंदनंदनकी सुन मृदुवानी ॥१ ॥ बडरे गोप चकित भये देखत एसी कबहू सुनी न कहानी॥ नाचत गाय भई नौतन ब्रज वरसों बरस कुशल यह जानी ॥२ ॥ नंदकुमार निवेर झार मुख जय जय शब्द करत कलगानी॥ चत्रभुज प्रभु गिरिधर अब यह त्रज राजकरों भक्तन सुखदानी ॥३ ॥

Gaay Khilaybe ke pad (Bhog Arti)

Part2-048

Sarang

Khirak khilawat gaayan thaade..

खिरक खिलावत गायन ठाडे॥ इत नंदलाल ललित लरिका उत गोप महाबल गाढे ॥१ ॥ सुन निजनाम नेंचुकी निकसी बल बछरा जबकाढे॥ अपनी जननीके जानु लाग पय पीवत नवल अखाडे ॥२ ॥ नृत्यत गावत वसन फिरावत गिरिकी शिखर पर चाढे॥ छीतस्वामी हम जबतें वसे ब्रज शेल सकल सुख बाढे ॥३ ॥

Gaay Khilaybe ke pad (Bhog Arti)

Part2-048

Sarang

Sub gaayanmein dhumarkheli..

सब गायनमें धूमरखेली॥ श्रवण पूंछ उंचकाइ सूधीव्है ग्वाल भजावत फिरत अकेली ॥१ ॥ पकर लई गोपाल आपही कंठ बनावत सेली॥ चुंबतमुख आकों भर भेटी टेर कहत लाओ गुरभेली ॥२ ॥ आप गोपाल खवाय खिलावत सब गायनकी हेली॥ परमानंद देखें बनि आवे जब धौरीकी बछिया झेली ॥३ ॥

Gaay Khilaybe ke pad (Bhog Arti)

Part2-049

Sarang

Kheli bahu kheli gaang bulaai dhumar dhauri..

खेली बहु खेली गांग बुलाई धूमर धौरी॥ बछरापर उपरेना फेरत डाढ मेलकें दौरी ॥१ ॥ आप गोपाल कूंक मारतहें गो सुतकों भरकोरी॥ धोंधों करत लकुट करलीने मुखपर फेर पिछोरी ॥२ ॥ आनंद मुदित गोपाल ग्वाल सब घेर करत इकठोरी ॥ चत्रभुज प्रभु गिरिधर व्रज यह सुख जुग जुग राजकरोरी ॥३॥

Gaay Khilaybe ke pad (Bhog Arti)

Part2-049

Sarang

Vifargai dhumar aur kaaree 4

विफरगई धूमर और कारी ४ कूकत ग्वाल बछरुवालीने बदन पिछोरी डारी ॥|१ ॥ तबतो हूंकहूंक भली भांत संभारी॥ पूंछ उठाय कर दौरी दोउ कुंवर भरी अंकबारी॥२॥ भीर खीरकके अटा अटठारी ठाडीहें ब्रजनारी॥ परमानंद देखें बनिआवे नवललाल गिरिधारी ॥३ ॥

Gaay Khilaybe ke pad (Bhog Arti)

Part2-049

Sarang

Khelnakon jaba gaang bulaai laaee..

खेलनकों जब गांग बुलाई लाई॥ तिंहि छिन श्रवण सुनत आतुरव्है निकसि खरिकतें बाहिर आई ॥१॥ बछरा हाथ लियें नंदनंदन देत कूंक पट पीत फिराई ॥ मेली डाढ़ भयो मन आनंद हँसत सबें करताल बजाई ॥२॥ बड़रे गोप कौतुक देखतहें यह अबलों देखी न कनज्हाई॥ अब चल राजकरो यह गोकुल प्रभु बलराम श्याम सुखदाई ॥३ ॥

Gaay Khilaybe ke pad (Bhog Arti)

Part2-049

Sarang

Gaay khilaban chaley gopal..

गाय खिलाबन चले गोपाल॥ वागोश्रेत तासको पहेरें गोकर्णाकृति छोगालाल ॥१॥ फरहरात पीतांबर करमें दुरिमुरि देखत सब त्रजबाल॥ धोरी धुमरि काजर पीरी गाय बुलाई टेरत ग्वाल ॥२ ॥ जाको बछरा ताहि दिखावत अरबराय दोरी तिही काल ॥ हँसत परस्पर द्वारकेश प्रभु अति आनंदित गोप गुवाल ॥३ ॥

Gaay Khilaybe ke pad (Bhog Arti)

Part2-049

Sarang

Gaay khilawan chaley kanhai .

गाय खिलावन चले कन्हाई । कहा कहों सब अंग जलकन की जाई अंग निकाई ॥१ ॥ नखसिख अंग अमोल बहु भुखन यह परबनी भली आई॥ पाछे डारत झुमत छब्रियों या बन रूचिर बनाई ॥२ ॥ कुम कुम तिलक आडसिर शोभित तदुल दुज समुदाई ॥ ता पर विलुलित अलिकल तैर के सब जग रहो सुनाई ॥३ ॥ रल जडित की मौर चन्द्रिका दक्षिण दिश अदुकाई॥ हिरावल मुक्तावली खेचन मचि चोकी ढरकाई ॥४॥ कनक कपिश जगुबी उर पगियाँ जग मग मेरी माई ॥ काहुओ यह बात कहत है उर सुत को जश गाई ॥५ ॥ चन्द्रहार पन्ना हमे बसों मोतीन की माल रुराई । रुचि मनीमय बैजंती दुलरी लटक चरन लों आई ॥६ ॥

Gaay Khilaybe ke pad (Bhog Arti)

Part2-051

Sarang

Gaay khilawat madan gopal ..

गाय खिलावत मदन गोपाल ॥ कुम-कुम तिलक अलंकृत तंदुल पुलक रहो अंग-संग विशाल ॥१ ॥ नखसिख अंग भुखन कि रचना उरमन झन बन माल।॥ बसन दसन पर शुद्र पोरीया दियो दिठोना माल॥२॥ भीर बहोत सखी बडे रिरक में कुक देत सब श्वाल ॥ हिहिहिहि सुन श्रीमुखते मोह रहि सब ब्रज कि बाल ॥३ ॥ दावन छोर बंधे दोड कटी दमकत जंघा रसाल ॥ मेहा अटक सकल अंग जाई चहु दिस शोभा जाल ॥४ ॥

Gaay Khilaybe ke pad (Bhog Arti)

Part2-051

Sarang

Pahale herry gaay sunai ..!

पहले हेरी गाय सुनाई ॥! ता पाछें महुबवर सुर मंडल मुरली मधुर बजाई ॥१॥ ठठक रहे सब ठाठ गायन के भीर खिरकमें नाही समाई॥ सिखवत गीत हाथ ऊँचोकर हरखत श्रीत्रजराई ॥२॥ बाहरतें सब कुक सुनाई हुँक-हुँक फिर आतुर आई॥ रहे बछरुवा धोरी विफरी ताक ताक परछाई ॥|३ ॥ खेल मच्यो है बडे खिरक में शोभा कहियन जाई ॥ अटाअटारी जुंडन वारी सब ब्रजजन देखन आई ॥४॥ पुलक रहो है धैन रंधन सब ऐसो बडो कन्हाई ॥ एक बार दोऊ हुंकारी 7री जब मीज भुजा उठाई ॥५॥ गरज उठे घंटा कंठन में दुहुं और सो छाई ॥ नंददास प्रभु सोई सुनसुन जशुमती लेत बलाई ॥६ ॥

Gaay Khilaybe ke pad (Bhog Arti)

Part2-051

Sarang