Deepdaande shyam manohar sub gayanke kaana jagawat..

दीपदानदे श्याम मनोहर सब गायनके कान जगावत॥ गांग बुलाई धूमर धौरी ऊँचे लेले नाम बुलावत॥१॥ होड सचेत भोरखेलनकों दोरी आवत नेंक सुनावत।॥ सन्मुख जाय कूंकमारतहें मुख पर फेर पिछोरी धावत ॥२ ॥ मुदित गोपाल ओर ग्वाल मिल जाको बछरा ताहि मिलावत॥ चत्रभुजप्रभु गिरिधरन डाढ सुन हँस गावत करताल बजाबत ॥३ ॥

Gaay ko kaan jagayve

Part2-052

Kanharo

Gharmensun bahir uthhi aaye sub gayanke kaana jagaban..

घरमेंसुं बाहिर उठि आये सब गायनके कान जगाबन॥ जेसें भोर हूंकके खेलें लागे लेले नाम बुलाबन॥१॥ गांग बुलाई धं भूंपर थोरी कारी काजर पीयरी लाल॥ अपने संग सखासब लीनें लटकत खरिक गोपाल ॥२॥ अपनी जगाय दाउकी जगाई ओर जगाई सबकी जाय॥ श्रीविद्ुलगिरिधर सुखपावत त्नजनारिन त्योहार मनाय ॥३ ॥

Gaay ko kaan jagayve

Part2-052

Kanharo

Dhori dhumar pealy peehar kaaree kaajar kahakah tair ..

धोरी धूमर पीली पीहर कारी काजर कहकह टेर ॥ बामभुजा मुरलीकर लिये दक्षिण कर पीतांबर फेरत ॥१ ॥ सुंदर नागर नट कालींदी तट लकुट लीये गायन को हिरत ॥ हुंक-हुंक एक वार गज शब्द धाई चत्रभुज प्रभु गिरिधारी न वेरत ॥२॥

Gaay Khilaybe ke pad (Bhog Arti)

Part2-052

Purvi

Kaana jagaavan chaley kanhai..

कान जगावन चले कन्हाई॥ गिरिधर सिंघद्वार चढटेरत सुन सब सखा मंडली आई ॥९ ॥ विविध सिंगार पेहेरे पट भूषण प्रफुल्लित उर आनंद न समाई॥ रुचिर गेलगिरिगोवर्द्धकी किलकत हँसत सबे सुखदाई ॥२ ॥ टेरत गांग बुलाई धूमर श्रवण सुनत आतुर उठि धाई॥ मेली डाढ भयो मन आनंद चत्रभुजदास चले शिरनाई ॥३॥

Gaay ko kaan jagayve

Part2-052

Kanharo

Kaana jagawat nandkumar ..

कान जगावत नंदकुमार ॥ दोऊ भैया ठाडे सिंघ द्वारें गावत सगरे ग्वार ॥१ ॥ नाचत फूलत करत कौतुहल आज दिवारी बडो त्योहार॥ कानलाग कछु कहतहें मोहन सावधानव्है गाय खिलार ॥२॥ अपने खरिक कान जगाए भानखिरक जाय कानपुकारि ॥ धौरी धूमर टेर सुनतही दोरी अठा चढी सुकुमारि ॥३ ॥ चिते परस्पर चित चोयों तब निरखत छबि कछु रही न संभार॥ रसिकप्रभु पिय सब सुखसागर सहचरी वारबार बलिहार ॥४ ॥।

Gaay ko kaan jagayve

Part2-053

Kanharo

Aaj kuhunki raatr maadho deepmalika mangalchar ...

आज कुहूंकी रात्र माधो दीपमालिका मंगलचार ॥। खेलोजूथ सहित संकर्षण मोहन मूरति नंदकुमार । १ ॥ कहत यशोदा सुनों मन मोहन चंदन लेप शरीर करो॥ पानफूल चोवा अंबर मणिमाला ले कंठधरो ॥२ ॥ गोक्रीडन पुन काल्ह होयगो नंदादिक देखेंगे आय। परमानंददास संगलीने खिरक खिलावत धौरीगाय ॥३ ॥

Deepmaalika

Part2-053

Kanharo

Aaj amavas deepmalika badee parvani haye gopal..

आज अमावस दीपमालिका बड़ी पर्वणी हे गोपाल॥ घर-घर गोपी मंगलगावें सुरभी वृषभ सिंगारो लाल॥१९ ॥ कहत यशोदा सुनो मनमोहन अपने तातकी आज्ञालेहु ॥ बारो दीपक बहुत लाडिले कर उजियारों अपने गेह ॥२ ॥ हँस व्रजनाथ कहत मातासों धौरी धेनु सिंगारों जाय॥ परमानंददासको ठाकुर जाय भावतहें “निशदिन गाय ॥३ ॥

Deepmaalika

Part2-053

Kanharo

Nandadet bahu deepdan...

नंददेत बहु दीपदान।॥ खिरिक खोरि ब्रज गोपुर गृहगृह मालाकार करत निरमान॥१॥ कार्तिक मास कुहूँ रजनी मुखदीप्ति दिव्य रवि कोटि समान ॥ अतुलित छबि लख ब्रजकी वनिता उमगउमग उरकरतहें गान ॥२ ॥

Deepmaalika

Part2-053

Kanharo

Bado paravadin deepdiwari...

बडो परवदिन दीपदिवारी।॥ वागो श्रेत तासको सोहे सिरपें कुलही श्वेत संवारी ॥१ ॥ दीप दान दे खिरक सिधारे सबे सिंगारी गाय बुलावत॥ गांग बुलाई धूमर धोरी द्वारकेश प्रभु कान जगावत॥२॥

Gaay ko kaan jagayve

Part2-053

Kanharo

Srigovardhan deepmalika sub dekhanakon aaye..

श्रीगोवर्द्धन दीपमालिका सब देखनकों आये॥ अरसपरस व्यंजन करकें सब ब्रजवासी पूजनकों धाये॥१॥ तब नंद उपनंद बुलाये ब्रजवासी सबही पहराये॥ कुंभनदास लालगिरिधरनें सब त्रजजनके हिये सिराये ॥२ ॥

Deepmaalika

Part2-055

Kanharo

Jayati vraj purr sakal khori gokul akhil tarani tanaya nikat divya deepawali..

जयति ब्रज पुर सकल खोरि गोकुल अखिल तरणि तनया निकट दिव्य दीपावली॥ जयति नवकुंजबर द्रुमलता पत्र प्रति मानों फूली नवल कनक चंपावली॥१॥ जयति गोविंद गोबूंद चित्रित करें मुदित उमडी फिरे ग्वाल गोपावली ॥ जयति ब्रज ईषके चरित्र लखि थकित शिव मोहे विधि लजित सुरलोक भूषावली ॥२॥

Deepmaalika

Part2-055

Kanharo

Deepmalika curran aaee vrajabadhu manharani ..

दीपमालिका करन आई ब्रजबधु मनहरनि ॥ कंचन थाल लसत कमलनकर नंदमहेर घर घरनि॥९१॥ गजमोतिनके चोक पुराये गावत मंगल गीत जुवती गन ॥ आसकरन प्रभु मोहन नागर निरख हरख प्रफुल्लित तन मन ॥२ ॥

Deepmaalika

Part2-055

Kanharo