Aaee vraj vadhu manharan gharan deepmalika..

आई ब्रज वधु मनहरन घरन दीपमालिका॥ लसत कनक थाल कर कमलन मथ नंदमहर घर घरन ॥१ ॥ काज मोतिन के चौक पुराये गावत मंगल गीत जुबती जन ॥ नंददास की प्रभु छबि निरखत फूली फिरत मन ही मन ॥२॥

Deepmaalika

Part2-058

Bilawal

Deepdan vrajraj deit douu dhotanakon god baithaari ..

दीपदान ब्रजराज देत दोऊ ढोटनकों गोद बैठारी ॥ दीपदानकी होत आरती मंगल गाबत सब ब्रजनारी ॥ १ ॥ दीपदान शोभित भवनन पर धरत-फिरत खिरकनमें ग्वाल॥ लाल कहत बाबा तुम देखो जानो पहराई कंचन माल॥२॥ यह त्योहार दिवारीको सुख मानत नंद गोपब्रज लोग ॥ नानाभांतके करत रहतहें अपअपने मन भाये भोग ॥३ ॥ हटरी भरत नंदजूकी रानी मेवा सब पकवान मिठाई॥ हसत हसत गृहगृहकी सुंदरि सोदा करन लालसों आई॥४॥ देखत फूलत माय बवादोऊ अनगिनती नोछावर वारी॥ हटरी बैठे यों राजत हें श्रीविद्ुलगिरिधारी ॥५ ॥

Hatri me Aarti

Part2-059

Kah hage

Surbhi kaana jagaay kharik bal mohan baithe raajat huttery ..

सुरभी कान जगाय खरिक बल मोहन बैठे राजत हटरी ॥ पिस्ता दाख बदाम छुआरे खुरमा खाजा गूंजा मठरी ॥१ ॥| घरघरतें नरनारि मुदित मन गोपी ग्वाल जुरे बहु ठटरी॥ टेरटेर ले देत सबनकों लेले नाम बुलाय निकटरी ॥२॥ देत असीस सकल गोपीजन यशोमति देत हरख बहुपटरी ॥ सूर रसिक गिरिधर चिरजीवो नंदमहरको नागर नटरी ॥३ ॥

Hatri me Aarti

Part2-059

Kanharo

Deepdaande huttery baithe naballal govardhandhari |

दीपदानदे हटरी बैठे नबललाल गोवर्द्धनधारी | दोहरी पांत बनी दीपनकी त्रजशोभा लागत अति भारी ॥१ ॥ तैसेही बने नंदके नंदन तैसी बनी राधिकारानी ॥ गृहगृहतें आईं ब्रजसुंदरि मात यशोदा देख सिहानी ॥२ ॥ भांतभांत पकवान मिठाई लेले गोद सबनकी नाबत || आरति करत देत नोछावर फिरफिर मंगल गीत गवावत ॥३ ॥ उठ कर लाल खरिकमें आये टेरटेर सब सखा बुलाये॥ श्रीविद्डलगिरिधरनलालनें सब गायनके कान जगाये ॥४ ॥

Hatri me Aarti

Part2-059

Kanharo

Pooja karat deva godhanki raaja nand lalgiridhari ..

पूजा करत देव गोधनकी राजा नंद लालगिरिधारी ॥ पहेलें मानत अति आनंदसों बडो पर्व त्योहार दिवारी ॥१ ॥ बडीबडी गोपवधू नंदरानी हटरी भरत सिहाय सिहाई॥ तिनपर बनी पांत सोनेकी दीये धरत बनाय बनाई ॥२ ॥ हँसत हँसत दोऊ संग बावाके कुंवर लाडिले बैठे आई॥ देखनकों ब्रजराज हुलस मन अपने बंधु सब लिये बुलाई ॥३॥ गृहगृहतें आईं व्रजसुंदरि सोदालेन देन इन साथ ॥ हँसहँस कहत लाल हम जाने करन न पाओगे कछुघात ॥४ ॥ देहों नहीं तोलतें घटती कहत छबीलीसों मुसकात॥ श्रीविन्‍्ठलगिरिधरनलाल तुम हम पर बहुत रूटहूं खात ॥५॥

Hatri me Aarti

Part2-059

Kanharo

Maanat parv diwariko sukh huttery baithe nandkumar ..

मानत पर्व दीवारीको सुख हटरी बैठे नंदकुमार ॥ मंगल बाजे होत चहूंदिश भीर बहुत अति आंगनद्वार ॥१ ॥ कुंवरि राधिका नवल वधू सब कर आंइईहें रुचिर शृंगार ॥ सोंथे भीनी कंचुकी सारी ओर पहरें फूलनके हार ॥२ ॥ पहलें सोदालेहु हमहींपे तब लीजों दाउपें जाय ॥ नीकेदेहों रूंटनखेहों ऐसें कहत लाल मुसिकाय ॥३ ॥ हँसहँस जात राय नंदरानी हँसत भान सब गोप गुबवाल॥ चुंबत बदन अहो ये घातें कापें सीखेहो नंदलाल ॥४ ॥ झगरो करत भरत आननन्‍्दसों चंद्रावलि ब्रजमंडल नारि।॥ श्रीविद्वुलगिरिधरनलालसों रंग करत सब गोपकुमारि ॥५ ॥

Hatri me Aarti

Part2-060

Kanharo

Huttery baithe srigopal ..

हटरी बैठे श्रीगोपाल ॥ रत जटितकी हटरी बनाई हीरामोती परम रसाल॥१॥ डलाडलैया और कुल्हैया भरभर धरे पकवान रसाल ॥ पान फूल सोंथे सहित सब वांटत देदे नंदके लाल॥२॥ रामावलि प्रेमावलि ललिता चंद्रावलि ब्रजमंगल बाल॥ चलो सखी तहां पेंठ लगीहे बेचतहें जहां गोकुलपाल ॥३ ॥ सब सुंदरि आईं गृहगृहते निरखत नयन विशाल गोविंद प्रभु पिय चितचोरयों हे बंधी प्रेमकी पाल ॥४ ॥

Hatri me Aarti

Part2-060

Kanharo

Lalmai baithe raajat huttery..

लालमाई बैठे राजत हटरी॥ रानीजूसाज संम्हार धर्यो बलराम कृष्णको बटरी ॥१॥ लडु॒वा गूंजा पकवान बहुत कर भरभर थार धरीहें मठरी॥ गृहगृहतें गोपी सब आई भीरभई तहां ठटरी॥२॥ तोलतोल कें देत सबनकों भाव अटलकर राख्यो अटरी ॥ रसिकप्रभुके नयनन लागी श्रीवृषभान कुंवरिकी रटरी ॥३ ॥

Hatri me Aarti

Part2-060

Kanharo

Srigirivardhar huttery baithe shobha barani naan jaaee ..

श्रीगिरिवरधर हटरी बैठे शोभा बरणी न जाई ॥ चहुँ ओर पकवान मिठाई दीपक जोति बनाई ॥१॥ आपुन बैठे सुखद पलंगपर बीरी देत मनभाई॥ सज शुंगार गृहगृहतें निकसी ब्नजभामिनी मिल मंगलगाई ॥२॥ भीरभई यशोमतिके आंगन मेवा वांटत कुंवर कन्हाई ॥ ललितादिक सब करत नोछावर दास निरख सचुपाई ॥३ ॥

Hatri me Aarti

Part2-061

Kanharo

Giridhar huttery bhalee banaai..

गिरिधर हटरी भली बनाई॥ दौीपावलि हीरा मणि राजत देखें हरख होत अतिभाई ॥१ ॥ अनेक भांत पकवान बनाये अति नौतन व्यंजन सुखदाई ॥ सुंदरभुषण पहेरे सो सोदाकरन लालसों आई ॥२॥ सावधानव्है सोदाकीजे जोदीजे तो ॥ राखो चित चंचलनहिकीजे ग्वालिन हँसमुसकाई ॥३ ॥ कैसेंबोली बोलति ग्वालिन कहत यशोदामाई ॥ परमानंदहँसी नन्द घरनी सबे बात में पाई ॥४॥

Hatri me Aarti

Part2-061

Kanharo

Huttery baithe giridharlal..

हटरी बैठे गिरिधरलाल॥ सुन्दर कुंज सदन अति नीको शोभित परमरसाल ॥१॥ चहूं ओर पांत बनी दीपनकी झलकत झाल झमाल।॥ मेवा मिश्री पान फूल सब भरभर राखे थाल ॥२ ॥ कनक लतासी संग मृगनयनी शोभित श्याम तमाल॥ भाव परस्पर लेत देतहें राजत अंग रसाल ॥३ ॥ घरघरतें सब भेटें लेले आई ब्बजकी बाल॥ रसिकप्रभुके आगें राखत गावत गीत रसाल ॥४ ॥

Hatri me Aarti

Part2-061

Kanharo

Deepdan deepavali dekho heera deep khambh nagarajat..

दीपदान दीपावलि देखो हीरा दीप खंभ नगराजत॥ जगमग जोति रही चहूं दिशतें निविड तिमिर अति भाजत ॥१ ॥ बैठेलाल हटरिया वेचत मधु मेवा पकवान मिठाई ॥ देख देख शोभा ब्रजसुंदरि सोदा लेन लालसों आई ॥२ ॥ मृदू मुसकाय कहत मोहनसों घट जिन तोलो लाल ॥ परमानन्दप्रभु नंदनंदन हसे ओर हँसी सब ब्रजकी बाल ॥३॥

Hatri me Aarti

Part2-061

Kanharo