Deepdan dey huttery baithe nann‍ndabavake saath..

दीपदान दे हटरी बैठे नन्‍न्दबावाके साथ॥ नानाविधके मेवा आने बांटत अपने हाथ॥१॥ शोभित सवबें शृंगार बनावत ओर चंदन दीये माथ॥ नंददास प्रभु सगरिन आगें गिरिगोवर्द्धन्‍ननाथ ॥२ ॥

Hatri me Aarti

Part2-061

Kanharo

Kaana jagaay gopal mudit munn huttery baithe govarddhadhari ..

कान जगाय गोपाल मुदित मन हटरी बैठे गोवर्द्धधधारी ॥ हलधर संग सुबल श्रीदामा गोप ग्वाल सब गाय शृंगारी ॥१ ॥ देखनकों मोहे सुरनर मुनि रावर मांझ भीर भई भारी॥ जयजयकार होत चहुंदिशवें सुरपती रपति करत कुसुम बरखारी ॥२ ॥ कंचन रत्न जटित हीरा नग विश्वकर्मा रचि सुविधि संवारी ॥ परम विचित्र बनी अति सुंदर जगमगात कुहुँ तिमिर विदारी ॥३ ॥ नंदभवन भर धरे विविध पकवान अगणित मेवा गिरीछुहारी ॥ टेरटेर तब देत सबनकों शिवब्रह्मादिक गोद पसारी ॥४ ॥ आरती करत मात यशोदा मंगल गाबत सब व्रजनारी॥ सूर रसिक गिरिधर सुख विलसत वरषवरष प्रति परव दिवारी ॥५ ॥

Hatri me Aarti

Part2-063

Kanharo

Huttery baithe sritrajanath ..

हटरी बैठे श्रीत्रजनाथ ॥ अपने अंग सखा सब लीने बॉाँटत मेवा हाथ ॥१॥ भांत भांत पकवान मिठाई विधसो धरे बनाय ॥ चलो सखी देखन को जईये सुख शोभा अधिकाई ॥२ ॥ आरती करत हे देत न्‍्यौछावर मन आनन्द बढाय ॥ नंददास कुसुमन सुर बरखत जे जे शब्द कराय ॥३ ॥

Hatri me Aarti

Part2-063

Bilawal

Ratna jatit baithe nava huttery ..

रत्न जटित बैठे नव हटरी ॥ गोरे बदन शूंगार सजत सब अधिक बिराजत नागर नटरी ॥ १ ॥ झलमलात च्चीरा सिर ऊपर सुंदर पट पीताम्बर कटरी ॥ देख सिंहात लाल गिरिधर को मात जशोदा ठाडी नीकटरी ॥२ ॥ रानीजु साज सवार धरत नहा भरे थाल जहाँ गुंजा मठरी ॥ श्रीविद्ुल मोहन अति शोभित भीर भई गोपन तहाँ ठठरी ॥३ ॥

Hatri me Aarti

Part2-063

Bilawal

Huttery baithe sritrajrai..

हटरी बैठे श्रीत्रजराय॥ नानाविध पकवान मिठाई लेले देत सबन को चाय || विविध श्रंगार बन्यो अति नीको लागत अति शोभाय ॥ दे बिरा आरती उतारत जीन गोविंद बल जाय ॥२ ॥

Hatri me Aarti

Part2-063

Bilawal

Deepdan dey huttery baithe baladaau aur kanhaiya ..

दीपदान दे हटरी बैठे बलदाऊ और कन्हैया ॥ नानाविध के मेवा मंगाये मंदरानी तहाँ करत बधैया ॥१ ॥ भांत भांत पकवान मिठाई बेले चावन बल भद्र भेया॥ यह त्यौहार नित नित भले आवो श्री बिट्ठुल के मन के रैया ॥२ ॥

Hatri me Aarti

Part2-064

Bilawal

Deepdaande kaana jagaaye varr huttery subhag sanwari ..

दीपदानदे कान जगाये वर हटरी सुभग संवारी ॥ चित्र विचित्र बहुत रंग चीती गादी तकिया धरे सुधारी ॥१॥ चहुं ओर पांति बनी दीपनकी जगमग जगमग जोति उजारी॥ बीच साज चौपर खेलनकों बैठे आय कुंवर गिरिधारी ॥२ ॥ दांही ओर चौकी गेंदुवा बीरा बांई ओर वृषभान दुलारी॥ को जीते को हारे दुहुनमें यों बोली ललिता सुकुमारी ॥३ ॥ पेहेलो पासा डार्यो सुंदरि रूंट करी तब लाल विहारी ।॥ रहो लाल रहो एसें नहीं कीजे चंद्रावली एकघात विचारी ॥।४ ॥ ब्रजनारी कीरति रानी सब देखत केलि हँसत किलकारी ॥ रसिकप्रभु पिय दोऊ जीते रानीजू बहुत नोछावर बारी ॥५ ॥

Paasa khel

Part2-064

Kanharo

Huttery baithe sobhit laal..

हटरी बैठे सोभित लाल॥ श्रीत्रकभान नंदिनी संग ले राजत सब ठाडी ब्रजबाल ॥१ ॥ मथुमेवा पकवान मिठाई जसुमति साजि धरी तिहिं काल ॥ बाँट बाँट करि देत सबन को अंग राग फूलनकी माल ॥२ ॥ देत असीस सकल ब्रजपुर के चिरजीयो बेरिन के उरसाल॥ द्वारकेस प्रभु और बिदाकर इतें खेलत चौपर को ख्याल ॥३ ॥

Hatri me Aarti

Part2-064

Kanharo

Roop ujyaaron deep jagamage kheltahen piya pyaari ..

रूप उज्यारों दीप जगमगे खेलतहें पिय प्यारी ॥ दाव पर्यो सुंदरि राधाको रूदयों कुंजबिहारी ॥१॥ केलि करत हँसत चहुंदिशतें रंग बदयो अति भारी ॥ कल्यानदास बल-बल बानिकपर नाहीं को समतारी ॥२ ॥

Paasa khel

Part2-064

Kanharo

Sakhiyan rachirachi sez banaai ..

सखियन रचिरचि सेज बनाई ॥ मणिमय जटितपर्यक कनकके मुक्तनकी अधिकाई ॥१ ॥ पोढे श्रीसहित सुंदरवर झलमलदीप झरोखन झांई ॥ मानदास बलजाय सहेली मिलेहैं पियाप्रीतम सुखदाई ॥२॥

Deewari ke Poudhave

Part2-065

Kanharo

Murali jeeti radha raani..

मुरली जीती राधा रानी॥ दाव पर्यो वृषभानु सुताको मोहन रूंगट ठानी ॥१ ॥ लीयो जीत पीतांबर पीयको खेलत हंसत सयानी ॥ विद्वुल विपीन विनोद बिहारिन कोकर सके बखानी ॥२ ॥

Paasa khel

Part2-065

Kanharo

Adbhut aeka anoopam naar..

अद्भुत एक अनूपम नार॥ नेन बेन चोबीस चोगुने सोरह चरन बरन हें चार ॥१ ॥ चतुराननसों प्रीत तीनपति ताके इक्कीस दूने मेन ॥ श्याम सेत आरक्त हरित पद चलत तबे बोलत हे बेन ॥२॥ सात्विक राजस तामस निर्गुण एक युग्म दरसनकों आवत॥ मगनमये सायुज मुक्तिफल त्रिविध रूप देखत सचुपावत ॥३ ॥ यहबिध खेल रच्यो ब्रजमंडल दीप दिवारी प्रगट दिखाई॥ तुर्य रूपके यूथ बिराजत छबिपर द्वारकेश बलिहारी ॥४ ॥

Paasa khel

Part2-065

Kanharo