Peeya pitambar murali jeeti..

पीया पीतांबर मुरली जीती॥ हाहाकरत न देत लडेंती पांच परत निसबीती ॥१ ॥ राखी दुराय सघन कुंजनमें ललितादिक रहत सचीती॥ विट्ठल विपिन विनोद बिहारीसों प्रगट करत रस रीती ॥२॥

Paasa khel

Part2-065

Kanharo

Way dekho barat jharokan deepak hari podhe oonchi chitrasari ..

वे देखो बरत झरोकन दीपक हरि पोढे ऊँची चित्रसारी ॥ सुंदरवदन निहारन कारण राख्योहैे बहुत यतन कर प्यारी ॥१ ॥ कंठलगाय भुजदे सिरहाने अधर अमृत पीवत सुकुमारी ॥ तनमन मिलिरी प्राणप्यारेसों नौतन छबि बाढी अतिभारी ॥२ । "कु भनदास ; दंपति सौभगसीमा जोरी भली बनी एकसारी ॥ नवनागरी राधे नवललाल श्रीगोवर्द्धनधारी ॥३ ॥

Deewari ke Poudhave

Part2-065

Bihag

Paasaa kheltahen piya pyaari ..

पासा खेलतहें पिय प्यारी ॥ रतन खचित चोकीपर डारत हंसत करत किलकारी ॥१ ॥ पहेले दाव पर्यो स्थामाकों पीत पिछोरी हारी ॥ अबकी बेर पिय मुरली लगावबो तो रंग रहेगो भारी ॥२ ॥ छलबल करकें जीती भामिनी पीय करत मनुहारी ॥ परमानंददासको ठाकुर जीती वृषभान दुलारी ॥३ ॥

Paasa khel

Part2-065

Kanharo

Jharokhan deepak dekhiyat heheri pangat raaje..

झरोखन दीपक देखियत हेहेरी पंगत राजे॥ घृत परिपूरण सवारी राखे प्यारी कर प्रीतम बदन अवलोकन कारण स्फटिक मणिमय छाजे ॥९ ॥ दंपति पोढे रसबतियां करन लागे अनुरागे प्रेमपागे रतिरन जीतवेको मानो मेनदल साजे । “'नंददास' प्रभु सौभाग्य सीमा रति रंभा जगदंबा बरह्माणी रमा सची तेहु पीवत है लाजे ॥२ ॥

Deewari ke Poudhave

Part2-066

Bihag

Nandahi kahati yashodarani .. surpati pooja tumahi bhulani..1..

नंदहि कहति यशोदारानी ॥ सुरपति पूजा तुमही भुलानी॥१॥ यह नही भली तुम्हारी बानी॥ में गृह काज रहों लपटानी ॥२ ॥ लोभही लोभ रहत हो सानी॥ देवकाजकी सुथ बिसरानी ॥३ ॥ मेहेरि कहेत पुनपुन यह बानी॥ पूजाके दिन पोहोंचे आनी ॥४॥ सूरदास यशोमतिकी बानी॥ नंदहि खीजखीज पछितानी ॥५ ॥

Gowardhan Lila (Saras Lila)

Part2-066

Bilawal

Bey dekho kessy neeki chitrasari taamein podhe piya pyaari deep malika ruchir banaai ..

बे देखो केसी नीकी चित्रसारी तामें पोढे पिय प्यारी दीप मालिका रुचिर बनाई ॥ चहुं ओर झलमलत दीप मोतिन की माल मानो जाल गुहाई ॥१ ॥ पासासार चोपर खेलनहार जीत होत दोउन की रूठ रूठाई॥ रसिक प्रीतमसों खेल राधा प्यारी ललिता न्याव चुकाई ॥२ ॥

Deewari ke Poudhave

Part2-066

Bihag

Nand kaho soodhi bhalee diwai.. menton rajkaj manlai ..15..

नंद कह्ो सूधि भली दिवाई॥ मेंतों राजकाज मनलाई ॥१५॥ दिनप्रति करत यहे अधमाई ॥ कुलदेवता सुरत विसराई ॥२॥ कंस दई यह लोक बडाई॥ गामदसक सिरदार कहाई ॥३ ॥ जलधि बूंद ज्यों जलधि समाई ॥ माया जहांकी तहां बिलाई ॥४ ॥ सूरदास यह कहें नंदराई ॥ चरण तुम्हारे सदां सहाई ॥५ ॥

Gowardhan Lila (Saras Lila)

Part2-066

Bilawal

Kahat maheri taba aiseevaani.. indrahiki deeni rajdhani ..1 ..

कहत महेरि तब ऐसीवानी॥ इंद्रहीकी दीनी रजधानी ॥१ ॥ कंस का अतिकानी ॥ यह प्रभुकीहे आशिष बानी ॥२ ॥ गोपन बहुत मानी ॥ जहांतहां यह चलत कहानी ॥३ ॥ तुम घर मथीये सहस्न मथानी ॥ ग्वालिनि रहत सदा विततानी ॥४ ॥ तृण उपजत उनहीके पानी॥ ऐसे प्रभुकी सुरत भुलानी ॥५ ॥ सूर नंद मनमें तब आनी ॥ सत्य कही तुम देव कहानी ॥६ ॥

Gowardhan Lila (Saras Lila)

Part2-067

Bilawal

Gopsaben upnand bulaaye. cone kajakon humm hankaraaye .. 1 ..

गोपसबें उपनंद बुलाये। कोन काजकों हम हंकराये ॥ १ ॥ सुनतहि हम सब आतुर आये॥ कंस कछू कहि मांग पठाये ॥२९॥ यह जानी अति धाये।। सब मिल कछह्मो बहुत डरपाये ॥३॥ काल्हई राज अंश आये॥ ग्वाल कहत तुरतहिं उठधाये ॥४ ॥ महेर कह्नो हम तुम डरपाये ॥ हँसहँस कहत आनन्द बढाये ।५ । हम तुमकों सुखकाज मँगाये। वारवार यह कहि दुखपाये ॥६ ॥ सूर इंद्र पूजा विसराये ॥ यह सुनत सिरसबन नवाये ॥७ ॥

Gowardhan Lila (Saras Lila)

Part2-067

Bilawal

Maher deeyo aeka gwal chalaai.. gopnand upnand bulaai ..1..

महेर दीयो एक ग्वाल चलाई॥ गोपनंद उपनंद बुलाई ॥१॥ ओर आवबो वृषभान लिवाई॥ तुरत जाहु तुम करो चढाई ॥२॥ यह सुन ग्वाल गयो तहां धाई॥ नंदमेहरको कही सुनाई ॥३॥ नेंक करहु तुम जिनविलमाई॥ मोहि कहो सबदेहु पठाई ॥४॥ यहसुनकें सब चले अतुराई॥ मनमन सोच करत पछिताई ॥५ ॥ कोनकाज जीय मांझ डराई॥ राज अंश धनदीयों चुकाई ॥६ ॥ सूरनंद गृह पहुंचे आई ॥॥ आदर कर बेठे नंदराई ॥७ ॥

Gowardhan Lila (Saras Lila)

Part2-067

Bilawal

Pooja sunat bahut sukhakeenon .. bhalee curry hamakon sudhadinon ..1 ..

पूजा सुनत बहुत सुखकीनों ॥ भली करी हमकों सुधदीनों ॥१ ॥ यहबानी सब मुखतें कीनों॥ बडोदेव सबइनकों चीन्हों ॥२॥ इनहींतें त्रजबास वसीनों॥ हमसब अहीर जाति मति हीनों ॥३ ॥ पूजाकी विधि करत सबे मिली॥ जैसी भांत सदां तेसी चलि ॥४ ॥ बिदा मांग नंदसों गृहआये ॥ घरन घरन यह बात चलाये ॥५ । सूरदास गोपनकी बानी ॥ ब्रज नरनारि सबन यह जानी ॥६ ॥

Gowardhan Lila (Saras Lila)

Part2-067

Bilawal

Nand mahar ghar hott badhaai .. atee anand urmein naan samaai ..1..

नंद महर घर होत बधाई ॥ अति आनंद उरमें न समाई ॥१॥ नेवज करत यशोदा आतुर॥ अष्टसिद्धि घरही अति चातुर॥२॥ मेदा उज्ज्बल करकें छान्‍्यों॥ बेसन दार चनाकर बान्यों ॥३ ॥ घृत मिष्टात्न सबे परिप्रण॥ मिश्रीसहित पाकको चूरण ॥४ ॥ लदुवा करत मिठाई घृतपक॥ रोहिणी करत अन्नभोजन तक ॥५॥ संग ओर ब्रजनारी लागी॥ भोजन कर सब धरत सभागी ॥६॥ महेरि करत रचि उपरतरारी॥ जोरत सब विध न्यारीन्यारी ॥७ ॥ सूरदास जो मागत तबहीं॥ भीतरतें ले देतहें जबही ॥८ ॥

Gowardhan Lila (Saras Lila)

Part2-068

Bilawal