Dekhat surner runner bhoole.. romrom gadgad sub phoole..1..

देखत सुरनर रनर भूले॥ रोमरोम गदगद सब फूले॥१॥ सुरविमान सुमनन॥ जयध्वनि शब्द देव नर गाये ॥२ ॥ देव कह्नो ब्रजवासिनसों तब ॥ पूजाभली करी मेरी सब ॥३ ॥ जाबो सबे मिलसदन करो सुख ॥ स्याम कहत गिरि गोवर्धन मुख ॥।४ ॥ ग्वाल करत स्तुति सब ठाढे॥ भाव भक्तिचित सबके बाढे ॥५ ॥ भवन जावो कहें श्रीमुखबानी ॥ भोजन शेष स्याम कर .आनी ॥६ ॥ बांट प्रसाद सबनकों दीनों॥ ब्जनारी नर आनन्द कीनों॥७ | सूरस्थाम गोपन सुखकारी ॥ चलो कह्मो ब्रजकों नरनारी ॥८ ॥

Gowardhan Lila (Saras Lila)

Part2-075

Bilawal

Manglehu kachh or padarath .. seva sabey bhaee absarath ..1 ..

मांगलेहु कछ ओर पदारथ ॥ सेवा सबे भई अबसारथ ॥१ ॥ फल मांग्यो बलराम कन्हाई॥ येद्दे रहें जु कुशल सदांई ॥२॥ इनहीतें हमतुमकों जान्यो॥ तवतुम गिरिगोवर्द्धन मान्यो ॥३ ॥ इंद्र आय चढहें व्रजउपर ॥ यहकहिकें नहीं राखों भूपर ॥४ ॥ नेक कछ नहि बासों व्हेहे। फिर पाछो अपने घर जेहे ॥५ ॥ सूरस्थाम - गिरिवरकी बानी ॥ ब्रजजन सुनत सत्यकर मानी ॥६ ॥

Gowardhan Lila (Saras Lila)

Part2-075

Bilawal

Dothkar jore bhaye sub thaade.. dhanya dhanya bhaktanke chaade ..1 ..

दोठकर जोर भये सब ठाडे॥ धन्य धन्य भक्तनके चाडे ॥१ ॥ तुमभोक्ता तुमही प्रभुदाता ॥ अखिल ब्रह्मांड लोकके ज्ञाता।२॥ तुमकों भोजन कोन करावे॥ हितके वश तुमकों कोउपावे ॥३ ॥ तुमलायक हमारे कछुनाईं॥ सुनत स्यामठाडे मुसिकाईं॥४ ॥ ललिता सखी देवता चीन्हों॥ चंद्रावलि राथे कहि दीनों ॥५ ॥ दे वबडो यह कुंवर कन्हाई ॥ कृपाजान हरिताहि चिन्हाई ॥६ ॥ सूरश्याम कहि प्रगट सुनाई ॥ भये तृप्ति भोजन गिरिराई ॥७ ॥

Gowardhan Lila (Saras Lila)

Part2-075

Bilawal

Parsat charan chalat sub gharakon.. jaat chaley sub ghosh nagarkon ..1 ..

परसत चरण चलत सब घरकों॥ जात चले सब घोष नगरकों ॥१ ॥ सुख समेत मग जात चलेसब ॥। दूनी भीर भई तबतें अब॥२॥ को आगें को पाछें आवत॥ मारगमें कहुंँ ठौर न पावत ॥३ ॥ प्रथमहि गये डगरतिन पाये ॥ पाछें लोगन जे पछिताये ॥४ ॥ घर पोहोंचे अबही नहि कोई ॥ मारगमें अटके सब लोई ॥५ ॥ डेरापरे कोस चोरासी॥ इतने लोग जुरे ब्रजवासी ॥६ ॥ पेंडे चलन नहीं कोउ पावत॥ कितेक दूर ब्रज बूझत आवत॥७॥ सूरश्याम गुण नागर सागर॥ नौतन लीला करी उजागर ॥८ ॥

Gowardhan Lila (Saras Lila)

Part2-076

Bilawal

Kou pahonche kou maargamaanhin .. bahut gaye ghar bahutakjaahin ..1 ..

कोउ पहोंचे कोउ मारगमांहीं ॥ बहुत गये घर बहुतकजाहीं ॥१ ॥ काहूके मन कहुं दुखनाहीं॥ अरस परस हँसहँस लपटाहीं ॥२॥ आनंद करत सबे व्रजआये॥ निकट जान लोगन नियराये ॥३॥ भीरभइ़ ब्रज खोरि जहांतहां॥ जेसें नदी मिलत सागर महां ॥४ ॥ नरनारी सरिता सब आगर॥ सिंधु मानों यह घोख उजागर॥५॥ मथनहार हरि रलकुमारी॥ ललितादिक चंद्रावलि प्यारी ॥६ ॥ सूरस्थाम आये नंदशाला॥ पोंहोंचे आय घरन नंदलाला ॥७ ॥।

Gowardhan Lila (Saras Lila)

Part2-076

Bilawal

Hari sabke munn yeh.. surpati nindit girihin badaai ..1 ..

हरि सबके मन यह॥ सुरपति निंदित गिरिहिं बडाई ॥१ ॥ वरस वरस प्रति इंद्रपुजाई ॥ कबहूं परसन भयो न आई॥ १२ रहे वृथाहीं सुरपति ॥ सब मुख यह वानी धरणीप्रति ॥३ ॥ बडोदेव ये गिरि गोवर्द्धन ॥ यहे कहत गोकुल ब्रज पुरजन ॥४ ॥ तहां दूत तब इन्द्रपठाये ॥ ब्रजको सुख देखन वह आये ॥५ ॥ घरघर कहत बात नरनारी॥ दूत सुन्यो सो श्रवण पसारी॥६॥ मानत गिरि निंदित सुरपतिकों ॥ हँसत त ब्रजलोगन मतिकों॥७॥ सूर सुनत दूतन रिसपाये॥ भाग तुरत सुरलोकहिं आये ॥८ ॥

Gowardhan Lila (Saras Lila)

Part2-076

Bilawal

Badodevta kaanh pujaayo.. gwal gope huns ank milaayo ..1..

बडोदेवता कान्ह पुजायो॥ ग्वाल गोप हंस अंक मिलायो ॥१॥ कान्ह धन्य धन यशोमति जायो। धन्यथन्य देव प्रकट दरसायो ॥२॥ पूजामेट इंद्र गिरि पूजो॥ परसन हमहि सदां प्रभुहूजो ॥३ ॥ कहा इंद्र बपरो किहिं लायक ॥ गिरिदेवता सबनके नायक ॥४ ॥ सूरदास प्रभुके गुण ऐसे ॥ भक्तन अश दुशन छन के नेंसे ॥५ ॥

Gowardhan Lila (Saras Lila)

Part2-076

Bilawal

Brahmadai jaakon thakurai .. tetis koti devanke raaee..1..

ब्रह्मदई जाकों ठकुराई ॥ तेतिस कोटि देवनके राई॥१॥ गिरि पूज्यों तिनकों विसराई॥ जाति मति इनके मन आई॥२॥ शिव विरंचि जाकों कहें लायक॥ जाके हें मेघनसे पायक ॥३॥ यहे कहत आये सुर लोकहिं॥ पोहोंच्ये जाय इंद्रके ओकहिं ॥४॥ दूतन वेसी जाय सुनाई॥ बैठे जहां सुरनके राई ॥५॥ करजोरें सन्‍्मुख भये आई।॥ बूझ उठे व्नजकी कुशलाई ॥६ ॥ दूतन ब्रजकी बात सुनाई॥ तुमहि मेट पूज्यों गिरिराई ॥७॥ तुमहि निंदित गिरिवरहिं बडाई॥ यह सुनत रिसदेह कंपाई ॥८ ॥ सूरस्थाम यह बुद्धि उपाई ॥ नाजाने व्रजमें यदुराई॥९॥

Gowardhan Lila (Saras Lila)

Part2-078

Bilawal

Monkon nindit parvat vandit.. chaara kapat panchhijyon fandat ..1 ..

मोंकों निंदित पर्वत वंदित॥ चारा कपट पंछीज्यों फंदत ॥१ ॥ मरनकाल एसी बुद्धि होई ॥ कछूकरत कछु होइहे जोई ॥२ ॥ खेलत खात रहत ब्रजभीतर ॥ न्हानेलोग तनकधन ईतर ॥३ ॥ समें समें बरखों प्रतिपालों ॥ इनकी बुद्धि इनकों अबघालों ॥४ ॥ मेरेमारत कोन राखिहे।। अहीरनके मन यहक राखिहे ।५ ॥ जो मन जाके सोई फल पावे॥ नौंब लगाय आम क्‍यों आवे ॥६ ॥ विषके वृक्ष विषही फलफलिहें ॥ तामें दाख कहो क्यों मिलिहें ॥७ ॥| अग्नि बरत देखत कर नावे॥ कहा करे जिहिं अग्नि जरावे ॥८ ॥ सूरदास यह सबकोऊ जाने ॥ जो जाकों सो ताकों माने ॥९ ॥

Gowardhan Lila (Saras Lila)

Part2-078

Bilawal

Gwalan moson curry dhithai.. mokon apani jaati dikhaai ..1..

ग्वालन मोसों करी ढिठाई॥ मोकों अपनी जाति दिखाई ॥१॥ तेतिस कोटि सुरनको राई॥ तीन भुवन भर चलत बडाई॥२॥ साहिबसों जो करत ढिठाई॥ ताकों नहीं कोठ पतिआई ॥३॥ इन अपनी परतीत घटाई।॥ मेरे वैर कित बचिहें जाई ॥४ ॥ नई रीति यह अबहि चलाई॥ काहू इनहीं दियो बहेकाई ॥। ऐसी मति इन अबकें पाई ॥५ ॥ काकी शरण रहेंगे गे जाई ॥ इनदीनों मोकों विसराई ॥६ ॥ नंद आपनी प्रकृत गमाई ॥ जानी बात बुढाई आई ॥७ ॥ अहीर जाति कोई न पत्याई ॥ मातपिता नहि मानें भाई ॥८ ॥ जान बूझ इन करी ढिठाई ॥ मेरी बलि परवतहें चढाई ॥९ ॥ सूरदास सुरपति रिसपाई ॥ कीडी तन ज्यों पांखहुं आई ॥१० ॥

Gowardhan Lila (Saras Lila)

Part2-078

Bilawal

Dekh indra munn garbavbadhayo.. vrajalogan mokon visaraayo .. 1 ..

देख इंद्र मन गर्बवबढायो॥ व्रजलोगन मोकों विसरायो ॥ १ ॥ अहीर जाति ओछी मतिकीनी।॥ मेरी पुजा गिरिकों दीनी ॥३॥ पुजत गिरिहे कहा मति आई॥ गिरि समेत ब्रजदेहुं बहाईं ॥३ ॥ देखों धों कितनों सुखपेहें॥ मेरे मारत कोन बचेहें ॥४ ॥ परवत तब इनकों क्‍यों राखत॥ वारवार यह कहिकहि भाखत ॥५ ॥ पूजत गिरि अति प्रेमबढाये ॥ सपनेको सुखलेत मनाये ॥६ ॥ सूरदास सुरपतिकी वानी ॥ व्रजबोरों प्रलयके पानी ७ ॥

Gowardhan Lila (Saras Lila)

Part2-080

Bilawal

Parvat pahelen khodi bahaauun.. vachn maar patal pathaaun..1..

पर्वत पहेलें खोदि बहाऊं।। वच्न मार पाताल पठाऊं॥१॥ फूलफूल जिन कौनो॥ नेंक न राखों ताकों चीन्हों ॥२ ॥ नंद गोप नयनन यह देखें [॥ बड़े देवताकों मुख पेखें ॥३ ॥ निंदित मोहि करी गिरिपूजा ॥ जासों कहत ओर नहि दूजा ॥४ ॥ गर्व करत गोवर्द्धन गिरिको ॥ पर्वत मांहि आहि कहा किरको ॥५ ॥ डूंगरको बल इनहि दिखाऊं॥ ता पाछें ब्रजखोद बहाऊं।।६ | राखों नहीं काहू सब मारों ॥ व्रजगोकुलको खोज निवारों ॥७ ॥ को जाने कहां गिरि कहां गोकुल ॥ भूपर नहीं राखों उनको कुल ॥८ ॥ सूरदास यह इंद्र प्रतिज्ञा ॥ ब्रजवासिन सब करी अवज्ञा ॥९ ॥

Gowardhan Lila (Saras Lila)

Part2-080

Bilawal