Surpati krodh kiyo atee bhaari.. farkat adhar nayan ratnari ..1 ..

सुरपति क्रोध कियो अति भारी॥ फरकत अधर नयन रतनारी ॥१ ॥ भृत्यन बुलावत देदेगारी ॥ मेघन लावो तुरत हंकारी ॥१ ॥ इतनो कहत धाये सहचारी॥ अति डरपे तनकी सुधिहारी ॥३॥ मेघवर्त जलवर्त बुलाबो॥ सेना साज तुरत ले आवो ॥४॥ कापर क्रोध कीयो अमरापति॥ महाप्रलय जिन जानि डरे अति ॥५ ॥ मेघनसों यह बात सुनाई॥ तुरत चलो बोले सुरराई ॥६ ॥ सेना सहित बुलाये तुमकों ॥ रिसकर तुरत पठाये हमकों ॥७ ॥ वेग चलो कछु विलंब न लाबो ॥ हमही कह्यो अबही ले आवो ॥८ ॥ मेघवर्त सब सैन्य बुलाये॥ महाप्रलयके जे सब आये ॥९ ॥ कछु हरखे कछु मनहि संकाने ॥ प्रलय आहिके हमहि रिसानें १० ॥ चूक परी हमते कछनाहीं ॥ यह कहि कहि सब तुरतई जाहीं॥११ ।| मेघवर्त जलवर्त बारिवर्त ॥ अनिलवर्त अनलवर्त बतन्रवर्त ॥१२ ॥| बोलत चले आपनी बानी ॥ प्रभु सन्मुख सब पहुँचे आनी ॥ ३॥ गरज गरज घहरातहि आये ॥ देव देव कहि मांथ नवाये ॥१४॥ सूरदास डरफप्त सब जलधर॥ हम पर क्रोध किधों काहू पर ॥१५॥

Gowardhan Lila (Saras Lila)

Part2-080

Bilawal

Boley surrai.. ahiran moson curry dhithai .. 91 ..

बोले सुरराई॥ अहीरन मोसों करी ढिठाई ॥ ९१ ॥ मेरी दीनी करत बडाई ॥ जान बूज मोहि दियो भुलाई ॥२ ॥ सदां करत मेरी सेवकाई ॥| अब सेवत पर्वतकों जाई ॥३ ॥ यही काज तुमकों हंकराये। भलीकरी सेना ले आये |॥।४॥ वेगवेग सब ब्नजहीं जावो॥ पहलें पर्वत रत्रोदि बहावो ॥५ ॥। जब यह सुनी इंद्रकी बानी ॥ मेघनके मन धीरज आनी ॥६ ॥ सूरदास यह सुन घनतमके ॥ कापर क्रोध करत प्रभु जमके ॥७॥

Gowardhan Lila (Saras Lila)

Part2-081

Bilawal

Chitwatahi sub gaye jurai.. sakuch kyo kaapar ris raaee ..1 ..

चितवतही सब गये जुराई॥ सकुच क्यो कापर रिस राई ॥१ ॥ क्षमाकरो आयुश हम पावें॥ जापर कहोतिहीपर धावें ॥९॥ सेन सहित प्रभु हमहिं बुलाये। आज्ञा सुनत हि उठ धाये। हा ॥ ऐसो व मद प्रभुकोपे ॥ जीव नाम सब तुम्हारे रोपे ॥४ ॥ सूर कही यह मेघन बानी॥ नह सुनसुरा रिस कछक बुझानी ॥५ ॥।

Gowardhan Lila (Saras Lila)

Part2-081

Bilawal

Firat loga jahantahaan bidrane .. kohe apane cone viraane..1..

फिरत लोग जहाँतहाँ बिडराने ॥ कोहे अपने कोन विराने॥१॥ ग्वाल गये जे धेनु चरावन॥ तिनहिं पर्यो वनमांझ परावन ॥ गाय वच्छ कोऊ न सम्हारें॥ प्रलय कालके जलद निहारें ॥३ ॥ भागे आवत ब्रज भीतरकों ॥ विपति परी अति वन ग्वालनकों ॥४ ॥ अंध समा मग कहूं न सूझें ॥ न्नजभीतर ब्रजहीकों बूझें ॥५ ॥ जेसें तेसें ब्रज चानत॥ अटक रहे अटकरकर आनत॥६॥ खोजत फिरत आपने घरकों ॥ कहा भयो यह घोषनगरकों ॥७ ॥ रोवत डोलत घरहि न पावें॥ घर द्वारें घरकों विसराबें ॥८ ॥ सूरश्याम सुरपति विसरायो ॥ गिरिके पूजे यह फलपायो ॥९ ॥

Gowardhan Lila (Saras Lila)

Part2-082

Bilawal

Garaj garaj vraj gherat aavein.. tarak tarak chapla chamkaaven..91..

गरज गरज ब्रज घेरत आवें॥ तरक तरक चपला चमकावें॥९१॥ नरनारी सब देखत ठाढे॥ ये बादर परलेके काढे ॥२॥ दरदरात घहरात प्रबल अति॥ गोपी ग्वाल भये औरे गति॥३॥ कहा होंन अबही यह चाहत। जिहिं तिहिं लोग यहे अवगाहत ॥४॥ क्षण भीतर क्षण बाहिर आवत॥ गगनदेख धीरजविसरावत ॥५॥ सूरश्याम यह करी पुजाई। तातें सुरपति चढयों रिस्याई ॥६ ॥।

Gowardhan Lila (Saras Lila)

Part2-082

Bilawal

Rislayak taapar riskije .. jihin risaten prabhu dehi naan chheeje..1..

रिसलायक तापर रिसकीजे ॥ जिहिं रिसतें प्रभु देही न छीजे॥१॥ तुम प्रभु हमसे सेवक जाके॥ एसो कोन रहत तुमताके ॥२॥ छीनहोमें ब्रज धोय वहावें॥ डुंगरको नहीं नाम बचावे ॥३।॥ आप क्षमा करियें देवराई॥ हम करिहें उनकी पोहोंनाई ॥४ ॥ यह सुनकें हरषित चित कीनों॥ आदरसहित पान कर दिनों ॥५ ॥ प्रथमही देहो पहार बहाई।॥ मेरी बलिहे उन सबखाई ।॥।६ ॥। सूर इंद्रमेघन समझावत ॥ हरख चले घन आदर पावत ।।७ ॥

Gowardhan Lila (Saras Lila)

Part2-082

Bilawal

Ayus paay turtahi dhaaye.. apani senaa saban bulaaye ..1 ..

आयुस पाय तुरतही धाये॥ अपनी सेना सबन बुलाये ॥१ ॥ कह्यो सबन ब्रज उपर आबो॥ घटा घोर कर गगन छिपावो ॥२ ॥ मेघवर्त जलवर्त जुआगें॥ ओर मेघ सब पाछेंलागें ३ ॥ गरज उठे ब्रज उपर जाई ॥ शब्द कियो यह घात सुनाई ॥४ ॥ ब्रजके लोग डरे अति भारी॥ आज घटा देखियतहें कारी ॥५ ॥ देखत देखत अति अधिकायो॥ नेंकहीमें रवि गगन छिपायो॥६ ॥ ऐसे मेघ कबहूं नहि देखे॥ अतिकारे काजर अबरेखे॥७॥ सुनो सूर ये मेघ डरावन॥ व्रजवासी सब कहत भयावन ॥८ ॥

Gowardhan Lila (Saras Lila)

Part2-082

Bilawal

Meghavart meghan samajhaavat .. warwar giri tanahi batawat ..1 ..

मेघवर्त मेघन समझावत ॥ वारवार गिरि तनहि बतावत ॥१ ॥ परवत पर वरसो तुम जाई ॥ येह कही हमसों सुरराई ॥२ ॥ एसें देहो पहार बहाई॥ नाम रहे नहिं ठोर जनाई ॥३ ॥ सुरपतिकी बलि इन सब खाई॥ ताको फल पावे गिरिराई ॥४॥ जेंमत काल्हि अधिक रुचिपाई॥ सलिल देहुँ जिहिं तृषा बुझाई ॥५ ॥ दिनाचार रहेते जग-ऊंपर ॥ अब न रहेन पावेंगे भूपर ॥६ ।। सूर मेघ सुरपतिही पठाये ॥ व्रजके लोगन तुमहि बहाये ॥७ ॥

Gowardhan Lila (Saras Lila)

Part2-084

Bilawal

Yamuna jalahi gaeen jey naari.. daar chaleen gagar sirbhari ..1 ..

यमुना जलही गईं जे नारी॥ डार चलीं गागर सिरभारी ॥१ ॥ देखो में बालक कित छांड्यो ॥ एक कहत आंगन दधि मांडयो ॥२॥ एक कहत मारग नहिं पावत॥ एकश्यामहि बोल सुनावत ॥३ ॥ ब्रजवासी सब अति अकुलाने॥ काल्हही पूज्यों फल्यों बिहाने ॥४॥ कहां रहे अब कुंवर कन्हाई।॥ गिरि गोवर्धन लेहो बुलाई ॥५॥ जेंमत सहस्न भुजा धरि आवें॥ अजहू भुज हमकों दिखरावें ॥६ ॥ ये देवता खातही तांके ॥ पूछे पुन तुम कोंनकहांके ॥७ ॥ सूरश्याम सपनो प्रकटायो | घरको देव सबन विसरायो ॥८ ॥

Gowardhan Lila (Saras Lila)

Part2-084

Bilawal

Garjat ghana atihi ghaharawat.. kaanh sunat anand badhaavat ..1 ..

गरजत घन अतिही घहरावत॥ कान्ह सुनत आनंद बढावत ॥१ ॥ कौतुक देखत ब्रज लोगनके॥ निकट रहत संगहीसंगजिनके ॥२ ॥ एकसेंतत घरके सब वासन॥ लीने फिरत घरहीके पासन॥३॥ एक कहत जीयकी नहिं आशा॥ देखत सब दुष्टके नाशा॥४॥ सूरश्याम जानत ये गासा॥ कहा पानी कहा करे हुतासा ॥५ ॥

Gowardhan Lila (Saras Lila)

Part2-084

Bilawal

Shyam dharyo giri govardhan curr.. rakhaliye bjapur nariner .9 ..

श्याम धर्यो गिरि गोवर्द्धन कर॥ राखलिये ब्जपुर नारीनर ।९ ॥ गोकुल ब्रज राख्यो सब घरघर ॥ आनंद करत सबे ताहीतर ॥२ ॥ वरखत मुशलधार मेघबर॥ बूंद न आवबत नेकहुं भूपर॥३॥ धार अखंडित वरखतहें झर।॥ कहत मेघ धोवो ब्रज गिरिबर ॥४॥ सलिल प्रलयको टूटत तरतर॥ बजत शब्द बादरको घरघर ॥५ ॥ वे जानत जलजातहे दरदर॥ वीचहि जरत जात जल अंबर ॥६ ॥ सूरदास प्रभु कानह गर्वहर। हरषत कहत गयो गिरिको जर॥७ ॥

Gowardhan Lila (Saras Lila)

Part2-085

Bilawal

Varakhtahen ghana girike oopar... dekh dekh vrajlok karat darr ..19 ..

वरखतहें घन गिरिके ऊपर।॥ देख देख ब्रजलोक करत डर ॥१९ ॥ ब्रजवासी सब कान्ह बतावत ॥ महाप्रलय जल गिरिहिं ढहहावत ॥२ ॥ झरझरात झरपत झरलावत ॥ गिरि धोई ब्रज ऊपर आवबत ॥३॥ विकल देख गोकुलके वासी॥ दरश दीयो सबकों अविनाशी ॥४ ॥ अविनाशीको दरशन पाये। तब सब मन परतीत बढाये ॥५ ॥ नंद यशोदा सुत हित जाने। ओर सबे मुख स्तुतिहीं गाने ॥६ ॥ करषत गिरि वरखत ब्रज उपर॥ सो जल जहां तहां भूवऊपर ॥७ ॥ सूरदास प्रभु राखलेहु अब॥ जैसें राखे अघावदन तब ॥८ ॥

Gowardhan Lila (Saras Lila)

Part2-085

Bilawal