Tarani tanaya teer aavatahen praatasmein gend khelat dekhyori aananko kandwa ..

तरणि तनया तीर आवतहें प्रातसमें गेंद खेलत देख्योरी आनंको कंदवा ।। काछिनी किंकणी कटि पीतांबर कस बांधे लाल उपरेना शिरमोरनके घंदवा ।। १।। पंकज नयन सलोल बोलत मधुरे बोल गोकुलकी सुंदरी संग आनंद स्वछंदवा ।। कृष्णदास प्रभु गिरि गोवर्धनधारी लाल चारु चितवन खोलत कंचुकीके बंदवा ॥। २।।

Makar Sankranti

Part2-234

Bibhaas

Giridhar gend maangat aaya .

गिरिधर गेंद मांगत आय । सेजतें उठ झांकत इत उत बैठे जहां नंदराय ।। १॥। मधुर वानी सुन सयानी आई रोहिनी धाय । “कृष्णदास' के प्रभुकी मंगल आरती करत जसोमति माय ।। २।।

Makar Sankranti

Part2-234

Lalit

Kahat nandrani gopalason taatakon bulaay laavo bado parav uttarayan ..

कहत नंदरानी गोपालसों तातकों बुलाय लावो बडो परव उत्तरायन ।। ट्विजनकों दान देंहो अशीक्ञ वचन पढेहों खेलन ना जावो लाल बेठ रहो आंगन ।। १।। यह सुन मोहन कियो सिंगार सखा संग लेकें चले खिरक गो दोहन आय देखे बिन परत न चेन ।। सूरश्याम बाबा सों कहत हैं जु आज कहा तिहारे मैया कही मोसों बह मोदक ले आवे भवन ।।२।।

Makar Sankranti

Part2-234

Pancham

Bhogike dinn abhyang snan curr saaj singar shyam subhagatan ..

भोगीके दिन अभ्यंग स्नान कर साज सिंगार श्याम सुभगतन ।। पुनि फूलि तिलवा भोग धरके परम सुंदर आरोगावत् सब निजजन ।। १।। श्रीधनश्याम मनोहर मुरत करत विहार नित्य ब्रज वृन्दावन ।। परमानंददासको ठाकुर करत रंग निशदिन ।।२।।

Bhogi Sankranti

Part2-234

Malkos

Dekh sakhee mohanmadan gopal ..

देख सखी मोहनमदन गोपाल ।। वाघो घेरदार शिर पगीया पहेरें मोजा लाल ।। १।। पचरंग कवाय छीटकी फरगुल उर धरें मनि माल ।। ले चोगान गेंद खेलन चले संग लीयें व्रजबाल ।। २।। करत आरती मात जसोदा गावत गीत रसाल ।। कृष्णदास प्रभु पर न्योछावर वारत मुक्ता माल ।।३।।

Bhogi Sankranti

Part2-234

Aasawari

Boll pathaai shyampe jasoda rohini kauyo sunman ..

बोल पठाई श्यामपे जसोदा रोहिनी कौयो सनमान ।। अपनो पारिकर सबे बुलाबवो मकरसंक्रांति बडो परव जान ।।१।। रीझे गोपालपें दान करावहु तुमहो चतुर सुजान॥ मन मान्यो सज सोंज करावहु भर भर तिल गुड धान ॥२॥ सब सरखियन मिल मंगल गावत अपनो भवन निदान॥ सूर श्यामकों अंक मध्य ले असिस पढाय दिजे बहुदान ॥३ ॥

Makar Sankranti

Part2-234

Pancham

Gopal maaee khelat hein chogan.. vraj kumar

गोपाल माई खेलत हें चोगान॥ ब्रज कुमार बालक संग लीने वृन्दावन मैदान ॥१ ॥| चंचल बाजि नचाबत आवत होड़ लगावबत आन ॥ सबही हस्त ले गेंद चलावत करत बावा की आन ॥२॥ करत न शंक निशंक महाबल हरत नृपति कुलमान॥ परमानंद दासको ठाकुर गुन आनंद निधान ॥३ ॥

Makar Sankranti

Part2-235

Dhanashri

Gopi nenason naine milawat..

गोपी नेनसों नेन मिलावत॥ मदन गोपाल छांड ग्वालनसों सन्मुख गेंद चलावत॥१॥ लेय उठाय राधिका तिहिछिन गोपीजन मुसक्यावत। लीनी घेर श्वाल सब गोपी काहेन गेंद बतावत ॥२॥ कित डोलत इतरात ग्वालतुम चोरी आन लगावत॥ कुंभनदास प्रभु गोवरधनधर बातन हीजू बन बनावत ॥३॥

Makar Sankranti

Part2-235

Dhanashri

Khele saanvaro gopal gope kunwar key saath genduk

खेले सांवरो गोपाल गोप कुंवर के साथ गेंदुक चलाय अवनी लिये सुहाग। लीजो रे लीजो रे बोलत भांवते अनुराग ॥१॥ कुंडल हलन चूडामनि नूपुर झनकार। झुकी पाग सुंदर मुख पर सोभित श्रमवार॥२॥ ऐसे ही मे मो तन चितवन कौनी मुसिकान। 'रामराय' गिरिधर 'भगवान' जीवन प्रान ॥३ ॥

Makar Sankranti

Part2-235

Pancham

Gwalin tein merrie gendchurai.. khelat aana purry

ग्वालिन तें मेरी गेंदचुराई॥ खेलत आन परी पलकापर अंगियां मांझ दुराई ॥१॥ भुज पकरत मेरी अंगियां टटोबत छवत छतियां पराई ॥ सूरदास मोहि येही अचंबो एक गई इयपाई ॥२ ॥

Makar Sankranti

Part2-235

Dhanashri

Jaani parav sankranti nand-ghar gargaadik milli aaye hoe.

जानि परव संक्रांति नंद-घर गर्गादिक मिलि आये हो। देखि तहां ब्रजराज मुदित मन भीतर भवन बुलाये हो ॥१ ॥ दोऊ कर जोरि किये पद बंदन करि सनमान बैठाये हो। सबहि विप्र मिलि वेद मंत्र पढि सब आसीस सुनाये हो ॥२॥ महरि जसोदा अति हरखित मन लालन उबटि नहवाये हो। करि सिंगार दे विविध सामग्री मेवा गोद भराये हो ॥३॥ कहति जसोदा दोऊ भैया मिलि दान देहो मन भाये हो। आज परव संक्रांति को दिन खेलो सखन बुलाये हो ॥४ ॥ यह सुनि बचन हरखि बल-मोहन धाय महर पै आये हो | देखि मुदित 'ब्रजराज' हुलसि के लीने कंठ लगाये हो ॥५ ॥

Makar Sankranti Bhojan

Part2-236

Aasawari

Bhayo nandrayake ghar kheech..

भयो नंदरायके घर खीच॥ सब गोकुलके लरकन के संग बेठे हैं आये बीच ॥१ ॥ परोस थार धरे ले आगें सद्य मांखन घी खीच॥ परमानंद प्रभु भोजन कीनो अतिरुचि माग्यो ईछ ॥२ ॥

Makar Sankrant Bhojan

Part2-236

Pancham