Malra mathaa kheechako londa. jebat nand aroo

मलरा मठा खीचको लोंदा। जेबत नंद अरू जसुमति प्यारो जिमाबत निरखत कोद॥१ ॥ माखन बरा छाछके लीजे खीच मिलाय संग भोजन कीजे ॥२ ॥ सखन सहित मिल जाबो बनको हे खेल गेंदकी कीजे। सूरदास अचवन बीरी ले खेलनको चित ॥३ ॥

Makar Sankranti Bhojan

Part2-236

Aasawari

Laal kachhu keeje bhojan tiltil kaaree houn vaari hoe.

लाल कछु कीजे भोजन तिलतिल कारी हों वारी हो। अब जाय बेठो दोऊ भैया नंदबाबाकी थारीहो ॥१ ॥ कहियतहे आज संक्रांति भलोदिन करिके सब भोग संवारीहो। तिलहीके मोदक कीने अति कोमल मुदित कहत यशुमति महतारी ॥२ ॥ सप्त धानको मिल्यो लाडिले पापर ओर तिलवरी न्‍्यारी। सरस मीठो नवनीत सद्य आजको तिल प्रकार कीने रुचिकारी ॥३ ॥ बेठे श्याम जब जेमनलागे सखन संग देदें तारी । परमानंददास तिहि औसर भर राखे यमुनोदक झारी ॥४ ॥

Makar Sankranti Bhojan

Part2-236

Dhanashri

Bhojan keeje janani sukhdai. odan khochari

भोजन कीजे जननी सुखदाई। ओदन खोचरी सुरुचिसों लीजे सांवरे कुंवर कन्हाई॥१॥ पापर सरस सथानोपूरी रोटीबरी कढोजु बनाई। माखन मिश्री लीटी लडुवा सेव संजाबले सरस मिठाई ॥२॥ सिखरन खीर विविध व्यंजन सिथ बासोंधी धरी मिठाई। श्री विद्डलगिरिधरन लाडीलो बीरी लेहो मुखवास सुहाई ॥३ ॥

Makar Sankranti Bhojan

Part2-236

Aasawari

Baithe vrajraj god moud soun gopallal deit

बैठे ब्रजराज गोद मोद सों गोपाललाल देत द्विजजन कों दान। वजवधू १ मड्ल थाल साजि कर में लिये गावत सुधर सुजान तरंग तान॥१ ॥ आये निकट जसुमति के आंगन लाई भीतर भवन मांझ विविध भांति सों कियो सनमान। 'सूरज' प्रभु की महिमा सारी सुरत मंगाये त्नज-तरुनी पहिराये सब पठाई भवन कीन दान ॥२ ॥

Makar Sankranti Bhojan

Part2-236

Aasawari

Maat jasoda parav manaave..

मात जसोदा परव मनावे॥ भोगीके दिन तिल लड़॒वा ले लाडिले लालनकोंजु जिमावे ॥१ ॥ गोद बेठाय निहारत सुत मुख नानाबिध के दान दिवावे॥ कुंभनदास प्रभु गोबरधन घर निरख निरख सबही सुख पावे ॥२ ॥

Makar Sankranti Bhojan

Part2-236

Aasawari

Ladile lalan chalo begg bhojan curran thaade niz bhawan dekhat baat vrajraj.

लाडीले ललन चलो बेग भोजन करन ठाड़े निज भवन देखत बाट ब्रजराज। बोलत तुतरात दोऊ भ्रात बूझत बात चुम मुख तात कह्ो बैठो भोगी आज ॥१॥ खीर चीला अपूप फीके मीठे बहुत चुपर कर नवनीत जेंवो धरे तुम काज। औरहु पकवान मन भाये घराये लाय कृष्णदासनि नाथ थार भर भर साज ॥२ ॥

Makar Sankrant Bhojan

Part2-237

Todi

Nand nandan-sadan harakh afullit lalit badan karat bhojan baithe bhogi haldharvir.

नंद नंदन-सदन हरख अफुल्लित ललित बदन करत भोजन बैठे भोगी हलधरवीर। लेत रुचि कोर दूरी देख जसोमति और कहत नीके । बने अपूप चीला खीर ॥१ ॥ और सब सोंज लेके आई हैं ब्रज की वधू कहत रोहिनी ठाडी धरत नाहिन धीर। मांग लेई लेई बोल निकट हु कृष्णदास भई आतुर निरख मिटी तन की पीर ॥२ ॥

Makar Sankrant Bhojan

Part2-237

Todi

Aaj bhalo sankranti punya dinn taate modak leho merey

आज भलो संक्रांति पुन्य दिन ताते मोदक लेहो मेरे लाल। बरसाने ते न्‍्योति बुलाई संग लिये व्रजबाल ॥१॥ नीके धोय मधुर रस बांध्यो भरि-भरि राखे कंचन थाल । बैठो रतन जटित सिंहासन सखा संग लै अपुने ग्वाल॥२॥ खेलो बैठो आय परस्पर सखा मंडली जोरि गोपाल। आपुन खाओ देहो सबन कों करो परस्पर ख्याल ॥३ ॥ देखत फूलत मात-बबा दोउ बारत हैं मोतिन की माल। 'कुंभनदास' प्रभु गोवर्धनधर प्रेम प्रीति प्रतिपाल ।४॥

Makar Sankrant Bhojan

Part2-237

Kanharo

Gahi rahey bhamini kii baanhi..

गहि रहे भामिनी की बांहि॥ मदनगोपाल मनोहर मूरति जानत सब मन मांहि ॥१ ॥ ठाडे बात करत राधे सों तहां जसोमति चलि आई ॥ झूंठेमिस करि झगरन लागे तें मेरी गेंद चुराई ॥२ ॥ कोनटेवतिहारे ढोटाकी बरजत काहेन माई॥ या गोकुलमें श्याममनोहर उलटी चाल-चलाई ॥३॥ सुन मृदु बचन श्याम श्यामाके महेरि चली मुसक्याई॥ परमानंद अटपटी हरिकी सबी बात मनभाई ॥।४ ॥

Makar Sankrant Bhojan

Part2-238

Gouri

Gend bachee hoe khelo arrie maiya.

गेंद बची हो खेलो अरी मैया। घरघरतें सब सखा टेरके गेंद उछारी ही झेलो ॥१ ॥ रीत बातन ब्योरावत मैया होंन जेहों अकेलो। जसुमति मन अभिलाख भयो तब प्रभु कल्यान याहि खेलो ॥२॥

Makar Sankrant Bhojan

Part2-238

Poorvi

Tum merrie motin ler que‍yon tauri ..

तुम मेरी मोतिन लर क्‍यों तौरी ॥ रहो रहो ढोटा नंद महेरके करन कहत कहा जोरी ॥१ ॥ मेंजान्यो मेरी गेंद चुराई ले कंचुकी बरिचहोरी ॥ परमानंद मुसक्याय चली तब पूरन चंद चकोरी ॥२॥

Makar Sankrant Bhojan

Part2-238

Nat

Khelanmein kau kako gusaiyan.

खेलनमें कौ काको गुसैयां। हरिहारे जीतेश्रीदामा बरवटही कित करत हसेयां ॥१ ॥ जातपाँत हमसों बडे नाहीं नाहम वसत तुम्हारी छैया ॥ अतिअधिकार जनावत याते अधिक तुम्हारे हैं कछु गैया॥२॥ रूटकरे तासों को खेले रहो सख्रासब ठाके ठेया।॥ सूरदासप्रभु खेल्योई चाहत दाव दियो कर नंददुहैया ॥३ ॥

Makar Sankrant Bhojan

Part2-238

Aasawari