Pragate bhakt shiromanirai..

प्रगटे भक्त शिरोमणीराई॥ माघ मास शुक्ल चोथ अधिक लोक निधि आई॥१ ॥ दैवी जीवके भाग्य उदय भये जिन यह दर्शन पाई॥ करि करुणा प्रभु भूतल आये पुष्टि पंथ प्रगटाई ॥२॥ महामहोत्सव होत पुर घर घर फूले अंग न समाई॥ रसिकदास चितयेही चहतहे चरन कमल मन लाई ॥३ ॥

Damodardasji ki Badhai

Part2-241

Saarang

Aabat lalan piyaa russ bheene..

आबत ललन पिया रस भीने॥ शिथिल अंग डगमगात चरणगति मोतिनहार उरचीने ॥१॥ पारिजात मंदारमाल लपटात मथधुप मधथुपीने॥ गोविंदप्रभु पिय तहां जाबो जहां अधरद्शन छतकीने ॥२ ॥

Dwitiya Patoutsav

Part2-241

Ramkali

Aaj badhaayo mangalchar ..

आज बधायो मंगलचार ॥ माघ मास शुक्ल चोथ हे हस्त नक्षत्र रविवार ॥१ ॥ प्रेम सुधा सागर रस प्रगदयो आनंद बढ्यो अपार ॥ दास रसिक जन जाय बलिहारी सरवस दीयो वार ॥१ ॥

Damodardasji ki Badhai

Part2-241

Saarang

Chaar paher rasrangbhare rangbhinehon..

चार पहेर रसरंगभरे रंगभीनेहों॥ अरुन नेन अतिरसमसे लाल रंगभीनेहों ॥१॥ अधरन रंग लागत फीको लाल रंगभीनेहों ॥ मिटगयो तिलक लिलार लालरंग० ॥२ ॥ कसूबी पागसिर लटपटी रंगभीनेहो ॥| उरसि मरगजी माल लालरंग० ॥३॥ केस सिथिल बर बेस सिथिल रंगभीने हो॥ सिथिल भये सबगात लालरंग० ॥४ ॥ गोविंदप्रभु छबि निरखहीं रंगभीनेहो॥ विवस भईं ब्रजबाल लाल रंगभीने० ॥५॥

Dwitiya Patoutsav

Part2-242

Kaafi

Rati russ kell bilas haas rangbhineho ..

रति रस केल बिलास हास रंगभीनेहो ॥ काहु' सुन्दर नारी के लगे गात रंगभीनेहो १ ॥ अरुन नेन अति रसमसे ॥ मानो भोर भए जलजात ॥२॥ बोलत बोल प्रतितके॥ सुन्दर सावल गात लाल रंग ॥३॥ प्रिया अधर रस पान मत॥ केहेत कहुकि बात॥४॥ अति लोहीत दृग रग मगे॥ मानो भोर भए जलजात लाल ॥५ ॥ चाल सीथल भुवे भाल सिथल ॥ रस सी मुख सिथल जभांत लाल ॥६ ॥ केस सिथल बरबेस सिथल ॥ वयकृम सिथल ॥७ ॥

Dwitiya Patoutsav

Part2-242

Kaafi

Rasik shiromani nandlal rangbhineho ..

रसिक शिरोमनि नंदलाल रंगभीनेहो ॥ लाड लडयाये नवल बाल लाल रंगभीनेहों ॥१॥ भले मनाये भूरि भाग रंगभीनेहों ॥ रूपछके लोचन घुमात लालरंग० ॥२॥ अलक सीस रहीं शोभा देत रंगभीनेहों ॥ कामकेत के बीज बये लालरंग० ॥३ ॥ वाहुदंडगढयो करन फूल रंगभीनेहो ॥ असिस रंग को मूल लालरंग० ॥४॥ मदनमथ डगमगी चाल रंगभीनेहो ॥ उरसि मरगजीमाल लालरंग० ॥५ ॥ मेहेकत तन मिली सुवास रंगभीनेहों॥ अलिगावत कौरत आसपास रंगभीनेहो ॥६ ॥ ताही सों मिलि हैं हमें चेन रंगभीनेहो ॥ सहिन सकत यह शूढ सेन रंगभीनेहों ॥७ ॥ रामराय प्रभु सुनहंसे रंगभीनेहों ॥ भाग्यवानके हीय बसे रंगभीनेहो ॥८ ॥

Dwitiya Patoutsav

Part2-242

Kaafi

Aaye bhor jiss kahaan rahey rangbhinehon ..

आये भोर जिस कहाँ रहे रंगभीनेहों ॥ भली किनी भले आये प्रातः बाल रंगभीनेहो ॥१ ॥ बाकी पाग पेंच ऊरझे प्रीत ॥ भईकामगड़ जीत लाल ॥२ ॥ तिलक रेख लगी बेदी भाल ॥ चिन्ह कुसुम ऊर माल लाल॥३॥ सुख अलके रति रसकि केल॥ बिधु सिंगार कि बेल लाल॥४॥ छके नेन अल सात जात॥ ठगे त्रिया कहो कहो बात लाल॥५॥ अथधर अरुणता ताही दई॥ जावक छाप आप लईं लाल॥६॥ बोले मुख मृदु सुगंद बात॥ गावत मधुप चहु पास लाल॥७॥ नंद जसोदा सुख बिलसो॥ व्रजाधीस सहाय बसों लाल ॥८ ॥

Dwitiya Patoutsav

Part2-242

Kaafi

Laal neck dekhiyen bhawan hamaro..

लाल नेक देखियें भवन हमारो॥ द्वितीयापाट सिंहासन बैठे अविचल राज तिहारो ॥१ ॥ सास हमारी खरिक सिधारी ४९९०७ बाबा मास व यह एकांतहे कल ॥२॥ ध सद्य श्याम घन पीजे ॥ परमानंददासको ठाकुर कछु कहो हमारो कीजे ॥३ ॥

Dwitiya Patoutsav

Part2-243

Saarang

Laal nenk bhawan hamaare aavo.. joe maangon sou dehon

लाल नेंक भवन हमारे आवो॥ जो मांगों सो देहों मोहन ले मुरलीकल गावों ॥१॥ मंगलचार करों गृह मेरे संगके सखा बुलावो ॥ करो विनोद सुंदर युवतिनसों प्रेम पियूष पिवाबो ॥ २ ॥ बलबल जाऊं मुखारविंदकी ललित त्रिभंग दिखावो | परमानंद सहचरी रसभर ले चली करत उपावो ॥३ ॥

Dwitiya Patoutsav

Part2-243

Saarang

Baatani laee ree! laaee. khelani miss aaungau terein doodh raakhi jamaai .. 1 ..

बातनि लई री! लाई। खेलनि मिस आउंगौ तेरें दूध राखि जमाई ॥ १ ॥ कनक अपार ढारि सुंदरि देरित्र मुख मुसिकाई। रूप-राचे स्यामसुन्दर नैन रहे ॥२॥ गुपत प्रीति न प्रगट कौजे लाल ! रहो अरगाई। 'दास परमानंद' सँग हैं नातरु गहती पाई ॥३ ॥

Dwitiya Patoutsav

Part2-243

Saarang

Raadhe tere bhawan houn aaoon...

राधे तेरे भवन हों आऊं।॥ सादर कहत सांवरो मोहन नेंक दूधजो पाऊं॥१ ॥ मात पिता हू विलगु न माने ओर यह भेद न जाने ॥ जो तू सोंह करे बाबाकी तो मेरे मनमाने ॥२ ॥ सब दिन खेलो मेरे आंगन अपने नेन सिराऊं॥ परमानंद प्रभु विनती कीनी अपने मित्र बुलाऊं॥३ ॥

Dwitiya Patoutsav

Part2-243

Saarang

Chainramas samvatsar parwa varas pravesh bhayohe aaj ..

चैन्रमास संवत्सर परवा वरस प्रवेश भयोहे आज ॥ कुंज महेल बैठे पीय प्यारी लाल नये हेरे नौतन साज ॥१ ॥ आपुही कुसुम हार गुहलीने क्रीडा करत लाल मन भावत ॥ बीरीदेत दास परमानंद हरखि निरखि जस गावत ॥२ ॥

Sanvatsar Utsav

Part2-243

Saarang