Laalan ayeri terei bhawan maan manaavan kaaj..

लालन आयेरी तेरेई भवन मान मनावन काज॥ आपुनो मान छांड दे मानिनी संवत्सरकों शुभ दिन आज ॥१॥ करि सिंगार अपुन मनोहर विविध सुगंध घरी सब साज ॥ कृष्णदास प्रभुके संग भामिनी कीजे सुख सों अविचल राज ॥२ ॥

Sanvatsar Utsav

Part2-244

Iman

Kahat jasoda sub sakhiyan soun aavo baitho mangal

कहत जसोदा सब सखीयन सों आवो बैठो मंगल गाबो॥ हे गनगोरकी तीज रंगीली मदन मोहनकों लाड लडाबो ॥१॥ ललिता चन्द्रभगा चन्द्रावली बेग जाय राधा ले आवबो॥ स्थामा चतुरा रसिका भामा तुम पीयकों सिंगार बनावो ॥२ ॥ पहोपमाल ले उर पहेराबो ॥ ध्याया दुर्गा हरखा बहुला ले दरपन कर बेनु गहावो ॥३ ॥ नबला अबला नीला सीला गुंजापुवाले भोग धरावो ॥ हीरा रत्ना मेना मोहोला ले चला तूंप तान सुनाओ ॥४ ॥ घूमर खेलो मन रस झेलो नेह मेह बरखा ॥ कृष्णदास प्रभु गिरिधरको सुख निरख निरख दोउ नेन सिरावो ॥५ ॥

Gangaur

Part2-244

Saarang

Chaitramas sambatsar pariva nayo parav manyo haye aaj ..

चैत्रमास संबत्सर परिवा नयो परव मान्यो हे आज ॥ नूतन लाड लडाबत सब विधि श्रीवल्लभ श्रीविष्ठल महाराज ॥१ ॥ नये बसन मनिगन आभूषण धरत असन नये रुचि उपजाय।॥ अचमन करिमुख पोंछि बसनतें बीरीदेत सुगंध मिलाय॥२॥ विविध फूलमंडली मनोहर आंगन मोतिन चोक पुराय॥ आरती करत जु मात जसोदा न्योछावर करि अति सचुपाय॥३॥ नवदल निम्ब मधुर मिश्री ले देत सबनकों मन हरखाय ॥ ब्रह्ददासकों माला बीडा देत प्रभु अति निकट बुलाय ॥।४ ॥

Sanvatsar Utsav

Part2-244

Saarang

Thaade kunj dwaar peeya pyaari karat paraspar hasahas batiyaan..

ठाडे कुंज द्वार पीय प्यारी करत परस्पर हसहस बतीयां॥ रंगीली तीज गनगोर भोर सज आंई घर घर तें सबसखीयां ॥१ ॥ करत आरती अति रसमाती गावत गीत नीरख 2 अखीयां॥ कृष्णदास प्रभु चतुर नागरी कहा बरनों नांहीं गतीयां ॥२ ॥

Gangaur

Part2-244

Khat

Arbillo garvilo rangilo chhabilo kaanh curry key singar thaadhau dekho sakhee kunjdwar.

अरबीलो गरवीलो रंगीलो छबीलो कान्ह करि के सिंगार ठाढौ देखो सखी कुँजद्वार। वाम भाग राधा प्यारी ओढे चुनरी की सारी कंचुकी उतंग गाढी ठाडी बहियाँ गरे डार ॥१ ॥ चूनरी चटकदार पाग सीस नंदलाल सूथन चूनरी बागो बन्यो अंग घेरदार ॥२ ॥ फूल-छरी बेनु धरी बजत है रस भरी सुनत स्रवन धाय आये सब नर नगरा। निरखि मुखारविंद फूले मानो अरविंद करत गुँजार तहाँ 'कृष्णदास' भमरा ॥३ ॥

Gangaur

Part2-245

Saarang

Chhabili raadhe pooj lenny gangor..

छबीली राधे पूज लेनी गनगोर॥ ललिता 'विसाखा सब मिल नीकसीं आई वृषभानकीपोर ॥१ ॥ सघनकुंज गहवर बन नीको मिल्यो नंदकिशोर॥ नंददासप्रभु आये अचानक घेरलिये चहुंओर ॥२ ॥

Gangaur

Part2-245

Saarang

Kamal dall chand badani mriganeni..

कमल दल चंद बदनी मृगनेनी॥ ललिता विशाखा बनि बनि निकसी फूलन गुहीहें बेनी ॥१ ॥ हंस चकोर कोकिला मृगगण बोलत शुकपिक बेनी॥ पुरुषोत्तम प्रभुकी तूं है प्यारी कुंजनमें सुख देनी ॥२ ॥

Gangaur

Part2-245

Saarang

Bhor nikunj bhawan piya pyaari karat paraspar hansi-hansi batiyaan.

भोर निकुंज भवन पिय प्यारी करत परस्पर हँसि-हँसि बतियाँ। बाजत बीन पखावज अधोटी गाबति चतुर ताल दै सरिब्याँ ॥१ ॥ तुम पहरो बागो आभूषन सीस बांधि अलबेली पगियाँ। तोरा झोरा लूम कलंगी ढरकावो मोरन की पसखियाँ ॥२ ॥ स्याम कंचुकी कसि तन गाढ़ी मैं ओढों सिर सुरंग चुनरियाँ। कर कंकन बाजूबंद पहोंची कंठ पोत दुलरी तिमनियाँ ॥३ ॥ अलकावलि भाल टीकी नथ पायल नूपुर अनवट बिछियाँ। यह विधि करि सिंगार दोऊ ठाड़े ले दर्पन मुख निररि हरखियाँ ॥४ ॥ मृगमद तिलक अलक घुंघरारी देखि चकित भई मद भरी अंखियाँ। 'कृष्णदास' प्रभु चतुर बिहारी लई लगाय स्यामा कों छतियाँ ॥५ ॥

Gangaur

Part2-245

Bilawaal

Naval nikunj mahel mandir meey jemban baithe kunwar kanhai.

नवल निकुंज महेल मंदिर मे जेंबन बैठे कुंवर कन्हाई। भरि-भरि डला सीस धरि अपने व्रजबधू तहाँ छांक ले आईं॥१ ॥ हरखित बदन निरखिर दंपति को सुंदरि मंद-मंद मुसकाई। गूँजा-पूआ थरि भोग प्रभु कों 'कृष्णदास' गनगौर मनाई ॥२ ॥

Gangaur

Part2-246

Saarang

Baithi rahee raadhe sakumari |

बैठि रही राधे सकुमारी | बूझति है वृषभानु की महरी क्‍यों न जेंबति बाबा की प्यारी ॥१॥ आजु हमारें गौरी को म्नतु ताकी विधि तोही पें पाऊं। सुंदर सुभग सलौनौ ढोटा ताकों पूजि हों हाथ जिबाऊँ ॥२ ॥ ऐसौ ढोटा नंदराई को ताकों हों अबही लै आऊँ। तुम जानों सयानी मईया ! बेगि चलहु चरननि सिर नाऊँ॥।३ ॥ सुनि री जसोमति ! कुँवर आपनौ बेगि पठे हो न्‍्योंतनि आई। 'परमानंद' स्वामी सब जानत देखि-देखि तिहि सब निधि पाई ॥४ ॥

Gangaur

Part2-246

Saarang

Rangili teej gangaur aaj chalo bhamini kunj chhaak leey jaiye.

रंगीली तीज गनगौर आज चलो भामिनी कुंज छाक ले जैये। विविध भांति नई सोंज अरपि सब अपने जिय की तृपत बुझेये ॥१ ॥ ले कर बीन बजाय गाय पिय-प्यारी जेंमत रुचि उपजैये। 'कृष्णदास' वृखभानसुता संग घूमर दै नंदनंद रिझैये ॥२ ॥

Gangaur

Part2-246

Saarang

Que‍yon bethi raadhe sukumari ..

क्‍यों बेठी राधे सुकुमारी ॥ बूझतहे ब्रज जानके महेरी क्यों जेंबत बाबाकीथारी ॥ १ ॥ आज हमारो गोरी व्रत ताकी विध ताहीपे पाउं ॥ सुंदर सुभग सलोनो ढोटा ताको पूज बहों हाथजीमाउं ॥२ ॥॥ ऐसो ढोटा नंदरायको ताकों अबही ले आउं॥ तुम जानोरी सयानी मैया बेग चलो हों चरन शिरनाउं ॥३ ॥ सुनरी जसोमति कुंवर आपुनो बेगपठेहों नोतन आई॥ परमानंद स्वामी सब जानत देख देखतें सब निध पाई ॥४ ॥

Gangaur

Part2-246

Saarang