Phool gaee vrishbhan dulari ..

फूल गई वृषभान दुलारी ॥ पहेले तो निरखत नेनन भर क्यों पूजों एकांतन न्‍्यारी ॥१ ॥ कर अंजन नेनन दे मोहन अपने हाथ जीमायो॥ अंग अंग सब भूषण भूषित बसन मनोहर तिलक करायो ॥२॥ रूप रास केसेंक बरनों नव नागरि नवनागर पायो॥ रति रस केलि करो दोउजन लीलारस परमानंद पायो ॥३ ॥

Gangaur

Part2-246

Saarang

Mudit vrajnagari pahari naye-naye busson aaee sub kunj leey asson mohan kaaj.

मुदित ब्रजनागरी पहरि नये-नये बसन आई सब कुंज ले असन मोहन काज। खाटे खारे मधुर तिक्त व्यंजन विविध बहोत पकवान फल-फूल डलियन मांझ ॥१ ॥ धरे आगे लाय-लाय जिय सचुपाय-पाय करत गुनगान कर मांझ ले ले साज। 'कृष्णदासनिनाथ' जेंबत राधा साथ चेत्र सुद तीज गनगोर मानी आज ॥२ ॥

Gangaur

Part2-247

Saarang

Teej gangor tyauhar koo jaani dinn karat

तीज गनगोर त्यौहार को जानि दिन करत भोजन लाल-लाड़िली पिय साथ । चतुर चंद्रावली बैठि गिरिधरन संग देति नई-नई सोंज ले-ले अपने हाथ ॥१ ॥ छबि बरनी न जात दोऊ रुचि सों खात करत हँसि-हँसि बात उम्रगि-भरि-भरि बाथ। उपजी अंतर प्रीति मदनमोहन कुंज जीत पीवत पय सद्य प्रभु 'कृष्णदासनिनाथ' ॥२ ॥

Gangaur

Part2-247

Saarang

Nand gharuni vrikhbhaan gharuni milli kahati saban

नंद घरुनि वृख़्भान घरुनि मिलि कहति सबन शनगौर मनाओ। नये बसन आभूषन पहरो मंगल गीत मनोहर गाओ ॥१ ॥ करि टीकौ नीकौ कुमकुम को आँगन मोतिन चौक पुराओ। चित्र-विचित्र बसन पल्‍लब के तोरन बंदनवार बँधाबो ॥२ ॥ घूमर खेलो नवरस झेलो राधा गिरिधर लाड़ लड़ाबो | विविध भांति पकवान मिठाई गूँजा पूआ बहु भोग धराओ ॥३ ॥ जल अचवाय पोंछि मुख बस्तर माला धरि दोऊ पान खबावो । 'कृष्णदास' पिय प्यारी को आनन निरखि नैन मन मोद बढ़ावो ॥।४ ॥

Gangaur

Part2-247

Saarang

Saji-saji aaeen sakal kavrajanari. kasi

सजि-सजि आईं सकल कब्रजनारी। कसि कंचुकी बेंदी अंजन दृग ओढ़ि विविध रंग सारी ॥१ ॥ बाजूबंद बेरखी चूरी कर कंकन फोंदना री। पहोंची गूजरी बाँह बिजोटी मूंदरी अँगुरियन न्यारी ॥३॥ करनफूल अवतंस फूल नथ ढलकत मनि मुक्तारी। अलकावली दामिनी-फूलनि बेनी गूंथि सँवारी॥३॥ हँसुली पोत तिमनियाँ दुलरी हिये हार सिंगारी। गुँज माल बेजंती माल बिच लटकत बहु झोंरा री ॥४ ॥ कटि किकिनी पग नूपुर अनवट बाजत चलत सुढारी । गज-गमनी अबनी मृगनेनी गावत है करतारी ॥५ ॥| मुखहि तंबोल अधर घर लाली कहा कहें रूप छटा री । हँसन-रेख झलकत दसनन बिच मानो चमक चपला री॥६॥ बनी रंगीली गनगौर श्री राधा बिलसन कुंज बिहारी। भेटी जाय धाय गिरिधर सों श्री वृषभान-दुलारी ॥७॥ धन्य सुहाग भाग तेरो भामिनि कहा बरनों रसना री। 'कृष्णदास' प्यारे की प्यारी तोपे सर्वस्व वारी ॥८ ॥

Gangaur

Part2-247

Saarang

Saheli merey aaj tou rangili gangour.

सहेली मेरे आज तो रंगीली गनगोौर। नख-सिख अंग आभूखन पहेरों ओढ़ों पीत पटोर ॥१ ॥ नाचों गावों भाव बताउं जाय नंद की पोौर। बाँधों बंदनवार मनोहर चीतों सुकपीक मोर ॥२॥ विविश भांति नई सोंज अपने कर अरपों नंदकिसोर ॥ करि अचबन जल बीरी दै मुख भेटों दोऊ कर जोर ॥३॥ सेज कुसुम रचिपचि पोढाऊँ राखों नैन की कोर। मदन केलि रस-ब्रेलि बढ़ाऊ मंद हँसनि चितचोर ॥४ ॥ चांपों चरन निज करन प्रीतम के उलटि-पुलटि दोड ओर। बींजना ढोरों श्रमजल पोंछों अपने अंचल छोर ॥५ ।| अधर सुधारस पिऊ पिआऊँ निरखि वदन मुख मोर। आलिंगन चुंबन परिरंभन दै-दे प्रेम हिलोर ॥६ ॥ मनमथ अंग-अंग प्रति उमग्यो राधा नंदकिंसोर । 'कृष्णदास' प्रभु रति रस पागे निसि बीती भयो भोर ॥७ ॥

Gangaur

Part2-248

Saarang

Jall achavaay laal laadili koun kunj bhawan mein paan khavaayo.

जल अचवाय लाल लाड़िली कों कुंज भवन में पान खवायो। कर ले बीन बजाय गाय सखी ललिता सारंगराग जमायो ॥१ ॥ धरि डर कुंसुममाल दोऊन को सहचरि रति-रस रंग तीज को पिय-प्यारी त्कौहार मनायो २ ॥

Gangaur

Part2-248

Saarang

Bunn-thhan vrajrajkunwar baithe singhdwar aaya dekh gangaur aangan leey sanga sub gwal-baal .

बन-ठन ब्रजराजकुंवर बैठे सिंघद्वार आय देख गनगौर आंगन ले संग सब ग्वाल-बाल । नखसिख सजि-सजि सिंगार आईं सकल घोखनारि परम सुंदर चतुर सुधर गावत सुर गीत रसाल।। १।। मंडल जोरि घूमर लेत आरस-परस चहुँ ओर सखी सहचरी ब्रज की बच्चू उमगि-उमगि दै दे ताल । 'कृष्णदास' प्रभु की बानिक निरखि जुबती विवस भई निकट आय पाँय लागि पहेरावत कंठमाल ।। २।।

Gangaur

Part2-249

Kedaro

Bunn thhan aaee rangili gangaur.

बन ठन आई रंगीली गनगौर। सजि सिंगार चञ्जल मृगनेनी पहेरें पीत पटोर ॥१ ॥ सखी सहेली ले संग राधा गावत नंद की पोर। निरखत हरखत अतिरस बरखत मोहे नंद किसोर ॥२ ॥ उपजी प्रीति परस्पर अन्तर मानो चंद चकोर | 'कृष्णदास' पिय प्यारी की छबि पर डारत हैं तृन तोर ।।३॥।।

Gangaur

Part2-249

Noor Saraang

Saghan kunj bhawan aaj phoolan kii mandali rachi taamadhi lai sanga radha baithe giridharanlal.

सघन कुंज भवन आज फूलन की मंडली रचि तामधि लै संग राधा बैठे गिरिधरनलाल। चूनरी की बांधि पाग अड्ड बाग चूनरी को उपरेना कंठ हीरा हार मोती माल ॥१ ॥ शयाम चूरी हरित लहँगा पहरि चूनरि झूमक सारी मानो गनगौर बनी ऐस मै मैन कौरति-बाल। 'कृष्णदास' पिय प्यारी अपने कर दरपन ले मुख बार-बार हँसि-हँसि भारि अंक जाल॥२॥

Gangaur

Part2-249

Gouri

Teej gangaur tyauhar koo jaani dinn thaade kunjdwar sandhya samai piya pyaari |

तीज गनगौर त्यौहार को जानि दिन ठाड़े कुंजद्वार संध्या समै पिय प्यारी | दौरि नर नारि सब आये दरसन करन भई आंगन मधि भीर भारी ॥१ ॥ बजत बीना मृदंग तानपूरा चंग गान गावत सखा आठों करदे तारी। 'कृष्णदास' निनाथ रानी जसुमति मात करत आरती करन मधि ले थारी ॥२ ॥

Gangaur

Part2-249

Gouri

Dekhi gangaur piya pyaari navkunj mein aaya baithe byaru curran douu milli saath .

देखि गनगौर पिय प्यारी नवकुंज में आय बैठे ब्यारू करन दोऊ मिलि साथ । विविध पकवान व्यंजन बहो भांति के ठाडी भरि थार लै ललिता अपने हाथ ।।१।॥। जेंबत आलस भरे देखि चंद्रावलि ढोरत बिजना श्रमित जान वल्‍लभ नाथ । दूध तातो मिष्ट भरि कनकपात्र पियो सचुपाय प्रभु 'कृष्णदास' के हाथ ।।२।।

Gangaur

Part2-249

Kanharo