Dinkar ghar aanand udit badhyo atee chalisakhi aaj badhaaven..

दिनकर घर आनन्द उदित बढ्यो अति चलिसखी आज बधावें॥ प्रकट भई यमुना जगतारण सब मिलि मंगल गावें ॥१ ॥ धन्य कूंख संजारानीकी एसी सुताजो जाई॥ कृष्णप्रियपटरानी जन्म सुन जित तित बजत बधाई ॥२ ॥ चैतमास शुभ लग्न मुहुरत छठ गुरुवार उजेरी ॥ जुरत निशान नाचत नरनारी गावत देदे हेरी ॥३ ॥ घर घर मंगल मुदित माननी मोतिन चोक पुरावे॥ ध्वजा पताका कदली रोपत बंदनवार बंधावे ॥४॥ अथधम उद्धारन कारन भूपर भाग्यनदे दरसाई।॥ महिमा अपरमपार कहा कहुं वेदपुराणन गाई॥५॥ मन्जन करत हरत अघ ओघन भक्त मुक्त गति देनी ॥ मानो विधि वैकुंठ चढनकुं अभय तट रचीहे। निसेनी ॥६ ॥ शोभा श्रीमथुरामंडलकी चरण शरणरहुं ताकी॥ माथुर मणि पोखत तोखत नित जिये भरोंसे जाकी॥७॥ श्रीविश्राम निकट बहेतहे लागत धार सुहाई ॥ जाके दरस परस यम किकर कबहुं न देत दिखाई ॥८ ॥ कीजे कृपा निजदास जानके मन वांछित फल पाई॥ इच्छाराम मधुपुरी वसकें जन्म कर्म गुण गाई ॥९ ॥

Yamunaji Ki Badhai

Part2-252

Aasawari

Merey ramlala koo sohilo suna naacho sur narr

मेरे रामलला को सोहिलो सुन नाचो सुर नर नारीहो ॥ उमग उमग आनंदमें डोलें तन मन धन सब वारीहो॥१॥ गृहगृहतें सब सजि चले अपनें अपने टोलहो ॥ देत बधाई रहसि परस्पर गावत मीठे बोलहो ॥२ ॥ मंगल साज सवारकेंहों हाथन कंचनथार॥ मानों कमलन शशि चढ चले राजा दशरथ के दरबार ॥३ ॥ अवधपुरी अति सोहीयेहो मंगलपुरहि रहि निशान॥ मौतिनचोक पुराय केंहो मंगल विविध विधान ॥४॥ देव पितर गुरु पूजकें हो जातकर्म सबकीने॥ ट्िजवर कुल सनमानकें दान बहुत विधदीने॥५॥ मागध सूत बिरदावलीहो ॥ सूरजबंश वखान॥ याचकजन पूरणकीये सब दानमान परिधान ॥६ ॥ विधि महेश सुर शारदाहो देख सिहात समोद॥ ध्यानघरे नहीं पाईयेंहो सो देखो कौशल्याकी गोद ॥७ ॥ विविध कुसुम वरखा भई आनंद प्रेम प्रकाश॥ रामललाके रूपपें जन बलबल गोविददास ॥८ ॥

Ramnavami Ki Badhai

Part2-254

Ramkali

Sohilo suhaayo aaj..

सोहिलो सुहायो आज॥ घरघर मंगल होत अवधपुर भयेहें मनोरथ काज ॥१॥ फूली फिरत सुवासिन दाई अति आनंद महाराज॥ रघुकुल तिलक भानुव्हे॑ आये तुलसीदास शिरताज ॥२ ॥

Ramnavami Ki Badhai

Part2-254

Bilawaal

Naumike dinn nobat baaje kaushalya suta jaayo..

नौमिके दिन नोबत बाजे कौशल्या सुत जायो॥ सातघरी दिन उदित भयोहे सब सखियन मंगल गायो॥१ ॥ कांप्यो सिंधु कंगूरा ढरियो लंका अगम जनायो॥ सब लंकामें शोक पययोहे राजदेव गृहआयो ॥२ ॥| दशरथ मन आनंद भयोहे वंश हमारे गृह आयो॥ विप्र बुलाय शोधना कीनी अभे भंडार लुटायो॥३॥ कंचनके बहु कलश बनाये मोतिनचौक पुरायो॥ घरी एक निगम सोच हियभाख्यो रामचन्द्र गृहआयो ॥४ ॥ गृहगृहतें सब. सखी बुलाईं आनंद मंगल गायो॥ दशरथराय दोऊ आंगनमें आदर कर बैठायो ॥५॥ दशरथ उठ बजार पथधारे सारी सुरंग बस्थायो॥ जो जाके जैसो मनभायो तेसो ताहि पहरायो ॥६ ॥ पाट पटंबर खासाझीनो जेसो जाहि सुहायो ॥ परमानंददास कहांलों बरनों तीनलोक यश छायो ॥७ ॥॥

Ramnavami Ki Badhai

Part2-254

Bilawaal

Raam janm anand badhaai.. surataru kamshenu

राम जन्म आनंद बधाई॥ सुरतरु कामशेनु चिंतामण अवधपुरी मानों घरघर आई॥१॥ अंतरिक्ष जन फिरत अवनीपर मिलत परस्पर दूब बंधाई ॥ प्रफुल्लित हदें नगर बासिनके बाल वृद्ध सब बात सुहाई ॥२ ॥ घीर गंभीर नाचें नरनारी बाचे बहुत गिने नहीं जाई॥ मंगल कलश चौक मोतिनके द्वारन बंदनवार बंधाई ॥३ ॥ सुतको बदन निहार नारि सब बारत भूषण लेत बलाई ॥ रत्न गर्भ कौशल्यारानी धन्य भाग्यकी करत बडाई ॥४ ॥ दशरथराय नहाय भये ठाडे कंचन बसन अनेक मगाई॥ परम पुनीत विप्र पद वंदित दान मान जन घन बरखाई ॥५ ॥ मागथ सूत भाट बंदीजन अष्टसिद्धि नवनिधि बांछित पाईं॥ दशरथ सुत नितप्रति हों देखों अग्रदासके यह जीय भाई ॥६ ॥

Ramnavami Ki Badhai

Part2-255

Jetashri

Phoole firat ayodhya baasi..

फूले फिरत अयोध्या बासी॥ सुन्दर सुत जायो कौशल्या रामचंद्र सुखरासी ॥१ ॥ द्वारन बंदनबार साथिये मोतिन चौक पुराये॥ नाचत गावत देत बधाई मानों घर घर सुत जाये ॥२ ॥ गली गली गज बाजि जहां तहां हकलाय दिये तबेले॥ दान बहुत याचक जन थोरे कापें जात संकेले ॥३ ॥ दशरथ भूष भंडार मुक्त किये वंदी अभर भरे॥ शकट सलीताही सोहे मालन ठोर ठोर धरे ॥४॥ संत कमल मुख देखन कारन रबि उद्योत कर्यो॥ मुदित देव दुंदुभी बजावत निश्चर तिमिर हयों ॥५ ॥ देत अशीश सकल नरनारी चिरजीयो रघुवीर॥ अग्रदास आनंद अखिल पुर मिटी ताप तनपीर ॥६ ॥

Ramnavami Ki Badhai

Part2-255

Bilawaal

Raam janm maanat nandrai. pratham phulel ubatanon

राम जन्म मानत नंदराई। प्रथम फुलेल उबटनों सोंधो यह बिध लाल नहवाई॥१॥ रंग केसर बागों कुलही आभूषण पहिराई ॥ सबको ब्रज एक लरिका तातें बेगही लियो जिमाई ॥२ ॥ जन्म समे पंचामृतसों देव न्हवाबत गाई॥ चर्चित पीतांबर उढायके फूलमाल पहिराई ॥३ ॥ भोग धरायके आरतीवारत बाजत बहुत बधाई ॥ दुहुकर जोर बलैयां ले के तुलसीदास बल जाई ॥।४

Ramnavami Ki Badhai

Part2-255

Bilawaal

Maaee prakat bhaye hain raam.. hatyaa teen gaeen dashrathaki sunat manohar naam ..1 ..

माई प्रकट भये हैं राम॥ हत्या तीन गईं दशरथकी सुनत मनोहर नाम ॥१ ॥ बंदीजन सब कौतुक भूले राघव जन्म निधान॥ हरखे लोग सबे भुवपरके युव जन करतहें गान ॥२॥ जयजयकार भयो वसुधापर संतन मन अभिराम॥ परमानंददास बलिहारी चरन कमल विश्राम ॥३ ॥

Ramnavami Ki Badhai

Part2-256

Jetashri

Raghukulmein prakate raghuveer..

रघुकुलमें प्रकटे रघुवीर॥ देशदेशतें टीको आयो दिव्य रत्न मनिहीर ॥१ ॥ घरघर मंगल होत बधाई अति पुरवासिन भीर ॥ आनंद मगन भये अति डोलत कछुव सुधि न शरीर॥२ ॥ हाटक बहु इच्छाजो लूटायो रत्न गायदेचीर॥ देत असीस चूर चिरजीयो रामचंद्र रणधीर ॥३ ॥

Ramnavami Ki Badhai

Part2-256

Saarang

Aaj ayodhya mangalchar..

आज अयोध्या मंगलचार॥ मंगल कलश माल अरु तोरन बंदीजन गावत सब द्वार ॥१ ॥ दशरथ कौशल्याजु कैकेई बेठे आय मंदिर के द्वार॥ रघुपति भवत शत्रु घन लक्ष्मण चार्यों धीर उदार ॥२ ॥ एक नाचत एक करत कुलाहल पांयन नूपुर को झनकार॥ परमानंददास मनमोहन प्रकटे असुर संहार ॥३ ।॥

Ramnavami Ki Badhai

Part2-256

Saarang

Aaj ayodhya prakate raam..

आज अयोध्या प्रकटे राम॥ दशरथवंश उदे कक शिव विरंचि मुनि भयो विश्राम ॥ १ ॥ घर घर तोरन बंदनमाला चौक पूरे निजधाम॥ परमानँददासतिहिं अवसर बंदीजनके पूरत काम ॥२॥

Ramnavami Ki Badhai

Part2-257

Saarang

Avadh raaj aeka aagam aayo... kartal nirakh

अवध राज एक आगम आयो॥। करतल निरख कहेत सब गुणिजन बहुत ने परचो पायो ॥१ ॥ बूढो बडो प्रमाणिक बामन शंकर नाम सुनायो॥ संग सुशिष्य सुनत कौशल्या भीतर भवन बुलायो ॥२ ॥ पाय पखार पूजदियो आसन अशन वसन पहरायो॥ मेलेचरण चारू चार्योसुत माथें हाथ दिवायो।|३॥ नखशिख बाल बिनोद विप्र तन पुलक नयन जल छायो ॥ लेले गोद कमलकर निरखत उर प्रमोद अनुमायो ॥४ ॥ जन्म प्रसंग कर्यो कौतुक मिस सीय स्वयंवर गायो॥ तुलसीदास निवास चरणहि सबहिनके मन भायो ॥५ ॥

Ramnavami Ki Badhai

Part2-257

Saarang