Kaushalpur mein bajat badhaai.. sunder suta jaayo kaushalya prakat bhaye raghurai..1..

कौशलपुर में बजत बधाई॥ सुंदर सुत जायो कौशल्या प्रकट भये रघुराई॥१॥ जातकर्म दशरथ नृपकीनोअगणित धेनु दिवाय।॥ गज तुरंग कंचन मणि भूषण पावस ऋतुमानो ब रधाय ॥२॥ देत असीस सकल नरनारी चिरजीयो सतभाय॥ तुलसीदास आस पूरन भई रघुकुल प्रकटे आय ॥३ ॥

Ramnavami Ki Badhai

Part2-257

Saarang

Nagarmein baajat kahaan badhaai.. garbh uday kaushalya maataa ramchandra nidhi aaee ..1 ..

नगरमें बाजत कहां बधाई॥ गर्भ उदय कौशल्या माता रामचंद्र निधि आई ॥१ ॥ ऋषि बूझे कौशल्या माता केसो जन्म गुसांई॥ नौंमी सोमवार तिथि नीको लौदह भुखन वन बडाई ॥२ ॥ ब्राह्मण वेद पढत अति निर्मल ऋषि अभिषेक कराई ॥ द्वारें भीरभई दशरथके सामवेद ध्वनि गाई ॥३ ॥ घर घर मंगल चार साथिये मोतिनचौक पुराई ॥ सोहत राजरामको नीको मांनदास जहांपाई ॥४ |

Ramnavami Ki Badhai

Part2-257

Saarang

Mahaa mangal uday aajaten avadhimen raajraajen dashrath dulaare..

महा मंगल उदय आजतें अवधिमें राजराजें दशरथ दुलारे॥ सुनत प्रागट्य आनंद मग्न भये सकल ब्रह्मा रुद्रादि सब समाधि टारे ॥१ ॥ कुसुम वृष्टि निज यष्टि रस द्रष्टिसों बरष सुरहरष गंधर्व गानें। बदत जस वेद मर्यादके भेदकर कथित ऋषिराज जोतिष बखानें ॥२॥ लग्न कर्कहु चन्द देव गुरु संयुक्त तुलअरि यमजु रिपु तमसिकोमे ॥ मकर कुंभ मीन उसना उच्च भानु अजलाभ बुझ कतबय अधिक सोभे ॥३ ॥ पुष्य वालब विधुज जोग सिव मधु विमल अंक घटिका रत्न समय देखे ॥ फिरत उन्मत्त सुरयूथ पुर गलिनमधि जनम जीवन करत सुफल लेखे ॥४ ॥ बजत बाजे धन्य धन्य धुनि व्हेहही लोक विस्मित सदानंद तन्मे ॥ जगत मोहन द्वारकेश बलिश्याम वपु व्युह शा सित श्रीरामजन्मे ॥५ ।।

Ramnavami Ki Badhai

Part2-258

Saarang

Aaj sakhee raghunandan jaaye...

आज सखी रघुनंदन जाये।॥ सुंदररूप नयनभर देखो गावत मंगलचार बधाये ॥१ ॥ परम कौतुहल नगर अयोध्या घरघर मोतिन चोक पुराये॥ द्वारद्वार मारग गरियारे तोरन कंचन कलश धराये ॥२ ॥ पूरण सकल सनातन कहीयत जे हरि बेद पुराननगाये ॥ महाभाग्य राजादशरथको जिहिंघर रघुपति जन्मही आये ॥३ ॥ ब्रह्मघोष मिल करत वेदध्वनि जयजय दुंदुभी देव बजाये ॥ गुणि गंधर्व चारण यश बोले भूवन च्र्दश 7 आनंद पाये ॥४ ॥ घान फूल फल चौवा चंदन बहु उपहार लोक ले आये॥ परमानंदप्रभु मन-मोहनकों ले कोसल्या गोद खिलाये ॥५ ॥

Ramnavami Ki Badhai

Part2-258

Saarang

Aaj ayodhya manjhbadhai.. dashrath sadan

आज अयोध्या मांझबधाई।। दशरथ सदन चैत्रसुदि नौमी दिन प्रकटे संतन सुखदाई ॥१ ॥ वडभागिनी कोशल्यारानी जाकी कूख भये रघुराई॥ अमरलोक यह लोगन आबंत उर आनंद न समाई ॥२॥ सत्यलोक संताप हरण भूभार उतारन आयो माई॥ मर्यादा पुरुषोत्तम लीला प्रेम मुदित गोकुलचंद गाई ॥३ ॥

Ramnavami Ki Badhai

Part2-258

Saarang

Ayodhya baajat aaj badhaai ..

अयोध्या बाजत आज बधाई ॥ गावत मंगल करत कुलाहल प्रकट भये रघुराई ॥१ ॥ दशरथ मन आनंद भयोहे विहंसी सबे लुगाई ॥ सुरविमान चढ कौतुक आये बरखा पोहोप कराई ॥२ ॥ रघुपति तिलक त्रिलोक चितामणि सबहिनके सुखदाई ॥ जनसों कछ कहत नहीं आवे प्रेमभक्ति निधिपाई ॥३ ॥

Ramnavami Ki Badhai

Part2-258

Saarang

Bhojan lawri tuu maiya.. humm kabake tokon teratahen bhookhe chaaron bheya..1..

भोजन लावरी तू मैया॥ हम कबके तोकों टेरतहें भूखे चारों भेया॥१॥ बचन कौसल्या आई लीयें हाथ मिठेया। (पुरी ले ताती अरू बूरो दार सुमित्रा मैया ॥२ ॥ केकेई दधि ओदन ले आई मीठे बचन सुहैया ॥ में जानी तुम राजसभामें बेठें हें रघुरैया ॥३ ॥ जेमत राम लक्ष्मन अरु शत्रुहन और भरत रघुछेया ॥ फूंक फूंक सीरोकर पीबत तातो मीठो घेया ॥४ ॥ जल अच्वाय कपूर सुवासित लागत परम सुहैया ॥ तुलसीदास सुख नेनन निरखत मैया लेत बलेया ॥५॥

Ramnavami Ki Badhai

Part2-259

Saarang

Bandon avadh gaam .. itey raajat jaanaki barr utein shyama shyam ..1 ..

बन्दों अवध गाम ॥ इते राजत जानकी बर उतें श्यामा श्याम ॥१ ॥ इते सरयू वहत निर्मल उते यमुनानीर ॥ हरत कलि विष युगल मूरत जान जनकी पीर ॥२॥ इते शवरी स्वर्ग दीनो चित्रकूट बनाईं॥ उते कुब्जा रूप दीनों चन्दन चारु घिस लाई ॥३ ॥ इते खेवत सखा-तारे बेठिकें रघुराई ॥ उते कर नख भूष तारे करगहे यदुराई ॥४ ॥ इते शांर्गपाणि सोहे ललित लछमनथीर ॥ उते मुरलीकर विराजे हल गहें बलवीर ॥५ इते गौतम घरनिकीगति कीनी राम सुजान ॥ उते द्रौपदी लाजराखी द्वारका पति कान्ह ॥६ ॥ धीर सागर राम मूरत करे गीध निहाल॥ उते गज बैकुंठ पठयो दोरिकें नंदलाल ॥७ ॥ कबहु बावानंदके घर जात माखन खात॥ तनक भोजन करो विलमो कहत कौशल्या मात ॥८ ॥ भक्त हेत अवतार लीनें धरि दोऊ अवतार ॥ दास तुलसीशरण आये को उतारे पार ॥९ ॥

Ramnavami Ki Badhai

Part2-259

Saarang

Hamaare madangopal hein raam.. dhanushban barr vimal

हमारे मदनगोपाल हें राम॥ धनुषबान बर विमल बेनुकर पीत वसन ओर तन घनश्याम ॥१ ॥ अपनी भुजा जिन जलनिधि बांध्यो रास रच्यो जिन कोटिक काम॥ दशशिर हत जिन असुर संहारे गोवर्धन धार्यो करवाम ॥२॥ वे रजुबर यह जदुबर मोहन लीला ललित विमल बहुनाम॥ परमानंद प्रभु भेद रहित हरि संतन मिलि गावत गुनग्ाम ॥३ ॥

Ramnavami Ki Badhai

Part2-259

Saarang

Aaj badhaabo dashrath rayaken chalo sakhee dekhan jaany..

आज बधाबो दशरथ रायकें चलो सखी देखन जांय॥ घरधर पुर आनंद भयो फुले अंग न मांय॥१॥ कौसल्याकी कुखिि कल्पतरु प्रकट भये श्रीरम॥ देवलोक और भुवलोकनमें पुरबन मनके काम ॥२ ॥ दशरथ भाग्य सराईयेहो कौसल्या बडभाग ॥ नरनारीसब गावहींहों उमग उमग अनुराग ॥३ ॥ युवती यूथ मिल आवहींहो हाथन कंचनथार॥ मानो कमलन शशि चढ चलेहो नृप दशरथ दरबार ॥४ ॥ मोतिनचौक पुरावही साथीये रचितदुवार। नेगलेंहि सब यों कहेंहोजीवोराजकुमार ॥५ ॥ बालक वृद्ध तरुण सबेहो भवन रहो नहि कोय॥ एसोदिन माई आजकोहो एसो जो नितहोय ॥६ ॥| भुषणवसन पहेरावहीहो निकसी देत असीस कुंदुंब सहित तुबसुत लाडिलेहो जीवो कोटिवरीस ॥७ ॥ जिनयाच्यो सोईदीनों हो छिनछिन बढतहुलास॥ रामललाके रूपपेहो बलबल गोविंददास ॥८ ॥

Ramnavami Ki Badhai

Part2-260

Gouri

Chaitra shukl naumi dinn janm .. nagar ayodhya bajat

चैत्र शुक्ल नौमी दिन जन्म ॥ नगर अयोध्या बजत बधाई दसरथनंदन ब्रह्म !१ ॥ राम लक्ष्मन भरत श्बुघ् घ्न चार व्यूह निज धर्म ॥ पूरन जब अवतार लेहि तब इह बिथ जानो मम ॥२ ॥ रस मर्यादा पुष्टि श्री्रजपति पुरुषोत्तम यह भेद ॥ द्वारकेस बलि कौसल्यासुत निज गुन गावत बेद ॥३ ॥

Ramnavami Ki Badhai

Part2-260

Saarang

Gawat ramjanmaki gaatha..

गावत रामजन्मकी गाथा॥ दशरथके गृह प्रकटभये प्रभु पूरणब्रह्म सनाथा॥१ ॥ आजप्रार्थना सुफलभई यह अब काज देव सब सरहें | दुष्टटलन संतनसुखदायक भुवको भार उतरहें ॥२ ॥ भुवन चतुर्देश करत प्रशंसा भूरिभाग्य रघुकुलको आहि॥ नेतिनेति निगमादिकगावे सोई सुत कोशल्याजाहि ॥३ ॥ देत असीस सूतमागथजन पुरवासी नर नारि॥ कोशल्या नंदनके ऊपर तनमन डारत बारि ॥

Ramnavami Ki Badhai

Part2-261

Kanharo