Pragat bhayehen dashrathke raghubar..

प्रगट भयेहें दशरथके रघुबर।। महा महोत्सव मंगल घरघर॥ देखो आय अवधपुर शोभा। नर नारी आनंद उरगोभा ॥१ ॥ सुनत सबे आतुरव्हे धाये॥ हरीदूब दधि नृपति बंधाये॥ मोतियन बंदनवार बंधाये। नवतरुणी साथिया बनाये॥२॥ ध्वजा पताका मंडित घरघर॥ दिव्य दुकूल सुगंध सींचिधर ॥ धर अंबर बाजें बहुबाजे॥ मानो उदधि लहेरिन गाजे॥३॥ विप्र वेदध्वनि व्योमन परसत॥ सुरपति अतिसे बरखत॥ भीर भूषघर अतिसी राजें॥ कोऊ लेवे कोऊ देवेकाजें ॥४ ॥ भूमि वाजि गज विप्रनपाये॥ थेनुवसन ओर रल बधाये।॥ वाचकजन याचनजो आये॥ दानमान वांछित फल पाये ॥५ ॥ कहत तपोधन वचनहमारे ॥ चिरजीयो चार्यों पुत्र तिहारे ॥ अग्रबधाई जहां नितपावे ॥ जन्मकर्म लीला गुणगावे ॥६ ॥

Ramnavami Ki Badhai

Part2-261

Kanharo

Naumi chaitraki ujiyari..

नौमी चैत्रकी उजियारी॥ दशरथके गृह जन्मलियोहे मुदित अयोध्या नारी॥१॥ राम लक्ष्मण भरत शत्रुघ्न भूतलप्रकटे चारी॥ ललित विशाल कमलदल लोचन मोचनदुःख सुखकारी ॥२ ॥ मन्मथ मथन अमित छबि जलरुह नीलबसन तनसारी ॥ पीतबसन दामिनि द्युति विलसत दशनलसत सितभारी ॥३ ॥ कठुलाकंठ रलमणि वधना धनुभूकुटी गतिन्यारी॥ घुटुरुवनचलत हरतमन सबको तुलसीदास बलिहारी ॥४ ॥

Ramnavami Ki Badhai

Part2-261

Kanharo

Ramchandra pada bhajvelaayak..

रामचन्द्र पद भजवेलायक॥ अभयकरण भवतरण तपोधन युगयुग साखिवेदके वायक ॥१ ॥ चितवत चरण सदा सुखदायक पापताप नहिं सुखके मायक॥ भक्तनकी रक्षाकेकारण अनुदिन लिये रहत करसायक ॥२ ॥ गौतमनारि ग्राह गजतारक भक्त विभीषणकेजु सहायक ॥ सेवा अल्प सुमेरसी मानत करुणासिंधु अयोध्या नायक ॥३ ॥ जेपद रटत मुनिनारद शारद शेषसहस््र मुर्त पार न पायक ॥ जानकी रमण हरि सर्व शिरोमणि अग्नदास उर आनंददायक |।४ ॥

Ramnavami Ki Badhai

Part2-261

Kanharo

Jhoolat rampalne sohein..

झूलत रामपालने सोहें॥ भुरिभाग्य जननी जनजोहें ॥१ ॥ तन मृदुमंजुलमेचकताई॥ झलकत चाल विभुषण झांई॥२॥ अधर पाणि हित लोहितलोने॥ सरस शूृंगार भवसार सल ने ॥३ ॥ किलकत हँसत बिलोक खिलोना॥ मानो विनोद करत छबिछोना ॥४॥ रंजनखंजन बिलोचन॥ भ्राजत भाल तिलक गोरोचन ॥५ ॥ लसे मसि बिंदु बदन विधुनीको ॥ चितबत चित चकोर तुलसीको ॥६ ॥

Ramnavami ke Palana

Part2-262

Bilawaal

Nandanandan aeka kahoon kahani..

नंदनंदन एक कहूं कहानी॥ रामचंद्रराजादशरथके जनकसुता याके घर रानी ॥१ ॥ तातवचनसुन पंचवटीबन छांडबले ऐसी रजधानी॥।॥ तहां बसत सीता हरलीनी रजनीचर अभिमानी ॥२ ॥ पहिलीं कथा पुरातन सुनसुन जननीके मुखबानी॥ लक्ष्मण धनुषधनुष कहिटेरत यशुमति सूर डरानी ॥३ ।

Ramnavami Ki Badhai

Part2-262

Bihagaro

Suna suta aeka kathaa kahuun pyaari.. nandanandan mananand rasikashiromani deit hunkari .. ..

सुन सुत एक कथा कहूुं प्यारी॥ नंदनंदन मनआनंद रसिकशिरोमणि देत हुंकारी ॥ ॥ दशरथ नृपष जोहते रघुवंशी तिनके प्रकटभये सुत चारी॥ तिनमें राम एक ब्रत धारी जनकसुता ताके घर नारी ॥२॥ तात वचनसुन राज तज्योहे भ्रातासहित चले बनवारी। धावत कनकमृगाके पाछें राजीवलोचन केलिविहारी ॥३ ॥ रावण हरण कियो सीताको सुन नंदनंदन नींद निवारी ॥ परमानंदप्रभु रटत चांपकर लछमनदे जननी भ्रम भारी ॥४ ॥

Ramnavami Ki Badhai

Part2-262

Bihagaro

Lalit kathaa aeka kahon ladente neku sakuch taja chhandade aar..

ललित कथा एक कहों लडेंते नेकु सकुच तज छांडदे आर॥ सूरज वंश नृपति दशरथकें भये सुंदर सुभग सुतचार ॥१॥ तामें बडे रामचंद्र राजा जनकसुता जाके घर नार॥ पंचवटीकों चले राजतज पिता बचन माथें परधार ॥२ ॥ वैकुंठनाथ रनधीर वीर रघु तापस अनुहार॥ मारे कुटिल सबल राक्षस अति कानन बसति बिघनसब टार ॥३॥ कपटरूप रावन सीताको लेगयो लंक सिंधुके पार॥ जानकी हरन सुनत सूरजप्रभु चोंक उठे लाओ धनुष संभार ॥४ ॥

Ramnavami Ki Badhai

Part2-262

Kanharo

Srirghunath paalane jhoole kausalya guna gaave..

श्रीरघुनाथ पालने झूले कौसल्या गुण गावे॥ बल अवतार देवमुनि बंदित राजीवलोचन भावे ॥१ ॥ राजा दशरथ पलना गढायो नवचंदनको साज॥ हीरा जटित पाटकी डोरी रत्न जराये वाज ॥२ ॥ एते चरणकमल करराते नील जलद तनसोहे ॥ मृगमद तिलक अलक घुंघरारी मृदुल हास मनमोहे ॥३ ॥ घर घर उत्सव चारु अयोध्या राघव जन्म निवास ॥ गाबत सुनत लोक त्रेपावन बल परमानंददास ॥४ ॥ कनक रतन मय पालनो रच्यो मारु सुत्रधार॥ विविध खिलौना किंकिनी मंजुल मुक्ताहार। रघुकुल मंडनराम रामललाहोहो ॥१ ॥ जननी ऊबट नहवायके मनि भूषन सजिलीये गोद | पीढाये शिशु पालने निरख्ि मगन मनमोद।॥ दशरथ नन्दन राम रामललाहोहो ॥२ ॥ मत्त मयूरकी चंद्रिका झलके रतनन ज्योति॥ नील कमल अरू जलदकी उपमा कहें लघु होत॥ नेन सुकृत फलराम ॥३॥ लघु लघु लोहित ललितहें पदपान अधर एकरंग॥ सो छबि को कवि कहिसके नखशिख सुन्दर सब अंग ॥ राजीव लोचन राम रामलला ॥४ | पदनूपुर कटि किंकिनी कर कंकन पहोंची मंजु॥ हीयें केहरिनख अद्भुत बने मानो मनसिज मदके गंजु॥ पुरजन उरमनि राम॥५॥ लोचन नीलसरोजसे भ्रुव मसिविदु लि बिराज॥ जनु मुख विधु छबि अमीयकों रक्षक राख्यो रसराज॥ सागर राम ॥६ ॥ घुंघरारी अलकावली लसे लटकन ललित लिलाट ॥ मानों उद्डगण विधु मिलनकों चले तम बिडारकर बाट॥ जगत तिमिर हर राम ॥७ ॥ देखि खिलोना किलकहीं पद पान विलोचन लोल॥ विचित्र बिहंग अली जलजज्यों सुषमा सर करत कलोल॥। भक्त कल्पतरु राम॥८ ॥ बाल बोल बिन अरथके सुनि देत पदारथ चार॥ सो पेहन बचनानतें भये सुरनर मुनि त्रिपुरार॥ नाम काम धुक्‌ राम॥९॥ मात सुमित्रा बारहीं मनि भूषन वसन विभाग ॥ मधुर मल्हाय झुलावहीं गावें उमगि उमगि अनुराग॥ हें जग मंगल राम॥१० ॥ मोती ऊपज्यो सीपमें अरु अदिति जन्यो जगभान ॥ रघुपति कोसल्या जन्यो गुन मंगल रूप निधान॥ भुवन विभूषन राम ॥११ ॥ राम प्रगट जगमे भये गये सकल अमंगल मूल ॥ मीन मुदित हित उदित व्हे नित बैरिनके उर सूल ॥ भव भय भंजन राम ॥१२ ॥ अनुज सखा संग शिशुले खेलन चले चौगान॥ लंकामें खरभर परी हो सुरपुर बजे हें निशान॥ रिपुगन गंजन राम ॥१३ ॥ राम अहेरट कुं चले हो जब गजरथ बाजि संवार॥ दसकंधर उर धुकधुकी अबजिन धावे धनुधार॥ अरि कुल केहरि राम ॥१४ ॥ गीत सुमित्रा सखीनके सुनि सुनि सुरमुनि अनुकूल ॥ दे असीस जयजय कहें सब हरषें बरषें फूल ॥ सुरसुखदायक राम ॥१५ ॥ बाल चरित्रमय चंद्रमा यह सोलह कलानिधान॥ चित चकोर तुलसी कीयो कर प्रेम अमीरस पान॥ तुलसीके जीवनराम ॥१६ ॥

Ramnavami ke Palana

Part2-263

Bilawaal

Subhag sez shobhit kaushalya ruchir ramshishu godaliyen..

सुभग सेज शोभित कौशल्या रुचिर रामशिशु गोदलियें॥ बाललीला गावत हुलरावत पुलकित प्रेम पीयूष पियें ॥१ ॥ कबहूं पोढ पयपान करावत कब राखत लाय हियें॥ वारवार विधु बदन बिलोकत लोचन चारु चकोर पियें ॥२ ॥ शिव विरंचि मुनि सब सिहातहें चितवत अंबुज ओटदियें ॥ तुलसीदास यह सुख रघुपति को पायो औरन काहू बियें॥३ ॥

Shri Ram Ke Baal Leela

Part2-264

Bilawaal

Ramkrishna ooth kaheeyen bhor..

रामकृष्ण ऊठ कहीयें भोर॥ यह अवधेश वेब्रजजनजीवन यह धनुष धरन वे माखन चोर ॥१ ॥ इनकें चमर छत्र शिरसोहें उनकें लकुट मुकुट कर जोर॥ जनकलली राजत इनके संग उनसंग राधा करत कलोल ॥२॥ इनसंग भरत शत्रुघ्न लछमन बलदाऊ संग नंदकिशोर ॥ इन सागरमें शिला तराई उन गोवर्धन नखकी कोर ॥ इनभार्यो लंकापति रावन उनमार्यों कंसा बरजोर ॥३ ॥

Shri Ram Ke Baal Leela

Part2-264

Bibhaas

Raam mukh dekhiyat sunder gaat..

राम मुख देखीयत सुन्दर गात॥ दशरथ अर कोंसल्या माता निरख बदन सचुपात ॥१ ॥ बदन चंद राजीवदल लोचन मनिमय कुंडललोल॥ अलकतिलक मृगमद रुचिराजत सुंदरचारु कपोल ॥२॥ बालकदिसा कंठमुक्ता मनि नागचूड सम हाथ॥ करतल हाथ धनुषशर राजत सुघर अयोध्यानाथ ॥३ ॥ विश्वामित्र सकल सुरनर मुनि ठाड़े देत असीस॥ परमानंद प्रभु अविचल कौरत महाराज जगदीश ॥४ ॥

Shri Ram Ke Baal Leela

Part2-265

Bilawaal

Kartal sohat baan thanheyan.

करतल सोहत बान थन्हेयां। खेलत फिरत कनिक आंगनमें पहेरें लाल पन्हैयां ॥१ ॥ रघुकुल कुमुदचंद बंद चिंतार्माण प्रगटि भूतल महीयां॥ दशरथ अरु कोंसल्या बिहरत नेननछेयां ॥२ ॥ आये दान देन रघुबंशी आनंद सबही कहैयां ॥ मानोचार हंस सरवरके बैठे आये देहैयां ॥३॥ यहसुख तीन लोकमें नाहीं सोपायो हे यहीयां ॥ सूरदास प्रभुबोल भगत कूं निरबाहत हैं बहीयां ॥४ ॥

Shri Ram Ke Baal Leela

Part2-265

Bilawaal