Phoolanaki maalaa haath phooli sub sakhee saath jhamak jharokha jhaanke nandini janakaki..

फूलनकी माला हाथ फूली सब सखी साथ झमक झरोखा झांके नंदिनी जनककी॥ देखन पियाकी शोभा सीयाके लोचन लोभा एकटक ठाडी मानो पूतरी कनककी ॥१ ॥ पितासों कहत बात कमलसो कोमल गात टारोहो प्रतिज्ञा याशिवके धनुषकी ॥ नंददास प्रभु जान्यो तृनकर तोर्यों बान्यो बांसकी धनैया जेसें करकी ॥२

Shri Ram Ke Baal Leela

Part2-265

Bilawaal

Raghuvanshi jijman tihaaro dhaadhi aayoho ..

रघुवंशी जिजमान तिहारो ढाढी आयोहो ॥ रामजन्म सुन हो आ हों आयो राख हमारो मान ॥१॥ एक वार हों पहलें आयो अब ॥ दे गहनों ढाढिन पेहेराई बहुत बधाईपाई ॥२ ॥ अब जन्मे भरत शत्रुधन लक्ष्मण रघुपति परम उदार ॥ चारोंनेग निवेरो मेरे दशरथनृप दातार ॥३ ॥ बडीबेस सुत दियो विधाता तबही आयहों गायो || अश्व रक्षगज सोंनो मोती दे यशवितान जगछायो ॥४ ॥ करहा बाजदिये करजोरे कनक रत्न भर नाग॥ बहुत दूधकी भेंसेंदीनी भले हमारे भाग ॥५ ॥ मेरेआस तिहारे घरकी ओरनसों नहि काज॥ फलो अशीश हमारे मुखकी बढोवंश रघुराज॥ करहाकी गति नाचन लाग्यो ढाढिन हुरक बजाई॥ कौशल्या कैकई सुमित्रा कंचनमुठी चलाई ॥७ ॥ बारबार दान देत हें लेहिं जननकों लागो ॥ दियोदुशाला कियो निहाला ओर गुदीतेंबागो ॥८ ॥ रत्नजटित टोडर पेहेराये ढाढी कुंडलकान॥ महाराज दशरथ तिहीं अवसर हाटक वरस्थो दान ॥९ ॥ ढाढिनकों भीतरतें आयो कंचन पचरंग चीर ॥ फूली डोले चांयन चांयन छायो तिनपें हीर॥१०॥ गागन भेंस पोरी मुकलाई मेल गुदीमें हास॥ रलदाम मानों हेमजराये दे खोली मनगांस ॥११ ॥ तब ढाढी प्रफूल्लित व्हे बोल्यो सुन नृप मेरी बात॥ पोरी बंधावो रावरी फुल्यो अंग न मात ॥१२ ॥ यह मनोरथ मेरे मनको द्वार पर्यो हों गाऊं। कौसल्या सुत नयनन देखों अपनी गोद खिलाऊं ॥१३॥ जन्म बधाई दशरथ सुतकी सीखे सुने ओर गावे धर्म अर्थ कामना अकिकल भक्ति पदारथ पावे ॥ १४ ॥ बहुत भांत ढाढी पेहेरायो जो माग्यो सोदीनो ॥ अग्रदासकों दान अभयपद बहुत अयाचीकीनो ॥१५ ॥

Shri Ram ke Daadhi

Part2-266

Saarang

Aaj jagtipar jaijaykar.. ashwam uddharan

आज जगतीपर जयजयकार॥ अश्वम उद्धारन करुणा सागर प्रकटे अग्नि अवतार ॥१॥ गृहगृहतें सुंदरि सब आईं मोतिन भरभर थार॥। निरख कमलमुख प्राणनाथको तनमनधन बलिहार ॥२॥ करत वेदध्वनि सकल महामुनि सुंदर दृष्टि रसाल॥ विविध दान प्रेमसों दीने श्रीलक्ष्मणभट परमउदार॥३ ॥ करुणासिंधु सकल सुखदायक सकल सृष्टि आधार॥ अपने जीव कृतारथकीने दश्विध भक्ति अधार ॥४॥ परमआनंद बसत त्रिभुवनमें मुदित फिरत नरनार॥ हरिजीवन प्रमु यज्ञपुरुष श्री लक्ष्मणसुत अवतार ॥५ ॥

Shree Mahaprabhuji ki Badhai

Part2-267

Devgandhar

Bhootal mahaa mahotsav aaj..

भूतल महा महोत्सव आज॥ श्री लक्ष्मणगृह प्रकट भयेहें श्रीवल्लभ महाराज ॥१॥ आज्ञादई दयाकर श्रीहरि पुष्टि प्रकटवे काज॥ कलिमें जन्म उबायों ततछिन बूडत वेद जहाज ॥२॥ आनंदमूरति निरखत नयनन फूले भक्तसमाज ॥ नाचत गावत विवशभए सब छांड लोक कुललाज ॥३ ॥ घरघर मंगल बजत बधाई सजत नयेनये साज॥ मगनभये तन गिनत न काहू तीनलोकपर गाज ॥४ ॥ लीलासिंथु महारस अबतें बंधी प्रेमकी पाज॥ रसिकशिरोमाण सदाबिराजों श्रीवल्लभ शिरताज ॥५ |

Shree Mahaprabhuji ki Badhai

Part2-267

Devgandhar

Aaj jagtipar jaijaykar..

आज जगतीपर जयजयकार॥ प्रकटभये श्रीवल्लभ पुरुषोत्तम बदन अग्निअवतार ॥१॥ धन्यदिन माधव मास एकादशी कृष्णपक्ष रबिवार॥ श्रीमुख वाक्य कलेवर सुंदर धर्यों जगमोहन मार॥२॥ श्रीभागवत आत्म अंग जिनके प्रकट करण विस्तार ॥ दुंदुभी देव बजाबत गावत सुरवधु मंगल चार ॥३ ॥ पुष्टिप्रकाश करेंगे भूपर जनहित जग अबतार ॥ आनंद उमग्यो लोक तिहूंपुर जन गिरिधर बलहार ॥४ ॥

Shree Mahaprabhuji ki Badhai

Part2-267

Devgandhar

Submill gaavo geet badhaai.

सबमिल गावो गीत बधाई। श्रीलक्ष्मणगृह प्रकट भयेहें अवल्लभ सुखदाई ॥१॥ उघरे भाग्य सकल भक्तनके पुष्टिभक्ति प्रकटाई॥ सुत निज सुखदेबेकों पूजा पति प्रकटाई ॥२ ॥ अति सुंदर विधु बदन विलोकत सकल शोक ॥ कहत फिरत के बहिनस के आनंद उर न समाई ॥३॥ श्रीभागवत्त अर्थ प्रकट करनकों दिखाई ॥ भई न कबहूं व्हेहे न ऐसी जैसी अब निधिपाई ॥४ ॥ सदां विराजो शीश हमारे यह मूरति मनभाई ॥ चरणरेणु सेवकको सेवक दास रसिक बलिजाई ॥५ ॥

Shree Mahaprabhuji ki Badhai

Part2-268

Devgandhar

Bhagyan balal‍labh bhootal aaye. curr karuna

भाग्यन बलल्‍लभ भूतल आये। कर करुणा लक्ष्मणगृह कलिमें त्रजपति प्रकट कराये ॥१ ॥ चिंता तजो भजो इनके पद महा पदारथ पाये।। दास जननके सकल मनोरथ पूरेंगे मनभाये ॥२ ॥ साधनकर जिन देह दुखाबो ये फलरूप बताये ॥ रहो शरणपर दृढ मनकर सब अब आनंद बधाये ॥३ ॥ तनमनधन न्योछावर इनपर कर क्‍यों न देहो उडाये॥ रसिक सदां बडभागी ते जे श्रीवल्लभगुण गाये ॥४ |

Shree Mahaprabhuji ki Badhai

Part2-268

Devgandhar

Bhayo yeh srivallabh avtaar ..

भयो यह श्रीवल्लभ अवतार ॥ प्राच्री दिशतें शरदसचंद्र ज्यों लक्ष्मण भूष कुमार ॥१॥ श्रीभागवत गूढ रस प्रकटन कारण कीयो विचार ॥ आज्ञादई निज वज्ञपुरुषकों ताते वह अनुहार ॥२ ॥ हरि लीलामृत सिंधु संपूरित भक्तहेतु अवतार ॥ श्रीगोपीजन वल्लभ करत जु नित्य विहार ॥३ ॥ दक्रजपति पद सेवन मारग जन कारण कियो प्रचार ॥ जिहिं अवसर अनुसरत जीव कछु अर्पत बदन कमल स्वीकार ॥४ ॥ बाजे बाजत बीन दुंदुभी झांझ मृदंग और तार॥ नाचत गावत प्रेम मगन मन निजजन ठाडे द्वार॥५॥ जननी मुदित उछंग लिये सुत मुख देखत वारंवार ॥ अति सुख पावत हियो सिरावत बडभागिनजु उदार ॥६ ॥ श्रीलक्षमण नव वधु स्वजन पेहेराये सब परिवार ॥ भूदेवनकों दिये दान बहु निगम विहित जज देह सार ॥७ ॥ जाके गुणगणशेष सहस्त्र मुख कहेत न आवे पार ॥ यह फल देहु सदा रसिकनकों श्रीवललभ जगत उद्धार ॥८ ॥

Shree Mahaprabhuji ki Badhai

Part2-268

Devgandhar

Bhagyan valal‍labh janm bhayo shubh veshakh

भाग्यन वलल्‍लभ जन्म भयो शुभ वेशाख कृष्णएकादशी बी विधु उदयो ॥१।॥ संतन मन मायामत्तको अति गहबर तिमिर गयो॥ रसस्वरूप ब्रजभूप सबनकों रूप प्रकाश दयो ॥२ ॥ सेवक नयन चकोर सदा सेवाघृत रसअचयो॥ वचन किरण कर पुष्टिभक्तिसस सब जगमांझ छयो ॥३ ॥ भावरूपको भावरूपही भजनपंथ जतयो ॥ सब सिरावो नयन आपने दुर्लभ पायलयो ॥४ ॥ रस शृंगार एक उदबोधक विरहताप नशयो॥ रसिकनके मन वसो दिवस निश प्रभु आनंदमयो ॥५ ॥।

Shree Mahaprabhuji ki Badhai

Part2-268

Devgandhar

Prakate srivallabh .. srilakshamanandan

प्रकटे श्रीवल्लभ ॥ श्रीलक्षमणनंदन दुःखनिकंदन भक्तन पूरणकाम॥१ ॥ श्रीगोकुल, गोवर्धनवासी सब वसुधाके मंडन ॥ तिलकरूप हरि भक्ति शीशधर और मतेसबखंडन ॥२ ॥ श्रीत्रजराज कुमार बिलासी ब्रजकी लीला भावे ॥ ब्रजहीके संयोगी बिरही ब्रजहीमें रहिआवे ॥३ ॥ ब्रजहीके गुणगान दृढ़ करकें त्रजही मतोदूढावे ॥। गिरिधरलाल किये वश अपने जयजय जगत कहावे ॥४॥ श्रीवललभ पूरण पुरुषोत्तम सकलवेद यश गाबे॥ श्री विट्ुल गिरिधरनलालसों अहर्निश प्रीति बढावे ॥५ ॥

Shree Mahaprabhuji ki Badhai

Part2-269

Devgandhar

Aaj vrajajan anandbhare..

आज ब्रजजन आनंदभरे॥ अग्निरूप श्रीवल्लभ प्रगटे मायिक तूलजरे ॥१ ॥ पूरण पुरुषोत्तम गोकुलपति चरण कमल अनुराग राग॥ दृढ विश्वास दियो भक्तनकों जाके हें बडभाग ॥२ | ज्ञानकर्म ओर भक्ति उपासन भयो विवेक विचार॥ मिथ्या जगत कहे तत्वतें सब होय गये निरधार ॥३ ॥ रूप नाम लीला गिरिधरकी फिरकीनी कलिमांझ ॥ नाम प्रताप प्रकाश भयेतें गई मोहकी सांझ ॥४ ॥

Shree Mahaprabhuji ki Badhai

Part2-269

Devgandhar

Prakate srivallabh nijnath ..

प्रकटे श्रीवललभ निजनाथ ॥ श्रीलक्ष्मणवंश हंस उज्ज्वल यश ट्विजकुल किये सनाथ॥१॥ दरसपरस दिये जीवनकों निर्मल हियो कियो॥ करुणासागर रूप उजागर शरण आपनी लियो ॥२ ॥ भाव भक्ति दई भक्तनकों प्रभुकों दिये गहाई॥ मनवांछित फल सबहिनपाये जेरहे चरण शिरनाई ॥३ ॥ कीने दास लालगिरिधरके आपन भये सहाय॥ पूजे सकल मनोरथ मनके श्रीविड्डुल गिरिराय ॥४ ॥

Shree Mahaprabhuji ki Badhai

Part2-269

Devgandhar