Jaya srivallabhavar avtaar ..

जय श्रीवल्लभवर अवतार ॥ प्रकटभये पूरण पुरुषोत्तम सकल श्रुतिनके सार ॥१॥ तबही प्रकटभये हक तुम हयोसकल भूभार॥ बालकेलि सुख नंदमहरकें विविध विस्तार ॥२॥ जात वहेहे सकलजीव कलि भवसागरकी धार॥ तिनकीबांह गही कमलपद राखे परम उदार ॥३॥ युगयुगराजकरो श्रीगोकुल ब्रजमें नित्यविहार ॥ रामदास प्रभु सब भक्तनके जीवन प्राण आधार ॥४ ॥

Shree Mahaprabhuji ki Badhai

Part2-272

Devgandhar

Shrilakshman ghar baajat aaj badhaai ..

श्रीलक्ष्मण घर बाजत आज बधाई ॥ पूरण ब्रह्म प्रकट पुरुषोत्तम श्रीवललभ सुखदाई ॥१ ॥ नाचत तरुण वृद्ध और बालक उर आनंद न समाई॥ जयजय यश बंदीजन बोलत विप्रन वेद पढाई ॥ हरद दूब अक्षत दथधि कुंकुम आंगन कीच मचाई ॥ बंदनमाला मालिन बांधत मोतिन चौक पुराई ॥३॥ फूले ट्विजबर दान देतहें पट भूषण पहराई ॥ मिट गये ढूंढ नंददासनके मन वांछित फलपाई ॥४ ॥

Shree Mahaprabhuji ki Badhai

Part2-273

Devgandhar

Badhaiko dinn mangalaj ..

बधाईको दिन मंगलआज ॥ गावत गीत मुदित वनितासब पूरेमनके काज॥१॥ श्रीलक्ष्मणगृह महा महोत्सव बांधी बंदनवार ॥ प्रकटे यज्ञ पु पुरुषोत्तम श्रीवललभ द्विजतनधार ॥२॥ विप्रनदान बहुत विधदीने वेद विहित अनुसार॥ जयजय करत देवमुनि नारद शरणागत निस्तार ॥३ ॥ श्रीभागवत गूढ रस प्रकटनकों भूलीनो अवतार॥ निगमनके अनुसार प्रकाशित नवविधि भजन प्रकार ॥४॥ नखशिख तेसो रूप दर्पदल कीनो जगत उद्धार॥ अगणित गुण गण वरणि सके को केशव जन बलिहार ॥

Shree Mahaprabhuji ki Badhai

Part2-273

Devgandhar

Anandbhayo shrilakshman nandkumar ..

आनंदभयो श्रीलक्ष्मण नंदकुमार ॥ भूपर प्रकट भये पुरुषोत्तम जीवकीये उद्धार ॥१ ॥ कर निःसाधन सुदृण होयके कियेजु अंगीकार ॥ कृष्णदास श्रीहरिकी लीला जानें जाननहार ॥२ ॥

Shree Mahaprabhuji ki Badhai

Part2-273

Devgandhar

Shrilakshaman bhata deit badhaai ....

श्रीलक्षमण भट देत बधाई ।॥। औवल्लभपम आनंदकी निधि प्रकटभये गृह आई॥१॥ धर्म आदि पुरुषारथ चायों सबहीकों उरलाई॥ निजजनकों कृपा प्रेमरस आनंद वेलि बढाई॥२॥ निजजन सुन सुन अति आनंदित गावत मंगलआई ॥ उदयभयो धन्यभाग्य हमारों फिर लीला प्रकटाई॥३॥ यह कार्लिंदी यह वृन्दावन गिरि गोवर्धनधारी ॥ नंदनंदन संग केलि करो बलदास चरण बलिहारी ॥४ ॥

Shree Mahaprabhuji ki Badhai

Part2-273

Devgandhar

Badhaai submill gaavo aaj...

बधाई सबमिल गावो आज।॥ श्रीमद्‌ वृन्दाबनविधु प्रकटे आनंद निधि ब्जराज॥१॥ तैलंग तिलक द्विज लक्ष्मण भट गृह आये भक्ति विस्तार॥ बाजत तूर तरुणी मिलगावत बांधत बंदनवार ॥२ ॥ वेद बिदित लीला अबतारी निजमति सेवासार ॥ गोविंद प्रभु वललभपद अंबुज सुमरत भव निस्तार ॥३ ॥

Shree Mahaprabhuji ki Badhai

Part2-273

Devgandhar

Shavallabhanakon koun dekhenjije..

शवल्लभनकों कों देखेंजीजे॥ नखशिख सुन्दरता को सागर रूप सुधारस भरभर पीजे ॥॥१॥ बचन माधुरी परम मनोहर भक्त जनन सबकों सुखदीजे ॥ छीतस्वामी श्रीवल्लभजूके पदपंकज अपने उरलीजे ॥२ ॥

Shree Mahaprabhuji ki Badhai

Part2-274

Ramkali

Prakate shrilakshman kulbhoop..

प्रकटे श्रीलक्ष्मण कुलभूप॥ श्रीवल्लभ गुण रास मनोहर विश्वको रूप स्वरूप ॥१॥ शोभा सुभग सुजान शिरोमणि रूप रह्यो तन यूप॥ जग हित प्रकट भये हितकारण तारण अंध जड कप पर ॥ भक्ति कीर्ति प्रवाह प्रकट किये लीला भाव अनूप॥ श्रीवल्लभको प्रकट आशा णतपोततम रूप ॥३॥

Shree Mahaprabhuji ki Badhai

Part2-274

Devgandhar

Sunonri aaj naval bathaayohe ..

सुनोंरी आज नवल बथायोहे ॥ श्रीलक्ष्मण गृह प्रकट भयेहें श्रीवल्लभ मन भायोहे ॥१९ ॥ बाजत आवज ढोलक महुबर घनज्यों ढोल बजायोहे। कोकिल कंठ नवल वनिता मिल मंगल गायोहे २ ॥ हरदी तेल सुगंध सुवासित लालन उबट नहवायोहे॥ नखशिखलों आभूषण भूषित पीतांबर पहरायोहे॥३॥ अशन बसन कंचनमणि माणिक घरघर याचक पायोहे॥ श्रीविद्दल गिरिधरन कृपानिधि पलनामांझ झुलायोहे ॥४ ॥

Shree Mahaprabhuji ki Badhai

Part2-274

Ramkali

Badhaai shrilakshman grih dwaar ..

बधाई श्रीलक्ष्मण गृह द्वार ॥ करुनानिधि पूरण श्रीवल्लभ पुरुषोत्तम साकार॥१॥ मधुर बचन पोषत निजजनकों श्रीभागवत उच्चार॥ मधुर रूप कृपादृष्टिसों सींचत वारंबार॥२॥ सेवानंतर कथा श्रवनको कह्ो आप विस्तार ॥ द्वारकेश प्रभु प्रगट भयेते भूतल जयजयकार ॥३ ॥

Shree Mahaprabhuji ki Badhai

Part2-274

Devgandhar

Srivallabh purushotam roop..

श्रीवल्लभ पुरुशोतम रूप॥ सुन्दर नयन विशाल कमलरंग मुख मृदु बोलत वचन अनूप ॥१॥ कोटि मदनवारों अंग अंगपर भुज मृणाल अति सरस स्वरूप ॥ देवी जीव उद्धारन प्रकटे दास शरण लक्ष्मण कुलभूप ॥२ ॥

Shree Mahaprabhuji ki Badhai

Part2-274

Devgandhar

Cone russ bhootal prakat bhayo ..

कोन रस भूतल प्रकट भयो ॥ देखोरी देखो भरि नेनन प्रभु आनंद मयो ॥१ ॥ जो रस निगम अगमहू अगोचर सो सब सद्य लयो॥ सो रस श्रीलक्ष्मण भट गृह प्रकटित प्रेम मयो २ ॥ घर घर नंद नंदन फल फूल्यो सेवा विधि सिखयो॥ आपनु किये रसाल रीतिसों श्रीवललभ गिरिधर रिझयो ॥३ ॥

Shree Mahaprabhuji ki Badhai

Part2-275

Ramkali