Shrilakshmangrih aaee navanidhi .. pragate zaan pooran

श्रीलक्ष्मणगृह आई नवनिधि ॥ प्रगटे जान पूरण पुरुषोत्तम द्वार बहारत फिरत अष्टसिद्धि ॥१ ॥ बजत निशान भेर सहनाई देखियत तहांई सकल रिद्धि। सगुणदास प्रभु जन्म श्रवण सुन दरसन कारण आये हरबिधि ॥२ ॥

Shree Mahaprabhuji ki Badhai

Part2-284

Bilawal

Pragat bhaye srilakshmanand..

प्रगट भये श्रीलक्ष्मणनंद॥ माधवमास कृष्ण एकादशी प्रकटे आनंदकंद ॥१ ॥ मायावाद खंड खंडन कर दृढजु भूले मतिमंद ॥ देवी जीव उद्धारण कारण सेवा बताई भजनानंद ॥२ ॥ घरघर मंगल होत सबनके सब मिल गावत गीत सुछंद॥ श्रीवललभकी चरण कमल रज निशदिन याचत गोकुलचंद ॥३ ॥

Shree Mahaprabhuji ki Badhai

Part2-284

Bilawal

Dwaaren aaye gunijan thaade..

द्वारें आये गुणिजन ठाडे॥ प्रकटे पुरुषोत्तम श्रीवललभ सबहिन आनंद मंगल बाढे॥ श्रीलक्ष्मण भट दान देनकों पट भूषण मणि माणिक काढे ॥ सगुणदास आस सब पूजी मानो बरखत इन्द्र अषाढे ॥२॥

Shree Mahaprabhuji ki Badhai

Part2-284

Bilawal

Aaye deva vimanan chadh chadh ||

आये देव विमानन चढ चढ || महा महोत्सव दरस करनकों एकएकतें आगें बढ बढ ॥१ ॥ विन गिरिधर इन समकोऊ नाहीं कहो कोउ बातें कछु गढ गढ॥ सगुणदास प्रभु जन्म श्रवण सुन दे असीस मुनि मंत्रन पढ पढ ॥२ ॥

Shree Mahaprabhuji ki Badhai

Part2-284

Bilawal

Pragat bhaye tailang kull deep.. shrilakshman bhata

प्रगट भये तैलंग कुल दीप॥ श्रीलक्ष्मण भट अति आनंदित सुत मुख निरखत आय समीप ॥|१॥ मात इलंमा कूख उदय भयो ज्यों उपजत मुक्ताफल सीप॥ सगुणदास मुख कहत न आवबे यज्ञ प्रसयों नव खंड सप्त द्वीप ॥२ ॥

Shree Mahaprabhuji ki Badhai

Part2-284

Bilawal

Baajat mangalchar badhchai..

बाजत मंगलचार बधचाई॥ प्रकटे श्रीवललभ श्रीलक्ष्मणगृह धन्य इलंमा माई ॥१ ॥ उघरे भाग्य देवीजीवनके जिन ऐसी निधि पाई॥ ब्रजवललभ मुख कमल मनोहर द्विजवर देह धराई॥२॥ नाचत गावत गुणीजन सज्जन मोतिन च्ञौक पुराई ॥ तोरण बंदनवार द्वारपें जयजयकार सुहाई ॥३ ॥ वदि बैशाख एकादशी शुभ दिन आनंद उर न समाई ॥ हरि-जीवन प्रभु श्रीवललभकी बार बार बलिजाई ॥४ ॥।

Shree Mahaprabhuji ki Badhai

Part2-284

Bilawal

Sriballabh devko bal merein.. oranate huun neck naan

श्रीबल्लभ देवको बल मेरें॥ ओरनते हुं नेक न डरिहों परि रहों इनके पद नेरें॥१ ॥ एक बल मोहि आनि त्योहें जे श्रीवल्लभ के चेरे ॥ श्रीवल्लभ सम भयो न व्हेहे श्रीवल्लभ कहे टेरे ॥२ ॥

Shree Mahaprabhuji ki Badhai

Part2-285

Bilawal

Srivallabh guna gaathn..

श्रीवल्लभ गुन गाठं॥ निरखत सुंदर स्वरूप बरखत हरि रस अनुप द्विज बर कुल भूप सदां बलि बलि जाउं ॥१॥ निगम अगम कहेत जाहि सुरि नर मुनि न लहे ताहि सकल कला गुन निधान पूरन उर लाउं॥ गोविंद प्रभु नंद नंदन लक्षमण सुत जगत बंदन सुमरण त्रय ताप हरण चरण रेणु पाउं ॥२ ॥

Shree Mahaprabhuji ki Badhai

Part2-285

Bilawal

Bal‍labh kii baanik munn bhaai.

बल्‍लभ की बानिक मन भाई। करि स्नान संवारि केश माथे तिलक बनाई ॥१ ॥ संध्या करत हरत मेरो मन इत उत नयन चलाई। करि शृंगार तब मो तन चितयो रामदास बलि जाई ॥२॥

Shree Mahaprabhuji ki Badhai

Part2-285

Bilawal

Jhundan gaavatahen shrajnari .. navsat saaj shringar

झुंडन गावतहें श्रजनारी ॥ नवसत साज श्रृंगार कनकतन पहेरें झूमक सारी ॥१ ॥ कंचन थार लियेंजु कमल कर मंगल साज सँवारी॥ दधि अक्षत अरु श्रीफल कुंकुम और दूब कुसुम मालारी ॥२॥ नाचत गावत करत कुलाहल उठीं देत कर तारी॥ श्रीलक्ष्मणगृह खेल मच्योहे भीर भई अति भारी ॥३॥ घरघर बांधी बंदनमाला मंगल कलश ध्वजारी॥ श्रीवललभ मुख कमल निरख छबि दास रसिक बलिहारी ॥४॥

Shree Mahaprabhuji ki Badhai

Part2-285

Bilawal

Shrilakshman grih pragate srivallabh gharghar hott

श्रीलक्ष्मण गृह प्रगटे श्रीवल्लभ घरघर होत बधाई ॥ नाचो गावो करो कुतुहल आनंदकी निधि आई॥१॥ आंगन लीपो चोक पुराओ द्वारें बंदन माल बंधाई ॥ घरघर मंगल महा महोत्सव आनंद उर न समाई ॥२॥ अति बडभागिन मात इलम्मा हुलसत अति सचुपाई॥ वल्लभ प्रभु गिरिधर फीरि प्रगटे सब भक्तन मनभाई ॥३ ॥

Shree Mahaprabhuji ki Badhai

Part2-285

Bilawal

Dinmani srivallabh udayo.. shrutipath kiyo

दिनमणि श्रीवललभ उदयो॥ श्रुतिपथ कियो प्रकाश अवनीतल माया तिमिर गयो॥१॥ विदुषवृन्द उडडुगण नहीं देखियत त्रास तिमिर अलग भयो॥ रासरसिक लीलामृत सागर आप दिखाय दयो॥२॥ कर करुणा निज उद्धारणको भक्तनेम दिखाये।॥ अनल कृपातें मधुकर हरि भाव मधुपान कराये ॥।३ ॥

Shree Mahaprabhuji ki Badhai

Part2-286

Bilawal