Prakat bhaye prabhu shrimad‌ ballabh srilakshamanjuke

प्रकट भये प्रभु श्रीमद्‌ बल्लभ श्रीलक्षमणजूके गेहरी॥ मात इलंमा ढोटा जायो रसिक शिरोमणि जेहरी ॥१ ॥ देवन दिव्य हद बजाई॥ कुसुमन वरषत मेहरी॥ मुनि मन प्रफुल्लित करत अंतर उपज्यो नेहरी ॥२ ॥ नारद नृत्य करत गुण गाबत श्रीमुख कर तब गानरी॥ श्रीभागवत वेद उपनिषद बेद व्यास पुराणरी ॥३ | मागधसूत विमल यश बोलत गंधर्व शब्द सुर तानरी ॥ याचक आय जुरे सिंघद्वारें सुनत बधाई कानरीं॥४॥ थन्य धन्य माधवमास एकादशी कृष्णपक्ष शुभरातरी ॥ सात घरी. उपरांत पलचालीस उपज्यो जग विख्यातरी ॥५ ॥ श्रीलक्षमण भट अति आनंदित मनही मन मुसकातरी ॥ परमकृपाल कृपाकर आये भई अलौकिक बातरी ॥६ ॥ पुत्र उत्साह भयो सबहिनकों पशु पक्षी त्रजमांझरी ॥ बनठनकें आईं श्नजसुंदरि मानो फूली सांझरी ॥७ ॥ बजत निसान भेरि सहनाई ताल पखखावज झांझरी॥ तूर मुरझ पिनाक डफ महुबर उमग उमग मन मांझरी ॥८ ॥ मोतिन चौक पुराये बहु विध बांधी बंदनवाररी॥ सका पलल्‍लव पट कुसुमन मुक्ताफल अतिसाररी ॥९॥ कहाकहों भवनकी कहेत न आवे पाररी॥ जयजयकार करत नरनारी भक्तनहित अबताररी॥१० ॥ दानदेनकों अति आदर कर बोल सबनकों लेतरी॥ मणिमाणिक कंचन पट भूषण मन वांछित फलदेतरी ॥११ ॥ चिरजीयो करुणानिधि बल्‍लभ प्रेमसिधु-को सेतरी॥ सगुणदास गुण वरण सके को निगम पुकारत नेतरी ॥१२॥

Shree Mahaprabhuji ki Badhai

Part2-286

Bilawal

Shrilakshman grih aaj badhaai ..

श्रीलक्ष्मण गृह आज बधाई ॥ प्रकटे श्रीवललभ सुखदाई ॥१॥ धन्य धन्य माधवमास सुखकारी॥ अति फूलेश्रीगोवर्धनधारी ॥२ ॥ नामकरण ऋषि गर्ग कराये॥ श्रीलक्षमण बहु दानदिवाये ॥३ ॥। महा महोत्सव ब्रजपुर घरघर॥ पूरणब्रह्म प्रकटे जगतीपर ॥४ ॥ वेद ध्वनी मुनि विप्र सुनाई॥ ब्रज सुंदरि हल र अति धाई ॥५ ॥ हाथन कंचन थार सुहाई॥ गावत मंगल मंदिर आंई ॥६ ॥ निरखचंद मुख नयन सिराने ॥ विविध ताप तनकेजु नसाने ॥७ ॥ घरघर मंगल चौक ' पुराये ॥ महाभाग्य निधि भूतल आये |८॥ दास निरख निरख गुण गावे ॥ मागध बंदी नोछावर पावे ॥९ ॥

Shree Mahaprabhuji ki Badhai

Part2-286

Bilawal

Vallabh curry shungar biraje. kotik chand vaaron

वललभ करि शूंगार बिराजे। कोटिक चंद वारों श्रीमुख पर कोटिक मन्मथ लाजे ॥१॥ कोटि भानु सम तेज प्रकासे अंधकार सब भाजे। रामदास यह रूप धर्यो हे निज भक्तन हित काजे ॥२ ॥

Shree Mahaprabhuji ki Badhai

Part2-286

Bilawal

Madhavmas ekadashi shubhdin shrilakshaman

माधवमास एकादशी शुभदिन श्रीलक्षमण कुल आयेहो॥ नंदनंदन जासों कहियत सो द्विजवर रूप कहायेहो ॥१ ॥ बालकलीला ब्रजमें कीनी सोई आय फिरकीनेहो॥ यशुमति जोसुख पावत सोई मात इलंमा दीनेहो ॥२ ॥ बकी विदारण तबही कीनो अबे अविद्या गमायेहो॥ शकट विभंजन ब्रजमें कीने अब संसार नसाये हो ॥३ ॥ तृणावर्तकों मायों तबही अब जन भ्रमण मिटायेहो ॥ नामकरण तब ट्विजवर दीनों अबे अभय पदपायेहो ॥४॥ चोरी करि मन-हरयों जु तबहीं अब अनन्य जन कीनेहो॥ तब कुबेर सुतकों गतिदीनी अब विषयिनकों गति दीनेहो ॥५ ॥ तब धेनुक गर्दभही मार्यो अब माया बाद निवायों ॥ तब काली विषधर वशकीनो अब दुर्बुद्धि प्रहायों हो ॥६॥ सखासंग ब्रज फिरे बनमें अब भवदुःख जो टार्योहो ॥ पृथ्वी परिक्रमा अब करे प्रभु सब अनर्थकों मार्योहो ७ ॥ तब दावानल दुखहरे अब भवके ताप नसायेहो॥ तब प्रलम्ब हत कियो दुष्टमति अब सब कपट मिटायेहो ॥८ ॥ वेणुनाद कर तब वशकीने अब भागवत बिचारेहो ॥ तब ब्रजभक्तनकों फलदीनों अब अन्याश्रय ते टारेहो ॥९ ॥ द्विज पलीकों लियो तबही अन्न अब निजजनकों सुखदीयोहो | गोर्वधन तबही कर धार्यो अब जगत उद्धारण कीयोहो ॥१० ॥ रास रसिक सुख गोपिनकों तब बहुविध कर सुखदीनोहो ॥ भजनानंद बतायकें अब श्रुति स्मृति दृढकीनोहो ॥९ ॥ यहविध क्रीडाकरी महाप्रभु सबजन शुभपद पायोहो॥ श्रीवल्लभ पदरज महिमाते जनगोविंद यश गायोहो ॥१२ ॥

Shree Mahaprabhuji ki Badhai

Part2-287

Bilawal

Anand soun srilachaman suta raaje hoe..

आनंद सों श्रीलछमन सुत राजे हो॥ निजजन गुण गावत सुख देख मैन लाजे हो ॥१ ॥ केसरी ज्यों चिकुर फेल रहे एसे चंद रवि किरनसों अभिषेक होत जेसे हो॥ कृपादृष्टि देखे जब दरसन तब पावे एसे श्रीवल्लभकों द्वारकेश भावे हो ॥२ ॥

Shree Mahaprabhuji ki Badhai

Part2-288

Aasawari

Srivallabh taja apunon thakur kaho konapen jaiye hoe..

श्रीवल्लभ तज अपुनों ठाकुर कहो कोनपें जैये हो॥ स्वगुणा प ण पुरन करुणासागर जहां महारस पैये हो ॥१ ॥ सुरतही देख अनंग तन मन प्रान विकैये हो॥ परम उदार चतुर सुखसागर अपार सदा गुन गैये हो ॥२ ॥ सबहिनते अति उत्तम जानी चरनपर प्रीत बढेये ।॥ कान न काहूकी मन धरीये व्रत अनन्य एक ग्हीये ॥३ ॥ सुमरसुमर गुन रूप अनूपम भवदुख सब विसरैये॥ मुख विधु लाबण्य अमृत इकटक पीवत नाहीं अधैये ॥४ ॥ चरन कमलकी निशदिन सेवा अपने हदे वसैये॥ रसिक कहे संगिनसों भवोभव इनके दास कहैये हो ॥५ ॥

Shree Mahaprabhuji ki Badhai

Part2-288

Aasawari

Houn yaachk srivallabh tihaaro yachnan tumakon aayoho..

हों याच्क श्रीवल्लभ तिहारो याच्नन तुमकों आयोहो॥ महाउदार देत भक्तनकों अपअपनों मनभायोहो ॥१ ॥ हेमग्राम भूषण सुखसंपत्ति सो मोहि मन न सुहायो हो ॥ पयोरहूं नित्य जूठन पार्ऊ यहमेरो चित्तलायोहो ॥२ ॥ प्रफुल्लित भयो निरंतर द्विजवर ब्रह्मवाद तरु छायोहो ॥ गाउंगुण लावण्य सिंधुके दास चरण रजपायोहो ॥३ ॥

Shree Mahaprabhuji ki Badhai

Part2-288

Aasawari

Preet bandhee srivallabh padason aur naan manmein aaveho..

प्रीत बँधी श्रीवललभ पदसों और न मनमें आवेहो॥ पढ पुरान षट दरशन नीके जोकछ कोऊ बतावेहो ॥१॥ जबतें अंगीकार कियोहे तबतें न अन्य सुहावेहों ॥ पाय महारस कोन मूढमति जित तित चित भटकावेहो ॥२ ॥ जाके भाग्य फले या कलिमें शरण सोई जन आवेहो॥ नंद नंदनको निज सेवकहे दृढ़कर बांह गहावेहो ॥३ ॥ जिनकोउ करो भूलमन शंका निश्चय करि श्रुति गावेहो॥ रसिक सदा फलरूप जानकें ले उच्छंग हुलरावेहो ॥४ ॥

Shree Mahaprabhuji ki Badhai

Part2-288

Aasawari

Rangrasi madhurasi srivallabh shree lachhman grih aaye hoe.

रंगरासी मधुरासि श्रीवल्लभ श्री लछमन गृह आये हो। विविध मथुरन प्रतिपल वपु धरि सिंगार सघनता बेनुरंध्र मधि पाये हो ॥१ ॥ ब्रजजन विरह अग्रफल लुब्यित अति आतुर उठि धाये हो । उत गिरिधरमुख इत प्राकट्यसुख श्रीभट दुहुँ विधि गाये हो ॥२ ॥

Shree Mahaprabhuji ki Badhai

Part2-289

Aasawari

Pragadaya emaa srivallabhadev..

प्रगदया एमा श्रीवललभदेव॥ श्रीलक्षमण भट गृहे बधाईयां॥ मंगल सुहेलरा॥१॥ गावें एमा गीत रसाल॥ सबे सुहागिनि आईयां॥२॥ ब्राह्मण एमा वेद पढाय॥ देत असीससुहाइ़यां ॥३॥ मोतिन एमा चौक पा । बंदनवार बधाईयां॥४॥ घरघर एमा मंगलचार ॥ ध्वजा कलश ॥५ ॥ देवन एमा दुंदुभी बजाय॥ पोहोप अंजुली वरखाईयां॥६॥ दीने एमा बहु विधदान॥ नरनारी पहेराईयां ॥७॥ धन्य धन्य एमा एलंमागारु॥। आशा सबेपुजाईयां ॥८ ॥ सबदिन एमा सुखसंपत्ति राज॥ हरि-जीवन मनभाईयां ॥९ ॥

Shree Mahaprabhuji ki Badhai

Part2-289

Dhanashri

Dhanya madhav maas krishna ekadasi bhatt lachhman dhaam pragat vall‍labh bhaye.

धन्य माधव मास कृष्ण एकादसी भट्ट लछमन धाम प्रगट वल्‍लभ भये। धन्य चंपारन्य धन्य धरनी सकल धन्य घटिका प्रहर धन्‍्य अति पल भये॥१ ॥ धन्य यसपुंज पावन करन सृष्टि को प्रगट करी कृष्णलीला सहित सो किये। धन्य गावत 'रसिकदास' बारंबार कीजिये सफल पूरन मनोरथ हिये ॥२ ॥

Shree Mahaprabhuji ki Badhai

Part2-289

Aasawari

Sohilo aaj suhavano badhaai baaje shrilakshaman

सोहिलो आज सुहावनो बधाई बाजे श्रीलक्षमण भटके द्वार ॥ ध्रु.॥ युवती जन सब आवहीं हाथन कंचनथार ॥ हरद दूब अक्षतरोरी धर गावें मंगलचार॥१॥ कदली रोपें द्वारपेंहो बांधी बंदनवार॥ गजमोतिनके चौक पुराये मंगल कलश संवार ॥२॥ शोभा सदन कहा कहूं सखी वरत्यो जयजयकार॥ प्रकट भये वललभ पूरण निधि बदन अग्नि अवतार ॥३ ॥ होत मधुर ध्वनि बेदकी हो बैठे द्विजवर आय ॥ वैदिक कर्म करायकें हो विधिसों दीनीगाय ॥४ ॥ बंदी मागध सूतको हो करत बहुत सनमान॥ जोजाके मनजेसो वांछित तेसो ताको दान ॥५ ॥ नरनारी पहरायकें हो सबकी लेत असीस॥ श्रीलक्ष्मण भटके लाडिलेहो तुमजीवों कोटीवरीस ॥६ ॥ धन्य धन्य माय एलंमागारु फूली अंग नमाय॥ लियेलालकों गोदमें हो मुख निरखत न अघाय ॥७ ॥ पोहोप वृष्टि सब सुरकरेंहो गंधर्व गावें गान ॥ नृत्य करें सब अप्सराहो देखें चढे विमान ॥८ ॥ नाचें भक्त सुहावनेहों तन मन मोद न माय ॥ श्रीवल्लभ पद कमलकीहो निजजन बलिबल जाय ॥९ ॥

Shree Mahaprabhuji ki Badhai

Part2-290

Dhanashri