Houn srivallabhajuko daas.. munn naan dharat kahuki

हों श्रीवल्लभजूको दास॥ मन न धरत काहूकी आस ॥१ ॥ सेवूं चरण रहूं नित्यपास॥ भयो सबहिनतें व निरास ॥२ | मेरेदृढ मन मांहि विश्वास ॥ हों न डरों दुर्जज उपहास ॥३ ॥ ताते होत जीय भक्ति बिकास ॥ पजर जात पातक ज्यों घास ॥४ ॥| बागधीशपति के बचन बिलास॥ रसना क्‍यों कर कहे मिठास ॥५ ॥ काटेहें दुष्कृतके पाश॥ रसिक विषयमति होत विनाश ॥६ ॥

Shree Mahaprabhuji ki Badhai

Part2-296

Sarang

Srivallabh shrilakshman grih prakat bhaye maaee..

श्रीवल्लभ श्रीलक्ष्मण गृह प्रकट भये माई॥ काहेकों सोच करत कर्मन निधि पाई ॥१ ॥ ब्रजजनकी रासमूरति भाग्यन दईहे दिखाई ॥ दैवीसृष्टि आपुनीकर आसुरते बचाई ॥२॥ लीला सब प्रकट करी सेवक जनन बताई॥ हरिसों हठकर श्रीभागवतकी टीका प्रकटाई॥ भाग्यनके पूरेजे तिनने कौरति गाई॥ रसिकसदा लक्ष्मणसुत सेवो सुखदाई ॥४ ॥

Shree Mahaprabhuji ki Badhai

Part2-296

Sarang

Tailank kull deepak pragate sribalalabh maharaj ..

तैलंक कुल दीपक प्रगटे श्रीबललभ महाराज ॥ आज्ञादई कृपाकर श्रीहरि पुष्टि प्रगटये काज॥९॥ मुख मूरति प्रकट जबकीनी निजजन भक्तसमाज॥ रसिक शिरोमणि श्रीवल्लभप्रभु तीनलोक पर गाज ॥२॥

Shree Mahaprabhuji ki Badhai

Part2-297

Sarang

Pragate srivallabh sukhdai ..

प्रगटे श्रीवल्लभ सुखदाई ॥ फूले डोलत जन सब मनमें अति दुर्लभ निधि पाई ॥१ ॥ घरघर मंगल होत जहां तहां द्युति बढी अतिभाई॥ माधोमास कृष्णएकादशी शुभदिन प्रकटे आई॥२॥ यज्ञपुरुषहे यह सुत तिहारो द्विज सब हेत सुनाई॥ युग युग राजकरो भक्तनगृह दासरसिक बलजाई ॥३ ॥

Shree Mahaprabhuji ki Badhai

Part2-297

Sarang

Dandet shrilakshman pramuditi manimaanik kanchan

दानदेत श्रीलक्ष्मण प्रमुदिति मणिमाणिक कंचन पटगाय ॥ श्रीत्रजराज कुंवर यशोदासुत करुणाकर प्रगटे हरिआय ॥१ ॥ रही न मन अभिलाष कछू अब याचक नामहतो कोउ जोय ॥ विष्णुदास उमगे अंतरतें दे असीस तुमसे नहि कोय ॥२ ॥

Shree Mahaprabhuji ki Badhai

Part2-297

Sarang

Srivallabhaki houn balihari.

श्रीवल्लभकी हों बलिहारी। सबहिनकों बचनामृत सींचत कहि अंतर दुखहारी ॥१ ॥ नवनिकुंज मंदिरकी लीला नित्य विहार विहारी॥ रसिक मनकी आसा पूजी होंतों शरण तिहारी ॥२ ॥

Shree Mahaprabhuji ki Badhai

Part2-297

Sarang

Prakatbhaye prabhu shrimadvallabh dwijdeh..

प्रकटभये प्रभु श्रीमद्वल्लभ द्विजदेह॥ निजजन सब आनंदित गावत बजत बधाई सबहिनके गेह॥१॥ भूतल प्रकटयो भाव श्रुतिनको उपज्यो नंदनंदन पदनेह ॥ मिटे ताप निजजनके मनके बरखे प्रेमभक्ति रसमेह ।२ ॥ निरखत श्रीमुखचंद सबनके दूर भये सब निगम संदेह ॥ मिटगये कपट कुटिल खल मारग भस्म भये सब आसुर जेह ॥३॥ करत कैलि कुँजन कंजन नित गिरिधर सुधि करवो जे पूरव नेह।॥ कहत दास जोरी क्योंगुणवरनों नाहिनछेह ॥४ ।॥।

Shree Mahaprabhuji ki Badhai

Part2-297

Sarang

Shrilakshman grih prakatbhayehen anandanidhi srivallabh

श्रीलक्ष्मण गृह प्रकटभयेहें आनंदनिधि श्रीवल्लभ भूपर॥ खत्री शूद्र साधन बिन जानें करूणाकर आये स्वीय हितकर ॥१॥ मायिक खंडे विमुखजु दंडे मंडे मारग धर्मस्थापनपर ॥ भूपरिक्रमाके के व्याज तीर्थ सब पावनकर पोषे देवीनर ॥२ ॥ जे जन आय भजे पदअंबुज ताकों दिये साकार रसिकवर ॥ वल्लभदास तुम्हारे चरणके शरणागत कलिकाल व्यालडर ॥३ ॥

Shree Mahaprabhuji ki Badhai

Part2-298

Sarang

Srivallabh sabke hita kaaran.. ashrilakshman grih

श्रीवललभ सबके हित कारण॥ अश्रीलक्ष्मण गृह प्रकट भये हें दैवी जीव उद्धारण ॥१ ॥ श्रीभागबत विशद करणकों भक्ति मार्ग विस्तारन॥ कृष्णदयास करुणानिधि प्रकटे निजजनके प्रतिपालन ॥२ ॥

Shree Mahaprabhuji ki Badhai

Part2-298

Sarang

Sunder taaki raas srivallabh jaayo ilammamai...

सुंदर ताकी रास श्रीवल्लभ जायो इलंमामाई।॥ धन्य धन्य माधवमास एकादशी धन्य धन्य शुभवार लग्न धन्य प्रकट भये हरि आई॥१॥ फूलेतरुवर फूलेनगवर फूले पशु पक्षी बनराई॥ फूली गाय श्रवत पय स्तन धारें दूधकी सरिता बहाई ॥२॥ फूले ट्विजवर करत बेद ध्वनि फूले बंदीजन करत बडाई ॥ फूले निजजन फिरत मग्नमन पायें परम पदारथ महा अब श्रीवल्लभके दास कहाई ॥३॥

Shree Mahaprabhuji ki Badhai

Part2-298

Sarang

Srivallabh vrindaavan chand.. agyanandhi nivaaran

श्रीवल्लभ वृन्दावन चंद॥ आज्ञानांधि निवारण कारण प्रकटे आनंद कंद॥९ ॥ मुदित भये मन देवी जनके मिटे सकल भवफंद ॥ मुग्धभये मन मायिक जनके दुष्ट मूढमति मंद ॥२॥ योग यज्ञ जप तप ध्यान अगोचर गुण गावत श्रुति छंद॥ करत पान सेवक चकोर लख बल बल दास गोविंद ॥३ ॥

Shree Mahaprabhuji ki Badhai

Part2-298

Sarang

Srivrindavan chand badan ruchti agniroop prakatehen

श्रीवृन्दावन चंद बदन रुच्ति अग्निरूप प्रकटेहें देहधर ॥ मायिकमत पाखंडके दाहक शीतलता सुन न नाम श्रवणकर ॥१ ॥ ब्रजपति अति रति प्रकट होयकें जेजन शरण आये ताके उर ॥ श्रीवल्लभ सब सिद्धि आनंदनिधि बल्‍लभ साधन तजि पायनपर ॥२ ॥

Shree Mahaprabhuji ki Badhai

Part2-298

Sarang