Jopein srivallabh dharate naan roop ..

जोपें श्रीवललभ धरते न रूप ॥ अर्थ श्रीभागवतको कहि सकतोको पतित परते सब कूप॥१॥ अघ गज बनवपु वसन न पावह नाम सुनत मृगभूष ॥ विष्णुदास चरणन छायातक अकुलानो भव धूप ॥२ ॥

Shree Mahaprabhuji ki Badhai

Part2-303

Nat

Shrimad‌ bal‍labh roop surange... angang prati bhawanke

श्रीमद्‌ बल्‍लभ रूप सुरंगे।॥ अंगअंग प्रति भावनके भूषण वृन्दावन संपत्ति अंग अंगे॥१॥ दरस परस गिरिधरकी न्यांईं एनमेन ब्रजराज उछंगे॥ पदनाभ देखें बनि आबे सुधिरही रास रसाल प्रुवभंगे ॥२ ॥

Shree Mahaprabhuji ki Badhai

Part2-303

Nat

Joe srivallabh hride dhaare .. taake hride basey anandanidhi

जो श्रीवल्लभ हृदे धारे ॥ ताके हृदे बसे आनंदनिधि ललित त्रिभंग तिहारे ॥१ ॥ साधन तजो इनके पद रस निधि रूप बिचारे ॥ बलल्‍लभदास आसरे इनके उघरे भाग्य हमारे ॥२ ॥

Shree Mahaprabhuji ki Badhai

Part2-306

Nat

Srivallabharaj vrajajan pranadhar.. sukhsagar

श्रीवल्लभराज ब्रजजन प्राणआधार॥ सुखसागर रूपके आगर नागर अति सुकुमार ॥१॥ कुंचित चित केशपाश सुदेश निरख तिलक मोह्यो मार ॥ अंबुज नयन मधुर वेंन सेंनन मनहार ॥ २ ॥ पीत वसन उपरेना भुजपर लटकट मर । रलजटित आभूषण अंग अंग कुंडल मकराकार ॥३॥ श्री जल नही कोऊ लायक यह लीला वपुधार॥ भक्त हेत विदित बेद पथ पतितनके उरधार ॥४॥ करुणामय डक प्रेमवश निजजनको प्यारो ॥ विष्णुदास श्रीलक्ष्मण नंदन यहहे नंद दुलारो॥

Shree Mahaprabhuji ki Badhai

Part2-306

Poorvi

Srivallabh srivallabh srivallabh kripa-nidhan

श्रीवल्लभ श्रीवल्लभ श्रीवल्लभ कृपा-निधान अति उदार करुनामय दीन द्वार आयो। कृपा भरि नैन कोर देखिये जु मेरी ओर जनम-जनम सोधि-सोधि चरन-कमल पायो ॥१ ॥ कीरति चहूँ दिसि प्रकास दूर करत विरह ताप संगम गुन गान करत आनंद भरि गाऊँ। बिनती यह मान लीजे अपनो “हरिदास' कीजे चरन-कमल बास दीजे बलि-बलि-बलि जाऊँ॥२ ॥

Shree Mahaprabhuji ki Badhai

Part2-306

Sarang

Jopein srivallabh roop naan jaanen.. tou kesein yeh jan

जोपें श्रीवल्लभ रूप न जानें॥ तो केसें यह जन लीलाके नित्य संबंध करि मानें ॥१ ॥ प्राकृत निखिल धर्मनही परसत अप्राकृत जो बखाने।॥ प्रतिपादित निगमादिक बचनन साकृत सिद्धि निदाने ॥२ ॥ कलि कालादि दोषके तमकर पंडितहू नही जाने॥ संप्रति अविषय ताहीतेहे भुव प्रादुर्भाव कहाने ॥३ ॥ दया देख निजभाव प्रकटकों देत महातम दाने ॥ वाणीकर जब तब निजमुखकों प्रादुर्भाव बखाने ॥४ ॥ तिनको कह्मो अबोल सबनकों तुरत सुबोध बखाने॥ अष्टोत्तर शत नाम जपनकर पाप होत सबहाने ॥५ ॥ अग्निकुमार ऋषी श्वर बरन्यों जगती छंद बखाने॥ देवरूप श्रीकृष्ण रसानन बीज कारुणिक जाने ॥६॥ कर विनियोग भक्तियोगमें प्रतिबंध सबहाने।। अधरामृत रसस्वाद कृष्णको यह सिद्धि करमाने ॥७॥ आनंद परमानंद रूप मय कष्ण मुखाकृत खाकृत आने॥ कृपासिंधु दैवीजो उद्धारक स्मृति आरतिहि ॥८ ॥ श्रीभागवत गूढार्थनको प्रकट परायण जाने ॥ गोवर्धनधर साकृत निश्चय स्थापक वेद बखाने॥९॥ मायावाद निराकारण कर सकल बादबलहाने ॥ मार्ग भक्तिकमलकर बरन्यो तिनके रवि कर माने ॥१० ॥ नरनारी उद्धार करणकों समरथ प्रकट कहाने॥ अंगीकृत कर गोपीपति मानव निज्रवश कर गही आने॥११॥ अंगीकृत मर्यादा बोधक करुणाकर विभुगाने॥। नाहिन दीयो काहूने एसो दान परायण जाने ॥१२॥ महाउदार चरित्र जिनके निजगावत निगम बखाने॥ कर प्राकृत अनुकृति मोहे सर जनवृन्द समाने ॥१३ ॥ जोपें अग्निरूप तन बवलल्‍लभ रूप जलधि नहिं आने॥ भक्तनके हित कारण ऐसे नही देखे न कहाने ॥ १४ ॥ सेवकजन शिक्षाके कारण कृष्ण भक्ति प्रकटाने ॥ निखिल सृष्टि इष्टके दाता इच्छा यह मनमाने ॥१५ ॥ लक्षण सर्व संपन्न महाप्रभु कृष्ण ज्ञान यह दाने ॥ याहीते गुरु वेद पुरान पुकारें कहेत परमाने ॥१६ ॥ आनंदभर परिपूरण अंबुज नयन देख ललचाने॥ कृपादृष्टि आनंद दे दासी दास प्रियापति जाने ॥१७ ॥ रोष दृष्टि के पात भयेतें भक्त वृन्दारिपहाने ॥ याहीतें भक्तन कर सेवित यह निरधार बखाने॥१८॥ सुखको सेवन करिये जाकों दुराराध्य करमाने॥ दुर्लभ चरण कमल जाके निज उग्र प्रताप कहाने ॥१९ ॥ वानी कर पूरत सेवक जन निज शरणागति आने ॥ श्रीभागवत समुद्र मथनकर रासरूप हरिजाने ॥२० ॥ सानिध्यतें जु दियो हित हरिको भक्ति मुक्तिके दानें॥ लीला रास विलास एक रचि कृपाकथा परमानें ॥२१ ॥ अनुभव विरह करणकों सबको त्याग एकमन आने॥ भक्ति आचार दिखायो जनकों मारग कर्म निदाने॥२ | यागादिक भक्तिनके साधक मनक्रम बच करजाने ॥ पूर्णानंद पूरण रतिपति वागधीश गुणगाने ॥२३॥ यहीतें विदुुधेश्ववर पदकी कहियत चित्तमें निसाने॥ कृष्णसहस्र नामके दायक भक्तपरायण माने ॥२४ ॥ भक्ति आचार विविध बोधनकों नाना वचन बखाने॥ अपने काज तजे प्राणनतें प्रिय पदारथजाने ॥२५॥ तादृश भक्तन कर परिवेष्टित देखत मती हिरानें॥ दासजननके हितके कारण साधन सब दरशानें ॥२६॥ सकल शक्तिव्हे रूप दिखाबत श्रीवल्लभ हरि माने॥ भूतल पुष्टि प्रकट करिवबेकों श्रीविद्दल निधिआने ।२७ ॥ पिताभयो राख्यो महिमा सब अपने कुल मधि जानें ॥ दूरकियो हरिमायामतकों गर्व आप धरमानें ॥२८ ॥ पतिब्रता पति पार लोकिक यह लोकिक वरदानें॥ गूढ हृदय भक्तन मन आशय दायक पर गुणगानें ॥२९ ॥ उपासनादिक मारग करके मुग्ध मोह नशानें ॥ मारग भक्ति प्रकटकर सबतें बैलक्षण ठहरानें ॥३० ॥ शरण आयेतें लये ज्ञानकृष्ण हृदयकी जानें॥ प्रतिक्षण नवनिकुंज लीलारस पूरण निज मनमानें ॥३१ ॥ तिनकी कथा विवश चितव्हेकें बिसरे सबगुण आनें॥ ब्रजपति प्रिय ताहीकों कहीयत प्रिय त्रजवास बखानें ॥३२॥ लीलापुष्टि करण ए कहियत भक्तकाम धर्मदाने॥। सबन अजानी लीला इनकी मोहरूप कहानें ॥३३ ॥ सबते दृढ़ आसक्त भये भक्त बश पतित पवित्र बखानें॥ यश अपने गुण गान श्रवणते आनंद बखानें ३४ ॥ यश पियूष लहरिन कर छांडे अन्य भाव पर जानें॥ लीलामृत रस करि पोखे तब कहेत फिरत महारानें ॥३५ ॥ गोवर्धन वास उत्साह एकचित्त लीलाप्रेम समानें॥ यज्ञभोग बलि यज्ञ करनकों चार बेद विकसानें ॥३६ ॥ सत्य प्रतिज्ञा त्रिगुणातीत सुन नीति विशारद जानें | कीरति बढन महा तत्व सूत्र प्रकाशक मानें ॥३७॥ मायावाद तूल उन्मूलन अग्निरूप कहिगानें॥ ब्रह्मवाद उद्धारण कारणकों भूतल जन्म बखानें ॥३८ ॥ अप्राकृत भूषण परि भूषित सहज हास मुख ठानें। ब्रह्मतोक भुवलोक रसातलके भूषणयुत जानें ॥३९॥ उचघरे भाग्य अवनीतलके निज सुंदर सहज कहानें ॥ भक्तनकर सेवित निज पदरज तेई बहुधन दानें ॥४० ॥ यह प्रकार आनंद निधि प्रभुके नाम पदारथ गानें ॥ अष्टोत्तर शत ते कहीयत जे अपने सर्वस्वमानें ॥४१ ॥ श्रद्धा निर्मल बुद्धि करजे नित्य पढत भक्तजन मानें ॥ एकचित्त करकें अधरामृत सिद्धि यहीते जाने ॥४२ ॥ वृथा मुक्तिबिन पाये ताके पायें यह गतिमानें॥ कृष्ण पदारथ रस ग्रहिवेकों जप करियतहें रानें ॥४३ ॥ यहविधि ट्विजकुल पतिके गिरिधर नाम वितान बखाने॥ श्रीबल्लभ श्रीविट्ठल प्रभुको निज अनुचर चर करमाने ॥४४ ॥

Shree Mahaprabhuji ki Badhai

Part2-306

Nat

Maaee aaj tou badhaai chhaai champaranya dhamri.

माई आज तो बधाई छाई चंपारन्य धामरी। जायो है इलम्मागारू श्री लछमननन्दरी ॥१९ ॥ प्रकटे हैं पूरन ब्रह्म अखिल निगम रूप । अग्निकुण्ड मध्य देखो द्विनकुलचंदरी ॥२ ॥ दोड आये मात तात हरख निरख श्याम गात। दष्टसुं दष्ट मिली भयो है आनन्द री ॥३ ॥ लियो है उछंग मात दियो पुनि गोद तात। निरखि के भयो है जु सबको आनन्द री ॥४॥ छूटी स्तन दुग्धधार नभ भयो जैजैकार । दियो है मारग जननी आनन्दकन्द री॥५ ॥ भई है आकासबानी सबन के मनमानी! पुष्टिपथ स्थापन कियो जशोमति नन्द री ॥६ ॥ कृष्णपक्ष माधो मास सुभ एकादशी आज। दक्चि दूध छिरकत नाचे सुखकंद री॥७॥ दियो हे ओगार माल निसिदिन नंदलाल। नाम धर्यो श्री बलल्‍लभ गयो दुखदन्द री ॥८ ॥ ब्रह्मा सिव इन्द्रादिक सुरनरगुनीजन। नारद गंधर्व जैजे करे जगवंदरी ॥९ ॥ देवता विमान चढी पुष्पन की वृष्टि करि | कृष्णदास जस गायो भयो है आनंद री ॥१० ॥

Shree Mahaprabhuji ki Badhai

Part2-306

jejevanti

Aaj bathdhaavo shrilakshmanrayaken ilamajayo

आज बथधावो श्रीलक्ष्मणरायकें इलंमाजायो श्रीवल्लभलाल ॥ध्रु॥ माधोमास एकादशी कृष्णपक्ष ओर रविवार ॥ प्रकट भये कुमार पूरणब्रह्म लियो अवतार॥१ ॥ तैलंगकुलको तिलक भूषण लसत भाव अपार॥ अंगअंग शोभा अमितरसना कहत न आवेपार ॥२ ॥ पढत द्विजबर वेद आंगन बजत दुंदुभिद्वार ॥ सूत मागध भाट बंदी करत वंश विस्तार ।३॥ रचे पल्‍लव रचे तोरण बांधी बंदनवार ॥ मंगल कलश भराय पूरे मोतिन चौक सुढार ॥४ ॥ पहेर भुषण वसन नवअंगसाज कंचन थार॥ चली त्रियगण गीत गावत पग नूपुरझनकार ॥५ ॥ आय निरखें नयन उत्सव परम अविसुकुमार कुमार ॥ करि प्रणाम असीस दे मुख भेट धरत फलसार ॥६॥ सदन अतिबढी सखीहोत जयजयकार॥ देत दान बुलाय विप्रन अन्न धन गाय अपार ॥७ ॥ सुरंग सारी पट अमोलिक और मणिगणहार॥ हरखकें पहराय युवती लक्ष्मण भूषउदार॥८॥ चोवाचंदन छिरक केसरनीर घनसार॥ नाचत सब नरनारि आंगन गावत जयजयकार ॥|९ ॥ देवीजन सब हरखत घरघर करत मंगलचार॥ दास निजजन निरख शोभा जात तहां बलिहार ॥१० ॥

Shree Mahaprabhuji ki Badhai

Part2-307

Gouri

Shrimad bal‍labh namonmo..

श्रीमद बल्‍लभ नमोनमो॥ विमल बाहु जिनद्विजवपुधायों पुरुषोत्तम जय नमोनमो ॥१॥ स्वयंभुवकीनों मुख प्रकटित मार्ग वरण प्रति नमोनमो आगमअगम निगम सब जानत सबविधि समरथ नमोनमो ॥२ ॥ सकलकला संपूरण गुणनिधि आदिअंत जय नमोनमो ॥ धर्म अर्थ पुष्टि मर्यादा ज्ञान अगोचर नमोनमो ॥३ ॥ आगें एसो कोऊ न प्रकटित बहोरि न प्रकटित नमोनमो ॥ नंद नंदनको अंतःकरण प्रभु जय हरि वललभ नमोनमों ॥४॥ निज इच्छा भई जबहीं मनमें आपहि प्रकटित नमोनमो ॥ गीता भागवत अमृत रसमय यश निस्तारण नमोनमो ॥५ ॥ हतित पतित उद्धारण कलि में जग निस्तारण नमोनमो ॥ नामनिवेदनसेवा सबवबिध आप सिखावत नमोनमो ॥६ ॥ त्रजपति वललभ एकही जानों भेदनहीहे नमोनमो। भजनानंद रसिक गिरिधारी आप दिखावत नमोनमों ॥७ ॥ शिवसनकादिक नारद मुनि जन पार न पावत नमोनमो ॥ में मतिमंद नाहिमतिमोटी कृष्णदास प्रभु नमोनमो ॥८ ॥

Shree Mahaprabhuji ki Badhai

Part2-308

Gouri

Jayati telangatilak bhatt. lakshmantanuj

जयति तेलंगतिलक भट्ट. लक्ष्मणतनुज वल्लभाधीश पद कमल वंदे ॥ हरिवेद अनल अवतार सुकुमारतन निरख नयनन जीव सब आनंदे ॥१ ॥ होत जयजय कुसुम बरखत समूह सुर पढत प्विजवर अजर मुदित छंदे॥ धन्य निज ज्ञान पायचरणरेणु धन शीश धरसुयश गावत कटित दुरित फंदे ॥२ ॥

Shree Mahaprabhuji ki Badhai

Part2-308

Gouri

Natarlila hoti junie ..

नातरलीला होती जूनी ॥ जोपें श्रीवल्लभ प्रकट न होते वसुधा रहती सूनी ॥१ ॥ दिनप्रति नईनई छबी लागत ज्यों कंचननग चुनी ॥ सगुणदास यह घरको सेवक यशगाबत जाकोमुनी ॥२॥

Shree Mahaprabhuji ki Badhai

Part2-308

Gouri

Srilakshmanandan jaijaijai .. bhaktahet pragate purushottam manvaanchhit phal nijajanade ..1 ..

श्रीलक्ष्मणनंदन जैजैजै ॥ भक्तहेत प्रगटे पुरुषोत्तम मनवांछित फल निजजनदे ॥१ ॥ शुकमुख द्रवित सुधारस मथकें गूढभाव दसविधि करले॥ मायावाद करींद्र दर्पदल देवीजीवन दानअभे ॥२॥ परिक्रमामिस परसि पूतकृत भूतल तीरथराज सबे॥ वसो निरतर मेरे जियमें दास गोपाल पदांबुज द्वे ॥३ ॥

Shree Mahaprabhuji ki Badhai

Part2-308

Gouri