Haan haan lalana aeka kshatri sethh chopada laaye janardhan

हां हां ललना एक क्षत्री सेठ चोपडा लाये जनार्दन संग ललना। ललना नारायण मदनगोपाल जु है प्रभु के अंग ललना ॥१ ॥ ललना गरुड कन्हैयालाल जू नरहरि मन भान ललना। ललना उत्तमश्लोक बल कृष्ण बादरायण जु भान ललना ॥२ ॥ ललना राजा दुबे माधो दुबे राणा व्यास पीतांबरदास ललना। ललना जटाधारी गोपाल जु गोरजा समराई सास ललना॥३॥ ललना यादवदास अच्युतदास जु आनंद विश्वंभरदास ललना ललना स्याम सुथार क्यों भूलिये जाको चरणन वास ललना ॥४॥ ललना नारायणदास दिवान जु संतदास विरक्त ललना। ललना सिंहनदके मात जु हे आनंद जगता सकृत ललना ॥५ ॥

Shree Mahaprabhuji ke Viviah khel ke

Part2-329

Sarang

Madhumangal anandit tunn pulkit naan maaye hoe. sub

मधुमंगल आनंदित तन पुलकित न माये हो। सब अपने मित्र सुबंधु बोल जोतसी बोलाये हो ॥१ ॥ बूझत लग्न लेहें कौन दिनको कहो जु तुम ज्ञानी हो। पुरुषोत्तम आये हैं ब्याहन मेरी कुंवरी सयानी हो ॥२ ॥

Shree Mahaprabhuji ke Viviah khel ke

Part2-330

Maru

Maaee aaj tou sobha baadhi kaasi

माई आज तो सोभा बाढी कासी नगरकी ॥ श्रुव ॥ फूले नरनारी आनंद खद्यो अपार जहाँ भीर भई डगर डगरकी ॥१ ॥ है सिंगार लाल अति रसाल। भाल तिलक मोती लर सोभा कुंडलकी ॥२ ॥ फूल सेहरो विशाल देख तिलक लाल। लजित अंग देख तुरा हलनकी ॥३ ॥ मोती कठसरी पहेर हीराकी हमेल घर | चमकन मणिहार हीरा पदकनकी ॥४ ॥ माणिक के हार सोहे बांधी फेंट मन मोहे | कटि मेखला जु भानों पांत चंद्रनकी ।५ ॥ जरकसी सूथन पर सोभा देत जामा धर। चरन भीर भई निज भक्तनकी ॥६ ॥ बाजूबंद कडा सोहे हीरा मुंदगी मन मोहे। श्रीफल विराजे हाथ सोभा स्याम घनकी ॥७ ॥

Shree Mahaprabhuji ke Viviah khel ke

Part2-330

jejevanti

Shayam ghana baadarke jese sub bhakt sohe

शयाम घन बादरके जेसे सब भक्त सोहे दामिनी दमकत तेसे वललभ सुजान । अंधियारी रैन मध्य जेसे उद्डुगन सोहे पावस ऋतुमें सोहे जेसे मलार तान॥१॥ बना बने नंदलाल बराती हैं ग्वाल बाल सोहे लीली घोरी पर रूपके निधान | घोषकी जु नारी सब अटा चढी देखबेको देव सब देखत हें बैठे जु विमान ॥२ ॥

Shree Mahaprabhuji ke Viviah khel ke

Part2-330

Megh Malhaar

Kahey jotsi madhumangal tum suno joo baat . binn prabhu

कहे जोतसी मधुमंगल तुम सुनो जु बात । बिन प्रभु दिन सब कोन काज जग विख्यात ॥१ ॥ जा दिन प्रभुको मिलन कत आछो जान। दुलहे व्है आयो ब्याहन पूरण पुरुष प्रमाण ॥२॥ है बराती जो संग सबे उनके हैं अंग (हित महेस ब्रह्मादिक सबन आये हैं संग ॥३॥ करनी धरी लगन दीन पांडे दियो पठाय। बाजन बाजत बहो विधि शोभा कही न जाय ॥४॥

Shree Mahaprabhuji ke Viviah khel ke

Part2-330

Gouri

Dulahe laal aaya kharey dwaare sobha barni naan jaaee.

दुलहे लाल आय खरे द्वारे सोभा बरनी न जाई। ठाड़े बेद पढत हैं ब्राह्मण सोहासन गावबत आई ॥१ ॥ भीतर दुलहे लाल पधारे जहां मंडप रहो छाई। समय पायके नवल किसोरी मंडपमें पधराई ॥२ ॥ लोक वेद मर्यादा कारण अंतर पट जु कराई । सहि न सकत विरह दोऊ वेग करो मुनि राई ॥३ ॥

Shree Mahaprabhuji ke Viviah khel ke

Part2-331

Basant

Bhojanko baithe laal dulha dulhani lahani sanga mill

भोजनको बैठे लाल दुलहा दुलहानि लहनि संग मिल कौर देत ललिता सहचरी | पकवान बहो भांत छाब भरे धरे आन पांचों भातन थाल वेगन बडी करी ॥१ ॥ खोबा बासोंदी संजाब मेवा मीठा धरे आम कोन कहि सके डला बेला भरिं धरी । अति हि अघाय दोऊ अचवत है रतन जटित कंचन झारी जमुना जल भरी ॥२॥ सुंदर बीरी बनाय अरोगावत ललिता मुसक्यात जात प्रिय सखी पास खरी। गल बहियां मेल खरे भक्तनके ताप हरे सुघर रसिकराय रस रेल करी ॥३ ॥

Shree Mahaprabhuji ke Viviah khel ke

Part2-331

Aasawari

Nava dulha dulhani kisori . yug yug raho bhaktan

नव दुलहा दुलहनि किसोरी । युग युग रहो भक्तन उर अंतर अविचल रहो यह जोरी ॥१ ॥ युग युग रहों सब भक्त बराती राज करो ब्रज पोरन पोरी । देत असीस प्रियकान्तवती रानी मेरे हृदय बसो यह जोरी ॥२ ॥

Shree Mahaprabhuji ke Viviah khel ke

Part2-331

Kanharo

Tihari dhaadhi srilachamanraj. tihaare poot bhaye

तिहारी ढाढी श्रीलछमनराज। तिहारे पूत भये पुरुषोत्तम सुफल भये मेरे काज ॥१ ॥ तिहारे पितर भये जे पहेले महापुरुष अबतार | तिलंग तिलक ट्विज जग्यनारायन किने जग्य अपार ॥२ ॥ ताके हा भये गंगाधर कौने बहुत सोमयाग | तिनके गनपति सोमजग्य करि वे | बड़े सोहाग ॥३ ॥ ताके श्रीवललभ अम्निहोत्री तब पितु अति कृपाल। तिहारे पूत आचारज वलल्‍लभ बदन अनल बीजपाल ॥४॥ दैवी जीव उद्धारन कारन मायावाद निवार। श्री भागवत स्वरूप बताये सेवा पृष्टि प्रकार ॥५ ॥ इनके पूत होयके दोऊ श्रीहलधर गोपकुमार। गोपीनाथ विट्ठल पुरुषोत्तम तिहि गोकुल उजियार ॥६ ॥ श्री विड्डल को सात होई सुत ते सब आप समान। सुतके युत नाती पाँति सब दीपत दीप प्रमान ॥७ ॥ नरनारी जे सरन आये हैं ते सब किये सनाथ । नाम सुनाये भक्ति देके पकरे दृढ़ करि हाथ ॥८ ॥ तब सुतके गुन रूप बखाने तोहु न आवबे पार। गोकुलपति मुख्य व्है वहनि वपु आकृति सीतल सार ॥९ ॥ हों ढाढी तिहारे घरको तब सुत कौरत करों गान। पर्यो रहूँ हरिवदन विलोकुं मागूं न भिच्छा आन ॥१० ॥ तुम हो परम उदार दानेश्वर हों मांगु सो दीजो। ढाढिन मेरी इनकी चेरी मोहे चेरो करि लीजो ॥॥९१ ॥ निसदिन भक्ति करों तव सुतकी इतनी पूजहु आस | जनम जनम नित लीला निरखूं बलि-बलि वलल्‍लभदास ॥१२ |

Shree Mahaprabhuji ke Viviah khel ke

Part2-331

Maru

Aage bhakt paachhe bhakt ita bhakt uta bhakt bhaktammein

आगे भक्त पाछे भक्त इत भक्त उत भक्त भक्तममें सोहे प्यारे दुलहे दुलहनि। भक्तनसों मंडप छायो बललभके मन भायो स्थाम तमाल कनक बेल सोभा बनि ॥१ ॥ पांडे जब बोले बोल अंतर पट लियो खोल मिले दोऊ आपसमें कहत न बनी। दुलहे दुलहनि सोहे सबनको मन मोहे नभसों सुरगण करे पहोपवृष्टि घनी ॥२ ॥

Shree Mahaprabhuji ke Viviah khel ke

Part2-331

Poorvi

Tihaaro dhaadhi aayo hoe houn bali vall‍labh raaj. pragat

तिहारो ढाढी आयो हो हों बलि वल्‍लभ राज। प्रगट भये तैलंग कुलदीपक लीने सब सुख साज॥५१॥ एक बार प्रगटे जसुमतिके बलयुत नंदकुमार। भक्तजनन की आशा पूरी भव्दाईं | महा उदार ॥२॥ अब के प्रगट तिहारे श्री हरि सुनि लछिमन । या ढोटाके गुन लीलारस मोपे बरनी न जाई ।३ ॥ मायावाद खंड भुव ऊपर कृष्णभक्ति प्रकटाई। तीरथ सकल सनाथ करेंगे चरणकमलसों धाई ॥४ ॥ या ढोटाके सुत है होंगे रामकृष्ण सुखदाता | नाम श्रीगोपीनाथ श्रीविष्टल निजजन के रसत्राता ॥५ ॥ विट्ठलप्रभु के सात पुत्र व्है हैं ज्यों ब्रज में गिरिधारी। प्रथम पुत्र ग्रिरिधर न पर जस विस्तारी ॥६ ॥ श्रीगोविन्द श्रीबालकृष्ण अर जोरी। श्रीरघुपति जदुपति मन मोहे खेलत ब्रज की खोरी ॥७ ॥ श्रीघनश्याम आदि बालक संग पुत्र पौत्र जसधारी ॥ लेत सबन लाला दरसे हैं दरसन में अधहारी ॥८ ॥ रस श्रृंगार भोगरस बहुहि नंदराय ज्यों कीने॥ कलिके जीव कृतारथ व्हैहें वारि अपन पो दीने ॥९ / सुन । सुन सुतको जस लछमन भरट तब ढाढी ले निज पासी॥ मन भायो ढाढी को पूरन कीनी आसी ॥१० ॥ श्रीवललभके चरन दोऊ ले ढाढी सीस छुवायो ॥ मगन होय तब नाचन लाग्यो तन त्रेताप नसायो ॥११ ॥ ले बलाय वारत तन मन धन ढाढी मन सुख पायो॥ कृष्णदास श्री वललभ के गुन जन्म जन्म जस गायो ॥ १२ ॥

Shree Mahaprabhuji ke Viviah khel ke

Part2-332

Maru

Yeh brat maadho prathamaliyo..

यह ब्रत माधो प्रथमलीयो॥ जो मेरे भक्तनकों दुखदे ताकोफाईं नखनहीयो ॥१ ॥ जो भक्तनसों वैरकरतहे परमेश्वरसों वैरकरे || रखवारीकों चक्रसुदर्शन माथे ऊपर सर्दांफिरे ॥२ ॥ पराधीनहों अपने भक्तनकों जाकारण अवतार धयों ॥ यहजु कही हरि मुनिजन आगें अभिमानीको गर्वहयों ॥३ ॥ भजते भजों त्यजों नहि कबहू पारथप्रति श्रीपति यों भाखी॥ परमानंददासको ठाकुर अखिल भुवन सबसाखी ॥४ ॥

Narsinhaji Ke

Part2-333

Kanharo