Mohi millen bhaave balveer kii .. sharad nissa pooran

मोहि मिलन भावे बलवीर की ॥ शरद निसा पूरन शशि निरमल खेलन यमुना नीर की ॥१ ॥ हरि हमकों हम हरिकों छिरकें पैसद फेलन नीरकी॥ हंसकर खेंच लेत ओंडे जल अंक मालभुज भीरकी ॥२ ॥ जलतें निकसी होत जब ठाडे निररित्र अंगोछनि चीरकी॥ परमानंद स्वामी रतिनागर बलि बलि श्याम शरीरकी ॥|३ ॥

Snan Yatra

Part2-340

Todi

Puranmas poorantithi srigiridhar karat snan

पूरणमास पूरणतिथि श्रीगिरिधर करत स्नान मनभायो ॥ अति आनंदसों न्हवावत श्रीविदुल ज्योंविधि बेद बतायो ॥१ ॥ उत्तम ज्येष्ठ ज्येष्ठा नक्षत्र होत अभिषेक भक्तन मनभायो ॥ परमानंद लाल गिरिवरधर अति उदार दरशायों ॥२॥

Snan Yatra

Part2-340

Todi

Yamunajal ghata bhar chully chandravali naari .. maaragamen

यमुनाजल घट भर चली चंद्रावलि नारि ॥ मारगमें खेलत मिले घनश्याम मुरारि ॥९ ॥ नयनसों नयनामिले मन रहो लुभाई ॥ मोहन मुरति मनवसी पगथधरयों न जाई ॥२॥ तबको प्रीति प्रकट भई यह पहिलीभेंट ॥ परमानंद ऐसी मिली जेसें गुडमेंचेंट ॥३ ॥

Snan Yatra

Part2-340

Todi

Yamunajal giridhar karat vihaar.. aspas

यमुनाजल गिरिधर करत विहार॥ आसपास युवती मिलि छिरकत हंसत कमल मुखचार ॥१ ॥ काहुकी कंचुकी बंदटूटे काहूके टूटेहार॥ काहुके वसन पलट मनमोहन काहु अंग न संभार ॥२॥ काहुकी खुभी काहुकी नकबेसर काहुके विथुरेवार॥ सुरदास प्रभु कहांलो बरनों लीला अगम अपार ॥३॥

Snan Yatra

Part2-340

Todi

Govind chhirkat chheent anoop .. ita vrishbhan nandini

गोविंद छिरकत छींट अनूप ॥ इत वृषभान नन्दिनी सोहत उत घनश्याम सरूप ॥१॥ पावन जल यमुनाकों निर्मल करत बिविध बिधि केलि॥ सजल सुमन शोभिद अंगनमें उडत तरंगन रेलि॥२॥ कीने सबे गोवरधनधारी बेद शृंखला पेलि॥ गोविंद प्रभु आनन्द सिंधुमें रहे मगनमन झेलि ॥३ ॥

Snan Yatra

Part2-340

Todi

Aaj bajaai murali manohar sudhi naan rahee ree kachh

आज बजाई मुरली मनोहर सुधि न रही री कछ मो तन मन में । हो जल जमुना भरन जात ही सो वे कान्ह ठाढे श्रीवृंदावन में ॥१ ॥ मोर पुकद माथे अति राजत कनक कुंडल सोहत कानन में॥ ब्रह्मदास' प्रभु मोहि लई हो गावत राग सुरन में ॥२ |

Snan Yatra

Part2-340

Kalyan

Mugdha tuu kitt karat vilambu .. tolon jaay que‍yon naan

मुग्धा तू कित करत विलंबु ॥ तोलों जाय क्‍यों न घर अपने भरि घट यमुना अम्बु ॥१ ॥ जो लों नाहि धरत हरि मुरली मोहन मंत्र अधर अवलंबु॥ सुधिकर देख तुही ब्रजपति जब बैठे बिटप कदंबु ॥२ ॥

Snan Yatra

Part2-340

Hameer

Kreedat kalindi jall maanhin.. navsatsaj singar

क्रीडत कालिंदी जल मांहीं॥ नवसातसाज सिंगार कौये तहां श्रीराधा गलबाहीं॥१ ॥ आसपास शोभित ब्रज बनिता मधि राधा नन्दलाल ॥ जल सीकर डारत चहुंदिशतें मुदित निरख गोपाल ॥२ ॥ आनंद मगन भये सब खेलत करत कुलाहल भारी ॥ गोविंद प्रभुकी यह लीला निरख निरख बलिहारी ॥३ ॥

Snan Yatra

Part2-340

Todi

Karat gopal yamunajal creeda.. surner asur

करत गोपाल यमुनाजल क्रीडा॥ सुरनर असुर थक्तित भये देखत बिसरगई तनमनजीय पीडा॥१ ॥ मृगमद तिलक कुंकुमा चंदन अगर कपूर वास बहुभुरकन॥ कुचयुग मग्नरसिक नन्दनन्दन कमल पाणि परस्पर छिरकन ॥२॥ निर्मल शरद कला कृत शोभा बरखत स्वांति बदल मोती॥ परमानन्द कंचन मणि गोपी मरकतमणि गोविंद मुख जोती ॥३ ॥

Snan Yatra

Part2-340

Todi

Jamuna jall kreedat nand nandan .. gopi boond manohar

जमुना जल क्रीडत नंद नँदन ॥ गोपी बूंद मनोहर चहूँदिस मधि अरिष्ट निकंदन॥१॥ छिरकति पान परसपर सोभित सिथिल होति भूज चंदन ॥ जनु जुबति पूजति अहि पति कौ लग्यों अंग पें बंदन ॥ कुटिल सुकचि सुदेस अंबुकन चूँबत अग्र अति मंदन ॥ जनु गंडूक कवल रस मुख भरि डारत अलि आनंदन ॥ दूरि भरि अंक अगाधि चलत लै जनु लुब्धक खग फंदन ॥ 'सूर स्याम' श्रीपति के गुन को गावत हें श्रुति छंदन ॥४ ॥

Snan Yatra

Part2-340

Bilawal

Jepasht maas sudi punyo shubhdin karat snan

जेपष्ट मास सुदि पुन्यो शुभदिन करत स्नान श्रीगोवर्धनधारी ॥ शीतल जल हाटकघट भरि भरि रजनी अधिवासन सुखकारी ॥१॥ विविध सुगंध पोहोपकी माला तुलसीदलदे सरस संवारी॥ कर ले शंख नहवावत हरिकों श्रीविट्ठल प्रभुकी बलिहारी ॥२ ॥ तेसेई निगम पढत द्विज आगें तेसोई गान करत द्वजनारी॥ जेजे शब्द चार्योदिश व्हेरहों यहबिधि सुख वरखत अतिभारी ॥३ ॥ करि सिंगार परम रुचिकारी शीतलभोग धरत भर थारी॥ दे बीरा आरती उतारत गोबिंद तन मन धन दे वारी ॥४ ॥

Snan Yatra

Part2-340

Todi

Nandako manvaanchhit dinn aayo.. fulifirat

नंदको मनवांछित दिन आयो॥ फुलीफिरत यशोदा रोहिनी उरआनंद न समायो ॥१ ॥ गाम गामतें जाति बुलाई मोतिन चोक पुरायो॥ व्रजवनिता सब मंगल गावत बाजत घोष बंधायो ॥२॥ प्रथम रात्रि यमुनाजल घटभरि अधिवासन करवायो ॥ उठि प्रभात कंचन चोकीधरि तापरलाल बेठायो ॥३ ॥ राजबेठ अभिषेक करतहें विप्रन बेद पढायो ॥ जेष्ट शुक्ल पून्यो दिन सुरबधु हरखि फूल वरखायो ॥४ ॥ रंगी कोर धोती उपरेना आभूषण सब साज ॥ द्वारकेश आनंद भयो प्रभु नाम धर्यो ब्रजराज ॥५ ॥

Snan Yatra

Part2-340

Bilawal