Lalakon chhiraktahen trajwal .. yamunajal uchhalit

लालकों छिरकतहें त्रजवाल ॥ यमुनाजल उछलित चहुंदिशतें हँसत हँसावत ग्वाल ॥१ ॥ बांहजोटी फिरत परस्पर पीत कमल मणिमाल ॥ परमानंद प्रभु तुम चिरजीयो नंदगोपके लाल ॥२॥

Snan Yatra

Part2-340

Todi

Jamunajal kreedat nandanandan.. gopi vrind manohar

जमुनाजल क्रीडत नंदनंदन॥ गोपी वृन्द मनोहर चहुंदिश मध्य अरिष्ट निकंदन॥१॥ छिरकत पानि परस्पर शोभित शिथिल होत भुजबन्धन | ज्ुः युवती पूजत अहिपतिकों लग्यों अंगअंगपें चन्दन ॥२॥ कुटिल केश अंबुकन चूबत अग्र मतिमंदन॥ जनु गंडूक कमल रस मुखभरि डारत अलि आनन्दन॥३ ॥ दुरि मुरि अंस अगाध चलत ले जनु लुब्धक खग फंदन॥ सूरश्याम श्रीपतिके गुनकों गावत हें श्रुति छंदन ॥४ ॥

Snan Yatra

Part2-340

Todi

Raadhe chhirkat chheent chhabili .. oonchekuch kanchuki bund

राधे छिरकत छींट छबीली ॥ ऊँचेकुच कंचुकी बंद छूटे लटकि रही लटकीली ॥१ ॥ बदनचन्द्र ताटंक कनकमय रतनजदटित मनिनीली ॥ मत्तगयंद गति राजत कटिपर सोहत किंकिनी ढीली ॥२ ॥ मच्यो खेल यमुना जल अन्तर प्रेममुदित रस झीली ॥ नन्द सुबन भुज ग्रीव बिराजत भाग सुहाग भरीली ॥३ ॥

Snan Yatra

Part2-340

Todi

Mangaljeshth jeshtha poonyo karat snan

मंगलजेष्ठ जेष्ठा पून्यो करत स्नान गोवर्धनधारी ॥ दधि ओर दूब मधुले ले सखीरी केसरघट जल डारत प्यारी ॥१ ॥ चोवा चंदन मृगमद सोरभ सरस सुगंध कपूरन न्यारी॥ अरगजा अंगअंग प्रति लेपन कालिंदी मध्य केलि विहारी ॥२ ॥ सखखियन यूथयूथ मिलि छिरकत गावत तान तरंगन भारी ॥ केसो किशोर सकल सुखदाता श्रीवललभ नंदनकी बलहारी ॥३ ॥

Snan Yatra

Part2-340

Bilawal

Viharat jall jamuna russ bheene.. maano matt gaj

विहरत जल जमुना रस भीने॥ मानो मत्त गज राज परसपर करीनी जुथ संग लीनें ॥१ ॥ तिन में वृषभानु दुलारी नील सुरंग पट झीनें ॥ राजत रास रमन द्विज दंपति मोहित कर बस कौनें ॥२ ॥ उभय बदन पर जल कनिक मानों, जलज सरस छबि छोनें ॥ 'सूर' आरज हित अवलोकत मोहित सजमनी प्रेम धन दीनें ॥३ ॥

Snan Yatra

Part2-341

Bilawal

Yamuna devi cone bhalai .. naam roop guna lahari

यमुना देवी कोन भलाई ॥ नाम रूप गुन लहरि जू को न्यारी अपनी चाल चलाई ॥१ ॥ उजर देस कीयो भ्राता को तुम परसत उत कोउ न जाई॥ जे तन तज तेरे तट तात तरुन पर गेल चलाई ॥२ ॥ मुग्ध बधूं कु करे दूतपनो अधम नरू कों आनि मिलाई॥ आपुन स्थाम आन उजल करी तात तपति निज सीतल ताई ॥३ ॥ जल को छल करी अनल अधम कुं पहे सुनि कें कोऊ न पत्याई ॥ यद्यपि पछिपात पतितन को तदपी 'गदाधर' पीय मन भाई ॥४ ॥

Snan Yatra

Part2-341

Bilawal

Biharat naari hansat nand nandan... aank mein bhari

बिहरत नारि हँसत नंद नँंदन।॥ आंक में भरि भरि लेत आनंदन ॥१॥ निरमल देह छूटत तन चंदन॥ अति सोभा त्रिभुवन जन बंदन ॥२ ॥ कंठन पीठि नारि अरु सोभा॥ वे उनको वे उन को गोभा ॥३ ॥ वह अंक में भरि चलत अगाध हि॥ अरसपरस मेटत से मन साध हि॥।४ ॥ कोऊ भजे कोऊ पाछें धावें ॥ जुबतिन सों कहि ताहि मगावें ॥५ ॥ ताको गहि अथाह जल डोरें।॥ है व्यास लता रूप निहारें ॥६ ॥ कंठ लगाय लेत पुनि ताही।॥। दैत आलिंगन रीक्ि बा ॥७॥ 'सूर स्याम' द्रज जुबतीन भोगी॥ जाकों धावत सिव मुनि गी॥

Snan Yatra

Part2-341

Bilawal

Jethh maas poonyon oojiyaari karat snan shree

जेठ मास पून्यों ऊजियारी करत स्नान श्री गोवरधनधारी ॥ सीतल जल घट हाटक भरि भरि रजनी अधिवासन सुखकारी ॥१ ॥ विविध सुगंध बहुत पोहोपले तुलसी दल दे सरस सवारी॥ कर ले संख नहवावत प्रभु को श्री विदुल प्रभु की बलिहारी ॥२॥ तैसेड़ निगम पढत ह्विज आगे तेसीये गान करत ब्रजनारी ॥ जै जे सब्द होत चहूँ दिस तें सुसपति करत कुसुम बरषारी ॥३ ॥ करि सिंगार परम रुचिकारी सीतल भोग धर्यो भरि थारी॥ दे बीरा आरति करत है। 'गोविन्द' तहाँ तन मन सब वारी ॥४ ॥

Snan Yatra

Part2-342

Bilawal

Yamunajal kreedtahen ghanshyam... dakshinbhag

यमुनाजल क्रीडतहें घनश्याम।॥ दक्षिणभाग चपल चंद्रावलि राधे राजत बाम ॥१ ॥ अपने अपने यूथन ठाडीं खेलत छिरकत भाम ॥ गजवर ज्यों सोहत मनमोहन दिवस न जानत जाम ॥२॥ बेनी उलटि बदन पर आवत लपटी चंपकदाम॥ कनक जंजीर गयंद मदनकी झूमत हेत सकाम ॥३॥ इहिविधि श्रीषमकी ऋतु मानत द्योस परतहे घाम ॥ द्वारिकेश प्रभु कह्यो सबनसों चलो आपने धाम ॥४ ॥

Snan Yatra

Part2-342

Ramkali

Jall kreeda sukh atee upajaayo .. raas rung munn

जल क्रीड़ा सुख अति उपजायो ॥ रास रंग मन तें नहि भुलत उहे भेद मन आयो ॥१ ॥ जुबती जन कर जोरि मंडली स्थाम नागरी बीच ॥ चंदन अंग कुँमकुमा छटत जल मिल तट भई कीच ॥२ ॥ जो सुख स्याम करत जुबतीन संग सो सुख तिहुंपुर नाहि॥ 'सूर स्याम' देखे नारिन को रिझि रिझि लफ्टाई ॥३ ॥

Snan Yatra

Part2-342

Bilawal

Biharat haye jasuna naa jall sthaam.. raajat haye douu

बिहरत है जसुना ना जल स्थाम॥ राजत है दोऊ बांहा जोरि दंपति ओर ब्रज वाम ॥१ ॥ कोऊ ठाढी जल जानु जंघलों कोउ कटि हृदय ग्रीव॥ यह सुख बरनि सके एसो को सुंदरता की सीव ॥२ ॥ स्थाम अंग चंदन की आभा नागरि केसर रंग॥ मलयज पंक कुँमकुम मिलि के जल जमुना इक रंग ॥३ ॥ निस सत्रम मिट्यो तन आलस परिहार जमुना भई पावन॥ 'सूर' स्रम जल मध्य जुबतीगन जन के मन भावन ॥४॥

Snan Yatra

Part2-342

Bilawal

Shyamashyam sukhad yamunajal nirbhay karat

श्यामाश्याम सुखद यमुनाजल निर्भय करत बिहार॥ श्वेतकमल इन्दीवर पर मानो भोरही भईहे निहार॥९१॥ श्रीराधाकर अंबुज ज भरभर छिरकत वारंवार॥ अतसी कुसुम कलेबर बूंदे प्रतिबिबित नार॥२॥ कनक लता मरकत रंश्रनपर मेलत चित्र प्रकार ॥ जोतिष चक्र गगन पर डोलत सखी सब करत विचार ॥ ३ ॥ जाय गहत वृषभान नंदिनी मोहत सब संसार ॥ विधुत जलद सूरमुनि बिधुमिल भ्रवत सुधाकी धार ॥४॥

Snan Yatra

Part2-343

Todi