Namo devi jamune munn bachan karm karun sarran

नमो देवि जमुने मन बचन कर्म करुं सरन तेरी॥। सकल सुख कारनी भव सिधु तारनी दरसने कटत है कर्म बेरी ॥१॥ अभे पद दायिनी भक्त मन दायिनी करि कृपा पूरिये साथ मेरी ॥ दीजिये भक्ति पद लाल गिरिधरन की काटिये विषै 'कृष्णदास' ॥२॥

Snan Yatra

Part2-343

Ramkali

Aaj houn adhik hansee ree maaee .. kaam vivas moun soun

आज हों अधिक हँसी री माई ॥ काम विवस मों सों रति बाढी अवलोकत समझाई ॥ १॥ रवि ससि काँति भई जू सखी री कांच भवन में माई॥ विस्मय भयो प्रतिबिंब बिंब सों अंक भरे जदुराई ॥२ ॥ कर अंचल मुख मुंद रही हों ठाढी ही इक ठांई ॥ 'सूरदास' प्रभु निश्चय जानी तब ही उर लपटाई ॥३ ॥

Khandita Ke Pad

Part2-346

Suha

Aaye surat rung rasamaate .. maanon vishram nimit piya

आये सुरत रंग रसमाते ॥ मानों विश्राम निमित पिय पाये श्रमित भरे हो ताते ॥१ ॥ डगमगात मग धरत परत पण उठतम बेगि तहाँ तें॥ मानों गज भमत्त चरन चंकारि करि गहि आनत तिहि ठांते ॥२॥ उर नख छत्त कंकन छत्त पाछें सोभित है पहिराते ॥ मदन सूभट के बान लाग मानों निकसि गये इहि घातें ॥३ ॥ साँचे करत आपने बोलनि टरत न मरजादा तें॥ 'सूर स्थाम' कहि गये आई है पग धारे तिहि नातें ॥४ ॥

Khandita Ke Pad

Part2-346

Suha

Aavat baabaa nand koo haathi .. baahu bisal kamal dall

आवत बाबा नंद को हाथी ॥ बाहु बिसाल कमल दल लोचन संकरषन को साथी ॥१ ॥। अपनी इच्छा रहत ब्रज भीतर गायन के संग खेले ॥ केसि तृणावर्त कों मार॒यों सकट पूतना पेले ॥२ ॥ श्रीवसुदेव देवकी नँदन कंस बंसकों काले ॥ 'परमानँद' दास कों ठाकुर नायक नंद को लाले॥३ ॥

Khandita Ke Pad

Part2-346

Suha

Chaaru nutt bhekh dhara baithe govind jahaan saghan gahwar

चारु नट भेख धर बैठे गोविंद जहां सघन गहवर नव निकुंज भवने। नागरी जबहि नेनासों नेना मिले तबही नागर मुदित बिपिन गवने ॥ १ ॥ रसिक नंद सुत सुहस्त सज्जा रची विविध गत विविध पट फूल छबने। हंसजा तट निकट बिमल जल बहत तहां सुखद सीखंड चल मलय पवने ॥२ ॥ दास कुम्भन प्रभु सुजान तव मिलनकों बहुत आतुर निर्मिख जुग बीत बने। जोबत पथ एक टीक लाल सुकुमार सखी गोबरधन धरन अखिल जुवति रवने ॥३ ॥

Snan Yatra

Part2-346

Kalyan

Jaanati houn jese gunan bharey .. kaahe koo duraav karat

जानति हों जेसे गुनन भरे ॥ काहे को दुराव करत हो बलि जांउ सोई ब कहो काके जू ढरे ॥१ ॥ निस के उनी दे नेंन अरुन दोऊ आलस बस सब अंग भरे ॥ चंदन तिलक मिदयों काहू वंदन स्थाम सुभग तन नख उधघरे ॥२ ॥ अब तुम कुटिल किसोर नंद सुत कोन कोन के मन जु हरे ॥ अब एते पर समझ “सूर' प्रभु सोंह करन कों होत खरे ॥३ ॥

Khandita Ke Pad

Part2-347

Suha

Chalo sakhee sotan key ghar jeye.. maan ghatey tou kahaa

चलो सखी सोतन के घर जेए॥ मान घटे तो कहा घटे तेरो पीय के दरसन पेए॥९ ॥ इह जोबन अंजली को पानी समय गये पछितेए ॥ 'धोंधी' के प्रभु रस बस कर लीये तन की तपत बुजेए ॥२॥

Khandita Ke Pad

Part2-347

Suha

Kahaan loun alaken deho oat.. chanchal chapal surang

कहां लों अलकें देहो ओट॥ चंचल चपल सुरंग छबीलो आनि बन्यों मृग जोट ॥ १ ॥ खंजन कमल मीन अति लाजत उपमा दीजे कोट ॥ 'सूरदास' प्रभु कहां लो बरनो नाहि न रूप की टोट ॥२॥

Khandita Ke Pad

Part2-347

Suha

Jaiye vaa key dhaam jaake jaage chaaro jaam laal .. moson

जैये वा के धाम जाके जागे चारो जाम लाल ॥ मोसों अवध बदि वहीं रति मानी जानी उबटी है उर माल ॥१ ॥ दिखियतु हे नख क्षत अंग अंग में अधर अंजन पीक गाल॥ मदन मोह पीय क्‍यों व दूरत हो लटकि रही जो पाग अर्धभाल ॥२॥

Khandita Ke Pad

Part2-347

Suha

Kisori anga anga bheti syaam hii.. krishna tamaal

किसोरी अंग अंग भेटी स्याम ही॥ कृष्ण तमाल तरल भुज साखा लटकि मिलि जैसे दामि दाम हि ॥१॥ अरज इक लता गिरि उपजे सो दीने करुना महि॥ कछुक स्थामल गिरि को छायो कनक अगामही ॥२ ॥ गिरिवरधरन सुरत रति नायक रति जीतें संग्राम हि॥ 'सूर' कहे यह उभय सुभट बीच क्‍यों जू बसे रिपु काम ही ॥२ ॥

Khandita Ke Pad

Part2-347

Suha

Uparna vaahi key juu rahmon. jaahi key urr basey syathaam

उपरना वाहि के जू रह्मों। जाहि के उर बसे स्यथाम घन निस को जो सुख रह्ों॥१॥ छबि तरंग अंग अंग दृग भेद न जात कह्ढों ॥ 'नंददास' प्रभु चले सेन दे जब दावन दोर गह्मों ॥२ ॥

Khandita Ke Pad

Part2-347

Suha

Kou merey aangan hii juu gayo .. jagmag joth badan kii

कोउ मेरे आंगन हि जू गयो ॥ जगमग जोत बदन की सोभा सपनों सों जू भयो ॥९ ॥ हों दधि मथन सुनि भोर ही सजनी लेन जू गई मथानी॥ कमलनैंन की नांई चितवत यह ति में जानी ॥२ ॥ विथकित भई चरन गति याकी बहोत खेद में पायो।॥ 'परमानँद' प्रभु चरन सरन गति रहतो कित हे आयो ॥३ ॥

Khandita Ke Pad

Part2-347

Suha