Nahin doorat nainna ratnare.. maanon bandhup kusum parr

नाहिन दूरत नैंना रतनारे॥ मानों बंधुप कुसुम पर सोभित सुंदर स्थाम सिलीमुख तारे ॥ १ ॥ कुटिल अलक रही विथुरि बदन पर सकुच हित हरि निरस निहारे॥ भ्रोंह सिथिल मानों मदन धनुष गुन गरे कोकनद बान विसारे ॥२॥ मूंदेई आवत नेंन आलस रस बस छीन हि उधरत न उघारे ॥ 'सूरदास' प्रभु सोई करो तुम भामिनी जिहि रतिरन हारे ॥३ ॥

Khandita Ke Pad

Part2-348

Suha

Naagar sthaam nangri naari .. surati rati ranjeet douu

नागर स्थाम नांगरि नारि ॥ सुरति रति रनजीत दोऊ अंग मनमथ धारी ॥१ ॥ स्थान तन घन नील मानो तडित तनु सुकुमारि ॥ मानो मरकत कनक संजुत काम समार ॥२॥ कोक गुन करि कुसल स्यामा उत कुसल नंदलाल॥ 'सूर स्याम' अनंग नायक विबस कीनी बाल ॥३ ॥

Khandita Ke Pad

Part2-348

Suha

Baras ughar gayo meha tapakat paanti dwarum beli..

बरस उघर गयो मेहा टपकत पाँति द्वरुम बेलि॥ झमकत झार नीर भरे बूंदन सोभा देख सहेली ॥१ ॥ हों जू मनावत तूं नही मानत प्रकटी प्रीत नवेली ॥ 'तानसेन' के प्रभु रस बस कर लीनें यातें तुम गर्व गहेली ॥२ ॥

Khandita Ke Pad

Part2-348

Suha

Nagari naagar karati bihaar .. kaam nripati senaa anga

नागरि नागर करति बिहार ॥ काम नृपति सेना अंग दोऊ सोभा वार न पार ॥१ ॥ अधर अधर नैंन नेंन मधु जँभात कीयो इक ठोर॥ मानों इंदी बर कमल कुसेसय चारु भँवर रंग ओर ॥२॥ बंदन भाल विन सम दोऊ अरस परस बर नारि ॥ मानों विविध चंद चकोर परस पर कमल अमल रवि धार ॥३ ॥ रति आगम हित अति उपजायो पीय प्यारी मन एक ॥ 'सूरदास' स्वामी स्वामिनि मिलि कोक कला अनेक ॥४॥

Khandita Ke Pad

Part2-348

Suha

Baney hoe rasamse aae. praat.. pyaari nakh pada

बने हो रसमसे आए. प्रात॥ प्यारी नख पद रलावली रस रंजित नवरंग गात॥९१ ॥ मुख रेखा मोहन जुवतिन मन प्रमुदिति पुलकि जँभात॥ “कृष्णदास' प्रभु गिरिधर चंचल जे तरबर के पात ॥२ ॥

Khandita Ke Pad

Part2-348

Suha

Russ lampat bhogi bhanwara ray tohi kahoo naan naan aghaay..

रस लम्पट भोगी भँवरा रे तोहि कहू न न अघाय॥ निस दिन भ्रमित फिरत बन बेली वासर तोहि मुखाय ॥१ ॥ जो कोई मधुप तो अमल कमल मन को सुरताई ॥ जगन्नाथ कवि राय के प्रभु सों मनमथ सौं अरुझाई ॥२ ॥

Khandita Ke Pad

Part2-349

Suha

Jeye baake geh jaason badhayon haye saneh laal.. avadhi

जेए बाके गेह जासों बढयों हे सनेह लाल॥ अवधि बदि इहा, रात रहे तहाँ, एसे भये हो बिहाल ॥१ ॥ नख छत चिन्ह प्रकट दिखियतु है दाग अधर मिस गाल॥ 'रसिक' पीतम पीय जानत हो जिय क्‍यों व दूरत वह चाल ॥२ ॥

Khandita Ke Pad

Part2-349

Suha

Vious teree soney chonch madhaaun... sagun bichaar praan

वायस तेरी सोने चोंच मढाऊं।॥ सगुन बिचार प्रान प्यारे को तब तोहि बहुत रिझाऊं ॥१ ॥ फरकत भुजा नैंन रतनारे किथों गाय सुनाऊं॥ 'मुरारीदास' प्रभु भोर भये सपनो सों भये जाग परे गुन गाऊं॥२॥

Khandita Ke Pad

Part2-349

Suha

Jaiye vaake mahal jahaan soun keaney haye russ keli .. vaahi

जैए वाके महल जहाँ सों कीनी है रस केलि ॥ वाही के तुम क्‍यों न सिधारों आवत भूले मेल ॥१ ॥ सिधिलित बसन अटपटे भूषन केसें दूराबत छेल ॥ पीतांबर कटि सिथिल 'रसिक' पीय जानों उरझी हम बेलि ॥२ ।॥

Khandita Ke Pad

Part2-349

Suha

Rati sangram veer russ maate.. hoe hari suur siromani

रति संग्राम वीर रस माते॥ हो हरि सूर सिरोमनि अज हूं न संभारत तातें ॥१ ॥ आनि ही बरन भये दोऊक लोचन आपुन सहज बनातें॥ मानों भीर भई जोधन की भये क्रोध अति राते ॥२ ॥ परिमल लुब्ध मधुप जहाँ बैठत उडि न सकत तिहिं ठां तें॥ मानों मदन के हे सर फाबे फोक वा राधा तें ॥३ ॥ बेठि जात अलसात उनी दे क्रम क्रम उठत तहाँ ते॥ मानहूं मूरछा कटाच्छ नाट सर कटि न सकत हियरा तें ॥४ ॥ डगमगात घूमत मानों घाइल सोभा सूमर कला तें ॥ 'सूरदास' प्रभु रति रन जीतें अब संकात धोका तें ॥५ ॥

Khandita Ke Pad

Part2-349

Suha

Jeye vaahi thaur jahaan key jaage nandkisore .. saanj

जेए वाही ठौर जहाँ के जागे नंदकिसोर ॥ सांज कहि गए आवेंगे तेरे आए निपट उठि भोर॥१॥ लटपटी पाग अटपटे भूषन ओढे पीत पटोर॥ पीक कपोल अधर मिस काजर अरुन भए दग ॥२ ॥ आधे बचन कहत तुतराते चितवत जाकी ओर ॥ ताहि पें जू सिधारीए प्यारे, 'रसिक' राय सिर मोर ॥ ३ ॥

Khandita Ke Pad

Part2-349

Suha

Jaani mein aaj millie pyaare saan apanon bhamaton hari

जानी में आज मिली प्यारे साँ अपनों भामतों हरि कोनों ॥ सकल रेंनि रति रस भरे पलकु पल न लागन दीनों ॥१ ॥ कंठ लगाई भुज दे सिरहानें रसिक लालकों अधर रस पीयो॥ 'कुंभन दास' प्रभु पीयकों भर भेटिये दीयो हीयो ॥२ ॥।

Khandita Ke Pad

Part2-349

Suha