Biharan biharat shyam dhanee.. nandanandan

बिहरन बिहरत श्याम धनी॥ नंदनंदन वृषभानु-नंदनी रति रस रीति ठनी ॥१ ॥ श्याम सरूप सन्यो प्रिय तन में ज्यों घन तड़ित बनी॥ “कृष्णदास' गिरिधर रस-बस भए गुन गावत रजनी ॥२ ॥

Khandita Ke Pad

Part2-352

Devgandhar

Konki uparani odhe aaye saachi kaho peev

कोनकी उपरनी ओढे आये साची कहो पीव मोसो ॥ लटपटी पाग अटपटे पेचन विन गन न माल हिये अधरन अंजन लाये ॥१ ॥ जानत जो कोनके ये जात हो छीपतन तोहे छिपाये ऐदी चतुराई जीन करो मोहन मोसो कोन त्रिया भरमाये ॥२ ॥

Khandita Ke Pad

Part2-352

Suha

Kamalmukh dekhat kaun aghaay.. sunari sakhee

कमलमुख देखत कौन अघाय॥ सुनरी सखी लोचन अलिमेरे मुदित रहे अरुझाय ॥१ ॥ मुक्तामाल लाल उर ऊपर जन फूली बनराय ॥ धर अंग अंग पर कृष्णदास बलजाय ॥२॥ ८ राग सुहा ए० (४२) नई बात सब नई रीत सब नई देखियत हे पिय प्यारी॥ नई हसन नई नेनन की फरकन नई बिलसत भई अचरा की फरकन न्यारी॥१॥ नई चलन नई मूरत नई गत नई अंग सोहे सारी ॥ रसिक प्रीतम सों नई एक रति उपजी बरनत विमल विहारी ॥२ ॥।

Khandita Ke Pad

Part2-353

Suha

Jhoomak saaree hotan gorein. jagmag raho jaraab

झूमक सारी होतन गोरें। जगमग रहो जराब कोटीको छबि की उठत झकोरें ॥१ ॥ रल्लजटितके तरल तरोना मानों हो जातर बिभोरें ॥ दुलरी कंठ निरख नकबेसर पियदृग भये हैं चकोरें ॥२ ॥ मंदमंद पग धरत धरनी पर हँसत लसत चितचोरें ॥ स्यामदास प्रभु रसवस करलीने चपल नयन की कोरें ॥३ ॥

Khandita Ke Pad

Part2-353

Suha

Kamal mukh dekhat tript naan hoy.. yeh sukh kahaa

कमल मुख देखत तृप्त न होय॥ यह सुख कहा दुहागिन जाने रही निसा भरसोय ॥१ ॥ जों चकोर चाहत उडुराजे चंदवदन रही जोय॥ नेक अकोर देत नहिं राधा चाहत पियहि निचोय ॥२ ॥ उनतो अपनों सर्वस्व दीनों एक प्राण वपुदोय ॥ भजन भेद न्यारो परमानंद जानत विरला कोय ॥३॥।

Khandita Ke Pad

Part2-353

Suha

Mund gajraj kii see chaal.. bhujwar dund soond kii

मंद गजराज की सी चाल॥ भुजवर दंड सूंड की शोभा हरलीनी नंदलाल ॥१ ॥ चलत कचकुंचित अनेक अकुंशसे लटकत भाल॥ चमर चारु अवतंस मंजरी मदकण श्रमजल जाल ॥२॥ धातु विचित्र चित्रतत शोभा गलगल दांवनमाल॥ मोरपच्छ फहरात बातवशजनु ढरकतहें ढाल॥३॥ कुलधर्म ढीहढाहत जेरदन कटाक्ष विशाल || गंध अंध धावत अलीघेरे गुंजत मंजु रसाल ॥४ ॥ घनन घनन घंटिका रुणत कटि उपजत शब्द सुताल॥ खनन खनन कल से नूपुर बाजत लजत मराल ॥५ ॥ इबती । ह॒ठे सरस सरसी मेंजनों खेले बहुकाल ॥ मानों अंग अंग लपटाने उनके मन सिवाल ॥६ ॥ मुरलीरब गुंजार सुनतही कंपतचित ब्रजबाल ॥ रिस रूसनो गदाधर योंहीं बनवेली बेहाल ॥७ ॥

Khandita Ke Pad

Part2-353

Suha

Rookhari madhuban mohan sanga nisdin rahat kharee.

रूखरी मधुबन मोहन संग निसदिन रहत खरी। जबतें परस भयो मोहनको तबतें रहत हरी ॥१ ॥ सीतल जल जमुनाको सींचत प्रफुल्लित द्रमलता सगरी। नंददास प्रभु की सरनाई जीवन्मुक्त भई भरी ॥२॥

Khandita Ke Pad

Part2-354

Goud Sarang

Raadhe soun russ reet badhee .. aadar curry bheti nandanandan

राधे सों रस रीत बढ़ी ॥ आदर करि भेटी नंदनंदन दूने चाव चढी ॥९ ॥ बृन्दावन में क्रोडित दोऊ जैसे कुंजर संग करनी ॥ परमानन्द स्वामी मनमोहन ताको मन हरनी ॥२ ॥

Khandita Ke Pad

Part2-354

Goud Sarang

Yamuna pulin subhag brindaavan naval laal

यमुना पुलिन सुभग बृन्दावन नवल लाल श्रीगोवर्द्धन धारी ॥ नवल निकुंज नवबल कुसुमित दल नवल नवल बृषभान दुलारी ॥ ॥ नवल हास नवल छब क्रौड़न नवल विलास करत सुखकारी॥ नवल श्रीविट्वलनाथ कृपाबल नंददास निरखत बलिहारी ॥२ ॥

Khandita Ke Pad

Part2-354

Goud Sarang

Nenn uneede bhaye rung raate.. maano houn surang suman parr

नेंन उनीदे भए रंग राते॥ मानो हों सुरंग सुमन पर सजनी भौँमर भ्रमत मदमाते ॥९ ॥ प्रेम पराग पांखुरी फल दल प्रफुलित मदन लता तें॥ सुभग सुवास बिसाल बिलोकन प्रकट प्रीति कर ताते ॥२ ॥ तैसे ई मंद मारुत गज भाँवर मुदित खुलत छबि यातें॥ सिंचे 'सूर स्थाम' रस नागर हीत कर केलि कला तें ॥३ ॥

Khandita Ke Pad

Part2-354

Suha

Saanchi preet bhaee ick thhor.. mriganayani kamaldal

सांची प्रीत भई इक ठोर॥ मृगनयनी कमलदल लोचन लाल स्थाम राधा तन गोर ॥१ ॥ इत सर सोहत पाटकी दोरी हरि सिर रुचिर चन्द्रिका मोर ॥ यह रसिकन वे रसिक सिरोमनि यह ग्वालिन वे माखन चोर ॥२ ॥ यह करिनी वे गजबर नायक यह मालनी वे भोगी भोंर॥ परमानन्द नंदनंदन की राधा सी जोरी नहि और ॥३ ॥

Khandita Ke Pad

Part2-354

Goud Sarang

Raadhe tuu atee rangbhari mein jaani millie mohanason anchal

राधे तू अति रंगभरी में जानी मिली मोहनसों अंचल पीक परी ॥ छुटी लट छूटी नकबेसर मोतिन की दूलरी ॥ मैं जानी तें फौज मन्मथ की लूट लई सगरी ॥२॥ अरुन नेन मुख सरस नासिका कुसुम गुहित कबरी ॥ सूरदास प्रभु नगधर के संग सुख समुद्र तरी ॥३ ॥

Khandita Ke Pad

Part2-354

Goud Sarang