Chitavani rokehu naan rahee .. syamasundar sindhusanmukh

चितवनि रोकेहू न रही ॥ स्यामसुंदर सिंधुसन्मुख सरित उमग वही ॥१ ॥ प्रेमसलिल प्रवाहमोही कबन थाहलई॥ लोल लहर कटाक्ष घूँघटपट कगार ढई ॥२॥ थके पलकन धीरनावक परत नाहि गही ॥ मिली सूर समुद्र स्थामहि फिर न उलट वही ॥३ ॥

Khandita Ke Pad

Part2-357

Sorat

Radheju key badan kii shobha.. jaahi dekh mayan

राधेजू के बदन की शोभा॥ जाहि देख मयन थाक्यो कृष्ण मन लोभा॥१॥ सीसफूल सिर माँग सोहे भाल कुंकुमबिंदु ॥ मानों गिरि सुमेरु उपर वस्यो रवि अरु इंदु ॥२ ॥ दियें आड कुरंग मदकी मलय केसर सींच ॥ मानों सुर गुरु उदय कीनो हेमगिरि के बीच ॥३ ॥ तनक तरोना श्रवणसोहे कमकरतल जराय॥ मानों रविकी किरण पसरी रही भूपर छाय ॥४ ॥ चंचल नयन कुरंग मानों सजल जलद जल एन ॥ चिते वांकी चितवनी में उभयमारें मैन ५ ॥ सुभग नासा वेसर सोहे स्वाती सुतराजें॥ निरख मुक्तन यह शोभा असुर गुरु लाजे॥६॥ अधर दर्शन तंबोल राजत सहज विहेसत वाम ॥ मानों दामिनी दसोंदिश की बसत एकही धाम ॥७ ॥ निरख प्रियातन यह शोभा चिबुक सांवल बिंदु॥ मानों छबिकी जालमें पर॒यो अलिसुत फंद॥८ ॥ अंगअंगसों प्रेमबरषत सकल सुखको मूरि॥ राधेजूके चरण की रज गदाधर सिर भूरि ॥९ ॥

Khandita Ke Pad

Part2-357

Sorat

Cutty patpeet vasan sudesh. maanon navghan

कटि पटपीत वसन सुदेश। मानों नवघन दामिनीमें कियो सहज प्रवेश ॥९॥ कनकमणि मेखला राजत सुभग सांवल अंग॥ मानों सरसिज मधुपपंक्ति नार बालक संग॥२ ॥ सुभग मुकुट काछिनी राजत लसत सीससिखंड ॥ सूर अंगअंग निरख शोभा मदन सिरपरयो दंड ॥३ ॥

Khandita Ke Pad

Part2-358

Sorat

Virajat vanmalaju garein bahut bhaant kusuman soun

विराजत वनमालाजू गरें बहुत भांत कुसुमन सों गूँथी गुंजत भ्रमर आरें॥९ ॥ इंद्रधनुष की उपमा राजत ठाड़े कुंजतरे॥ रामदास प्रभु नटवर काछें मुरली अधर धरें ॥२॥

Khandita Ke Pad

Part2-358

Sorat

Nirakhat roop nagari naar.. mukhpar munn atak

निरखत रूप नागरि नार॥ मुखपर मन अटक लटक्यो मानत नाहीं हार॥१॥ स्याम तनकी जलद आभा चंद्रिका झलकाय ॥ बारबार विलोकथकरहे नयनहीं ठहराय॥२॥ स्थाम मरकतमनि महानग सखा नृत्यत मोर ॥ देख धरपर हरख ऊपर नाहि न आनंदथोर ॥३ ॥ कोऊ कहत सुर चाप मानों गगन भयो प्रकाश ॥ थकित त्रजललना जहांतहां हरख कबहुं उदास ॥४॥ निरख जोजिहिं रंग राची तांहि रही भुलाय ॥ सूरप्रभु गुण रास शोभा रसिकजन सुखदाय ॥५ ॥

Khandita Ke Pad

Part2-358

Sorat

Dekhari dekh kundal jhalak || nayan yeh chhabi dharein

देखरी देख कुंडल झलक || नयन यह छबि धरें कैसे लागत नाहीं पलक ॥१॥ ललित चारु कपोल दोऊ बिच जलज लोचनचार ॥| मुख सुधाशर मीन मानों मकर संग बिहार ॥२॥ कुटिल अलक स्वभाव हरिके भुवन पर रही आय॥ मानों मन्मथ फांदी फंदन मीन विविध त्रसाय ॥३ ॥ लता तन चपल कुंडल चपल भृकुटी बंक ॥ सखी व्याकुल देखवे कूं बनत नाहिं निसंक ॥४॥ सूरप्रभु नंदसुबनकी छबि कापें वरणी जाय॥ निरख गोपी निरख बिथकी विधिषै अतिही रिसाय ॥५ ॥

Khandita Ke Pad

Part2-359

Sorat

Dekhari dekh kundal loll.. chaaru shravananrihit

देखरी देख कुंडल लोल॥ चारु श्रवणननृहीत कीनो झलक ललित कपोल ॥१ ॥ बदन मंडल सुधा सुरवर निरख मन भयो बोर॥ मकर क्रीडत गुप्त प्रकटत रूप जल झक झोर ॥२ ॥ नयन मीन भुजंगिनी भ्रू नासिका स्थल बीच॥ सरस मृगमद तिलक शोभा लसतहैं लगी कीच ॥३ ॥ मुख विकास सरोज मानों युवती लोचन भंग ॥ बिथुरी अलकें परी मानों प्रेम लहर तरंग ॥४॥ स्याममुख छबि अमृत पूरण रच्यो काम तडाग॥ सूरप्रभु अंग निरख शोभा द्रजयुबती बडभाग ॥५ ॥

Khandita Ke Pad

Part2-359

Sorat

Dekhari dekh aanan chand.. mudit chitt chakor

देखरी देख आनन चंद॥ मुदित चित्त चकोर प्लावित नयन कुमुदिनी बूंद ॥९ ॥ विपिन नभते प्रकट संध्यासमय दरशन देत॥ मध्य उडुगण सखा संगही गोधन जलद समेत ॥२ ॥ क्रीडत घोष तडाग मनजु मराल सूरजदास ॥ एक रसना कहि सके को रंक विविध बविलास ॥३॥

Khandita Ke Pad

Part2-359

Sorat

Dekhari dekh yeh sundartai.. chapalanayan aroo

देखरी देख यह सुंदरताई॥ चपलनयन अरू नासिका इकटक रहे ठहराई ॥१ ॥ करत विचार परस्पर युवती उपमा अनंत्तबुद्धि अनाई॥ मानों खंजन बीच शुक बैठो यह कहिकें मन जात लजाई ॥२॥ कछु एक तिल प्रसून की आभा मनमधुकर जहां रहो लुभाय ॥ सूरस्यथाम नासिका मनोहर कापें वरणी नजाय ॥३ ॥

Khandita Ke Pad

Part2-360

Sorat

Dekhari dekh shobharasi .. kaam putt tarr kahaa deeje

देखरी देख शोभारासी ॥ काम पट तर कहा दीजे रमा जिनकी दासी ॥१ ॥ मुकुटसीस सिखंड सोहे निरख रही ब्रजनार ॥ कोटि सूरज चंद्र आभा निरख डारों वार ॥२ ॥ केश कुंचित विथुरी भ्रूपर बीच शोभित भाल ॥ मानों चंद्र अबही लजानों राहु घेरयो जाल ॥३॥ चारु कुंडल सुभग श्रवणन को सके उपमाय॥ कोटि कला सूर छबि देखत रहो मन भरमाय ॥४ ॥ सुभग मुखपर चारु लोचन नासिका यह भांत॥ मीन खंजन बीच शुक्र मिल बैठे एकही पांत ॥५ ॥ सुभग नासातर अधर छबि रसभरे अरुणाय ॥ मानों निहार शुक छुवत नहिं भ्रूघनुष देख डराय ॥६ ॥ हँसन दशन चमक ताई त्रजकण रची पांत ॥ दामिनी दाडिम नहीं सम कियो अति मन भ्रांत ॥७ ॥ चिबुक पर चित लियो चुराये नवल नंदकिशोर॥ सूरप्रभुकी निरख शोभा तन्नजतरुणी भई बोर ॥८ ॥

Khandita Ke Pad

Part2-360

Sorat

Dekhari dekh mohan chitchor. nayan kataksh

देखरी देख मोहन चितचोर। नयन कटाक्ष विलोकन मधुरी भंग भूकुटी चितमोर ॥१ ॥ चंदन खोर ललाट स्यामके निरखत अतिसुखदाई ॥ मानों अधरचंद पर अहिनी सुधा चुरावन आईं ॥२॥ मलयज भाल भृकुटीरेखा क्‍यों कर उपमा कल्पाय॥ मानों इक संग गंगा यमुना नभ तिरछी धार वहाय ॥३ ॥ भूकुटी चारु निरख ब्रजसुंदगी यह मन करत विचार ॥ सूरदास प्रभु शोभा सागर पावत कोड नपार ॥४ ॥

Khandita Ke Pad

Part2-360

Sorat

Dekhari dekh roop nidhan .. sthaamghan tunn peet umber

देखरी देख रूप निधान ॥ स्थामघन तन पीत अंबर लसत तडित समान ॥१ ॥ नीलकुँतल तिलक मृगमद भृकुटी बियसरस कमान॥ सीस सिखर सिखंड भ्राजत मुरनलिका कल गान॥२ ॥ नयन कमल विशाल चंचल चितवनी सुखसार॥ सुधा वरषत चित आकर्षत निरख विथकित मार॥३॥ ललित लोल कपोल कुंडल मानो नृत्यत काम ॥ नासिका बेसर विराजत देख प्रमुदित वाम ।४॥ अरुणबिंबही अधर मानों दशन कुंदकली॥ हँसत क्रीडत छेल गिरिधर नंदगाम गली ॥५ ॥ चिबुक सुंदर शोभा अति तन कंबु कंठ सुदेश ॥ कोटि रवि शशि मणिप्रकाशित महामोहन वेश॥६॥ चंद्रमणि हाटक खचित उरपदक पांति अनूप ॥ बडे भाग्यन दृष्टि गोचर कृष्ण ब्रजके भूप ॥७ ॥ विपुलबाहु सुकमल फेरत हेरत राधा ओर | बलबल यह रूपकी सुखर्सिधु रासकिशोर ॥८ ॥ बहु तापनाशन उदर त्रिवली नाभि सब जगमूल॥ बैजयंतीमालके बिच पारिजातक फूल॥९॥ लालकछिनी ललित किंकिणी सुभग कटितट चारू॥ बनकी श्रातु विचित्र चित्रित अंगअंग शुंगार ॥१० ॥ मानों कदलीखंभ जंघा पर रूप रसाल॥ सुभग चरण सरोज मंगल मत्त गयंद की चाल ॥११ ॥ ध्वजा अंबुज वच्र अंकुश स्थाम चिन्ह मुरार॥ चित्र मानों बहुविचित्रित निरख थकित विसार ॥१२॥ सकल भूषण भूषणा व्रजनाथ गोकुल राय ॥ पलक ओट न सहि सकें मेरे नयन रहे हैं लुभाय ॥१३ ॥ जब न देखों मदन मूरति नयन वरसत तोय ॥ हिलगमनकी सोई जाने जाय बीती होय ॥१४ ॥ प्रमदावर घोष बांध्यो मनुज खग मृग गाय।॥ कृष्ण दर्शन डोरी लागी आन कछू न सुहाय ॥१५ ॥ नंदनंदन जगतबंदन दीनबंधु दयाल॥ सूरदास ही भक्ति दीजे रूपरास गोपाल ॥१६॥

Khandita Ke Pad

Part2-360

Sorat