Yeh chhabi dekhari uthh dhaay tarasati jaa darashkaran

यह छबि देखरी उठ धाय तरसती जा दरशकारन पैर निकस्यो आय ॥१॥ जटित मणिमय क्रीटनग छबि निकर जगमग जोत॥ मानों घनते शरदशशि सतलिये नक्षत्र उद्योत ॥२ ॥ चारु तिलक सुभाल केशर बन्यो बिंदुगुलाल ॥ मानों शाबक हेम द्रुम पर लसत हैं मुनि लाल ॥३ ॥ कनककुंडल किरण मानों परत बिंब कपोल॥ मानों अमल अगाध जल निधि मकर करत कलोल ॥४ ॥ छूट चहुंदिश चिकुर चखपर बांसुरी सुरथोर॥ मानों अही मृग निकस ठाडे सुनतहै घनघोर ॥५॥ अरुण अधरन दमक दशनन सुभग पांत विशाल॥ दाडिम उडुपति कला बच्रकण गुप्त करत प्रवाल ॥६ ॥ कंठ कोमल कोकिला स्वर शिखि कौर कपोत ॥ मानों नाना कुसुम पर विधु धरें बिद्यय जोत ॥७ ॥ बाहुवारिज युगल इहि विधिमुदित हैं इहि ओर ॥ मानों बक्रित भान शशि दोऊ रहे हें मुखमोर ॥८ ॥ उर उरोज सजे संपुट कुंदकली शरीर ॥ मानों दध्िसुत मिली सुरसरी बोले चकवा तीर ॥९ ॥ ओर बूंदा हार राजत रोम नाभि गंभीर॥ मानों संगम त्रिविध मिलकें परत जलनिधि नीर ॥१० ॥ स्याम अंग सुरंग रंजित पीतपट फरहाय॥ मानों कंचनबरण बादर रहे तहाँ लुभाव ॥११॥ किंकिणी कटिक्कणित केहरि जटित लाल प्रबाल॥ मानों मिल खद्योत सेना रही लपटत माल॥१२॥ अतिहि चित्रविचित्र सोहें काछनी कलधार॥ मानों रंभापर लता फेली फूल रही फुलबार ॥१३ ॥ चरणनूपुर बजत रुनझुन गर्जन करत झनकार ॥ मानों निशाकर अबनी कूंजत कुंजकुंज विहार ॥९४ ॥ सूर रसना विना निरखें कहा कहे अनूप ॥ मूक होयके छबि निहारों वरणूं कहा स्वरूप ॥१५ ॥

Khandita Ke Pad

Part2-361

Sorat

Raadhe roop adbhut reet.. sahajje pratikool tuv tunn

राधे रूप अदभुत रीत॥ सहजजे प्रतिकूल तुव तन रहे छाँड अनीत॥१॥ कचन रचना राहुके ढिंग मुदित बदन मयंक ।॥। तिलक बाण कमान भ्रू छबि नयन हरिण निशंक ॥।२ ॥ रत्न यतनन जटित युगताटंक रबि छबि छाज ॥ तदपि दूनी जोत मोतिन मंडली उडराज ॥३ ॥ नीलपट तन जोति तमसम अंगसंग रसाल॥ कोकयुगल परसत माहिं भुजा मृणाल ॥४ ॥ अधर मथुर सुपक्क बिंब सुभग दशन अनार॥ धीर धर रही कीर नासा करत नहीं संचार ॥५ ॥ निकट कटिके हरि पेंगज गति न मेटी जाय ॥ प्रकट युग तहां जंघ कदली सुभग रुचि हुलसाय ॥६ ॥ गदाधर बल तोहि बूझत लगतहे जिय त्रास ॥ एति संपति सहित क्यों पिय पूतरिनमें वास ॥७ ॥

Khandita Ke Pad

Part2-362

Sorat

Mohan badanaki shobha .. jaahi nirakhat uthat munn

मोहन बदनकी शोभा ॥ जाहि निरखत उठत मन आनंद की गोभा ॥१ ॥ भ्रोंह सोहन कहा कहूं छबि भाल कुंकुम बिंदु ॥ स्थामबादर रेख पर मानों अबही उदयो इंदु॥२॥ नयन धीर अधीर कछुकछु असित सित राते ॥ प्रिया आनन चंद्रिका रसपान मदमाते ॥३ ॥ ललित लोल कपोल कुंडल मानों मकराकार॥ युगल शशी सौदामिनी मानों नचत नट चटसार ॥४ ॥ विमल सजल सुढार मुक्तानासिका दीनों ॥ ऊँचे आसन असुर गुरु मानों उदय सो कीनों ॥५ ॥ बंसका कलहंसका मुखकमल रस राचो॥ पत्रन परसत अलक सन ल कलह सीमाची ॥६ ॥ रहो मन ललचाय छबि पर टरत नहीं ॥ अमित अदभुत माधुरी पर गदाधर बारयो ॥७ ॥

Khandita Ke Pad

Part2-362

Sorat

Nayanan dhyaan nandkumar.. sees mukut sikhand

नयनन ध्यान नंदकुमार॥ सीस मुकुट सिखंड राजत नाहिन उपमापार ॥१॥ कुटिल केश सुदेश भ्राजत मानों मधुकर जाल ॥ रुचिर केशर तिलक दीनो परम शोभा भाल॥२॥ भृकुटी बंक सुचारु लोचन रही युवती देख ॥ मानों खंजन चांप डरतें उडत नाहिं निमेख ॥३ ॥ मकर कुंडल गंड झलकत निरख लज्जित काम ॥ नासिका छबि कीर लज्जित कविनवरणित नाम ॥४॥ अधर दशन दाडिम चिबुकहै चितचोर ॥ सूरप्रभु मुखचंद पूरणनारी नयन ॥५ ॥

Khandita Ke Pad

Part2-363

Sorat

Tunn munn dhana daarun baar .. sthaam shobha sindhu maanon

तन मन धन डारूं बार ॥ स्थाम शोभा सिंधु मानों अंगअंग निहार ॥१ ॥ पच रही मन ध्यान करकर लहत नाहिन तीर॥ स्थामतन जलराशि पूरण महागुण गंभीर ॥२ ॥ पीतपट फहरात मानों लहर उठत अपार ॥ निरख छबि तकतरण पैठी कहूं वार नपार ॥३ ॥ चलत अंग त्रिभंग करके भ्रोंह भाव चलाय ॥ मानों बिचबिच भ्रमर डोलत चितये चित भरमाय ॥४ ॥ श्रवण कुंडल मकर मानों नवनमीन विशाल॥ सलिल झलकत रूप आभा देखरी नंदलाल ॥५ ॥ बाहुदंड भुजंग मानो जलधि मध्य विहार ॥ मुक्तमाल मानों सुरसरी वहि चली द्यधार ॥६ ॥ अंगअंग भूषण विराजत कनक मुकुट वबिलास॥ उदधिमथन प्रकटकीनो श्री अरु सुधा प्रकास ॥७ ॥ चक्रत भई त्रिय निरख शोभा देह गति विसराय ॥ सूरप्रभु छबि रासि सागरजान्यो न कापें जाय ॥८ ॥

Khandita Ke Pad

Part2-363

Sorat

Nayanan nirakh hariko roop .. manahin witch suvichar

नयनन निरख हरिको रूप ॥ मनहिं विच सुविचार देख्यो अंगअंग अनूप ॥१ ॥ कुटिल केश सुदेश अलिगण वदन शरद सरोज ॥ मकर कुंडल किरणकी छबि दुरत फिरत मनोज ॥२॥ अरुण अधर कपोल नासा सुभग ईषद हास ॥ दशनकी द्युति कहि न आबे भृकुटी मदन विलास ॥३ ॥ अंगअंग अनंग जीते रुचिर उर वनमाल ॥ सूर शोभा हृदय पूरण देत श्रीगोपाल ॥४ ॥

Khandita Ke Pad

Part2-363

Sorat

Iktak rahee naari nihaar.. kunjaban sristham

इकटक रही नारि निहार॥ कुंजबन श्रीस्थाम स्यामा बैठे करत विहार॥१॥ नयनसेन कटाक्षसों मिलकरत रंगबिलास॥ नाहिन शोभा पारपावत वचन मुख सृद॒हास ॥२ ॥ तरुण श्रीवृषभान तनया तरुण नंदकुमार॥ सूरसो क्‍यों वरन आवे रूपरस सुखसार ॥३ ॥

Khandita Ke Pad

Part2-364

Sorat

Taruni nirakh hari prati anga.. kouu manirakh nabh

तरुणि निरख हरि प्रति अंग॥ कोऊ मनिरख नभ इंदु भूली कोऊ चरणयुग रंग॥१ ॥ कोऊ निरख नूपुर रही थक कोऊ निरख युगजान॥ कोऊ निरख युगजंघ हरिके करे मन अनुमान ॥२॥ कोऊ निरख पटपीत काछनी मेखला रुचिकार ॥ कोऊ निरख छबि हृदय नभकी डारत तन मन वार॥३॥ चारु रोमावली हरिकी चारू उदर सुदेश ॥ मानों अलिश्रेणी विराजत बने एकही वेश ॥४ ॥ रही इकटक नारि ठाढी करत बुद्धि विचार॥ सूर आगम कियो नभते यमुना सूक्षमधार ॥५ ॥

Khandita Ke Pad

Part2-364

Sorat

Mukhpar chand daaron vaar.. kutil kachpar bhramar

मुखपर चंद डारों वार॥ कुटिल कचपर भ्रमर वारो भ्रोंह पर धनुवार ॥१ ॥ भाल केसर तिलक छबि पर मदन शतशत बार॥ मानों वहि चली सुधा धारा निरख मन धोंवार ॥२ ॥ नयन खंजन भृंगवारों कमलके कुलवार॥ मानों सरस्वती गंगा यमुना उपमा डारों बार॥३ ॥ निरख कुंडल तरणि वारों कूप श्रवणन वार ॥ झलक ललित कपोल छबि पर मुकुर शतशत वार ॥४ ॥ नासिका पर कीर वारूं अधर विद्युम बार ॥ दशनपर कण बच्र वारों बीज दाडिम वार ॥५ ॥ चिबुक पर चित वित्त वारों प्राण वारों डार ॥ सूर प्रभु की निरख शोभा को सके जो निहार ॥६ ॥

Khandita Ke Pad

Part2-364

Sorat

Sthaam kamalpad nakhaki shobha.. jey nakhabchandra indra

स्थाम कमलपद नखकी शोभा॥ जे नखबचंद्र इंद्र सिर परसे शिव विरंचि मन लोभा॥१९ ॥ जे नखचंद्र सनकमुनि ध्यावत नहिं पावत भरमाई॥ ते नखचंद्र प्रकट ब्रजयुवती निरख निरख हरखाई ॥२॥ जे नखचंद्र फणींद्र हदयते एक निमिष नहिं टारे॥ ते नखचंद्र महामुनि नारद पलक न कबहु बिसारे ॥३॥ जे नखचंद्र भजन दुःख नासत रमा हृदयते परसत ॥ सूरस्याम नखचंद्र विमल छबि गोपी जन मिल दरशत ॥४॥।

Khandita Ke Pad

Part2-365

Sorat

Vrajayuvati haricharan manaave.. jey padakamal

ब्रजयुवती हरिचरण मनावे॥ जे पदकमल महामुनि दुर्लभ वे सपनेहू नपावे ॥१ ॥ तनु त्रिभंग युगजानु एकपग ठाढे एक दरसाय॥ अंकुश कलश वज्र ध्वजा प्रकटत तरुणी मनहि भ्रमाय ॥२ ॥ यह छबि देख रही एकटक हियेमें करत विचार ॥ सूरदास मन चरण कमल पर सुखसों करत विहार ॥३ ॥

Khandita Ke Pad

Part2-365

Sorat

Sthaam paharen jalsutmal atee anoopam chhabi

स्थाम पहरें जलसुतमाल अति अनूपम छबि छाजेंरी ॥ मानों कला कपोत नवघन पर यह उपमा कछ भ्राजेंरी ॥१ ॥ पीत हरित सित अरुणमाल वन विराजत हृदय विशाल हरी ॥ मानों इंद्रधनुष नभमंडल प्रकट भयो तिहिं कालरी ॥२ ॥ भृगुपद चिन्हे उरस्थल पर कंठ कौस्तुभमणि ढिंग दरसतरी॥ बैठो मानों खटपद विधु एक अरुघनसों मिल हरखतरी ॥३ ॥ भुजाविशाल स्यामसुंदर की चंदनखोर चढायेंरी ॥ सूर सुभग अंगकी शोभा ब्रजललना ललचारयेंरी ॥४ ॥

Khandita Ke Pad

Part2-365

Sorat