Saanware anga sukhaki khaan.. jagamage tunn joti

सांवरे अंग सुखकी खान॥ जगमगे तन जोति दूनी रूपरसिक निधान॥१॥ भृूकुटी अलकें सोहनी मुख कमलपर रहीफैल ।| मधुप मधुमकरंद पीवत रहे सुख झेल ॥२॥ भश्रोंह बांकी धनुषकी छबि भालरेखा बान॥ निरख मोहें कामिनी हरें मानिनी को मान ॥३ ॥ नयन लोल विशाल सुंदर अधिक रसराते ॥ प्रिया प्रेम विलोक आनन नेह रसमाते ॥४॥ कुंडल कपोल विशाल सुंदर परतहे झांई॥ स्वच्छ सरोवर प्रवाह झलके सूरकीनाई ॥५ ॥ चिबुक चित्त चुरावही छबि माधुरी मुसकान ॥ छके मुखरस देख तेसी अंगकी अलसान॥६ ॥ नरम ग्रीवा लसत सुंदर पीतपट सोहे॥ मिटत मान जु मदनको यह रूपरस कोहे ॥७ ॥ ध्यानधर जिय एही निशदिन सांवरे सुखसार॥ सूर शोभा हृदय पूरण देत नंदकुमार ॥८ ॥

Khandita Ke Pad

Part2-365

Sorat

Dekhari harike chanchal taare.. kamal meenaki kahaa

देखरी हरिके चंचल तारे॥ कमल मीनकी कहा इति छबि खंजनह नजात है नजात अनुहारे ॥१ ॥ वे देख निरखनमित मुरलीपर कर मुख नयन एक ॥ मानों सरोज विधु बैरी वंचीकर करतनाद वाहन चुचकारे ॥२ ॥ उपमा एक अनूपम उपजत कुंचित अलक मनोहर भारे॥ विडरत विज्ुक जात रथते मृगजनु सशंक शशिलंगर सारे ॥३ ॥ हरि प्रति अंग विलोक मान रुचि द्जबनितान प्राण धनवारे ॥ सूरस्यथाम मुखनिरख मग्न यह विचार चित अनत न डारे ॥४ ॥

Khandita Ke Pad

Part2-366

Sorat

Dekhari nabal nandkishore .. lakutso tusso laptaay thaade

देखरी नबल नंदकिशोर ॥ लकुटसो टसो लपटाय ठाडे दी मनचोर ॥१ ॥ चारुलोचन हंस विलोकन चितभोर ॥ मोहन लगाबत लटक मुकुट झकोर ॥२ ॥ श्रवण ध्वनि सुननाद मोहत करत हृदयमें ठोर॥ सूरअंग त्रिभंग सुंदर छबि निरख तृणतोर ॥३ ॥

Khandita Ke Pad

Part2-366

Sorat

Hari tunn mohani maaee angang anang satsat varani

हरि तन मोहनी माई अंगअंग अनंग सतसत वरनी नहीं जाई ॥१ ॥ कोऊ निरख विथुरी अलक मुख अधिक सुखपाई ॥ कोऊ निरख रही भाल चंदन एक चितलाई ॥२ ॥ कोऊ निरख रही चारु लोचन निमिष भरमाई ॥ सूरप्रभुकी निरख शोभा कहत नहीं जाई ॥३ ॥

Khandita Ke Pad

Part2-366

Sorat

Dekhari dekh anand kanda.. chitt chaatak prem ghana

देखरी देख आनंद कंद॥ चित्त चातक प्रेम घन लोचन चकोर सुछंद॥१॥ चलत कुंडल गंडमंडित झलक ललित कपोल॥ सुधारसजनु मकर क्रीडत इन्दुदंड हिंडोल॥२॥ सुभग कर आनन समीप हरि मुरलिका यह भाय॥ मानों उभय अंभोज भाजन लेत सुधा भराय ॥३ ॥ स्यथाम देह दुकूल छ्युति छबि लसत तुलसीमाल ॥ तडित घनसंयोग मानों सेनकाशुकजाल ॥४ ॥ अलक अविरल चारुहास विलास भरुकुटी भंग॥ सूर हरिकी निरख शोभा भई मनसापंग ॥५ ॥

Khandita Ke Pad

Part2-366

Sorat

Paave kaun likhe winn bhaal.. kaahukon ghata russ

पावे कौन लिखे विन भाल॥ काहूकों घट रस नहीं भावत कोऊ भोजन कों फिरत बिहाल॥९ ॥ तुम देख्यो हरिअंग माधुरी मैं नहीं देख कौन गोपाल॥ जैसे रंक तनक धन पावे ताहीमें बह होत बिहाल ॥२ ॥ तुम्हें मोहि इतनो अंतरहै धन्य धन्य त्रजकी तुम बाल ॥। सूरदास प्रभु की तुम संगन तुमही मिले यह दरश गोपाल ॥३ ॥

Khandita Ke Pad

Part2-367

Sorat

Sakhee kesenk kaho harike rupco rasahi .. apanehi

सखी केसेंक कहो हरीके रूपको रसही ॥ अपनेही तनमें भेद बहुत विध रसना न जानत नयनकी दशही ॥१ ॥ जिन देखेते आहि वचन बिन जिन ही वचन दरशनन तरसरही ।| बिनबानी अति उगम प्रेमणजल सुमरसुमर यह रूप यशही ॥२॥ यह समझ पछतात मनहीं मन कहा करों मोहि विध नहिं नशहीं॥ सूर सकल अंगनकी यह गति कहा रच्यो बिध पक्ष द्वय रसहीं ॥३ ॥

Khandita Ke Pad

Part2-367

Sorat

Anga anang naan rangarasyo .. nandgrihate nandsut vrishbhan

अंग अनंग न रंगरस्यो ॥ नंदगृहते नंदसुत वृषभान भुवन वस्यो ॥१॥ थेनुके संग मिषहीं मिषकर विपिन पंथ धस्यो॥ निरखके सब ग्वाल सेन नयन फेर हँस्‍यो ॥२ ॥ बहुर क्यों छूटत तहांतें बाहुबंध कस्यो ॥ नेक राधा बदन चितयो हुलस इत विलस्थो ॥३ ॥ सांझ सब एकत्र है के घोष पथ परस्यो॥ सूर ऐसे दरश कारण मन रहत तरस्यो ॥४ ॥

Khandita Ke Pad

Part2-367

Sorat

Dekh sakhee hariko mukh chaaru .. maanon chhudaay leo

देख सखी हरिको मुख चारु ॥ मानों छुडाय लियो नंदनंदन वा शशिकों सतसार॥ रूप तिलक कच कुटिल किरण छबि कुंडल कला विस्तार॥ पत्रावली पर वेशसुमन शशि मिल्यो मानों उद्दुदार ॥२ ॥ नयन चकोर विहंग सूर सुन पिय तन पावत पार॥ अब अंबरसो लगत है ऐसे जैसे जूठोथार ॥३ ॥

Khandita Ke Pad

Part2-367

Sorat

Lahekan lagiri basant bahaar maano banwari lagyo bahakn ||

लहेकन लागीरी बसंत बहार मानो बनवारी लाग्यो बहक॑न || ना जानो जब कहा करेंगे लागे है पलास द्रुम डहकन ॥१॥ मदनभर केकीडूक काढत बरणवरण द्वुम पुष्पलानमे महेकन ॥ आनंद घन तुम कित हो बिस्म रहे इत कोकिला लागे कुह्ुकन ॥२॥

Vasant Bahar

Part3-001

Malkoos

Chala bunn dekh sayani yamuna tata thaado chhel gumani ..

चल बन देख सयानी यमुना तट ठाडो छेल गुमानी ॥ फूले कर्दंब नाहर पलास द्रुम त्रिविध पवन सुखसानी ॥१॥ बहरंग कुसुम पराग बहक रघह्यो अलि लपटे गुंजत मृदबानी ॥ कीर कपोतत कोकिला ध्वनि सुन ऋतु वसंत लहेकानी ॥|२॥ सुन सखी बचन मिल उठी पिय सों नवनिकुंज की रानी ॥ बीनन चले दोऊ कुसुम कलियन ब्रज कुंजन ऋतुमानी ॥३॥

Vasant Bahar

Part3-001

Malkoos

Lahekan laagi basantbahar sakhi tyon tyon banwari lagyo bahekan ..

लहेकन लागी बसंतबहार सखि त्यों त्यों बनवारी लाग्यो बहेकन ॥ फूले पलास नखनाहार केसे तेसें कानन लाग्यो महेकन ॥१॥ कोकिल मोर शुक सार सहंस खंजन मीन भ्रमर अखियाँ देख अति ललकन ॥ नंददास प्रभु प्यारी अगवानी गिरिधर पियकों देखत भयो श्रमकन ॥२॥

Vasant Bahar

Part3-001

Malkoos